Posts

Showing posts from March, 2012

flores de asseng 3

Image
heart/s of purple pa-demure kaya nga nakabikaka

(No) Maysaakon a Sangsangaili

Image
Iti panagsublik, natakuatak a naipadagan Dagiti armas ken prinsipio. Napagpapatasen Dagiti taltalon, barikir ken turod. Saanen A natina iti dara dagiti ubbog ngem ti arapaap Dagiti karayan, mailaklakon kadagiti turista Kadagiti kalapaw kadagiti sirok ti rangtay. Naimulan dagiti kanalbuong ket kasla uong A nagtubon dagiti kapilia. Dagiti agtutubo, Nagigpildan kadagiti biblia: agsasallupang Dagiti alleluia— dagiti agduduma a nagan ti dios, Saan ketdi a bala, dagiti maisirsirig Iti tunggal maysa ket pakaitan-okan ti mapuntaan. Nasurotanen dagiti desdes nga agturong Kadagiti pagadalan. Natakuatandan a saan A naaladan ti lubong ket adda dagiti nalawa A tanap a pagdaliasatan— pakateggedan Iti naisangsangayan a nagan ken gatad A mangipasdek iti batonlagip ti kinaalibtak. Saanen a gumilgil-ayab ti bannawag Ta inadawen dagiti bombilia ti rimatna. Addan kadagiti estereo dagiti tumatayab— Iti telebision dagiti alutiit ken kawitan Ket ti kanito: marukod, makunikon, maben

Agkapetayo iti Daniw

Image
Daytoy man ti desinio para iti mug wenno pagkapean. Available iti puraw ken nangisit. Sangagasut laeng, presio ti agbabarkada:

Panangikur-it iti Haiku nga Ilokano

Image
agdangandangan igges ditoy barukong kaniak mangmangan

SIAK NI

Image

KUR-ITAN

Image
Pinadasko man ti nangsurat iti haiku nga Ilokano babaen ti kur-itan: Daytoy ti haiku iti letra: :: rosas ken lirio nagsampaga't kaunggan: imnas, sagrado...

Mainaig iti Libro a Samtoy

Image
Mainaig iti Libro a Samtoy Ni JIM P. DOMINGO Iti maysa a napasnek a panagpaliiw, mabalin a maibilang ti kairuruar a libro a “Samtoy: Ang Aming Mga Kuwento” a maysa a napateg a panangpadas tapno maidaslag iti nalawlawa a paset ti kinarungbo ti Literatura Ilokana. Para kadagiti Ilokano, ad-adda a marikna ken agbalin a naun-uneg ti kaipapanan ti maysa a sinurat no mabasa ken mayebkas iti bukodda a pagsasao. Adu ngamin kadagiti balikas iti Iluko wenno Ilokano ti awan ti maitutop a kaibatoganda iti sabali a pagsasao. Ngem saan met ngarud a mabalin nga isina wenno iputputong ti Literatura Ilokana, saan laeng nga iti dakdakkel a ladawan ti nailian a literatura, no di pay ket iti sangalubongan. Isu a maitutop laeng a taliawen dagiti talibagok dagitoy a sinurat uray no naipatarusda laeng iti sabali a pagsasao. Babaen ti pannakaipatarus dagiti sarita iti sabali a pagsasao, maisaknap ti kinadaeg ti literatura dagiti Ilokano aglalo ta iti daytoy a gundaway, naipatungpal daytoy a panangiway

TI MANNURAT KAS MANNURSURO

Image
Daytoy ti tema ti maika-44 a nailian a kombension ti GUMIL Filipinas, ti gunglo dagiti mannurat nga Ilokano iti Filipinas ken ballasiw-taaw. Kalpasan nga inaprobaran ti board ti GUMIL Filipinas babaen ti binnutosan ti nasao a tema, dagus a nagay-ayam oti panunotko iti posible a desinio ti kamiseta para kadagiti mannurat, kameng man ti GUMIL wenno saan. Ti adatna, idi ipakaammomi ken ni Apo Djuna Alcantara nga agdama a Sekretaria-Heneral ti GUMIL Filipinas no mabalin ti mangdesinio iti kamiseta para kadagiti mannurar, adda kanon ilakoda (read: GUMIL La Union) a kamiseta kas souvenir iti kombension a maangay inton Abril 20-22, 2012. Well and good met ketdi. Nasayaat pay koma no maibusto amin a mailako idiay La Union. Kalpasan ti kombension inton Abril ken no addanto pay laeng kawadwadanna ti urnongko, padasekto met laeng nga ipaprinta daytoy napanunotko a desinio ti kamiseta segun iti nasao a tema. Saankon nga inikkan iti venue ti pakaangayan ti kombension. Ta ti maika-44 met a taw

Tallo a Panangiyarig

Image
1. Maysaak a natalinaay a karayan A mapneken iti naulimek a panagayusna Iti panangibagnos ti angin    iti naituding a dana iti kabambantayan,    kapanagan ken tanap Mangnamnama a makagteng iti taaw Tapno mayuriten ti anagna itoy a Daga. Ngem ti kaingpisan nga isemmo Maysa a bassit-usit a bisil A naibato iti kaunggak, Namagarigenggen iti amin a pakabuklak Ket pinadasko a rinukod ti kaadalem ken kaababaw Dagiti malabsan a batbato, teppang, kadaratan. 2. Maysaak a bukel ti saluyot A naitanem iti kimraang a daga Binaddekan, linabsan dagiti tapok,    naregreg a bulong,    agdardaras a lubong Gistayan nakikammayet iti kinatangken Ti mulinaw a kaunggan ti Daga. Ngem ti luam A tinignay dagiti riniwriw A pannakabaddek, pannakalabas, Pannakaregreg, panagdardaras, Maysa a littugaw A namagrusing kaniak. 3. Maysaak a rebba ti duogan a simbaan Nagbalayan dagiti alutiit, lawwalawwa Nagtubuan dagiti cadena de amor,    sampagita a mangibain iti sabongna    baimbain a nangibabawin iti panagbukarna

Call for submissions to the Likhaan Journal 6, deadline March 30

MANIPUD ITI PANITIKAN.COM.PH: The LIKHAAN: UP Institute of Creative Writing announces that it is now accepting submissions for possible inclusion in the sixth issue of Likhaan: The Journal of Contemporary Literature. Likhaan, the country's leading literary peer-reviewed journal funded by the Office of the UP Diliman Chancellor and published annually, showcases the best of new and unpublished Philippine writing in English and Filipino. Submissions to the journal undergo a strict pre-screening and blind refereeing process by both the editors and a panel of referees composed of eminent writers and critics from within and outside UP. The ICW fellows and associates take turns serving as its editor. Previous editors of the journal are ICW director Jose Y. Dalisay Jr., National Artist for Literature Virgilio S. Almario, former ICW director and former UP Vice-President for Public Affairs Cristina Pantoja Hidalgo, award-winning writer Pedro ‘Jun’ Cruz Reyes, and Dr. Roland Tolentino,

flores de asseng 2

Image
banggel bells bi couple crown death kumpol lenten season marunggay motherhood nakakayang a kayanga pagdadalaga the rebel resurrection

Model-modelan

Image
Daytoy ti naaramat a ladawan iti salaysay ni Apo Neyo Mario E. Valdez iti Bannawag, Marso 19, 2012 a bilang a napauluan "Ania, Saan a Managbasa Dagiti Filipino?"

glow in the dusk

Image

bowing after the rain

Image

still life

Image

smoked. consumed.

Image

threads

Image

pesting

Image
crawling on. licking on. revenge, sort of. rolling on. worming down.

Agin-agin

Ti pudno a lalaki, iti sango dagiti tao ken ni baketna, ibambandona a maysa laeng a sao ni baketna, agtungpalen a dagus. Ti aginpupudno a lalaki, iti sango dagiti tao ken nakalikud ni baketna, ibambandona a maysa laeng a saona, agtungpalen ni baketna. (NAGUSTUAM KADI DAYTA ADDA ITI NGATO? AD-ADU PAY TI KAKASTA A MABASAM ITI "bassit ngem nasagitsit," LIBRO NGA ISAGSAGANA DAYTOY NUMO. NUPAY KASTA, DIKA PAY LAENG AGOR-ORDER TA DIAK PAY NAPAG-WEN DAYTAY PUBLISHER-KO.)