Posts

Showing posts from 2013

Dagiti Leksion nga Insuro ti Biag Kaniak

MANIPUD daytoy iti kolum ni Dr. Abercio V. Rotor nga "Okeyka, Apong: Dagiti Tawid a Sirib ken Adal" iti Bannawag, Nobiembre 25, 2013 a bilang, nga indedikarna kadagiti biktima ti nadumaduma a didigra iti Filipinas.) Dagiti Leksion nga Insuro ti Biag Kaniak MAIDEDIKAR daytoy kadagiti biktima dagiti nagsasaruno a kalamidad— bagyo, gubat, ginggined sa manen nakapigpigsa a bagyo. Nangpilitayo iti sumagmamano iti “45 Lessons Life Taught Me” a sinurat ni Regina Brett, finalist iti Pulitzer Prize para iti komentarioa idi 2008 ken 2009. Dagiti naka-italics, naggapu met kadakami ken Melly Tenorio a co-host-mi iti programa iti radio (DZRB).  Ababa unay ti biag tapno masayang laeng iti pananggurgura iti maysa a tao. Saan a makauray ti panawen, ken ababa unay ti biag— apay a sayangen dagitoy kadagiti awan kaes-eskanna a bambanag?  Dinaka maaywanan dayta trabahom no masakitka. Ketdi, dagiti pagayam ken dadakkelmo (ti mangaywan kenka). Dimo koma ida taltallikudan. Maysa daytoy

Panawenen ni Noel Cabangon

Wen, manong Wen, manang Wen, manong Wen, manang Itattan ti panawen Intayon agmaymaysa Umili agkaykaysa intayo pagnaen Ti dalan a mangiturong kadatayo iti masakbayan Maysa nga ili a nawaya Pudno nga ili a nawaya Umili agkaykaysa intayo lasaten Uray no kabambantayan makita la'ng ti masakabayan Maysa nga ili a nawaya Pudno nga ili a nawaya Panawenen, panawenen, panawenen, panawenen Panawenen, panawenen, Wen, a Wen, a Wen, a Wen, a (3x) Wen, manong Umili agkaykaysa intayo pagnaen Ti dalan a mangiturong kadatayo iti masakbayan Maysa nga ili a libre Pudno nga ili a libre Umili agkaykaysa intayo lasaten Uray no kabambantayan makita la'ng ti masakabayan Maysa nga ili a libre Pudno nga ili a libre Panawenen, panawenen, panawenen, panawenen Panawenen, panawenen Wen, a Wen, a Wen, a Wen, a (maulit-ulit)

Kabambantayan ni Noel Cabangon

Kabambantayan Ni Noel Cabangon Idiay turod ken kabambantayan Ken igid ti karayan Adu a biag, nadumaduma Adda sabsabong ken mulmula No nasipnget ti dalan Silawko ket naraniag a bulan No rabii ket nalamiis Arakupko ti mangdadang Basta sika ti kaduak Daytoy pusok ti agragsak Awan sabsabali nga ayat Sika ti pudno a liwliwak Gaput' sika laeng Gaput' sika laeng Iti biag Intan agmula idiay payo Intan aglinong idiay baybayog (?) Mangitakder iti maysa a kubo Nasudi a balay ken napudno

REYNALDO A. DUQUE

Image
Maysa ni Reynaldo A. Duque (Oktubre 29, 1945–Abril 8, 2013) kadagiti kangrunaan a mannurat nga Ilokano. Nagsursurat iti tallo a lengguahe— Ilokano, Tagalog (Filipino), ken Ingles. Nagpaay nga editor-in-chief ti Liwayway , ti kangrunaan a magasin a Tagalog (Filipino) iti Filipinas. Maysa a piksionista, mannaniw, dramaturgo, mannurat iti script iti radio, telebision ken pelikula, mannurat iti komiks, editor ken para patarus. Premiado a mannurat. Nasurok a sangagasut a pammadayaw ti inyalatna iti pasalip iti panagsuratan. Karaman ditoy ti Hall of Fame Award iti mabigbigbig a Palanca Awards a naipaay kenkuana idi 2003, ken ti umuna a gunggona iti Epiko a Filipino iti 1998 Centennial Literary Awards nga inesponsoran ti Gobierno ti Filipinas. Multilingual a Mannurat Kas mannurat iti nadumaduma a benneg, winadaanna iti Literatura Ilokano ti panangaramat iti pakasaritaan ken dagiti napapateg a tattao ken pagteng iti historia, partikular dagiti Ilokano, kas nasayud a material iti panangi

Lokditna Daytoy a Tabag

LOKDITNA daytoy a Tabag. Treintay singkonan ket awan pay nasuratna a How My Brother Leon Brought Home a Wife-na, idinto ta beinte nuebe laeng ni Manuel Arguilla idi masuratna ti nasao a klasiko a sarita. Idi paltogan dagiti Amerikano iti tawenna a treintay tres, addan siento singkuenta a saritana iti Ingles. Ket daytoy a Tabag, ania ti nakallalagip a sinuratna? Awan! Sero! Di ad-addan no pinaltoganda met idi agtawen iti treintay tres? Ita, kakaisuna a sibibiag, dayta la aglanglangsot kada makiap-apa ti obrana. Fui!

Tagnawa 2014, maisagsaganan

Maisagsaganan dagiti libro a paset ti proyekto a panagipablaak ti GUMIL Filipinas wenno Tagnawa 2014 nga iwardas ti Editorial Committee ti gunglo. Buklen dagitoy ti antolohia ti speculative fiction nga Ilokano nga editen da Juan Al. Asuncion, Literary Editor ti Bannawag, Joel B. Manuel, premiado a mannurat ken prinsipal ti Banna National High School, ken Roy V. Aragon, Secretary General ti GF; ken ti antolohia dagiti daniw ni ayat nga editen da Cles B. Rambaud, editor ti Bannawag, ken Ariel S. Tabag, pangulo ti nasao a komite. Pagalagadan iti Panagidatag: 1. Iti sarita, dua ti idatag. Idinto nga iti daniw, agingga iti lima. Nasaysayaat no di pay naipablaak ti idatag ngem mabalin met no naipablaaken iti magasin, wenno dadduma pay a babasaen wenno Internet. No naipablaaken, masapul nga adda notasion iti baba ti sinurat mainaig iti detalye ti pannakaipablaak daytoy. Maysa laeng ketdi a sarita ti maipablaak, ken segun iti pangngeddeng dagiti editor. Mabalin met nga agingga iti lima ti

Aplikasion iti Pasnaan 5, agawaten ti GUMIL Filipinas

Agaw-awaten ti GUMIL Filipinas, babaen ti komite ti Seminar-Workshop iti aplikasion iti Pasnaan, ti workshop iti panagsurat para kadagiti agdadamo a mannurat iti Ilokano, para iti Pasnaan 5 a maangay inton Pebrero 7-9, 2014 iti di pay masinunuo a venue iti Cagayan. Pagtitinnulongan daytoy nga iwayat ti GUMIL Filipinas, GUMIL Cagayan, Bannawag, ken dadduma pay nga ahensia ken indibidual. Silulukat ti workshop kadagiti agdadamo a mannurat iti Ilokano. Kayatna a sawen, mabalin nga agaplay dagiti saan nga Ilokano ngem makapagsurat iti Ilokano. Maibilang met nga agdadamo ti autor no saan pay a nakaipablaak iti Bannawag iti nasursurok ngem tallo a sinurat iti benneg (genre) a sumalianna. Saan a kualipikado dagiti nakadar-ayen kadagiti nailian a workshop ken dagiti nakapasa kadagiti immunan a serye ti Pasnaan ngem saan a dimmar-ay wenno nakadar-ay. Nasken nga orihinal, ken saan pay a naipablaak ti idatag a sinurat. Nawaya ketdi ti autor a mangpili iti tema.  Maikompiuter dagiti sinurat

Ania ti Maal-alam iti Indie Publishing?

INDEPENDENT Publishing daytoy Indie publishing. Isu daytoy ti ar-aramiden dagiti small press, wenno indie publishers wenno independent press. Saan a lumbes ngem sangapulo a titles ti mairuarda iti tinawen. Iti Filipinas, isuda dagiti SAAN nga agnagan iti Anvil Publications, Phoenix Publishing, Adarna Books, Rex Publishing ken dadduma pay a dadakkel a kompania iti panagipablaak. Nupay kasta, kas met laeng kadagiti dadakkel a publisher, addaan met laeng dagiti indie publishers wenno small press kadagiti mangarisit kadagiti maipablaak a libro, bayadanda ti autor, agganansiada babaen ti panaglakoda kadagiti kopia ken masansan a saanda a kukua ti copyright ti libro no di ketdi agtalinaed iti autor. Sabali ketdi ti self-publishing wenno vanity publishing. Ti maysa nga autor ti mangigasto iti pannakaipablaak ti bukodna a libro ket agilako kadagiti gagayyemna. Gagangay a dagiti indie publishers, ag-concentrate-da iti sumagmamano laeng a genre. Kas pangarigan, libro dagiti dandaniw, sar

AY, NI REBEREN!: REBIU

Image
Ay, Ni Reberen: Ababa Ngem Naraman a Nobela Ni MICHAEL S. NAIDAS LUGAYAK unay ni Apo Ariel Sotelo Tabag iti agtultuloy a panangipadigona kadagiti agbasbasa ti Bannawag kadagiti de-kalidad a gapuanan, daniw, sarita wenno nobela man. Saan a nakakaskasdaaw ta numan pay agkabannuag, nakaukkonen kadagiti pammadayaw iti benneg ti literatura. Addaanen ni Apo Tabag iti identidad a kas mannurat. Kayatko a sawen, adda ramen dagiti sinurat na a makuna a bukodna nga estilo, nga uray man pay awan ti by-line na, no kas kaniak a nakabasan kadagiti gapuanan na, ammokon nga isuna ti akin-aramid. Kayatko la unay daytoy umuna nga nobela a sinurat na, ti “Ay, Ni Reberen.” Iparangarang daytoy a nobela ti kinasidap ti panunot ni Apo Tabag. Ipakpakita daytoy a nobela a namsek ti padas, nabasa ken idea ni Apo Ariel. Pinagbalin ni Apo Tabag nga ingrediente ti nobela dagiti padasna, nabasana, dagiti pagaayatna, musika man wenno pilosopia, ken kangrunaanna iti amin, dagiti mapaspasamak iti aglawlaw— a

AY, NI REBEREN!

Image
AY, NI REBEREN! Ti kaunaan (nga ababa) a nobela daytoy numo. Buklen daytoy ti siam a bilang (chapter) . Naipablaak iti Bannawag  iti bilangna a Mayo 29, 2013 agingga iti Hulio 22, 2013. Maipablaak daytoy kas kannawidan a libro ken elektroniko (e-book). Ag-e-mail laeng iti asseng.tabag@gmail.com. Mabalin ketdi a basaen met DITOY . TI MAKUNADA Nobela a maitutop, para kaniak laeng, para kadagiti agtutubo ken uray dagiti nataengan ken aminen nga ammona ti agbasa. Makapnek ti estilona. Permi a tig-abko a nakabasa. Kaslaak la imminum iti nakalamlamiis a renghors (Red Horse) a ti pulotanko ket adobo a banias. – Rolando A. Seguro, Jr. Jun Seguro Makaray-aw a basaen ti “Ay, Ni Reberen!” Napintas iti pannakailaga dagiti jokes ken pick-up lines nga isu uso iti agdama. Rakenrol a nobela.— Ridel Tabian Cabulisan Meyot ti pannakasuratna. Slight ti panangdisnogna kadagiti social issues. Di madmadlaw ngem tumulang ti saemna.— Jobert Pacnis Adda met, aya, gayam asteeg ken wazak ken ra

Filipinas, Saan a Pilipinas

Ania, Mayatka? Filipinas, Saan a Pilipinas Ni NEYO MARIO E. VALDEZ Iti pannakasukat ti Pilipinas ken ti Philippines iti Filipinas, kuna dagiti mangilablaban iti daytoy a panagbalbaliw a nasken daytoy para iti saantayo a pannakatiktikaw iti pudno a kinaasinotayo a kas pagilian. TALLO ti nagan ti pagiliantayo: Philippines, Filipinas, Pilipinas. Makaulaw, segun ken ni Virgilio Almario, National Artist ken Chairman ti Komisyon sa Wikang Filipino (KWF). Ti kaadda kano dagiti tallo a nagan ti mangipapaay iti nailian a pannakaulawtayo iti kinaasinotayo (self-identity) a kas pagilian. Ti Filipinas ket aggapu iti Las Islas Felipinas nga impanagan dagiti Espaniol, a nangsakup kadatayo iti nasurok a 300 tawen a nagpatingga idi maika-19 a siglo, kadagiti isla a sinakupda iti Asia Pasipiko. Naadaw daytoy iti nagan ni Felipe II, ti agturturay nga ari ti Espania idi maika-16 a siglo. Ti Philippines (The Philippine Islands wenno The Philippines) ti inaramat dagiti Amerikano nga opisial

Ti Bituen a Managan Reynaldo A. Duque

Image
NALABIT saan a panaglablabes no ibagak a kaaduan nga ub-ubbing nga Ilokano a naayat nga agbasa, inkakaubingan ken indakdakkelda ti nangtangtangad iti maysa a bituen a managan Reynaldo A. Duque. Ket karamanak kadagitoy nga ub-ubbing nga Ilokano a naayat nga agbasa. Immuna a nayasidegak ken ni Manong Rey, kas awag dagiti pada a mannurat nga Ilokano kenkuana, idi awarding ti Palanca idi 2003. Isuna ti nangyalat iti Umuna a Gunggona iti piksion iti Ilokano ken Tagalog/Filipino a nangitampok met kenkuana iti Hall of Fame iti Palanca. Iti daydi a gundaway, ad-adda a nariknak ti kinarimatna. Ta nairanrana met, piman, a natsambaak ti maikadua a gunggona. Ket gagangay no mayasidegka iti bituen a narimat, uray kaskasano, maparaisanka met iti rimat ken mairamramanka met nga agrimat. Iti ababao a pannao, doble ti ragsakko gapu ta nairamramanak iti daydi nga ispesial a pasken iti biag ni Manong Rey. Ad-adda a nayasidegak kenkuana idi innalanak a Secretariat ti Premio Duque. Daytoy ti pasa

The Next Big Thing-A Chain Letter for Writers

Dalawang linggo na yata ang nakalilipas (tagal na pala) mula nang makatanggap ako ng private message sa FB mula kay Bebang Siy, ang awtor ng It’s A Mens World. May pinasasagutang set of questions tungkol sa nasulat at/o susulatin pang libro. Tapos ipapasa ko rin daw sa limang kakilala kong awtor. Pumayag ako kasi nakakahiya namang tanggihan ang mga kapwa manunulat lalo pa’t magkasama kami sa UP Workshop at siyempre naman, ang sikat-sikat na ni Manang Bebang, ang kapal naman ng mukha ko kung tatanggi pa ako. (Siya nga pala, “manang” ang tawag ko sa kaniya mula noong malaman kong Ilokana ang kaniyang nanay, at tinatawag naman akong “adding”; ang “manang” ay ate sa aming mga Ilokano at ang “ading” ay tawag sa mas nakababata; nakakatuwa kasi mas matandan ako kay Manang Bebang.) Noong sinabi niyang kailangan kong i-post ito sa aking blog, naalala ko na kaya pala niya tinanong minsan kung may blog ako. Sabi ni Manang Bebang, mamimili ako kung 'yung nailabas ko nang libro o 'yung i