Posts

Showing posts from 2005

Panagungar ti Presidente a Nangkusit (Uray) kadagiti Tagainep

Nasaysayaat laengen ti maidasay ngem iti mapawilan a kumagat – Maysa a Kuton Simgar dagiti muldot ket nagsardeng ti pul-oy a mangilallallay iti petalo Idi pagam-ammuan ta impakdaar ti salaksak ti panagungar ti presidente; Panagungar iti lagip ta saan met a nagudas ti bagina a pinagimortal ti napalalo A derrepna iti bileg. Pagungaren dagiti kongresista a nakarian iti kinaimortal met laeng Manipud iti maisagut kadakuada a binagbagon, kinabkaban, minalmaleta nga anges Nga inyulog, inyawerda manipud iti kabakiran, kinelleng ken lakasa dagtiti umili. Urnongen dagitoy a diputado dagiti rurog a naitanem iti agong, mata, lapayag, Kuko ken ubet ket iragupda kadagiti letra iti utekda a binulodda kadagiti unibersidad, Sa igamerda iti parsiak ti kimat: sakabanda iti rigis ti bambanti ken pirsay ti ullaw Ket bulodenda ti siding iti rugit ti nuang. Iturturedda ti apges ti talunasan a mangipas Kadagiti takiagda; ipirmada ti darada iti mulinaw a puso tapno agbitek a kasla Sagut met ni Apo Lung-

Daniw nga Agpada (Koma)

Kaloob Magdederosas ang pisngi mo tulad ng kagalakan sana ng advent wreath ‘pagkat aakuin ng usok ang mga alinlangan at pighati; magigitla ka sa pag-ako ng kandila sa inosenteng pighati din sa iyong sinapupunan: kaaloob ng Maykapal ang bawat hininga. Nakasanayan mo na ang magtanong sa paanan ng Christmas tree kung anong kaloob ang kapalit ng mga paglilibak sa pagkampay ng pag-big na walang pangalan: madalas mong hikbian ang pamamaalam na pinangakuan ng pagsuyong muli. Naaalala mo ba ang mga nangakong himig na kumandong sa pagsuyo ng dibdib saka sumandal sa mga matitibay na pagpapasya: ako ang alab sa mga madaling araw? Ngunit matagal nang di nauugnay ang mabini sa lambing ng amihan na humahawi sa mga biyaya ng parol; nagpaalam na ang kasiyahang nahalo sa samyo ng tupig at patupat; di ka na naaantig sa mga pagsinta ng kampana sa bukang liwayway. Sasapuin mo ang kaloob. Nararamdaman mo ang ibo ng paghihintay sa sisindihang pag-asa ng huling kandila: nawa’y aakapin ng butiki ang parating

Rebultong Dayuhan

susubukan nga kitang kausapin sa wikang pareho tayong banyaga at kailan ka nga ba nanirahan sa daigdig na pumutol sa taling nagdudugtong sa puti at itim, nagtampok sa haring gumapi sa mga bathala at alipin at hayup, umakap sa mga hayup din sa telebisyon, nangakong ipagdadamot ang pagkain sa panahon ng taggutom at itatago ang ilog pagsapit ng pagkauhaw; nanindi sa siga na magpalalagablab sa nunal ng talampakan at magbubuyong sasayaw sa himig ng tunggalian: sasalungatin ang mga bangis at galit ng tinggang hinimok ng mga heneral; naglapat ng imahen ng diyos sa patakot na ang kalansay ay sibat at baril at bininyagan ng kaluwalhatian at sagradong sandata ng langit? at kailan nga ba nila ako pinatahan sa daigdig na kumutya sa bulag at pipi, isinampal ang palad na pinalambot ng aircon at kimika at nanghubad sa mga salawal ng mga bata at matatanda; nang-ihi sa mga ilog at sapa, saka inihayag na kalinisan ang pagtunaw at pagsunog sa mga eskuwater; nanlunok sa mga bundok at gubat, ika’y ang pag

2 a Daniw ken ni Anib Miguel, umuna a saringit

Image
’MAYKAN, ANIB... ’maykan, anib, dika agbatbati kadagitoy batibat agdama a panawen sika ti saning-i, rupanget ken isem da ama ken inam no balabalaenda ti masakbayam, no bitbitenda dagiti mabitibit iti sangadakulapan nga aldaw bareng maikitikitda kenka tinagilangada a dida natun-oy guyugoy napugsat nga unnoy itag-aydanto ti kalis a sika agependanto ti libro a sika agbakabakada nga ikarayam dagiti teggedenda a garakgakmo bareng nalinlinakto ti baybaymo inton agluniten ta lulonam a mangsallukob iti nataltalna a lubong maturogka latta nupay riniing da ama ken inam ti parbangon. ’maykan, anib, dika agbatbati… NOLI S. DUMLAO Paoay, Ilocos Norte BANGONEK TI PEDESTALMO (ken ni anib miguel) Urnongek dagiti bun-as ti kalgaw a naipempen iti sagumbi ti kalapaw ken dagiti apgad ti atab a naidaknir iti kadaratan ket pagtipkelek ida kadagiti abagak a nangibuat iti dagsen ti lubong: ditoy a sumaek dagiti ling-et ken lua ken panawen a katukad ti pedestal nga ipatawidko kenka. Dimo libian a kas iti panag

Eman

INDENNES ni Sharon ni Eman iti kanigid a barukongna bayat ti yaasidegna iti dispatcher a nakatugaw iti sango ti lamisaan iti nalinongan a paset ti terminal. “’Niat’ oras ti panawna, Manong?” Insungona ti as-asideg kadagiti dua nga ordinario a bus a namarkaan ti bakrangda iti nagkutikot a “San Gabriel.” Nupay panglitemenen, naay-ayo ni Sharon iti nagtagipayak a puraw a kabalio a nagluganan ti puraw a parsua a naipinta iti ngudo ti nagan ti bus. “Alas otso koma. Ngem dimi sigurado itan no agbiahekami.” Kinudkod ti dispatcher ti teltelna. Nadulpet ti puraw a polona a di naibutones ti dua iti baba a nanglukais iti butiogna. “Agpipinnaltogda kano metten idiay Real. Nakaad-adu la ngaruden ti agsaneb, kanayon pay ti engkuentro.” Naparupanget ni Sharon. Nagsikaw ti rusokna ta idiay Real, Quezon ti nakaidestinuan ni Teniente Lucas Sotelo a kaayan-ayatna. “Papananyo kadi, Misis?” Nagsabat dagiti kiday ni Sharon ta nupay agtawenen iti duapulo ket innem, pagkamalianda pay laeng ngamin no kua a na

No Agkurno ti Dara

Agsung-ab ti kararua a maisaklang iti kannag Kas nguy-at’ saltek nga immagep sabidong a daga No agkurno ti dara ken lua iti gilap ti pirak. Kas salungayngay ti lasag a sinigsigpat ti gubat No ilamina ti malem ti panagsayasay dara, Agsung-ab ti kararua a maisaklang iti kannag. Agdung-aw ti sardam a rinames ti rapas a lawag Kas ibit ti kinelleng nga inkapitolio ti pluma No agkurno ti dara ken lua iti gilap ti pirak. Kas bugsot dagiti itta nga intanem ti pitak No agkaradap kalapati nangilako’t payyakna, Agsung-ab ti kararua a maisaklang iti kannag. Agpanes kadit’ bannawag no pumusay gagan-ayan Kas sangit ti kallupit iti pumpon ti kulintaba No agkurno ti dara ken lua iti gilap ti pirak? Ay, agrupsa ti anges nga agkamang iti gukayab, Kas iti biag a gungtoban gumilgil-ayab a tinta: Agsung-ab ti kararua a maisaklang iti kannag No agkurno ti dara ken lua iti gilap ti pirak. A.S. Tabag Holy Spirit, Q.C. Hunio 24, 2005

Inplasion ti Anges

Agapon no kua ti duadua iti alipusposna: agtalinaed a kas iti panagtaeng dagiti kalio iti dakulapna. Tunggal matmatanna ti panangkarit ti pasdek iti nangisit a langit – agsaniit ti murdong ti ramay a dinusa ti martilio; agpalteg ti gurong a ginundawayan ti maso; agbuangger dagiti takiag ken abaga a nakigabbo iti semento ken graba. Iti panagruar-serrek dagiti sumilsilap a sapatos, kinidemanna idi a tinilmon ti innapuy a pinananam ti asin (uray ngamin ti kamatis ken daing ket impapelen ti kontrata.) Iti panagtangadna, rugmaan ti alinggaget ti barukong – ti pannakatnag ti bagi ket isu ti inplasion dagiti angesda, naderderen sakbay nga agdisso iti tapok. Uray no agdung-aw ti tangatang, saanen a magunggon ti pasdek. Awitenna dagiti abaga nga agawid, lam-eken piman ti boksit, agsasaibbek ti bolsa a pigis. Amirisenna ti tunggal addang, makasikkarud ket binting, amangan. NaiRIMAT, Mayo 2003 iti paulo a “Lagip ti Maysa a Peon”

panagbalbaliw

kas iti panaglupos ti igges iti panaguladaid iti kapitakan, agampayag a namaris a kulibangbang a mangikannawag iti lang-ay iti law-ang. kas iti lampong a buok a nanglinged iti mata, makartiban ket maiwarsi dagiti lies ken kuto ket mawaknitan ti nalawag a dana. kas iti maibukbok a sanger ken ingel ti gin iti nalang-es a kanal, bumatokka iti dan-aw tapno mayanud dagiti tikkab iti barukong, sellang ken dapan. kas iti pananguram iti katedral dagiti obispo nga uttog ken gamrud, agpasaklotka iti dungngo ti karayan, bakir ken law-ang. kas itoy a blog a nakalidlidem idi, nalawagen a mabasam, hehe. (nayonakto ket adda lunchmi idta chicken's bacolod. pagtutongtonganmi ti berso ti saraaw, nyehehe)

batonlagip iti nagkurusan

iti daytoy a nagkurusan, ipatakderko ti batonlagip ni imnas a saksi dagiti nagdaliasat iti dana nga agturong iti saklot ti bullalayaw a nangisikog iti balitok nga itlog ti kannaway. yarkosko dagiti pagilasinan a kas koma iti panagluana iti dara a mayurit iti agmatuon kas ballaag ti aliaw iti tunggal dapan a mangusat iti kalsada dagiti kigaw a dios, isuda a nangitalaw iti kinatudio ti nakem ken nagbasak iti sagrado a laem dagiti natalinaay a pagtaengan ti ayan-ayat. wen, ikitikitko iti sakaanan ti batonlagip ti rennek a diak naem-eman kadagiti desdes ken tanap, karayan ken pussuak; pagminarek ti guyugoy a mangep-ep iti dukot ken upay dagiti dapan ken mangbugiaw iti amin a saem nga agay-ayaw kadagiti bakras ket pagam-ammuan ta agpasallabay iti abagak a nakaisangolan ti krus dagiti kalbario ti pagtaengan, pagadalan, simbaan ken malakaniang. iti panagtakderko iti nagkurusan, maipusingak kas iti piek nga aglemmeng iti panawen ti panagampayag dagiti kali: iti panagkubukobko, mangeddengak i

no sumgiab doliar ken gasolina

no sumgiab doliar ken gasolina bumtak ti bus, maidasay ti biag, agdung-aw ti dara ti kalsada. maungtan dadaulo nga ina, puoranna kinelleng ken bangkag no sumgiab doliar ken gasolina. nengneng, muslim kanot' terorista inna, ubbing dagiti magubat; agdung-aw ti dara ti kalsada. maibolsa uray binting ken lua masidat' dara ta aswang ti vat--- no sumgiab doliar ken gasolina. agpunsion dagiti kongresista gabinetet' mangan ken agtig-ab; agdung-aw ti dara ti kalsada. aglibut dagiti santot' edsa, agkurnoda't dios ti malakaniang: agdung-aw ti dara ti kalsada no sumgiab doliar ken gasolina. ariel s. tabag quezon city, phils. pebrero 22, 2005