Libro maipapan iti Isla Fuga, nairuar
Nairuaren itay nabiit ti libro maipapan iti Isla Fuga, ti isla a karaman iti grupo dagiti isla iti Babuyan ken maysa kadagiti bario ti Aparri, Cagayan, ken impablaak ti St. Paul University-Quezon City. Napauluan iti Isla Fuga: Sacred Scapes , sinurat daytoy ni Dr. Ronel Dela Cruz, tubo iti Maddalero, Buguey, Cagayan ken agdama a direktor ti Center for Social Innovation and Research ti nasao nga unibersidad. Maysa a naidumduma a dokumentario ti libro maipapan kadagiti umili a mangikagkagumaan nga agbiag iti laksid dagiti agsasamusam a saplit ti dalluyon ken naulpit a saplit ti angin ti panabgbalbaliw. Dagiti namaris a ladawan ken detalyado a panagiladawan, iparangda dagiti pampanunot ken dardarepdep dagiti tattao ken dagiti grupo dagiti komunidad a mangbigbig iti Fuga kas maysa ken kakaisuna a “pagtaengan.” Malaksid a napateg a libro para kadagiti lokal ken ganggannaet a turista, umisu daytoy a libro para kadagiti serioso a sosiologo ken antropologo, ken kadagiti istudiante da...