LIMDO
Sukatsukatek ti tunggal limdo
Nga
umarisabay
Ti
kada murkat: sandi ti ling-et
Kada
maipaw-it nga iliw
Kadarato
a damdamagek iti agsagni
Umar-aripapa
no daytoy kadi
Ti
naikudi
Kiwarkiwarek
tunggal sumipnget
Uray
ti bannawag ti sinamar umalipunget
Agagneb
payen ti banga
Ti
lanuti a mangakloaklo
Kadagiti
pinarnuayta a dalipato
Ngem
kaarigta gayam ti kulintaba
Adayo
unay ti mangmatimati a pangngadua
No
apay a dita maserregan
Ketdi,
sagatsagatenta ti naapgad
Ti
amil-amilenta a pannakaigadgad
No
apay ngamin; isu ngata ti naisagad
A
gasat
Ngem
mamatiak a duayyaenta a mulien
Uray
agsupadi ti panangimutektek
No
ania ti nagdumaanta
Isu
ti pagsinsinanta
Uray
kayuskosem nga imurdongan
Nga
ayan ti diro ti uyokan
Isu
ti patiem a pagkatungpalan
Dagiti
arapaap nga awanan nagan
Ammok,
dungngo, iti kaunggam
Limoglimogem
met ti limdo
Agaddayo
ti maipasidong a karayo
Ngem
ammom kadi ? Tungal murkat
Naynay
a suknasuknalak
Uray
no umad-adas
Saan
gayam nga umdas
Ti
FB, viber ken chat
Mabatbatianak
a matiag
No
kaanonto
Nga
umbaas ti limdo
Agingga
nga aginnadayo ti lubongta
Ti
paraisom: duduayyaen dagiti mayalloallon
Idinto
a matdaak a mangul-ullom
Umel
dagita litania
Ngem
sikanto latta
Ta
sika ti siak: siak ti sika
Pidutpidutek
manen ti murkat
Ti
impaw-itmo a limdo a manakanak
Ibturak
amin ida
Iti
diak masarkedan a limdo.
--DELFIN
P. DUMAYAS
(Maikatlo a
Gunggona iti 2nd Saniata Prize Salip iti Daniw iti 2016. Dagiti
Hurado: Cles B. Rambaud, Roy V. Aragon, ken Ariel Sotelo Tabag.)
Comments
Post a Comment