ARIEL SOTELO TABÁG

Ti Mabisin a Pusa Sarita a Para Grade One ni ARIEL S. TABAG Adda nakabitin a tapa Ken lima nga ayup a mabisin unay. Immuna a limmagto ken kimmittab ni Leon Ket naksayan ti nakabitin a tapa. Maikadua a limmagto ken kimmitab ni Tigre Ket ad-adda a naksayan ti nakabitin a tapa. Maikatlo a limmagto ken kimmitab ni Musang Ket ad-adda a naksayan ti nakabitin a tapa. Maikapat a limmagto ken kimmitab ni Aso Ket ad-adda a naksayan ti nakabitin a tapa Maikalima a kumittab ni Pusa Ngem bassiten ken dinan malagto ti tapa. Bassit ni Pusa. Awan met ngarud pangulianna iti tapa. Dina makalay-at dagiti diding a nakaikamangan Ti pagbalaybayan a nakaibitinan ti tapa. Kasano a makakittab ni Pusa iti naibitin a tapa? Nangala iti lima a pungan a pagbatayanna. Impasirokna ti umuna a pungan Ket dandaninan magaw-at ti tapa. Impasirokna ti maikadua a pungan Ket ad-addan a dandanina magaw-at ti tapa. Impasirokna ti maikatlo a pungan

Agyamantayo ken ni Doc. Maylem, ti other-half dagiti agassawa nga autor iti “Dear Doc” a kolum iti Bannawag. Ken agyamantayo iti Ilokana, maysa a maestra, a nagsaludsod no kasano ti aramidenna tapno kanayon a mapnek wenno agalimpatok wenno ag-orgasm. Ket no apay nga immadun ti aglablaba nga Ilokana, basaenyo ti pinagtiponko a dua a bilang ti Bannawag (Mayo 7 ken Mayo 14, 2012 a bilang)-- ngem please, gumatangkayo latta, kadakayo a lallaki, para kadagiti assawa wenno gelprenyo: Aniat’ Aramidek Tapno Kanayon a Mapnekak? Dear Doc Gener ken Doc Lorna, Agtawenak iti 39, siaasawa ken addaan iti maysa nga anak. Nagasawaak a nasapa ta agtawenak laeng idi iti 20. Naabusoak idi agtawenak iti 18. Mapampanunotko a diak kayat idi ti seks gapu iti napalabasko. Pimmusay ti immuna nga asawak iti aksidente iti lugan. Kalpasan ti tallo a tawen, nakikabbalayak iti lalaki a natataeng ngem siak iti tallo a tawen. Ket manen, nalabit gapu iti napalabasko, saanko unay a naganas ti nakiin

Iti dua nga aldaw, nakasaksakit ti bagbagik. Kasla nagtrangkasoak a matudtudok ti bukotko. Pabasolek ti sangabagon a Marlboro black a naibusko iti panagsuratko iti sarita; ken ti rinabii a panagpuyatko iti uppat nga aldaw (wen, sinuratko laeng iti uppat nga aldaw nupay nabayagen a pinampanunotko daytoy a sarita). Ken pabasolek pay ti sarita mismo. Panagkunak, sobra a pinagtaengko ti karakter iti kaunggak. Ket iti ipapatayna-- iti naispiritualan a pannakatay-- nairamramanak met. Numona ta iti panagkunak, saanko pay a nalpas daytoy nga estoria. Ket bareng addanto gundaway a suratek daytoy iti amin a detalye ken posibilidadna.