MAPARPARMATAK NI RUMI
...daytay pebolit ni Tanud RVA a mannaniw a taga-Persia. Ket daytoy man ti magustuak a bersona (nga impaskil ni rva iti fb ti Inglesna) nga impataruskon iti Ilokano:
Linukotna ti butengna ket nagsampaga a rosas a nasadia
Nakaan-annad a tinapayana iti dakulapna
Innala daytoy kenkuana sa imbistina iti buokna
Prominente ditoy ti aweng nga "a". Kaduana ti aweng nga "an", ad-adda a daytoy nga aweng ti maitutop kadagiti dandaniw a maibalikas iti entablado, wenno daniw a para tapat wenno para korona.
Itoy a gundaway, iti maikatlo a linia, makitam ti limitasion ti pagsasaotayo ta iti Ingles kunana: "She took it from him and put it in her hair". Inusarko ti "daytoy" para iti "she" idinto a daydiay "him" para iti "kenkuana". Ti adatna, daydiay "imbistina iti buokna", para met iti "she", isu a gistayan ninayonak iti "daytoy" ngem agbalin met koman a kastoy "Innala daytoy kenkuana sa imbisti daytoy iti buokna". Adu unayen daydiay "daytoy" ket maitalimudok la ket ngarud iti daytoy a balikas (daytoy) ti imatang ti agbasa.
Idi damo, "insaluksokna" daydiay "imbistina". Ngem napanunotko nga usaren daydiay "bisti" ta kasla feminine unay kadatayo nga Ilokano, a babai laeng dagiti ad-adda a mangiwaywayat iti panagbisti. Sa no bisti kunam, kayatna a sawen a papintasem, pasudiem, pasadiaem ti maysa a banag.
Isu a kabayatan nga awan ti mapanunotko a naguguapo a patarusna, dayta pay laeng adda iti ngato.
Kamaudiananna, parparmatak a mapasamak koma kaniak dagita a linia.
Hulio 20, 2011
Hm, nakitak nga "arkos" ti mas prefer ni tanud rva iti "bisti". Innayonko pay daytoy "indayana". Isu a kastoyen:
Kinupinna ti butengna ket nagsampaga a rosas a nasadia
Nakaan-annad a tinapayana iti dakulapna, sa indayana
Innala daytoy kenkuana sa inyarkosna iti buokna
Linukotna ti butengna ket nagsampaga a rosas a nasadia
Nakaan-annad a tinapayana iti dakulapna
Innala daytoy kenkuana sa imbistina iti buokna
Prominente ditoy ti aweng nga "a". Kaduana ti aweng nga "an", ad-adda a daytoy nga aweng ti maitutop kadagiti dandaniw a maibalikas iti entablado, wenno daniw a para tapat wenno para korona.
Itoy a gundaway, iti maikatlo a linia, makitam ti limitasion ti pagsasaotayo ta iti Ingles kunana: "She took it from him and put it in her hair". Inusarko ti "daytoy" para iti "she" idinto a daydiay "him" para iti "kenkuana". Ti adatna, daydiay "imbistina iti buokna", para met iti "she", isu a gistayan ninayonak iti "daytoy" ngem agbalin met koman a kastoy "Innala daytoy kenkuana sa imbisti daytoy iti buokna". Adu unayen daydiay "daytoy" ket maitalimudok la ket ngarud iti daytoy a balikas (daytoy) ti imatang ti agbasa.
Idi damo, "insaluksokna" daydiay "imbistina". Ngem napanunotko nga usaren daydiay "bisti" ta kasla feminine unay kadatayo nga Ilokano, a babai laeng dagiti ad-adda a mangiwaywayat iti panagbisti. Sa no bisti kunam, kayatna a sawen a papintasem, pasudiem, pasadiaem ti maysa a banag.
Isu a kabayatan nga awan ti mapanunotko a naguguapo a patarusna, dayta pay laeng adda iti ngato.
Kamaudiananna, parparmatak a mapasamak koma kaniak dagita a linia.
Hulio 20, 2011
Hm, nakitak nga "arkos" ti mas prefer ni tanud rva iti "bisti". Innayonko pay daytoy "indayana". Isu a kastoyen:
Kinupinna ti butengna ket nagsampaga a rosas a nasadia
Nakaan-annad a tinapayana iti dakulapna, sa indayana
Innala daytoy kenkuana sa inyarkosna iti buokna
Comments
Post a Comment