Pimmalanca ti "Littugaw"
PARIKUTKO iti editorial ti mangisiki iti oras tapno regular a makasuratak iti sarita ken daniw, kas iti ar-aramidekon manipud idi inkeddengko ti agsurat iti Iluko. Taltallokam laeng ngamin iti Editorial ti Bannawag, basbassit nga adayo iti lima a sigud a bilang ti staffna idi adda pay ti opisinana iti Makati ken kukua pay laeng ti Liwayway. Saan a gapu ta makapagsuratak koma iti opisina. Iti kaadu ngamin ti obra, awanton ti mabati pay a panunot ken pigsa inton makasangpetak idiay balay ket amang a nasaysayaat a kaatag dagiti matmaturogen a putot ken kasimpungalan ngem iti mangikur-it iti nabambannog a balikas wenno linia, tapno laeng matungpal ti ragut wenno raas a makasurat.
Agyamanak ken ni Apo Literary Editor Juan Al. Asuncion ta nangisagana iti maysa a bilang ti Bannawag para iti maysa a saritak.
Rinugiak ti nagsurat iti sarita a para pablaak. Daytay sarita nga awan ti pampanunotek-- panangabakna, no magustuan dagiti hurado-- no di ti pannakasangal ti maysa a sarita a mabalin nga ibilangko a sarita.
Ket nalpasko ti "Littugaw" a nawayawayaan dagiti rikna a nabayagen nga im-impek iti barukongko.
Dayta ti premiok.
Ken ti kuna ni Apo Editor Cles Rambaud: "Nag-matureka."
Amang a dakdakkel a gunggona para kaniak ti tapik iti abaga manipud iti dua kadagiti sumagmamano a pagtamdak a piksionista iti Iluko, malaksid iti kina-editorda.
Konsolasion ti panangabakna a maikadua iti Palanca Iluko.
Siempre, dakkel a konsolasion, nangruna ket impablaakdakami (dakami ken Edgar S. Godin, Editor ti Bisaya) iti sango a panid ti Bulletin, sa pay ininterbiodakami para iti "Students & Campuses" a seksion ti nasao a broadsheet nangruna ket nadakamat met ti dida koma panangilanglangi kadagiti amin a lengguahe iti rehion, ken ti maitutop laeng a pannakausar ti nariingan a lengguahe kadagiti umuna a tawen dagiti ubbing. Dakkel a konsolasion ta nakaraman man dataon kadagiti taraon a kankanen dagiti babaknang, ken inumen a nangingina. Ken adda baro a sapatos, pantalon ken polo ('diay laeng polo ti kanayonto siguro a maisuotko iti opisina ket pang-awarding laeng manen dagiti sapatos ken pantalon). Ken nakadakulap manen dagiti pada a mannurat, iti nadumaduma a lengguahe. (Saan a konsolasion ti pannakakilamisaanko kadagiti Inglesero, nupay nalalaingda met nga umisem ken nairut ti pannakidinnakulapda.)
Ngem kas iti masansan a kunak, nananamko ti balligi kalpasan a masuratko ti sarita.
Ket sapay koma ta mapadasakto manen ti isu met laeng a balligi kadagiti sumarsaruno pay a sarita (ken daniw) a suratek.
Iti baba, makitayo dagiti sumagmamano a ladawan a ditoyen ti pangipanak tapno diakon mangsurat pay iti sabali nga ababa a salaysay maipanggep iti Palanca:
Ni Asseng (maikadua iti kanigid). Kakanawanan ni Herminio S. Beltran Jr iti CCP, pangulo dagiti hurado iti Maikling Kuwento-Iluko. (Rinetrato ni Harold Orara ti MB)
Kadua ni Asseng da Edgar S. Godin, Editor iti Bisaya Magazine a kabsat ti Bannawag (2nd Prize iti Cebuano) ken Danilo B. Antalan iti DZTP Candon City (1st Prize iti Iluko).
Ti "Apong" iti Iluko Fiction Juan S.P. Hidalgo Jr. (tengnga) ken dagiti agpilpilit nga agbalin nga appokona, Danny ken Asseng.
Da Asseng ken Hani.
Agyamanak ken ni Apo Literary Editor Juan Al. Asuncion ta nangisagana iti maysa a bilang ti Bannawag para iti maysa a saritak.
Rinugiak ti nagsurat iti sarita a para pablaak. Daytay sarita nga awan ti pampanunotek-- panangabakna, no magustuan dagiti hurado-- no di ti pannakasangal ti maysa a sarita a mabalin nga ibilangko a sarita.
Ket nalpasko ti "Littugaw" a nawayawayaan dagiti rikna a nabayagen nga im-impek iti barukongko.
Dayta ti premiok.
Ken ti kuna ni Apo Editor Cles Rambaud: "Nag-matureka."
Amang a dakdakkel a gunggona para kaniak ti tapik iti abaga manipud iti dua kadagiti sumagmamano a pagtamdak a piksionista iti Iluko, malaksid iti kina-editorda.
Konsolasion ti panangabakna a maikadua iti Palanca Iluko.
Siempre, dakkel a konsolasion, nangruna ket impablaakdakami (dakami ken Edgar S. Godin, Editor ti Bisaya) iti sango a panid ti Bulletin, sa pay ininterbiodakami para iti "Students & Campuses" a seksion ti nasao a broadsheet nangruna ket nadakamat met ti dida koma panangilanglangi kadagiti amin a lengguahe iti rehion, ken ti maitutop laeng a pannakausar ti nariingan a lengguahe kadagiti umuna a tawen dagiti ubbing. Dakkel a konsolasion ta nakaraman man dataon kadagiti taraon a kankanen dagiti babaknang, ken inumen a nangingina. Ken adda baro a sapatos, pantalon ken polo ('diay laeng polo ti kanayonto siguro a maisuotko iti opisina ket pang-awarding laeng manen dagiti sapatos ken pantalon). Ken nakadakulap manen dagiti pada a mannurat, iti nadumaduma a lengguahe. (Saan a konsolasion ti pannakakilamisaanko kadagiti Inglesero, nupay nalalaingda met nga umisem ken nairut ti pannakidinnakulapda.)
Ngem kas iti masansan a kunak, nananamko ti balligi kalpasan a masuratko ti sarita.
Ket sapay koma ta mapadasakto manen ti isu met laeng a balligi kadagiti sumarsaruno pay a sarita (ken daniw) a suratek.
Iti baba, makitayo dagiti sumagmamano a ladawan a ditoyen ti pangipanak tapno diakon mangsurat pay iti sabali nga ababa a salaysay maipanggep iti Palanca:
Ni Asseng (maikadua iti kanigid). Kakanawanan ni Herminio S. Beltran Jr iti CCP, pangulo dagiti hurado iti Maikling Kuwento-Iluko. (Rinetrato ni Harold Orara ti MB)
Kadua ni Asseng da Edgar S. Godin, Editor iti Bisaya Magazine a kabsat ti Bannawag (2nd Prize iti Cebuano) ken Danilo B. Antalan iti DZTP Candon City (1st Prize iti Iluko).
Ti "Apong" iti Iluko Fiction Juan S.P. Hidalgo Jr. (tengnga) ken dagiti agpilpilit nga agbalin nga appokona, Danny ken Asseng.
Da Asseng ken Hani.
Comments
Post a Comment