Punganay
Punganay (Kadagiti amin nga agparpartuat nga Ilokano) No maipusingka iti agsasallupang a rimat ti siudad Maanninawam uray kakudrepan a gilap ti matam— Uray no kapinnerrengmo ti mangliwengliweng a sipnget Ta iti kapanagan, nadarisay latta dagiti linnaaw. Dimo marukod ti pagturongam ken dimo masinunuo Ti sumanguam ngem seknannaka ti pigsa-ti-nakem Nga in-inut nga impapetpet ti kinaulimek… Ta manipud nagpukaw ti santilmo nga impagarupmo A bagnosmo, inyaspingmon ti amin nga ingas Ti lawag iti panangallilaw, narsaak— napartak A kas iti pan-aw a ginungtoban ti gumilgil-ayab nga angin— Ti dana nga impagarupmo nga agturong iti bullalayaw. Iti daytoy a disso a samiweng ti ringgor dagiti ayup, Maamirismo a saan laeng a parabur ti kinasirib Ken panagtaeng iti mortal a bagi ti tao. Ta adda kadi Grasia iti agbalin a kasla isla a linikaw dagiti narurungsot A dalluyon ken yo? Agyamanka iti kasipngetan Ta sarutenna ti lasag a nangibeddeng iti kararua Iti aglawlaw ket maisilpoka iti anges ti daga, iti