Agsaotayo iti Ilokano, kuna ni Dr. Almoite ti DMMMSU
Indarirag ni Dr. Orlando Almoite, chancellor ti Don Mariano Marcos Memorial State University (DMMMSU) North La Union Campus iti Brgy. Sapilang, Bacnotan, ti panagdadanggaytayo nga Ilokano a mangipateg iti nariingantayo a pagsasao.
“Ikagumaantayo ti ag-Ilokano iti ania man a mayannatup a gundaway tapno agtalinaed ti kinasingedtayo nga aglalangen, kas maysa a madaydayaw a puli,” imbunannagna iti sango dagiti opisial ti GUMIL La Union (GLU) a nagtataripnong idi Agosto 1 iti board room ti DMMMSU.
Ni Dr. Almoite ti napusgan a nangted iti mensahe, kas pannakabagi ni Dr. Ernesto Gapasin, presidente ti DMMMSU, iti pakpakauna a paset ti miting.
Kinuna daytoy mararaem nga Ilokanista nga inkakaubinganna nga impapuso nga inadal ti lengguahetayo babaen ti panagbasbasana iti BANNAWAG agingga ita. Ket ngarud bigbigenna a babaen dayta, di agressat ti pannakaasa ti kabaelanna nga agsao iti Ilokano/Iluko ken ad-adda met a makarkarit a mangipateg ken mangidaduma iti nakayanakantayo a pagsasao.
Linagipna ti maysa a nasam-it a padasna mainaig iti kinaimnas ti samiweng ti lengguahetayo nga Ilokano. Kinunana: “Napalpalakpakan ti grupomi a kumakanta idi impatayabmi ti Iluko bersion ti National Anthem, a gapuanan daydi Apo Pel Alcantara. Dua a nagduma nga okasion dayta – ti umuna, iti kapitolio ti probinsia ti La Union ket ti maikadua, iti Oasis Resort iti siudad met la ti San Fernando.
Linagidawna ketdi ti mapaspasamak ita, a dumakdakkel ti bilang dagiti ubbing ken agtutubo nga “agannawilen” nga agsao iti Iluko/Ilokano, wenno kas man aglumlumenen ti essemda a mangipannakkel iti kina-Ilokanoda ta agparparang a kabaindan ti agsarita – ken agkanta – iti Iluko.
Iti sabali a bangir, sinarurongan ken dinayawna ti baro nga addang ti DepEd maipapan iti pannakausar ti nakayanakan a pagsasao, a kas iti Ilokano, a kas kangrunaan a lengguahe iti panagisuro manipud iti pre-school agingga iti maikatlo a grado.
Da Dr. ken Mrs. Jaime Lucero ti nagsangaili iti nagmalmalem a miting ti GLU. Maysa a propesor ditoy ni Dr. Lucero ken business manager ti GLU. Immay met nangibinglay iti intelektual a tulongna ni Romy Carasi, sabali pay a propesor ditoy ken mannurat iti BANNAWAG. (Josephine Ople)
Bannawag, Agosto 24, 2009.
“Ikagumaantayo ti ag-Ilokano iti ania man a mayannatup a gundaway tapno agtalinaed ti kinasingedtayo nga aglalangen, kas maysa a madaydayaw a puli,” imbunannagna iti sango dagiti opisial ti GUMIL La Union (GLU) a nagtataripnong idi Agosto 1 iti board room ti DMMMSU.
Ni Dr. Almoite ti napusgan a nangted iti mensahe, kas pannakabagi ni Dr. Ernesto Gapasin, presidente ti DMMMSU, iti pakpakauna a paset ti miting.
Kinuna daytoy mararaem nga Ilokanista nga inkakaubinganna nga impapuso nga inadal ti lengguahetayo babaen ti panagbasbasana iti BANNAWAG agingga ita. Ket ngarud bigbigenna a babaen dayta, di agressat ti pannakaasa ti kabaelanna nga agsao iti Ilokano/Iluko ken ad-adda met a makarkarit a mangipateg ken mangidaduma iti nakayanakantayo a pagsasao.
Linagipna ti maysa a nasam-it a padasna mainaig iti kinaimnas ti samiweng ti lengguahetayo nga Ilokano. Kinunana: “Napalpalakpakan ti grupomi a kumakanta idi impatayabmi ti Iluko bersion ti National Anthem, a gapuanan daydi Apo Pel Alcantara. Dua a nagduma nga okasion dayta – ti umuna, iti kapitolio ti probinsia ti La Union ket ti maikadua, iti Oasis Resort iti siudad met la ti San Fernando.
Linagidawna ketdi ti mapaspasamak ita, a dumakdakkel ti bilang dagiti ubbing ken agtutubo nga “agannawilen” nga agsao iti Iluko/Ilokano, wenno kas man aglumlumenen ti essemda a mangipannakkel iti kina-Ilokanoda ta agparparang a kabaindan ti agsarita – ken agkanta – iti Iluko.
Iti sabali a bangir, sinarurongan ken dinayawna ti baro nga addang ti DepEd maipapan iti pannakausar ti nakayanakan a pagsasao, a kas iti Ilokano, a kas kangrunaan a lengguahe iti panagisuro manipud iti pre-school agingga iti maikatlo a grado.
Da Dr. ken Mrs. Jaime Lucero ti nagsangaili iti nagmalmalem a miting ti GLU. Maysa a propesor ditoy ni Dr. Lucero ken business manager ti GLU. Immay met nangibinglay iti intelektual a tulongna ni Romy Carasi, sabali pay a propesor ditoy ken mannurat iti BANNAWAG. (Josephine Ople)
Bannawag, Agosto 24, 2009.
Comments
Post a Comment