ARIEL SOTELO TABÁG

Idi Pebrero 4, iti "Anasaas ti Karayan" nga intuyang ti gobierno probinsial ti Cagayan, kas pangrambak iti Nailian a Bulan ti Arte a ramrambakan ti Filipinas iti panangidaulo ti NCCA (nagatiddogen nga intro), pinadasko ti nagkararag babaen ti Dallot. Inusarko ditoy ti tono nga insuro ni Joel B. Manuel ti Banna, Ilocos Norte. Bayat ti panagdallotko, malaglagipko dagiti lauds kada vespers iti seminario, ken ti Gregorian version ti "Nothing Else Matters". Mayat met a mairuamtayo ti kakastoy a panagkararag (wenno kapadana ken dadduma pay a wagas ti panagkararag). Malaksid nga ad-adda a marikna ti solemnidad, naynay met a maitandudo ti Dallot a maysa kadagiti sukog ti daniw ken samiwengtayo ng Ilokano. Adtoy ti tekstona: Danidallot, danidallang Dumidinnalot, dumidinallang O Apomi a Namarsua Tignayennakam’ a sangapada Ket maluktan amin a mata, Lapayag, puso, panunot, ken rikna Sumangbay koma’t kaunggan Dawat, anasaas ti karayan Isu a saksi ti pakasaritaan Dakami nga anna

Maangay ti maudi a regular a board meeting ti GF inton Marso 13, 2011, 10 a.m., iti panangsangaili ni Arthur Urata, presidente ti GUMIL Cagayan, iti pagtaenganda iti 77 Mercedes Village, Brgy. Leonardo, Tuguegarao City (078-844-4460/ 0927-792-7913), kas impakaammo ni GF Pres. Elizabeth M. Raquel. Kangrunaan a mapagpapatangan ti pannakaangay ti Maika-43 a Kombension Nasional ti GF iti Cabugao Beach Resort, Cabugao, Ilocos Sur inton Abril 8-10, 2011 a sangailien ti GUMIL Metro Manila, ken dagiti nadumaduma a proyekto ken pakaseknan ti gunglo. Para iti nayon nga impormasion, makiuman iti 0918-745-8792 wenno gumil.filipinas@gmail.com. (GF Secretariat)

Maangay ti maikadua a Pasnaan, ti workshop nga iwaywayat ti GUMIL Filipinas para kadagiti agdadamo/agtutubo a mannurat, inton Marso 5-6, 2011 iti Doña Josefa Edralin Marcos Elementary School, Currimao, Ilocos Norte, iti pannakitinnulong ti nasao a pagadalan nga idauluan ni Principal Aurea Austria ken ti National Commission for Culture and the Arts, kas impakaammo ni Elizabeth M. Raquel, presidente ti GF. Iwanwan ti Workshop Committee ti GF nga idauluan ni Sherma E. Benosa, sangapulo nga agdadamo ken agtutubo a mannurat manipud iti Ilocos Norte, Ilocos Sur, La Union, Cagayan, Isabela ken Tarlac ti maamiris dagiti sinuratda a daniw, sarilaysay (creative non-fiction), ababa a sarita, bukanegan ken pangorona a daniw itoy a workshop a pagpaayan a panelist dagiti editor, edukador, kritiko ken mabigbigbig a mannurat nga Ilokano. Nawaya nga umatendar dagiti kayatna ti agbalin nga observer ti nasao a workshop ngem masapul a maipakaammo nga umuna iti sherma.benosa@gmail.com wenno 0920-903-8511.

Intandudo ti Departamento ti Edukasion (DepEd) ti Mother Tongue-Based Multilingual Education wenno MTB-MLE a kas pannakikammaysa ti departamento iti pannakarambak ti International Mother Language Day idi Pebrero 21, 2011. Babaen ti DepEd Memorandum No. 19, series of 2011, sinuportaran ti ahensia ti United Nations Educational, Scientific and Cultural Organization (UNESCO) a mangitantandudo iti panagusar iti nakayanakan a pagsasao iti panagisuro.

Iti butos a 7-6, nga adda dua a di nagbutos, imbabawi ti Korte Suprema itay nabiit ti immuna a desisionna ket binigbigna met laeng a mayayon iti Konstitusion ti panagbalin a kas siudad dagiti ili ti Batac ken Tabuk iti Amianan, ken 14 a sabsabali nga ili iti dadduma pay a paset ti Filipinas. Iti nasao a desision, nabigbig a balido ken konstitusional ti Republic Act No. 9407, ti linteg a namagbalin iti ili ti Batac iti Ilocos Norte a kas siudad, ken ti RA 9404 a namagbalin iti Tabuk iti Kalinga a kas siudad. Dagiti dadduma pay a linteg a konstitusional, kas kuna ti Korte Suprema: RA 9389 (a namagbalin a siudad iti ili ti Baybay iti Leyte), RA 9390 (Bogo City iti Cebu), RA 9391 (Catbalogan City iti Samar), RA 9392 (Tandag City iti Surigao del Sur), RA 9393 (Lamitan City iti Basilan), RA 9394 (Borongan City iti Samar), RA 9398 (Tayabas City iti Quezon), RA 9405 (Bayugan City iti Agusan del Sur), RA 9408 (Mati City iti Davao Oriental), RA 9409 (Guihulngan City iti Negros Oriental), RA 9434

Duapulo a sarita ti naidatag nga agsasalip iti 1st Premio GUMIL Filipinas, salip iti panagsurat iti ababa a sarita a para ubbing. Pagtitinnulongan nga inesponsoran da Elizabeth M. Raquel (president ti GF), Juan S.P. Hidalgo Jr (adviser ti GF), Joel B. Manuel, Rudy Rumbaoa, Eduardo Padoan, Corazon F. Quiamas, ken Ariel S. Tabag, mayawat ti premio a kuarta ken sertipiko ti pammadayaw kadagiti tallo nga autor dagiti sarita a mapili a kangrunaan a gunggona iti umuna a rabii ti Maika-43 a Kombension Nasional ti GUMIL Filipinas iti Cabugao Beach Resort. Nainaw ti nasao a pasalip tapno aronan ti regget dagiti mannurat nga Ilokano, kangrunaan dagiti Gumiliano, nga agtultuloy nga agpartuat kadagiti sinurat a mangiladawan iti kabibiag ken kararua dagiti Ilokano. Dagiti kompleto a paulo dagiti naisalip ken ti parbo a nagan dagiti autor: “Ti Palasio ti Nanyacalama” ni Lakay Usting; “Maysa a Tedted” ni Jesse T. Abella; “Ti Ullaw ni Yoyo”; “Ti Pakasaritaan ti Bunga ti Mangga” ni Christynne Acacio; “

nargaan pay ti bigat agtartarayen oras kamatenna ti gasat nalamiis dakulap * * * parbangon nga agpasag iti ikamen ti bukot awan maaprosan ti dakulap no di nalamiis nga urok * * * 6 linnaaw napuros tammudo natudok nagdara nagasug

(Immuna daytoy a naipaskil iti bilingualpen.com. Dinawatmi ti pammalubos iti admin ti nasao a website, ni Sherma Benosa, ken ni Apo Jaime Agpalo nga autor daytoy nga artikulo. Daytoy ngamin ti maikadua a gundaway a nakasalawnak iti kritisismo ni Apo Agpalo a nairaman ti maysa a saritak ket itoy a gundaway, ipaskilko saan a gapu ta positibo dagiti insursuratna iti saritak no di ket addan tiempo nga agirekord kadagiti kakastoy a sinurat.) Balitok Ti Inapit Ti Palanca Awards 2010 Ni Jaime M. Agpalo, Jr. Kayattayo a suraten ti panirigantayo kadagiti nangab-abak iti Palanca Awards, ngem sumagmamano a tawen ti intay napalabas gapu iti saan a napakpakadaan a pasamak. Adda pay ti gundaway saan a naikutan dagiti kopia dagitoy. Kas idi napan a tawen, dagiti kopia ti Bannawag a naglaon kadagiti nangabak iti Palanca Awards ket diak nasiputan a binagtin met ti kabsatko nga innala sadiay trabahona iti tuktok ti bantay sadiay Cañao, Bantay, Ilocos Sur. Isu nga ita man laeng manen nga intay makasiri

Maisagsaganan ti antolohia dagiti napili a Daniw ni Ayat dagiti kameng ti GUMIL Metro Manila. Agpaay nga editor da Cles B. Rambaud, Juan Al. Asuncion ken Ariel S. Tabag. Pagalagadan iti Panagidatag: 1. Uray mano ti daniw nga idatag (di pay naipablaak wenno naipablaaken iti magasin, wenno dadduma pay a babasaen, wenno naipaskilen iti Internet). No naipablaak wenno naipaskilen, masapul nga adda notasion iti baba ti sinurat mainaig iti detalye ti pannakaipablaak daytoy. Segun ketdi iti pangngeddeng dagiti editor dagiti mairaman a daniw. Karbengan dagiti editor ti di mangipablaak kadagiti maidatag a daniw a di makapatar iti pagrukodanda. 2. Daniw maipanggep iti ayat ti idatag. No ayat, kunatayo, isu daytay ayat a nalimogan iti romansa; ngarud, ayat daytoy iti nagbaetan ti tao ken ti ipatpategna; saan ketdi nga ayat ti tao iti asona, wenno ayat ti aso iti tao, wenno ti tao iti pagilianna, wenno ken ni apongna a baket, wenno iti sangabotelia nga arak. Sabalinto a libro ti pakaiserkan dagitoy

Maragsakan ti GUMIL Filipinas (GF), ti gunglo dagiti mannurat nga Ilokano iti sangalubongan, a mangipakaammo a maangay ti maikadua a Pasnaan, ti workshop iti panagsurat para kadagiti agdadamo a mannurat, inton Marso 2011. Mainaig i’toy, agawaten ti GF Workshop Committee kadagiti manuskrito a ma-workshop. Sangapulo a mannurat ti maikkan iti gundaway a ma-workshop ti sinuratda. Para kadagit aGdadamo a mannurat ti sumaganad: 4 a sarita, 3 a daniw, 1 a sarilaysay (creative non-fiction); idinto a silulukat kadagiti amin a mannurat ti 1 a bukanegan, ken 1 a pangorona a daniw. Maibilang nga agdadamo ti autor no saan pay a nakaipablaak iti Bannawag iti nasursurok ngem dua iti benneg a sumalianna. Agpaay met a panelist dagiti premiado a mannurat, editor, ken kritiko nga Ilokano. Dagiti pagalagadan: 1. Nasken nga orihinal, di naipatarus manipud iti sabali a lengguahe, ken saan pay a naipablaak ti idatag a manuskrito. 2. Nawaya ti autor a mangpili iti tema. 3. Naimakinilia wenno nai-computer dagi

Maysa a pabuya kultural nga imparang ti gobierno probinsial ti Cagayan babaen ti Cagayan Museum and Historical Research iti Tuguegarao City a pangrambak iti Pebrero a kas Nailian a Bulan ti Arte ti nangtignay iti rikna dagiti nagbuya tapno itandudoda ti arte ken kultura iti Tanap ti Cagayan. Napauluan iti “Anasaas iti Karayan (Ripples in the River)”, naiparang iti pabuya ti sangauyon a daniw, dallot, samiweng ken sala a tagipatgen dagiti Ilokano. Buklen dagiti nagpabuya dagiti mannaniw, kumakanta, mannala, ken concert artist manipud iti Kailokuan ken Tanap ti Cagayan. Kaaduan kadagiti naggapu iti ruar ti Cagayan ti kameng ti GUMIL Filipinas, gunglo dagiti mannurat nga Ilokano iti pagilian ken ballasiw-taaw nga indauluan ti presidentena a ni Elizabeth M. Raquel, ken ti Daniw ken Basi, maysa a tignay a mangitandudo iti Ilocano performing art a buklen ti Tres Tarappait, Samtoy Band ken dadduma pay a mannurat. Dinar-ayan dagiti nailian ken lokal nga opisial iti gobierno, ken dagiti tumultu

Maangay ti general membership meeting ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, inton Peb. 27, 10 a.m., kas impakaammo ni (Ret.) Judge Vivencio S. Baclig, presidente ti gunglo. Kangrunaan a mapagpapatangan ti panangsangaili ti GUMIL Metro Manila iti Maika-43 a Kombension Nasional ti GUMIL Filipinas inton Abril 8-10, 2011 iti Cabugao Beach Resort, Cabugao, Ilocos Sur, ken ti proyekto ti GMM nga antolohia dagiti daniw ni ayat. Maipakaammo babaen ti awag iti telepono, ken mensahe iti e-mail ken text ti venue ken dadduma pay a detalye ti miting. (GMM Secretariat)

Mapadayawan ti GUMIL La Union (GLU) a kas maysa kadagiti uppat a Basi Awardees ti Gobierno Probinsial ti La Union iti seremonia a maangay inton Marso 2, 2011, alas tres iti malem iti Diego Silang Hall ti Kapitolio. Daytoy a pasken ti tampok ti selebrasion ti maika-161 nga anibersario ti probinsia ti La Union. Kinuna ni Djuna R. Alcantara, presidente ti GLU, nga idauluannanto dagiti kaopisialanna iti gunglo dagiti mannurat nga Ilokano a tumabuno iti daytoy namaris nga okasion tapno awatenda ti ti Basi Award. Isimbolo ti Basi Award, a maysa kadagiti naipangruna a pammadayaw nga itden ti Gobierno Probinsial ti La Union, ti kinasudi ti panagserbi dagiti mapagtalkan a kataktakunaynayna iti sektor pribado a kas iti GLU para iti panagdur-as ti probinsia. Daytoy ti umuna a gundaway iti unos ti 45 a tawen a pakasaritaan ti GLU a maipaayan iti daytoy a pammadayaw. Dakkel a nakabigbigan ti GLU dagiti nadumaduma a salaysay a napno iti impormasion ken damag maipapan iti La Union a naipablaak iti Ba

Yalnag ti Ubbog Cordillera Young Writers, Inc. ti umuna nga Ubbog Journal itoy Peb. 19, Sabado, 6 p.m. iti Mt. Cloud Bookshop iti Casa Vallejo, Baguio City. Linaon ti Ubbog Journal dagiti sarita ken daniw iti Kankanaey, Ibaloi, Ilokano, Ifugao, Filipino ken English a sinurat ti duapulo a mannurat manipud iti Ubbog. Nabangon ti Ubbog idi April 2007 babaen dagiti mannurat a timmabuno iti 2007 Cordillera Creative Writing Workshop (nagtinnulongan a proyekto ti University of the Philippines Baguio ken ti National Commission for Culture and the Arts). Pannakipaset ti Ubbog Cordillera Young Writers iti Philippine Arts Festival ti panangyalnagna iti nasao a journal.

Maisagsaganan ti Alimpatok, Antolohia dagiti Erotic a Daniw dagiti Ilokano. Ipablaak daytoy ti Daniw ken Basi, maysa a tignay dagiti mannaniw nga Ilokano. Agpaay nga editor da Roy V. Aragon, Mighty C. Rasing ken Ariel S. Tabag. Pagalagadan iti Panagidatag: 1. Uray mano ti daniw nga idatag (di pay naipablaak wenno naipablaaken iti magasin, wenno dadduma pay a babasaen, wenno naipaskilen iti Internet). No naipablaak wenno naipaskilen, masapul nga adda notasion iti baba ti sinurat mainaig iti detalye ti pannakaipablaak daytoy. Segun ketdi iti pangngeddeng dagiti editor dagiti mairaman a daniw. Karbengan dagiti editor ti di mangipablaak kadagiti maidatag a daniw a di makapatar iti pagrukodanda. 2. Erotic a daniw ti idatag. No erotic, kunatayo, addaan iti sabali nga elemento a manglibtaw iti maysa a gagangay a daniw ni ayat, maipangep man dayta iti panagyala, naun-uneg a sensualidad, wenno elemento ti panagiparipirip iti maysa a seksual nga aktibidad. 3. Mapakuyogan dagiti sinurat iti paka

Salip iti Daniw a Para Ubbing: 3rd Honor Blanco Cabie Premio Iti Naisurat Iti Literatura Ilokana (Cabie PINILI) 1. Esponsoran daytoy ni Maria Rosa A. Cabie, kaingungot ni Honor Blanco Cabie, premiado a sumasalaysay ken mannaniw, agiwarwarnak, orador ken debatista, ken propesor pay iti Literatura ken Kinaagiwarwarnak iti Metro Manila, ken dagiti annakda. Naluktan daytoy a salip iti panagsurat iti Daniw a Para Kadagiti Ubbing para kadagiti amin a mannurat iti Iluko ditoy Filipinas ken iti ballasiw-taaw. 2. Buklen ti pakisalip ti maysa a set ti lima a daniw a tunggal daniw, saan a nababbaba ngem 24 a linia. Naimakinilia wenno naikompiuter iti doble espasio iti 8 1/2 x 11 a papel a coupon bond. Maysa laeng a set dagiti dandaniw ti mabalin nga isalip ti tunggal mannurat. 3. Masapul a ti parbo a nagan ti maikabil iti manuskrito a pakisalip. No ipatulod babaen ti email: dua nga MS Word document files ti idatag. Umuna, ti set dagiti daniw a pakisalip. Maikadua, ti parbo ken pudno a nagan ken p

SAANAKON nga agpalpalikaw. Gapu ta pagaayat ni Ilokano a sidaen dagiti natnateng/mula a makaipaay iti kinaandur, wenno kinasalun-at. Itay napankami kada Hani ken Saniata iti ospital, adda nangiyawat iti brochure ti Vita Plus (naitinnag ni Saniata iti traysikel ngem nasaysayaat no di umeksakto ta di ket ibagbaga ti sabali nga ipromotko). Ditoy nga inagapadna ti lima a kangrunaan a mula/nateng a makaipaay iti naidumduma a sustansia, ramen a kasapulan ti nasalun-at ken naandur a bagi. Ania dagitoy? Agpapadada a bulong wenno uggot. Marunggay (Moringa oleifera Lam.). Saluyot (Corchorus Oliturius Linn). Kammotit (Ipomoea batatas). Kalunay (Amaranthus spinosus L.). Sili (c.chamaexcerarusc.grossumcapcium tetragonum). Pinagsasarunok ida segun iti kinalatakda kadagiti Ilokano. Diakon ibinsabinsa ti maipaayda iti bagi ta sabalinto ti mangaramid iti dayta nangruna ket aggagatelak la unay a mangi-blog itoy. Aya, di ketdin ta kadawyan a makitam dagitoy a natnateng iti lamisaan dagiti Ilokano? Isu a

DAHIL WALA AKONG PAMBILI NG RED ROSES ESPERMA Agpadata a ganggannaet iti siled A napno iti nagduduma a lawag Di ammo no simrekan Di ammo no rummuaran Ket nagsarak dagiti dakulapta Barukong iti barukong, mata iti mata Nasursuro nga agsala dagiti dapan Nasursuro ti agkatawa iti nasarangsang Nangisuksokka iti balisong Iti bakrangko: an-anib Tapno situtured a sanguen Ti pungtot ken abaken ti buteng Idi nagdalapdapen ti sipnget Ken nagnadnaden ti riaw ken katkatawa Nagtulagta a mangsindi Iti nalukmeg a puraw nga esperma. KANDILA Kapwa tayo dayuhan sa silid Na puno ng iba't ibang liwanag Di alam kung saan pumasok Di alam kung saan lalabas At nagtagpo ang ating mga palad Dibdib sa dibdib, mata sa mata Natutong sumayaw ang mga paa Natutong tumawa ng malutong May isinukbit kang balisong Sa aking tagiliran: agimat Upang matapang na suungin Ang galit at lipulin ang takot Nang magdilim at humupa Ang hiyawan at halakhakan Nagkasundo tayong magsisindi Ng malaking puting kandila. ast, 020811 (hi

Iti ididiklawitko (idadaw-as iti apagbiit) iti nayanakak a lugar, Villa, Sta. Teresita, Cagayan manipud iti maysa a pasken, insingasingko ken ni tatang a kaduaennak a mapan iti bangkagmi tapno kodakek dagiti dua a puon ti bagbag (http://www.stuartxchange.org/Dapdap.html), dapdap iti Tagalog ken Indian coral tree iti Ingles, iti uluanan ti bangkagmi sakbay ti karayan. Apagisu kunak ta simmangbayen ti Pebrero a panagsasabong ti bagbag. Napintas a maipakitak met kadagiti kakailian iti Internet/Facebook ti langa ti agsabsabong a bagbag. Ngem naklaataak iti kunana a natayen dagitoy. Adda kano kimpet a sakit, wenno igges a namagrerekket wenno namaglulukot iti bulong ti nasao a kayo sa in-inut a nalekkab ti ukisna. Agingga nga in-inut nagrupsa. Ad-adda pay a makapaleddaang ti kunana a kasta met laeng ti napasamak dagiti dadduma pay a bagbag iti kadarapat a bangkag. Nupay kasta, napankami latta ket inalaak ti ladawan dagiti dati a nagdissuan ken ti puon dagiti nagrupsa a bagbag. Nakakitaak ket