idiay isabela, tagalog ti panagrasawda
inimbitarandak da manong baldovino ab. valdez nga aglektiur maipanggep iti panagsurat iti daniw.
hulio 23, ading, kinunana.
esponsoran kano ti silaw (sanggir dagiti ilokano nga awardee-writers, inc.), ti grupo a namunganay manipud iti tinawen a pasalipna nga avail. gapu ta karamanak metten kadagiti napadayawan itoy a pasalip, kamengak itoy a grupo.
dinamagko no asino dagiti agdengngeg. ta no dagiti bangolan koma a mannurat, agrasonak koman.
ta iti hulio 22, kasangay 'tay inaunaan a putotko ket inkeddengmi nga agkasangay laengen iti pagtaenganmi gapu iti rason a diakon dakamaten ngem mainaig iti madi nga inaramid dagiti mangimatmaton iti eskuelaanda.
maikadua, umuna unay a miting ti board ti gumil filipinas iti hulio 24. okey met laeng koma nga aglanganak ta maysaak met laengen a direktor. ngem kaunaan met ket masansan a mapagpapatangan dagiti mangimaton iti komite. yassign-dak ketdi iti komite a diak kursonada, dakesen. maikadua, parambak iti maika-75 a kasangay ni apo juan sp hidalgo jr (awan pay gayam nairegalok) ket nakababain met a palabsen.
maikatlo, saanen a masapul ti sumagmamano a bangolan iti singasing wenno paratignay ti naub-ubing ngem isuda a kas kaniak. namin-adun a napaneknekak dayta.
simmungbat ni manong bal (awagmi ken ni apo valdez) a mamaestra ken estudiante kano a puro agngayangay a mannurat ti dumngeg. pinaipusanna pay a madanagan ta is-isuda met laengen ken ni manong rogie baysa ti mannurat (iti iluko ken nalatak) iti alica.
dagus a nagwenak. hanabalen a nabannog ti agbiahe ken medio nangednged ti panawen manipud iti pannakaibagana aginga iti aldaw ti seminar.
ta nagdanagak met.
* * *
kas napagnumuan, iti sango ti simbaan ti alicia ti dimsaagak. nupay maikatlon dayta nga ipapanko, diak pay unay kabisado ta apagdiklawit met la dagiti immuna a dua nga ipapanko (gapu met laeng iti literatura).
nadlawko a nalapsat met gayam ti simbaanda. kasla dominikano ti akin-gapuanan ta umarngi kadagiti simbaan iti cagayan. diak ketdi inas-asitgan ta nariwet pay, pagriruandakto ketdi nga agbagtit.
sabagay, sungsungkaen pay laeng ti panunotko nga asitgan ti simbaan, simmangpeten ni manong bal a nangmaneho iti tsikot-na.
* * *
inlabasnak iti balay da manong rogie. nagtungtung-edak. sa iti barangay(nagtiponan sa itay) nga ayan ti naglalaok a puli a ti beddengda ket ti kalsada. sa iti provincial road a lubak-lubak nga atiw pay ti sitio road iti gonzaga.
hm, agasem ta ti kalsada a mapan iti balay ti maysa a nag-provincial director iti dilg ket nagtalinaed a kasta. diak ammo no ania ti parikut ti isabela.
* * *
kursonadak man ti arubayan da manong bal. nakasamsamek kadagiti nadumaduma a mula kangrunaan iti masetas.
adda arios (diak ammo no kasta ti ispelingna) a sukog christmas tree nga inggapuna kano iti batanes.
adda 'naipakalatkat' iti alad a dragon fruit (saniata itan ti awagda iti ilokos).
adda balang a paria a naipakalatkat iti bassit a kayo a diak ammo ti naganna.
adda kalunay iti masetera.
adda saluyot.
adda dagitay atap a masetas nga inggapuna kano iti laguna.
adda saba.
adda sua.
adda anangka.
ken nadumaduma a masetas.
sa sangsang-awan ti kararaepna a nawatiwat a sinilong dayta nga arubayan.
apo, nagimas ti agbiag no kasta ti inaldaw a makitam a buya.
* * *
bayat ti panagkapkapemi, kuna ni manong bal a kantaenminto kano iti programa ti ilokano a patarusna iti "lupang hinirang".
ket adda met dagitay patarus da apo pelagio (alcantara), apo greg amano, ken tanud joel manuel, kinunak.
kuna ni manong bal a dida kano matarusan idiay isabela dagiti naagapad a bersion.
* * *
iti munisipio ti nakaangayan ti seminar.
addan da manong rogie ken manong rizalino viernes (dati a presidente ti gumil isabela), ken maysa pay a kagumilan a nalipatak metten ti naganna (sori, apo).
sa mapan a kuarenta a naglalaok nga estudiante iti haiskul ken kolehio ken dagiti mamaestrada.
sa adda kano nailaok a sumagmamano nga opisial iti barangay.
ket narugian ti maysa nga aldaw a seminar.
* * *
natarus nga agpayso ti patarus ni manong bal.
malaksid ti pannakaibalikas dagiti sumagmamano a balikas.
kas iti 'daga' (adda iti maikadua a silaba koma ti bengngatna), 'ayat', ken diakon malagip dagiti dadduma.
ngem iti pakabuklanna, nalaka a masurotan dagiti estudiante ti patarus ni manong bal.
* * *
yur-uraymi koma ni mayor ging reyes ngem inteksna kano met ken ni manong bal nga agsakit.
isu a rinugian ni manong bal babaen ti panangilawlawagna iti gapu dayta a paseminar.
inesponsoran ti silaw nga isuna ti chairman, panggep daytoy a gutigoten dagiti taga-alicia, kangrunaan dagiti agtutubo, nga agsurat, siempre, kangrunaan iti ilokano.
ket inulitna ti nadakamatko iti ngato a pagdadanaganna.
ad-addan a nagdanagak.
* * *
ni manong rogie ti nangtratar iti ortograpia. kinunana nga impayemailna ken ni manong ruperto manuel ti ingles a papel daytoy mainaig iti nasao a topiko. sa impatarusna iti ilokano. ket isu ti imbasa ken imbinsana.
nakaay-ayat dagiti agdengngeg ta kinatawaanda dagiti dinakamat ni manong rogie a wadan a balikas kas iti billobillo, purpor, ken dadduma pay.
napaneknekak nga estranghero a talagan dagiti balikas nga ilokano. wenno ti pagsasao nga ilokano?
* * *
simmarunoak a nangtratarak iti panagsurat iti daniw. gapu ta makitak a talaga nga agdadamoda, inurnosko bassit ti presentasionko.
pinauluak iti TI SANGAPULO A BILIN ITI PANAGSURAT ITI DANIW NGA ILOKANO, nga innalak met laeng ti pasetna kadagiti maysa nga impresentarkon a sinsinan papel.
sakbayna, impakdaarko a ti pammatik, ti daniw ket naisangrat a maipabuya wenno maibasa. a naipauso laeng kunak ti pannakaisuratna gapu ta mapisti dagiti mannaniw ngem dagiti daniw a maisurat, agtalinaed iti agnanayon wenno nabaybayag laeng ti panagbayagda.
iti umuna a bilin, dinakamatko no ania ti daniw.
iti maikadua a bilin, dinamatko dagiti nadumaduma a kita ti daniw ilokano. ta napateg kunak a maammuan dagitoy nangruna no panggepda ti agdaniw iti ilokano. malaksid a dagitoy a dandaniw ti wagas dagiti aapongtayo nga inrakurak wenno imbalikas ti kananakem ken kararuada.
diakon dakamaten dagiti walo pay ta umatiddog nga umatiddog daytoy a salaysay/sinsinan kolum.
* * *
nakaay-ayat laeng a lektiuran dagiti agtutubo. interesadoda ta makitam ti panagdengngegda.
ken agkatawada met kadagiti pakpakatawa a namnamaek a katawaanda.
nadlawko laeng ti panagiinnarasaasda idi naminsan ket diak naliklikan ti nagrasaw ket naibagak ti "ukininananto pay la ketdi" nga itan, diak malagip no ania a paset ti lektiurko ti nakaisingitak.
saanda met ngata a naklaat ti kunak. ta nakaisemda met.
nalabit kunada, astig gayam ti agrasaw iti ilokano.
* * *
apay a naibagak ti kasta?
gapu ta idi napanak dimmiklawit iti computer shop gapu iti pettat a makagapu (ni manong bal ti madama nga agleklektiur idi maipanggep iti panagsurat iti salaysay), rasaw a rasaw dagiti agtutubo iti kompiuteran. (siguro daytoy ti nasken nga i-regulate ti munisipio ta kas makitak iti maysa a pakdaar, ITAPON SA LABAS ANG UPOS NG SIGARILYO , mabalin ti agyosi iti uneg. delikado iti salun-at dayta. delikado iti mortal a bagi. nagrigat ti matay gapu iti sigarilio a dika met pulos agsigsigarilio.)
nakakalkaldaang pay, "putangina" ti rasawda. kayatna a sawen, tagalog ti panagsaodan. delikado met iti kararua dayta.
syet.
* * *
apagisu nga umuliak idi simmangpet ni manong mindo aquino a segun iti programa, aglektiur iti panagsurat iti damag.
dandanin malpas ni manong bal idi makaulikami. simmaruno a dagus ni manong mindo. kas iti namay-anmi iti daniw, nagpasalip met iti panagsurat iti damag.
* * *
kalpasan ti panaglektiurko gayam, nagpasalipkami iti panagsurat iti daniw. dua kategoria: estudiante ken saan nga estudiante. ti premio: libro.
sag-innem ti pinangabakmi ditoy.
nakaay-ayat ta ammoda met gayam ti agsurat iti ilokano.
tallo ti nakitak nga adda potensialna, nupay nalabit addada pay sabali.
dagiti first, second ken sixth iti estudiante.
dagiti first ken second, adda ibagbagada ken kabaelanda ti agiggem iti lengguahe.
daydiay sixth, dose anios a nakasuraten iti daniw!
* * *
isu a naragsakak a nagawid. ta no matarabay la ketdi dagiti agtutubo iti alicia, awan ti rebbengna a pagdanagan da manong bal.#
Hulio 25, 2011
hulio 23, ading, kinunana.
esponsoran kano ti silaw (sanggir dagiti ilokano nga awardee-writers, inc.), ti grupo a namunganay manipud iti tinawen a pasalipna nga avail. gapu ta karamanak metten kadagiti napadayawan itoy a pasalip, kamengak itoy a grupo.
dinamagko no asino dagiti agdengngeg. ta no dagiti bangolan koma a mannurat, agrasonak koman.
ta iti hulio 22, kasangay 'tay inaunaan a putotko ket inkeddengmi nga agkasangay laengen iti pagtaenganmi gapu iti rason a diakon dakamaten ngem mainaig iti madi nga inaramid dagiti mangimatmaton iti eskuelaanda.
maikadua, umuna unay a miting ti board ti gumil filipinas iti hulio 24. okey met laeng koma nga aglanganak ta maysaak met laengen a direktor. ngem kaunaan met ket masansan a mapagpapatangan dagiti mangimaton iti komite. yassign-dak ketdi iti komite a diak kursonada, dakesen. maikadua, parambak iti maika-75 a kasangay ni apo juan sp hidalgo jr (awan pay gayam nairegalok) ket nakababain met a palabsen.
maikatlo, saanen a masapul ti sumagmamano a bangolan iti singasing wenno paratignay ti naub-ubing ngem isuda a kas kaniak. namin-adun a napaneknekak dayta.
simmungbat ni manong bal (awagmi ken ni apo valdez) a mamaestra ken estudiante kano a puro agngayangay a mannurat ti dumngeg. pinaipusanna pay a madanagan ta is-isuda met laengen ken ni manong rogie baysa ti mannurat (iti iluko ken nalatak) iti alica.
dagus a nagwenak. hanabalen a nabannog ti agbiahe ken medio nangednged ti panawen manipud iti pannakaibagana aginga iti aldaw ti seminar.
ta nagdanagak met.
* * *
kas napagnumuan, iti sango ti simbaan ti alicia ti dimsaagak. nupay maikatlon dayta nga ipapanko, diak pay unay kabisado ta apagdiklawit met la dagiti immuna a dua nga ipapanko (gapu met laeng iti literatura).
nadlawko a nalapsat met gayam ti simbaanda. kasla dominikano ti akin-gapuanan ta umarngi kadagiti simbaan iti cagayan. diak ketdi inas-asitgan ta nariwet pay, pagriruandakto ketdi nga agbagtit.
sabagay, sungsungkaen pay laeng ti panunotko nga asitgan ti simbaan, simmangpeten ni manong bal a nangmaneho iti tsikot-na.
* * *
inlabasnak iti balay da manong rogie. nagtungtung-edak. sa iti barangay(nagtiponan sa itay) nga ayan ti naglalaok a puli a ti beddengda ket ti kalsada. sa iti provincial road a lubak-lubak nga atiw pay ti sitio road iti gonzaga.
hm, agasem ta ti kalsada a mapan iti balay ti maysa a nag-provincial director iti dilg ket nagtalinaed a kasta. diak ammo no ania ti parikut ti isabela.
* * *
kursonadak man ti arubayan da manong bal. nakasamsamek kadagiti nadumaduma a mula kangrunaan iti masetas.
adda arios (diak ammo no kasta ti ispelingna) a sukog christmas tree nga inggapuna kano iti batanes.
adda 'naipakalatkat' iti alad a dragon fruit (saniata itan ti awagda iti ilokos).
adda balang a paria a naipakalatkat iti bassit a kayo a diak ammo ti naganna.
adda kalunay iti masetera.
adda saluyot.
adda dagitay atap a masetas nga inggapuna kano iti laguna.
adda saba.
adda sua.
adda anangka.
ken nadumaduma a masetas.
sa sangsang-awan ti kararaepna a nawatiwat a sinilong dayta nga arubayan.
apo, nagimas ti agbiag no kasta ti inaldaw a makitam a buya.
* * *
bayat ti panagkapkapemi, kuna ni manong bal a kantaenminto kano iti programa ti ilokano a patarusna iti "lupang hinirang".
ket adda met dagitay patarus da apo pelagio (alcantara), apo greg amano, ken tanud joel manuel, kinunak.
kuna ni manong bal a dida kano matarusan idiay isabela dagiti naagapad a bersion.
* * *
iti munisipio ti nakaangayan ti seminar.
addan da manong rogie ken manong rizalino viernes (dati a presidente ti gumil isabela), ken maysa pay a kagumilan a nalipatak metten ti naganna (sori, apo).
sa mapan a kuarenta a naglalaok nga estudiante iti haiskul ken kolehio ken dagiti mamaestrada.
sa adda kano nailaok a sumagmamano nga opisial iti barangay.
ket narugian ti maysa nga aldaw a seminar.
* * *
natarus nga agpayso ti patarus ni manong bal.
malaksid ti pannakaibalikas dagiti sumagmamano a balikas.
kas iti 'daga' (adda iti maikadua a silaba koma ti bengngatna), 'ayat', ken diakon malagip dagiti dadduma.
ngem iti pakabuklanna, nalaka a masurotan dagiti estudiante ti patarus ni manong bal.
* * *
yur-uraymi koma ni mayor ging reyes ngem inteksna kano met ken ni manong bal nga agsakit.
isu a rinugian ni manong bal babaen ti panangilawlawagna iti gapu dayta a paseminar.
inesponsoran ti silaw nga isuna ti chairman, panggep daytoy a gutigoten dagiti taga-alicia, kangrunaan dagiti agtutubo, nga agsurat, siempre, kangrunaan iti ilokano.
ket inulitna ti nadakamatko iti ngato a pagdadanaganna.
ad-addan a nagdanagak.
* * *
ni manong rogie ti nangtratar iti ortograpia. kinunana nga impayemailna ken ni manong ruperto manuel ti ingles a papel daytoy mainaig iti nasao a topiko. sa impatarusna iti ilokano. ket isu ti imbasa ken imbinsana.
nakaay-ayat dagiti agdengngeg ta kinatawaanda dagiti dinakamat ni manong rogie a wadan a balikas kas iti billobillo, purpor, ken dadduma pay.
napaneknekak nga estranghero a talagan dagiti balikas nga ilokano. wenno ti pagsasao nga ilokano?
* * *
simmarunoak a nangtratarak iti panagsurat iti daniw. gapu ta makitak a talaga nga agdadamoda, inurnosko bassit ti presentasionko.
pinauluak iti TI SANGAPULO A BILIN ITI PANAGSURAT ITI DANIW NGA ILOKANO, nga innalak met laeng ti pasetna kadagiti maysa nga impresentarkon a sinsinan papel.
sakbayna, impakdaarko a ti pammatik, ti daniw ket naisangrat a maipabuya wenno maibasa. a naipauso laeng kunak ti pannakaisuratna gapu ta mapisti dagiti mannaniw ngem dagiti daniw a maisurat, agtalinaed iti agnanayon wenno nabaybayag laeng ti panagbayagda.
iti umuna a bilin, dinakamatko no ania ti daniw.
iti maikadua a bilin, dinamatko dagiti nadumaduma a kita ti daniw ilokano. ta napateg kunak a maammuan dagitoy nangruna no panggepda ti agdaniw iti ilokano. malaksid a dagitoy a dandaniw ti wagas dagiti aapongtayo nga inrakurak wenno imbalikas ti kananakem ken kararuada.
diakon dakamaten dagiti walo pay ta umatiddog nga umatiddog daytoy a salaysay/sinsinan kolum.
* * *
nakaay-ayat laeng a lektiuran dagiti agtutubo. interesadoda ta makitam ti panagdengngegda.
ken agkatawada met kadagiti pakpakatawa a namnamaek a katawaanda.
nadlawko laeng ti panagiinnarasaasda idi naminsan ket diak naliklikan ti nagrasaw ket naibagak ti "ukininananto pay la ketdi" nga itan, diak malagip no ania a paset ti lektiurko ti nakaisingitak.
saanda met ngata a naklaat ti kunak. ta nakaisemda met.
nalabit kunada, astig gayam ti agrasaw iti ilokano.
* * *
apay a naibagak ti kasta?
gapu ta idi napanak dimmiklawit iti computer shop gapu iti pettat a makagapu (ni manong bal ti madama nga agleklektiur idi maipanggep iti panagsurat iti salaysay), rasaw a rasaw dagiti agtutubo iti kompiuteran. (siguro daytoy ti nasken nga i-regulate ti munisipio ta kas makitak iti maysa a pakdaar, ITAPON SA LABAS ANG UPOS NG SIGARILYO , mabalin ti agyosi iti uneg. delikado iti salun-at dayta. delikado iti mortal a bagi. nagrigat ti matay gapu iti sigarilio a dika met pulos agsigsigarilio.)
nakakalkaldaang pay, "putangina" ti rasawda. kayatna a sawen, tagalog ti panagsaodan. delikado met iti kararua dayta.
syet.
* * *
apagisu nga umuliak idi simmangpet ni manong mindo aquino a segun iti programa, aglektiur iti panagsurat iti damag.
dandanin malpas ni manong bal idi makaulikami. simmaruno a dagus ni manong mindo. kas iti namay-anmi iti daniw, nagpasalip met iti panagsurat iti damag.
* * *
kalpasan ti panaglektiurko gayam, nagpasalipkami iti panagsurat iti daniw. dua kategoria: estudiante ken saan nga estudiante. ti premio: libro.
sag-innem ti pinangabakmi ditoy.
nakaay-ayat ta ammoda met gayam ti agsurat iti ilokano.
tallo ti nakitak nga adda potensialna, nupay nalabit addada pay sabali.
dagiti first, second ken sixth iti estudiante.
dagiti first ken second, adda ibagbagada ken kabaelanda ti agiggem iti lengguahe.
daydiay sixth, dose anios a nakasuraten iti daniw!
* * *
isu a naragsakak a nagawid. ta no matarabay la ketdi dagiti agtutubo iti alicia, awan ti rebbengna a pagdanagan da manong bal.#
Hulio 25, 2011
Comments
Post a Comment