Kiddaw ti PNP kadagiti nagannak: Diyo usaren ti polis a pangbutbuteng
Kiniddaw itay nabiit ti Philippine National Police (PNP) kadagiti nagannak a dida koma usaren dagiti polis a pangbutbuteng kadagiti annakda, a kunada a malaksid a di makatulong a mangdisiplina kadagiti ubbing, ad-adda pay a mansaanna ti narugit la ngaruden a langa ti nasao nga ahensia ti gobierno.
Impakaammo met ni Chief Superintendent Nicanor Belmonte, direktor ti PNP-Police Community Relations Group (PCRG), a tapno mailinteg ti negatibo a panagkita dagiti ubbing kadagiti polis, maiwayat ti maysa a poetry reading a mangigunamgunam a dagiti polis ket gagayyem a saan ketdi a dakes a tao a pagbutngan.
“Naamirismi nga iti kanito nga agbalin a naloko ti ubing, adda dagiti nagannak a mangibaga nga ipatiliwda daytoy kadagiti polis. Isu nga iti pay laeng nasapa a paset ti biag ti ubing, mangrugin a tumanor iti isipna ti negatibo a panagkitana kadagiti polis,” kinuna ni Bartolome.
“Kayatmi a mailinteg daytoy. Kayatmi nga ipaganetget a mannakigayyem dagiti polis ken nakasagana a mangtulong kadagiti ubbing ken dagiti umili iti tiempo nga agparikutda,” innayon daytoy.
Kinuna ni Bartolome a basaenda ti daniw a sinurat ti maysa a kameng ti PCRG iti serye ti panagbasa iti daniw (poetry reading) iti sibubukel a pagilian, a pangipangrunaanda nga agdengngeg dagiti adda iti Grado Uno agingga iti Grado Tres.
Kinuna ti nasao nga opisial a makikoordinarda iti Department of Education (DepEd) tapno dawatenda ti pammalubos ti nasao nga ahensia ken tulong no kasano nga iwayatda ti panggepda (a panagbasa iti daniw).
Innayon ni Bartolome nga apaman a maipinal ti programa, dagus a mangaramidda iti memo kadagiti amin a regional director tapno rugianda ti programa iti masakupanda.
Impakaammo met ni Chief Superintendent Nicanor Belmonte, direktor ti PNP-Police Community Relations Group (PCRG), a tapno mailinteg ti negatibo a panagkita dagiti ubbing kadagiti polis, maiwayat ti maysa a poetry reading a mangigunamgunam a dagiti polis ket gagayyem a saan ketdi a dakes a tao a pagbutngan.
“Naamirismi nga iti kanito nga agbalin a naloko ti ubing, adda dagiti nagannak a mangibaga nga ipatiliwda daytoy kadagiti polis. Isu nga iti pay laeng nasapa a paset ti biag ti ubing, mangrugin a tumanor iti isipna ti negatibo a panagkitana kadagiti polis,” kinuna ni Bartolome.
“Kayatmi a mailinteg daytoy. Kayatmi nga ipaganetget a mannakigayyem dagiti polis ken nakasagana a mangtulong kadagiti ubbing ken dagiti umili iti tiempo nga agparikutda,” innayon daytoy.
Kinuna ni Bartolome a basaenda ti daniw a sinurat ti maysa a kameng ti PCRG iti serye ti panagbasa iti daniw (poetry reading) iti sibubukel a pagilian, a pangipangrunaanda nga agdengngeg dagiti adda iti Grado Uno agingga iti Grado Tres.
Kinuna ti nasao nga opisial a makikoordinarda iti Department of Education (DepEd) tapno dawatenda ti pammalubos ti nasao nga ahensia ken tulong no kasano nga iwayatda ti panggepda (a panagbasa iti daniw).
Innayon ni Bartolome nga apaman a maipinal ti programa, dagus a mangaramidda iti memo kadagiti amin a regional director tapno rugianda ti programa iti masakupanda.
Comments
Post a Comment