Zafaralla, 2009 Gawad Pambansang Alagad ni Balagtas
Napili ni Dr. Paul B. Zafaralla, retirado a propesor iti Unibersidad ti Filipinas iti Los Baños, a maysa kadagiti mapadayawan inton Agosto 29 a kas Gawad Pambansang Alagad ni Balagtas, pammadayaw a tinawen nga ipapaay ti Unyon ng mga Manunulat sa Pilipinas (UMPIL) kadagiti mabigbig a mannurat iti pagilian.
Kinuna ni Vim Nadera, agdama a presidente ti UMPIL, a mapadayawan ni Zafaralla gapu kadagiti dekalidad a salaysay ken panangamirisna kadagiti banag a mainaig iti arte ken kultura.
Innayon ni Nadera a «nagserbi dagiti panagsukisok ni Zafaralla a nangiturong tapno mabigbig ti kinalaing ni artista a Pilipino, kasta met ti kinabaknang ti bukodna a kultura. »
Tubo iti Pinili, Ilocos Norte, agsursurat ni Zafaralla kadagiti salaysay maipanggep iti kultura ken arte iti Iluko (Ilokano), English, ken Filipino (Tagalog). Kaduana a mapadayawan ita a tawen da Tomas F. Agulto (daniw iti Tagalog), Bartolome Tan Chua (daniw iti Tsino), Mario O’Hara (dulang pampelikula), Alfred Yuson (gapuanan iti Ingles), Zeus A. Salazar (salaysay ken research iti history ken social science).
Manipud idi 1988, tinawen nga adda mannurat nga Ilokano a mapadayawan iti Gawad Pambansang Alagad ni Balagtas, malaksid idi 1997. Dagiti immunan a napadayawan: Godofredo S. Reyes (daniw; 1988); Benjamin M. Pascual (piksion, 1989); Leandro B. Ablang (piksion, 1990); Jeremias A. Calixto (piksion, 1991); Marcelino A. Foronda (1992, piksion ken kritisismo); Pacita C. Saludes (daniw; 1993); Arturo G. Buenavista (piksion, 1994); Juan S.P. Hidalgo, Jr. (piksion, 1995); Jose A. Bragado (piksion, 1996); Gregorio T. Amano (piksion, 1998); Dionisio S. Bulong (piksion, 1999); Juan Ben Quimba (piksion, 2000); Reynaldo A. Duque (piksion ken daniw, 2001); Manuel S. Diaz (piksion, 2002); Onofrecia Ibarra (piksion, 2003); Crispina Bragado (piksion, 2004); Gregorio C. Laconsay (piksion ken daniw, 2005); Arturo M. Padua (salaysay, 2006); Prescillano N. Bermudez (piksion, 2007); ken Ruperta VR. Asuncion (piksion, 2008). (Sherma E. Benosa)
Kinuna ni Vim Nadera, agdama a presidente ti UMPIL, a mapadayawan ni Zafaralla gapu kadagiti dekalidad a salaysay ken panangamirisna kadagiti banag a mainaig iti arte ken kultura.
Innayon ni Nadera a «nagserbi dagiti panagsukisok ni Zafaralla a nangiturong tapno mabigbig ti kinalaing ni artista a Pilipino, kasta met ti kinabaknang ti bukodna a kultura. »
Tubo iti Pinili, Ilocos Norte, agsursurat ni Zafaralla kadagiti salaysay maipanggep iti kultura ken arte iti Iluko (Ilokano), English, ken Filipino (Tagalog). Kaduana a mapadayawan ita a tawen da Tomas F. Agulto (daniw iti Tagalog), Bartolome Tan Chua (daniw iti Tsino), Mario O’Hara (dulang pampelikula), Alfred Yuson (gapuanan iti Ingles), Zeus A. Salazar (salaysay ken research iti history ken social science).
Manipud idi 1988, tinawen nga adda mannurat nga Ilokano a mapadayawan iti Gawad Pambansang Alagad ni Balagtas, malaksid idi 1997. Dagiti immunan a napadayawan: Godofredo S. Reyes (daniw; 1988); Benjamin M. Pascual (piksion, 1989); Leandro B. Ablang (piksion, 1990); Jeremias A. Calixto (piksion, 1991); Marcelino A. Foronda (1992, piksion ken kritisismo); Pacita C. Saludes (daniw; 1993); Arturo G. Buenavista (piksion, 1994); Juan S.P. Hidalgo, Jr. (piksion, 1995); Jose A. Bragado (piksion, 1996); Gregorio T. Amano (piksion, 1998); Dionisio S. Bulong (piksion, 1999); Juan Ben Quimba (piksion, 2000); Reynaldo A. Duque (piksion ken daniw, 2001); Manuel S. Diaz (piksion, 2002); Onofrecia Ibarra (piksion, 2003); Crispina Bragado (piksion, 2004); Gregorio C. Laconsay (piksion ken daniw, 2005); Arturo M. Padua (salaysay, 2006); Prescillano N. Bermudez (piksion, 2007); ken Ruperta VR. Asuncion (piksion, 2008). (Sherma E. Benosa)
Comments
Post a Comment