Ma'am Claire, 70
Manipud itoy a bilang ti BANNAWAG, maikawa la ketdi dagiti adu a mangbasbasa kadagiti salaysay ni Claire A. Sumahit iti panid 10 daytoy a magasin. Ngamin, nagpakadan tapno kas iti insuratna met laeng iti maysa kadagiti naudi a salaysayna, mapan iti “lugar a paginanaan.”
Pimmusay ‘toy maipatpateg a mannurat iti BANNAWAG idi parbangon ti Agosto 17, 2009 iti tawenna a 70 kalpasan ti panagsagabana iti kanser iti barukong. Iti nasurok laeng a dua a tawen a panagsursurat iti Iluko ni Ma’am Claire (kas awagna iti adu a padana a mannurat), kasla layap laeng a nagparang, a kas insuratna met laeng. Ngem nangibati ketdi iti adu a pakalaglagipan iti tay-ak ti Literatura Ilokana kas kadagitoy premiado a saritana: “Kilabban”, “Ni Doktor Danny, Ni Ma’am Ela”, “Sagut”, “Resibo”, ken “Tagaang” nga agpapada a rimmuar iti BANNAWAG malaksid kadagiti adu a salaysayna a rimmuar itoy met laeng a magasin.
Nabayag a nagsursurat iti Baguio Midland Courier, agpapaay ni Ma’am Claire agingga iti ipupusayna a kas kameng ti Awards Committee ti GUMIL Filipinas ken adviser ti GUMIL Baguio-Benguet. Naipasngay ni Ma’am Claire iti Candon, Ilocos Sur (siudad itan) idi Oktubre 6, 1938 ngem nagnaed iti Siudad ti Baguio ken ti pamiliana (taga-Baguio daydi kaingungotna, ni Wilfredo, nupay Cabugao, I.S. ti puonda). Itoy met laeng a siudad ti nagtrabahuan ni Ma’am Claire a kas mangisursuro iti High School Dept. ti University of Baguio a nagturposanna iti kinamaestra.
Inulila ni Ma’am Claire dagiti innem nga annakda iti daydi Apo Wilfredo ken ti pamilia dagitoy: Olga Joy ken Brent Damatac (annakda: Dinwel, Leah, Aliyah, Hadiya Joy, ken Jaco); Ariel (baro pay ken agnaeden iti Canada); Terry (Saudi Arabia) ken Joy (annakda: Ma. Coretha— nayasawa ken ni John Michael Del Val; anakda: Laudice Scarlett; Trixie Ann, Merthel ken Jory Kyle); Hosanna (California, U.S.A.) ken Michael Chavez (annakda: Miguel Franco ken Sheantelle Dominique); Hadassah (Minnesota, U.S.A.) ken Timothy Fischer (anakda: Vince Tihamus); ken Lemuel ken Ellen (annakda: Sophia Margareth ken Unofredo Jacob).
Naimassayag ti bangkay ni Ma’am Claire iti La Funeraria La Paz, Naguilian Rd., Baguio City sakbay a maidulin ti bangkayna iti Km. 9, Tadiangan, Asin, Tuba, Benguet itoy Agosto 24. (Clarito G. De Francia)
Bannawag, Agosto 31, 2009, p.35
Pimmusay ‘toy maipatpateg a mannurat iti BANNAWAG idi parbangon ti Agosto 17, 2009 iti tawenna a 70 kalpasan ti panagsagabana iti kanser iti barukong. Iti nasurok laeng a dua a tawen a panagsursurat iti Iluko ni Ma’am Claire (kas awagna iti adu a padana a mannurat), kasla layap laeng a nagparang, a kas insuratna met laeng. Ngem nangibati ketdi iti adu a pakalaglagipan iti tay-ak ti Literatura Ilokana kas kadagitoy premiado a saritana: “Kilabban”, “Ni Doktor Danny, Ni Ma’am Ela”, “Sagut”, “Resibo”, ken “Tagaang” nga agpapada a rimmuar iti BANNAWAG malaksid kadagiti adu a salaysayna a rimmuar itoy met laeng a magasin.
Nabayag a nagsursurat iti Baguio Midland Courier, agpapaay ni Ma’am Claire agingga iti ipupusayna a kas kameng ti Awards Committee ti GUMIL Filipinas ken adviser ti GUMIL Baguio-Benguet. Naipasngay ni Ma’am Claire iti Candon, Ilocos Sur (siudad itan) idi Oktubre 6, 1938 ngem nagnaed iti Siudad ti Baguio ken ti pamiliana (taga-Baguio daydi kaingungotna, ni Wilfredo, nupay Cabugao, I.S. ti puonda). Itoy met laeng a siudad ti nagtrabahuan ni Ma’am Claire a kas mangisursuro iti High School Dept. ti University of Baguio a nagturposanna iti kinamaestra.
Inulila ni Ma’am Claire dagiti innem nga annakda iti daydi Apo Wilfredo ken ti pamilia dagitoy: Olga Joy ken Brent Damatac (annakda: Dinwel, Leah, Aliyah, Hadiya Joy, ken Jaco); Ariel (baro pay ken agnaeden iti Canada); Terry (Saudi Arabia) ken Joy (annakda: Ma. Coretha— nayasawa ken ni John Michael Del Val; anakda: Laudice Scarlett; Trixie Ann, Merthel ken Jory Kyle); Hosanna (California, U.S.A.) ken Michael Chavez (annakda: Miguel Franco ken Sheantelle Dominique); Hadassah (Minnesota, U.S.A.) ken Timothy Fischer (anakda: Vince Tihamus); ken Lemuel ken Ellen (annakda: Sophia Margareth ken Unofredo Jacob).
Naimassayag ti bangkay ni Ma’am Claire iti La Funeraria La Paz, Naguilian Rd., Baguio City sakbay a maidulin ti bangkayna iti Km. 9, Tadiangan, Asin, Tuba, Benguet itoy Agosto 24. (Clarito G. De Francia)
Bannawag, Agosto 31, 2009, p.35
Comments
Post a Comment