Fund Raising Activity ti GUMIL Filipinas, Gimmanar
Gimmanar ti Mrs. GUMIL Filipinas Popularity Contest a fund-raising activity ti GF a naiwayat iti napalabas a maika-42 a nailian a kombension iti Currimao, Ilocos Norte, segun iti report nga impresenta ti tresorera ti gunglo iti maikanem a regular a Board Meeting a naangay idi Agosto 29, 2010.
Segun ken ni Eden Bulong, tesorera ti GUMIL Filipinas, saan laeng a ti GF no di ket pati pay dagiti chapter a nangipatakder iti kandidata ti gimmanar iti nasao a fund-raising activity.
Kinuna ni Bulong nga aganay a P97,549 ti naukkon a kuarta dagiti kandidato. Kalpasan a nayawat dagiti bingay (porsiento) dagiti kandidata ken dagiti chapters-da ken naikissay dagiti nagastos iti pannakaiwayat iti popularity contest, adda napastrek ti GF a P61,566.67.
Iti nasao a pasalip, nabalangatan a Mrs. GUMIL Filipinas 2010 iti napalabas a kombension ni Mrs. Nenita Baclig a kandidata ti GUMIL Metro Manila. Prinsesa da Mrs. Armela Joyce Luczon ti GUMIL Cagayan, Mrs. Adoracion Salantes ti GUMIL Ilocos Norte ken Mrs. Avelina Visaya ti GUMIL La Union.
Manamnama a mainayon ti napastrek iti pannakaituloy ti Balay ti GUMIL a naisaad iti Suso Beach, Sta. Maria, Ilocos Sur manipud iti lote nga indonar dagiti agkaingungot a Dr. Godoredo S. Reyes (+) ken Dra. Decicacion Reyes.
Maipalagip a naisardeng kadagiti naglabas a tawen ti pannakaipatakder ti Balay ti GUMIL gapu iti pannakaipagna ti titulo ti lote a mainagan iti GUMIL Filipinas.
Iti administrasion ni Pasado Presidente Baldovino Valdez, nayurnos ti titulo ket ita ta nakanagananen iti GUMIL Filipinas ti lote, mabalin manen nga ituloy ti pannakaipatakder ti balay.
Mainaig iti daytoy, silulukat ti GUMIL Filipinas kadagiti mayat a tumulong iti daytoy a gannuat. Ketdi, maigunamgunam nga agdalan koma iti umno a proseso ti pannakaiyawat dagiti donasion. Kadagiti gunglo wenno GUMIL chapter a mayat a tumulong, mayawat koma ti donasion babaen ti resolusion a pirmado dagiti maseknan nga opisial ti chapter, nga akseptaren ken pirmaan ti presidente ken dagiti maseknan nga opisial ti GF.
Kadagiti indibidual a naayat a tumulong, makiuman iti liderato ti GUMIL tapno maipaayanda iti sertipikasion a naawat ti GUMIL Filipinas ti donasion. Pirmaan daytoy ti Presidente, Tesorera, ken Sekretario ti gunglo. Kontaken ti liderato babaen ti e-mail itoy nga adres: gumil.filipinas@gmail.com. (Sherma E. Benosa)
Segun ken ni Eden Bulong, tesorera ti GUMIL Filipinas, saan laeng a ti GF no di ket pati pay dagiti chapter a nangipatakder iti kandidata ti gimmanar iti nasao a fund-raising activity.
Kinuna ni Bulong nga aganay a P97,549 ti naukkon a kuarta dagiti kandidato. Kalpasan a nayawat dagiti bingay (porsiento) dagiti kandidata ken dagiti chapters-da ken naikissay dagiti nagastos iti pannakaiwayat iti popularity contest, adda napastrek ti GF a P61,566.67.
Iti nasao a pasalip, nabalangatan a Mrs. GUMIL Filipinas 2010 iti napalabas a kombension ni Mrs. Nenita Baclig a kandidata ti GUMIL Metro Manila. Prinsesa da Mrs. Armela Joyce Luczon ti GUMIL Cagayan, Mrs. Adoracion Salantes ti GUMIL Ilocos Norte ken Mrs. Avelina Visaya ti GUMIL La Union.
Manamnama a mainayon ti napastrek iti pannakaituloy ti Balay ti GUMIL a naisaad iti Suso Beach, Sta. Maria, Ilocos Sur manipud iti lote nga indonar dagiti agkaingungot a Dr. Godoredo S. Reyes (+) ken Dra. Decicacion Reyes.
Maipalagip a naisardeng kadagiti naglabas a tawen ti pannakaipatakder ti Balay ti GUMIL gapu iti pannakaipagna ti titulo ti lote a mainagan iti GUMIL Filipinas.
Iti administrasion ni Pasado Presidente Baldovino Valdez, nayurnos ti titulo ket ita ta nakanagananen iti GUMIL Filipinas ti lote, mabalin manen nga ituloy ti pannakaipatakder ti balay.
Mainaig iti daytoy, silulukat ti GUMIL Filipinas kadagiti mayat a tumulong iti daytoy a gannuat. Ketdi, maigunamgunam nga agdalan koma iti umno a proseso ti pannakaiyawat dagiti donasion. Kadagiti gunglo wenno GUMIL chapter a mayat a tumulong, mayawat koma ti donasion babaen ti resolusion a pirmado dagiti maseknan nga opisial ti chapter, nga akseptaren ken pirmaan ti presidente ken dagiti maseknan nga opisial ti GF.
Kadagiti indibidual a naayat a tumulong, makiuman iti liderato ti GUMIL tapno maipaayanda iti sertipikasion a naawat ti GUMIL Filipinas ti donasion. Pirmaan daytoy ti Presidente, Tesorera, ken Sekretario ti gunglo. Kontaken ti liderato babaen ti e-mail itoy nga adres: gumil.filipinas@gmail.com. (Sherma E. Benosa)
Comments
Post a Comment