ARIEL SOTELO TABÁG

Silulukaten ti Maika-13 nga Abuan-Valdez Awards for Iluko Literature (AVAIL), kas impakaammo ni Baldovino Baldwin M. Valdez ti AVAIL Secretariat. Dagiti pagannurotan: 1.Silulukat ti salip kadagiti amin a mannaniw ken mannalaysay iti Iluko, ditoy Filipinas ken iti ballasiw-taaw, malaksid kadagiti nangabaken iti Umuna a Gunggona iti pasalip ti AVAIL. 2. Maipapan iti kultura ti tema iti daniw; iti met urnos ken kappia ti tema iti salaysay. 3. Agatiddog ti daniw iti di ab-ababa ngem 20 a linia ngem di nasursurok ngem 28 a linia. Agatiddog met ti salaysay iti saan a nakurkurang ngem 2,000 a balikas ken di nasursurok ngem 3,000. 4. Maysa laeng ti mabalin nga isalip ti mannurat iti kategoria ti daniw ken kasta met iti salaysay. Ken masapul nga orihinal ken di pay naipablaak dagita a sinurat iti uray ania a magasin wenno pagiwarnak’ 5. Saan nga agparang ti nagan ti autor iti sinurat ngem ketdi mapakuyogan ti entry-na iti narikpan a sobre a naglaon iti biodata ken ladawanna a 2” x 2” a mangipak

Pinasingkedan ni Atty. Ferdinand T. Rafanan dagiti naimbag a kababalin dagiti Ilokano a padana a taga-Amianan. "Addaan ti kinatured ken kinagaget ni Ilokano," kinuna ni Rafanan, Director IV ti Law Dept. ti Commission on Elections, iti pammaregta a bitlana kas kangrunaan a sangaili iti maika-44 nga anibersario ti GUMIL Metro Manila. “Maibturna ti agtakder, uray agmaymaysa, no ammona nga adda kenkuana ti kinapudno ken prinsipio," innayonna iti pasken ti GMM idi Disiembre 12 iti Tea House, Ninoy Aquino Parks and Wildlife Center iti Quezon City. Bininsabinsa ni Rafanan dagiti naimbag a galad ni Ilokano ken ni Ilokano a mannurat bayat panangtratarna iti tema ti anibersario: “Panangipateg iti Kina-Ilokano”. Nadakamatna pay ti kunkuna dagiti dadduma a "kuripot" kano ni Ilokano, ngem sinalaknibanna dayta nga ugali a "nasaysayaaat dayta ngem 'tay gastador". "Itultuloyyo ti kinamannuratyo," impaganetgetna kadagiti kameng ti GMM, maysa kadagiti ka

Silulukaten ti Salip iti Sarita ti Maika-13 nga AMMA Foundation Literary Awards. Imatonan daytoy da Alfredo & Cherry Quibol, Francisco & Aurora Ponce, Amado & Gloria Yoro, Mike Ulibas, ken Mario Orbito, kas iti sigud nga agpaay ti pasalip kadagiti agdadamo a mannurat iti Iluko a “kas pangaron iti reggetda a mangpatadem pay iti plumada.” Agdagup met iti P25,500.00 ti premio a pagbibingayan dagiti mangabak. Adtoy ti kompleto a pagannurotan: 1. Naluktan ti salip idi Disiembre 1, 2010 ket aggibus daytoy iti Pebrero 28, 2011. 2. Agpaay laeng ti salip kadagiti agdadamo a mannurat iti Iluko. Itoy a pasalip, maibilang nga agdadamo ti mannurat no awan pay ti naipablaak a saritana iti BANNAWAG. No adda man, di koma nasursurok ngem tallo ti naipablaakna agingga iti Nobiembre 29, 2010 a bilang ti nasao a magasin. 3. Siwawayawaya ti autor a mangpili iti topiko ti isalipna a sarita. 4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti

TI daniw, kas iti kaaduan a porma ti arte, ket naisangrat para iti maysa nga agdengdengngeg wenno audience. Ti daniw ti naisangsangayan a wagas— babaen ti balikas— a pangsukog iti rikna ken pammati ti mannaniw ket maisawang tapno maidanonna dayta a karirikna ken pammati iti nakaisangratanna, uray pay iti bukodna a bagi mismo. Iti biang dagiti Ilokano, kaaduan a porma ti daniw ti nasangal iti wagas nga epektibo a maidanon ti mannaniw ti mensahena kadagiti padana nga Ilokano. Naipasngay ti dallot tapno naisangsangayan ti wagas a maestoria dagiti nadumaduma nga epiko a kas iti Lam-ang, agingga a nausar daytoy a wagas iti panangdanon iti nobia. Nabukel met ti dung-aw tapno naidumduma a maibalikas ti agdung-aw dagiti im-impenna a rikna iti natay mismo, wenno kadagiti kakabagianna, wenno kadagiti nabayagen a pimmusay. Adda met ti daniw a pangorona a pangdayaw iti kinasadia ti reyna. Ket tapno addaan iti arte ti panagsinnungbat ti dua a mannaniw iti maysa a topiko, naipasngay ti Bukanegan. Na

AKUEK nga idi damok ti makisalip iti Palanca Memorial Awards for Literature wenno am-ammo ti dadduma a Palanca, awan ti agay-ay-ayam iti panunotko no ania ti maangay iti awarding. Basta kayatko laeng idi ti mayabay iti nagan dagiti id-idoluek a mannurat. Ngem kalpasan a napadasak ti dimmar-ay iti awarding idi 2003 gapu iti panagsegundak ken ni Apo Reynaldo A. Duque— iti dayta a tawen nga inyalatna ti Hall of Fame— inkarik iti bagik a mangabakakto manen. Agasem ta agarup makitam amin sadiay dagiti agkakalaing kada agkakalatak a mannurat a Filipino. Ken agarup maramanam amin sadiay dagiti agkakaimas a potahe. Ken agarup adda amin sadiay a kita ti mainum— soft drinks ken nasanger. Ti adatna, nagsasaruno nga awan ti nagam-udak kadagiti simmarsaruno a tawen— 2004 agingga iti 2007. Kasla met la inlunoddakon dagiti arak ken luto nga ar-araaran ken tinawen a pagpappapasan da Miks ken Manong Johnny. (Diak latta ibagbaga ti apeliedo ken pudno a nagandan tapno maprotektaran ti dayawda. Pagsidsid

NAGKUY-OS ti riknana idi nagpanti ti babai bayat ti panangkunkunikon ti bagi daytoy a nangkumpas iti “Careless Whisper” idinto a nakapungpungay dagiti matana. Nagpalagapag sa nagpaswit dagiti agbuybuya. “Isuot a dagus ti bra!” Adda nangipukkaw. “Bra! Bra! Bra!” Riaw met ti sabali. “Isuot na! Isuot na!” Riaw ti sabali pay. “Suktanyo ngamin ti kanta! Tiempo pay ni Grandma Katrina!” Nagpapaggaak dagiti agbuya. Naipatangatang ti nasaranta a tugtog. Ad-addan ti riaw dagiti agbuybuya idi imbarawid ti babai iti barukongna ti bra a ginuyodna iti pagisalapayan iti likudanna a nakaisalapayan ti leggings, nighties, spaghetti, palda, bestida, gown… Ket bayat ti in-inut a panangisuotna dagiti nadakamat nga aruaten kas panagsasaganadda, pumigpigsa met ti palagapag, paswit ken riaw dagiti agbuya. Ad-adda la ngaruden idi nakasuoten iti gown ti babai. Awanen ti arindenggan. Ken nakatakder aminen a masanguanan dagiti agbuybuya. Uray isuna. Timmakder idi dinan madaeran ti riknana. Nagpalabes iti kasilia.

Basi, ti opisial nga inumen ti "Daniw ken Basi". Dayta adda iti ladawan, genuine a partuat ti maysa a patneng nga Ilokano, Dr. Abercio V. Rotor wenno Manong Abe-- propesor, pintor, musikero, mannaniw, ekolohista, agrikultor, potograpo, mannalon. No makalidlidokenkayo, iturong ti orderyo iti ariel.tabag@gmail.com.

Dagiti pagannurotan: 1. Esponsoran daytoy dagiti managayat nga Ilokano a mangitantandudo iti Literatura Ilokana. Silulukat kadagiti amin a mannurat nga Ilokano iti intero a lubong, malaksid iti agdama a Presidente ti GUMIL Filipinas ken dagiti kameng ti Editorial Committee ti GF nga agpaay a Secretariat. 2. Panagsurat iti Ababa Sarita a Para Ubbing ti salip. Agpaay dagitoy a sarita a para kadagiti ubbing nga agtawen iti 6-9. Maysa laeng a sarita ti mabalin nga isalip ti tunggal mannurat ket agatiddog daytoy iti 4-6 a panid, naimakinilia wenno naikompiuter iti doble espasio iti 8 1/2 x 11 a papel a coupon bond. 3. Ti parbo a nagan ti maikabil iti manuskrito a pakisalip. No ipatulod babaen ti email: dua nga MS Word document files ti idatag. Umuna, ti sarita a pakisalip. Maikadua, ti parbo ken pudno a nagan ti autor, pakasaritaan ti biag ti autor. No ipatulod babaen ti koreo: uppat a kopia ti isumite ken pakuyogan ti entry iti narikpan a sobre a nakailanadan ti paulo ti sarita, parbo ken

Sangailien ti Banna National High School iti Banna, Ilocos Norte, iti panangidaulo ni Joel B. Manuel, prinsipal ti nasao a pagadalan, ti “Daniw ken Basi”, serye ti panagbasa kadagiti daniw iti Iluko, iti rabii ti Nobiembre 27, 2010. Malaksid nga agibasa iti daniw dagiti mannaniw nga Ilokano a pakaibilangan ti Tres Tarappait, manamnama a parungbuen ti pasken ti panagpabuya met dagiti estudiante ken nataengan iti nasao nga ili. Nairusat itay Nobiembre 9, 2010 iti Conspiracy Garden Café iti Visayas Avenue, Quezon City, panggep ti “Daniw ken Basi” nga itandudo ti Literatura Ilokana nangruna iti daniw ken ti pannakaibasa daytoy malaksid pay a maiparang dagiti nadumaduma a porma ti daniw Iluko a kas iti dallot, pangorona a daniw, bukanegan, duata, danirak, daniw para ubbing, daniw iti parparaangan ken dadduma pay. Panggep pay ti nasao a tignay nga itandudo dagiti produkto ti Amianan kas iti basi. Malaksid ti panaglikaw ti serye kadagiti plasa, aplaya, eskuelaan, radio, pagadalan, ken uray pa

Inrusat dagiti agkabannuag a mannurat nga Ilokano ti proyektoda a “Daniw ken Basi”, maysa a tignay ti panagpabuya iti nadumaduma a porma ti daniw Ilokano itay Nobiembre 9 iti alas 7 agingga iti alas 9 iti rabii iti Conspiracy Garden Café iti Visayas Avenue, Quezon City. Panggep ti nasao a proyekto nga itandudo ti Literatura Ilokana nangruna iti daniw ken ti pannakaibasa daytoy malaksid pay a maiparang dagiti nadumaduma a porma ti daniw Iluko a kas iti dallot, pangorona a daniw, bukanegan, duata, danirak, daniw para ubbing, daniw iti parparaangan ken dadduma pay. Malaksid kadagiti mannaniw nga Ilokano, naawis met a nagbasa iti daniw ni Richel Dorotan, maysa kadagiti kangrunaan a mannaniw a Cebuano ken literary editor ti Bisaya magazine, ken Eli Tubianosa, maysa a pintor ken mannaniw nga Ilonggo. Naimatangan met ti nasao a panagirusat dagiti nadumaduma a cultural artists kas iti Kawangis ng Tribu manipud Palawan, da Satinka Felipe (maysa a mannaniw iti Ingles), Soler dela Torre ti Kaloob

daniw ken basi, the newest rocking ilocano website on ilocano poetry and more. kurno! kurno! kurno! http://www.ilocanopoetry.net/

ITI kaudian a panagbakasionko idiay Sta. Teresita, kasla immubingak iti sangapulo ket walo a tawen ta kasla nagsubliak iti daydi tawen nga adda napasamak ken ni Angkel Ato. Iti panagsapsapulmi ken nanang kadagiti sertipikok iti Best in Math iti elementaria ken haiskul tapno idatagko iti prinsipal iti eskuela publiko iti Cubao a pangisuruak a nayon dagiti pammaneknek iti kabaelak ket nadardaras ti ingangato ti ranggok a pakairamanan metten ti sueldok, adda nabirokanmi a sabali a banag. Kinuna ni nanang nga impanna dagiti sertipiko iti nagdaplat a bag a namarkaan iti “L.A.”, ti brand ti sigarilio ni tatang idi chain smoker pay laeng. Napno ngaminen ti diding ti bassit a balaymi kadagiti sertipiko kadagiti inabakko a pammadayaw iti salip iti panagsurat. Daytoy a bag, a maysa kadagiti nangisukatan ni nanang kadagiti ginasgasut a nagawangan ni tatang iti sigariliona, ti sinukimatmi. Ngem awan met dagiti sertipiko. Gayam, nalukotlukot a naikarga iti maysa kadagiti uppat a bulo a tubong a nan

1. Esponsoran daytoy ni Maria Rosa A. Cabie, kaingungot ni Honor Blanco Cabie, premiado a sumasalaysay ken mannaniw, agiwarwarnak, orador ken debatista, ken propesor pay iti Literatura ken Kinaagiwarwarnak iti Metro Manila, ken dagiti annakda. Naluktan daytoy a salip iti panagsurat iti Daniw a Para Kadagiti Ubbing para kadagiti amin a mannurat iti Iluko ditoy Filipinas ken iti ballasiw-taaw. 2. Buklen ti pakisalip ti maysa a set ti lima a daniw a tunggal daniw, saan a nababbaba ngem 24 a linia. Naimakinilia wenno naikompiuter iti doble espasio iti 8 1/2 x 11 a papel a coupon bond. Maysa laeng a set ti dandaniw ti mabalin nga isalip ti tunggal mannurat. 3. Masapul a ti parbo a nagan ti maikabil iti manuskrito a pakisalip. No ipatulod babaen ti email: dua nga MS Word document files ti idatag. Umuna, ti set dagiti daniw a pakisalip. Maikadua, ti parbo ken pudno a nagan ken pakasaritaan ti biag ti autor. No ipatulod babaen ti koreo: uppat a kopia ti idatag ken pakuyogan ti entry iti narikp

Rugian dagiti agkabannuag a mannurat nga Ilokano ti agpabuya iti babaen ti proyektoda a “ Daniw ken Basi” itoy Nobiembre 9 (sumaruno inton Disiembre 14) manipud iti alas 7 agingga iti alas 9 iti rabii iti Conspiracy Garden Café iti Visayas Avenue, Quezon City. Panggep ti nasao a proyekto nga itandudo ti Literatura Ilokana nangruna iti daniw ken ti pannakaibasa daytoy malaksid pay a maiparang dagiti nadumaduma a porma ti daniw Iluko a kas iti dallot, pangorona a daniw, bukanegan, duata, danirak, daniw para ubbing, daniw iti parparaangan ken dadduma pay. Kadagiti dadduma pay a mannaniw iti Iluko nga interesado a mangsuporta iti gannuat babaen ti panagibasada met iti daniw iti babaen ti nasao a gannuat, agsurat iti ariel.tabag@gmail.com. (Mighty C. Rasing)

Kalpasan dagiti sarita a nangtaming iti pamilia, panagsakripisio, kinatan-ok ti maysa a pagsapulan, panaggayyem, ayat, tao ken ayup; tao kontra nakaparsuaan, ken sarita a pantasia, ti panagsurat iti makapakatawa a sarita (humorous story) ti mapagsasalipan ita iti Maika-9 a Tawen ti Reynald F. Antonio Awards for Iluko Literature (RFAAFIL). Dagiti pagannurotan: 1. Silulukat ti salip kadagiti amin a mannurat iti Iluko. Aggibus ti salip iti Enero 31, 2011. 2. Agatiddog ti sarita iti 10-25 a panid.Maimakinilia wenno maikompiuter iti doble espasio iti regular bond paper size. Maysa laeng a sarita ti isalip ti kada mannurat. 3. Ti parbo a nagan ti maaramat iti manuskrito a pakisalip. No ipatulod babaen ti e-mail: dua a MSWord document files ti isubmitir. Umuna, ti sarita a pakisalip. Maikadua, ti parbo ken pudno a nagan ken ti pakasaritaan ti biag ti autor. No ipatulod babaen ti koreo: uppat a kopia ti isubmitir ken pakuyogan ti entry iti narikpan a sobre a naglaon iti paulo ti sarita, parbo

Maangay ti maikapito a regular a board meeting ti GUMIL Filipinas (GF), ti gunglo dagiti mannurat nga Ilokano iti sangalubongan, iti Pug-os Beach, Cabugao, Ilocos Sur inton Nobiembre 7, 2010, babaen ti panagsangaili ni Judge Vivencio S. Baclig, kas impakaammo ni GF Pres. Elizabeth Madarang Raquel. Mapagpapatangan dagiti sumaganad: pannakaangay ti Maika-43 a Kombension Nasional ti gunglo, ken ti pannakaituloy ti Balay ti GUMIL. Para iti ad-adu pay nga impormasion mainaig iti miting ken iti GUMIL Filipinas, bisitaen ti gumilfilipinas.com a website ti gunglo ken/wenno ag-email iti gumil.filipinas@gmail.com. (Sherma E. Benosa)

ITI nagsanggiranna nga adigi ti pasdek a nanglinong iti bangketa, nasiputan ni Ambong ti panangibarag ti kataebna nga ubing ti apaggudua a donut. Nalabit panggep ti ubing nga isiut iti derosas a plastik a dram a namarkaan iti puraw nga MMDA ngem naitira daytoy iti bakrang ti pagbasuraan. Nagkallatik iti iking ti bangketa nga agar-arimasa iti nangisit ken nalanit a naglaok a danum, grasa, tupra, isbo. Sinayagna. Sangaagpa laengen ti kaadayona iti donut idi magaw-is daytoy. Ni Tura! Dagus nga indiretso ni Tura ti donut kadagiti napuskol ken nalitem a bibig daytoy. Nalitem met laeng ti kulot a buok, kudil, kamiseta ken siorpantna gapu iti naglalaok nga asuk, tapok, grasa ken no ania ditan a narugit a banag nga ipugpug-aw ti siudad. Nagatras ni Ambong idi maisarang ti kanawan a gemgem ni Tura. Nabakbaked daytoy kulot a barito ken nataytaya iti agarup dua a pulgada. Nagmusiig ni Ambong a nangkudkod iti teltelna. Nariknana ti pannakalukot ti babassit a banag. Kinammetna ti teltelna sa impuna