Posts

Showing posts from July, 2012

Ni Eman

Adda tallo a saludsod ni Richard Ian Cadiz Bolosan, estudiante iti Iloko Literature iti MAEd Language and Literature iti MMSU Batac City maipanggep iti saritak nga “Eman.” Kursonadak man nga ibinglay: 1. Ania ti inspirasionmo, sir, a nangsurat iti “Eman”? Dua ti makagapu no apay a nasuratko ti Eman. Umuna, kinaritdak da Appo Juan S.P. Hidalgo, Jr. ken Jaime M. Agpalo a mangsurat iti maipanggep kadagiti rebelde (NPA) a maisupadi ti balabalana kadagiti immun-unan a nasurat a sarita nga Ilokano. Naibagada daytoy gapu met laeng iti saritak a “Dung-aw” a maipanggep met laeng kadagiti rebelde. Kuna ni Apo Hidalgo a di marisut ti parikut ti insurhensia babaen laeng ti maysa a sarita wenno panagdebate ti dua a karakter iti sarita (inusarna ti maysa a sarita nga Ilokano a nagdebate ti agkabsat a karakter a soldado ken rebelde tapno marisut wenno magibusan ti sarita). Kunana a ti masapul, maiparang ti agsupadi a prinsipio iti maysa a nakappapati a sarita. Kuna met ni Apo Agpalo

Bassit Ngem Nasagitsit

Image
Sangkabassit laengen ti kurangna: 5 nga imbiit, 2 a jokes, 3 a sarsarita (anecdote/creative nonfiction) Agrukod daytoy iti 5"x7", laonenna ti 34 nga abbaba a sinurat. Apay a 34 a saan ket a 33? Gapu ta nasantuan a numero ti 33 ket diak kayat a tulawan :P malaksid nga itoy a tawen, agtawenakon iti 34. Malaksid iti "Ninoy," manamnama a puro orihinal (rimmuarda laeng iti blog-ko ken iti notes-ko iti FB) ti laonen daytoy a libro. Agsasanggala dagiti tema, agsusupadi ti estilo ti pannakasuratda. Ti common denominator-da laeng, agpapadada nga abbaba. Wenno babassit ken, sapay koma ta, nasagitsit.

Kadkadua

Image
Illustration credit:  lilianedevries.com Nalabit, iti abay ti bubon iti sirok ti santol Iti likud ti arubayan a dumna iti kataltalonan Nga inkali ni tatangko ti kadkaduak (No apay a dimi pulos nagpatpatangan Siertok a gagangay kadagiti Ilokano Saan a mapagpapatangan ti sagrado, Ketdi maiparparikna, madaydayaw Maitaltalimeng iti isip ken lagip Paset a panagkunak awan makagamsaw) Ta tunggal manglagipak, dayta a disso Ti umuna nga agparang-- nakamarmaris Kas iti maysa nga aldaw a sinirsiripko Ti rupak iti nalitnaw a danum Iti labes ti nakaun-uneg a sipnget Adda sadiay ti asul a langit-- Iti sanguanak, iti likudak Nupay pagaammok nga uray no tumapuakak Wenno tumayabak, diakto pulos madanon Sangkatangadko dagiti langitko ditoy siudad Wenno sangkamatmatko dagiti bagi ti danum Ngem pulpulos a kasipngetan ti makitak Malaksid kadagiti mangmatimati a naglalaok Nga agkidmakidmat a bituen ken nakukudrep a silaw Ket mapampanunotko a no laeng koma maidasayak

Kuna ni Haruki a 26 agpababa ti tawen ti maysa a mannaniw

Image
Photo credit:  thejesuitpost.org Beinte sais met ti tawenko idi nagasawaak Ket nalabit naiputotkon ti panaglaga kadagiti pangngarig Ket dagiti aw-awagak iti daniw Listaan laengen dagiti inaldaw-aldaw a kasapulan Amiris laengen no ania ti pudno ken sinalawasaw Kadagiti damdamag a kas iti panamagdadasig Iti de-kolor ken puraw a labaan No agsaonak ita, awanan naisabongan a balikas Ta no makiapaka iti kaingungot Natarus, awan palpalikaw, ‘tay sumarut iti kaunggan No makipinnapilitka iti kinainnunam a pasahero Masapul nga agrasawka, kumaritka iti dinnanogan Ta ania koma ti serserbi dagiti pangngarig No lamolamo nga agparang iti sanguanam Dagiti aginaldaw a pasamak ket ora mismo Kasapulanda ti pettat a pangrisut iti idiayada A parikut? Kas ita, pinadasko nga isandi Ti pangngaaldaw iti daytoy a sinurat Ket ania ti maganabko? Aggargaradugod a tian, Nasakit a teltel, agkidmakidmat a panagkita. Kapada met laeng dagiti rakista ken aktibista Ti k

DAGITI LIBRO NI ASSENG

Image
naipablaaken ti KARAPOTE ken SAMTOY. bareng no maipablaakko met itoy a tawen daytoy BASSIT NGEM NASAGITSIT sa inton umay a tawen ti PANANGARAKUP ITI IPUS TI LAYAP. diak ammo no apay a magagetak metten nga agiliblibro. nalabit, kayatko a paneknekan nga adda market kadagiti libro nga ilokano lalo no nasayaat. uray kaskasano, addada met gumatang idinto a kaaduan pay nga online ti panaglakok. bareng no addanto agidonar iti uray kasla bodega laeng iti quezon city ta aramidek a ilocano bookstore.   ala, dagitoyda man:

CENTERLY, MANGNGAGGO

Image
Parody daytoy iti nobela ni Manong Reynaldo A. Duque a "Centerly, Manong" a naipablaak iti Bannawag idi nasapa a paset ti dekada '80 (kitaem ket 6 yrs old-nak pay la kadagiti a tiempo ket agbasbasaakon iti Literatura Ilokana, hehe). Iti nasao a nobela, iti maysa a pasala, nagkurno ti baro iti sango ti balasang. Kuna ti baro, "Miss, can I dance with you?" Insungbat ti balasang: "Centerly, Manong!" Iti daytoy a kamiseta ti Mangngaggo, a true blooded Mangngaggo certainly dances with his mutia CENTERLY.