Kabessat ti Bagis
(pasetna)
Ad-adda ketdi a perperngen ni Amor ti bulan. Malaglagipna ngamin ti ikankanta ni mamangna no kasta a paturogenna, “Bulan, bulan, ania ti sidam? Adtoy, adtoy, innapuy a napudaw…”
Ken maay-ayo a mangpadpadaan iti panagbalbaliw ti sukog ti bulan. Kuna pay ni mamangna idi ubing pay isuna a no kasta a saan a kompleto ti bulan, kinettaban ti kapre nga agnaed iti akasia a nakaikalian ti kadkadua ni manongna nga Eros— daydi akasia a pinukan ti mano pulo a lallaki, a nangsukat wenno nangbangon iti munisipio. Dinan nasaludsod ken ni mamangna no ayannan daydi kapre. “Napan ngatan idiay akasia idiay simbaan,” kinunkunana lattan iti bagina. Awan ti nadamagna a binalsan ti kapre ta nangatangda kano sakbay a pinukanda ti akasia.
Tantannawaganna met no kua ti akasia iti simbaan. No dadduma, madlawna dagiti babattit nga agkidmakidmat iti akasia. Segun ken ni nanangna, kulalanti dagitoy. No adda kulalanti iti maysa a kayo, adda di katatawan. Mabalin a pudno a daydi kapre a nagnanaed iti akasia a nakaikalian ti kadkadua ni manongna, immakaren iti akasia iti simbaan. Ngem saan met a mabuteng wenno maaliaw. Panagriknana, umakar no kua ti law-ang iti akasia ket dagiti kulalanti, isuda met laeng dagiti bituen.
Pasaray met urayenna ti panagtinnag dagiti layap. Ipapanna a dagitoy dagiti matmatay a planeta ket maregregda iti law-ang a pagpukawanda met laeng. Kuna met laeng ni mamangna a no kano masiglotna ti gayadan ti kamisetana bayat ti kaadda ti layap ket makapag-wish, matungpal dayta a dawat. Dina pay idi nangnangngeg ti istoria ti genie a nabalud iti botelia a mangtungpal iti dawat ti asino man a nakawayawaya kenkuana.
Isu a pagay-ayamanna ti aguray iti layap. Ngem manmano met nga adda agparang. No adda met bigla nga agparang, malipatanna a sigloten ti kamisetana ta maray-aw iri naidumduma a kinarangrang ti layap. Agbabawi itan a di man laeng nakapag-wish uray naminsan. Uray indawatna la koma nga agbayag ti biag ni mamangna. . .
Ad-adda ketdi a perperngen ni Amor ti bulan. Malaglagipna ngamin ti ikankanta ni mamangna no kasta a paturogenna, “Bulan, bulan, ania ti sidam? Adtoy, adtoy, innapuy a napudaw…”
Ken maay-ayo a mangpadpadaan iti panagbalbaliw ti sukog ti bulan. Kuna pay ni mamangna idi ubing pay isuna a no kasta a saan a kompleto ti bulan, kinettaban ti kapre nga agnaed iti akasia a nakaikalian ti kadkadua ni manongna nga Eros— daydi akasia a pinukan ti mano pulo a lallaki, a nangsukat wenno nangbangon iti munisipio. Dinan nasaludsod ken ni mamangna no ayannan daydi kapre. “Napan ngatan idiay akasia idiay simbaan,” kinunkunana lattan iti bagina. Awan ti nadamagna a binalsan ti kapre ta nangatangda kano sakbay a pinukanda ti akasia.
Tantannawaganna met no kua ti akasia iti simbaan. No dadduma, madlawna dagiti babattit nga agkidmakidmat iti akasia. Segun ken ni nanangna, kulalanti dagitoy. No adda kulalanti iti maysa a kayo, adda di katatawan. Mabalin a pudno a daydi kapre a nagnanaed iti akasia a nakaikalian ti kadkadua ni manongna, immakaren iti akasia iti simbaan. Ngem saan met a mabuteng wenno maaliaw. Panagriknana, umakar no kua ti law-ang iti akasia ket dagiti kulalanti, isuda met laeng dagiti bituen.
Pasaray met urayenna ti panagtinnag dagiti layap. Ipapanna a dagitoy dagiti matmatay a planeta ket maregregda iti law-ang a pagpukawanda met laeng. Kuna met laeng ni mamangna a no kano masiglotna ti gayadan ti kamisetana bayat ti kaadda ti layap ket makapag-wish, matungpal dayta a dawat. Dina pay idi nangnangngeg ti istoria ti genie a nabalud iti botelia a mangtungpal iti dawat ti asino man a nakawayawaya kenkuana.
Isu a pagay-ayamanna ti aguray iti layap. Ngem manmano met nga adda agparang. No adda met bigla nga agparang, malipatanna a sigloten ti kamisetana ta maray-aw iri naidumduma a kinarangrang ti layap. Agbabawi itan a di man laeng nakapag-wish uray naminsan. Uray indawatna la koma nga agbayag ti biag ni mamangna. . .
Comments
Post a Comment