TIPS iti Panagilibro Para Kadagiti Mannurat nga Ilokano
NO maysaka a mannurat nga Ilokano ket kayatmo a NAPARTAK a mailibro ti gapuanam, dagitoy ti aramidem:
1. Masapul a nalaingka a mannurat. Ken no kabaelam, nalaingka nga editor. No dimo kabaelan nga editen ti bukodmo a sinurat— ta masapul latta met ti mangkita kadagiti malibtawam— manggayyemka iti nalaing nga editor. Ikkam met bassiten ti igatangna iti karut-omenna a kornik.
2. Masapul a nalaingka iti book design ken book layout. No dimo kabaelan dagitoy, manggayyemka iti makabael. Ikkamto met bassiten iti sukat ti inggatangna iti bolpen ken bond paper-na a nagpraktisanna a nangidesinuan iti librom ken iti sukat ti panagbayadna iti koriente bayat ti panangi-layout-na iti librom.
3. Masapul a napuskol ti rupam a mangilako iti librom.
4. Masapul nga adda ISBN-na ti librom para iti legal nga entidadna. Iti ababa a pannao, masapulo ti publishers. Ti nalaka a kasarsarita para iti daytoy ket GUMIL Filipinas ken Saniata Publications (a kukua daytoy numo).
5. Masapul a mangisaganaka iti di nababbaba ngem Php10,000. Para iti mas detalyado maipanggep iti daytoy, e-mail-andak latta iti asseng(dot)tabag(at)gmail(dot)com.
Apay a Nasken nga Ilibro Dagiti Sinurat?
1. Nasigsigu a basaen.
2. Naparpartak a mabasa dagiti agsuksukisok ket nalaklaka ngarud a maipatarus (dagiti nagaget a translators), maadal (dagiti adda iti akademia) ken mapagiinnadalan (dagiti astig a readers).
3. Mangpabaknang iti agamang ti Literatura Ilokano.
4. Naatiwmo ti kapitalista. Ta ti bannog ken talentom, direkta nga apresiaren ti reader-mo babaen ti pinansial a tulongna kenka a saanen a nasken a makibingay ti sabali a masansan, ad-adda nga isuna pay ti gumanar iti talento ken bannogmo.
Nayon a Tip:
No ti panagkunam ket talaga a naguapo ta sinuratmo ngem saan a trip dagiti agbasbasa iti Bannawag, kasayaatan a talaga nga ilibromon. Total, no masurotam dagiti imbagbagak iti ngato, nakalaklaka (saan a narigat) ken nakalaklaka (saan a nangina) met.
Daytoy ket isu ti maaw-awagan iti Indie Publishing. Ta no kayatmo a dagiti dadakkel a publisher ti mangilibro iti sinuratmo, mapanka kadagiti Anvil kada Visprint, kdpy (isuda dagiti inawagak iti ngato iti kapitalista). Ngem, siempre, medio narigat pay kadagitoy ta ditay pay naipaneknek kadakuada nga adda market para kadagiti Ilokano a libro. Ngem ditay met iserserra ti ridawtayo para iti dayta a posibilidad. Ken amangan no daytoy ar-aramidentayo a panagilibro ita, isuda dagiti tulbek.
Ala, rakenrol.
--Asseng
Abril 30, 2014
1. Masapul a nalaingka a mannurat. Ken no kabaelam, nalaingka nga editor. No dimo kabaelan nga editen ti bukodmo a sinurat— ta masapul latta met ti mangkita kadagiti malibtawam— manggayyemka iti nalaing nga editor. Ikkam met bassiten ti igatangna iti karut-omenna a kornik.
2. Masapul a nalaingka iti book design ken book layout. No dimo kabaelan dagitoy, manggayyemka iti makabael. Ikkamto met bassiten iti sukat ti inggatangna iti bolpen ken bond paper-na a nagpraktisanna a nangidesinuan iti librom ken iti sukat ti panagbayadna iti koriente bayat ti panangi-layout-na iti librom.
3. Masapul a napuskol ti rupam a mangilako iti librom.
4. Masapul nga adda ISBN-na ti librom para iti legal nga entidadna. Iti ababa a pannao, masapulo ti publishers. Ti nalaka a kasarsarita para iti daytoy ket GUMIL Filipinas ken Saniata Publications (a kukua daytoy numo).
5. Masapul a mangisaganaka iti di nababbaba ngem Php10,000. Para iti mas detalyado maipanggep iti daytoy, e-mail-andak latta iti asseng(dot)tabag(at)gmail(dot)com.
Apay a Nasken nga Ilibro Dagiti Sinurat?
1. Nasigsigu a basaen.
2. Naparpartak a mabasa dagiti agsuksukisok ket nalaklaka ngarud a maipatarus (dagiti nagaget a translators), maadal (dagiti adda iti akademia) ken mapagiinnadalan (dagiti astig a readers).
3. Mangpabaknang iti agamang ti Literatura Ilokano.
4. Naatiwmo ti kapitalista. Ta ti bannog ken talentom, direkta nga apresiaren ti reader-mo babaen ti pinansial a tulongna kenka a saanen a nasken a makibingay ti sabali a masansan, ad-adda nga isuna pay ti gumanar iti talento ken bannogmo.
Nayon a Tip:
No ti panagkunam ket talaga a naguapo ta sinuratmo ngem saan a trip dagiti agbasbasa iti Bannawag, kasayaatan a talaga nga ilibromon. Total, no masurotam dagiti imbagbagak iti ngato, nakalaklaka (saan a narigat) ken nakalaklaka (saan a nangina) met.
Daytoy ket isu ti maaw-awagan iti Indie Publishing. Ta no kayatmo a dagiti dadakkel a publisher ti mangilibro iti sinuratmo, mapanka kadagiti Anvil kada Visprint, kdpy (isuda dagiti inawagak iti ngato iti kapitalista). Ngem, siempre, medio narigat pay kadagitoy ta ditay pay naipaneknek kadakuada nga adda market para kadagiti Ilokano a libro. Ngem ditay met iserserra ti ridawtayo para iti dayta a posibilidad. Ken amangan no daytoy ar-aramidentayo a panagilibro ita, isuda dagiti tulbek.
Ala, rakenrol.
--Asseng
Abril 30, 2014
Comments
Post a Comment