ARIEL SOTELO TABÁG

Mayalnag ti No Agsuratka Iti Daniw , libro maipapan iti panagsurat iti daniw, a sinurat ni Reynaldo A. Duque, iti naigagara a pasken para iti daytoy iti 68 Greenheights Avenue, Greenheights Subdivision, Sucat, Parañaque City inton Nobiembre 14, 2010. Maigiddan met iti pannakalnag ti libro ti pannakapadayaw dagiti nangabak iti Maika-3 a Premio Reynaldo A. Duque. Komprehensibo ti linaon ti libro. Kas pangarigan, paset ti libro ti umno a panagaramat iti lengguahe, ababa a pakasaritaan ti Literatura Ilokana ken dandani bin-ig a daniw iti Iluko dagiti naaramat a reperensia, manipud ken ni Bucaneg agingga kadagiti kontemporario a mannaniw nga Ilokano. Nasurok a sangapulo a tawen nga insagana ni Duque daytoy a libro. Daytoy ti umuna a kangrunaan a libro maipapan iti panagsurat iti daniw iti lengguahe nga Iluko iti pakasaritaan ti kurditan ni Saluyot. No maipalagip, ni Duque met laeng ti nangiruar iti best-seller ken umuna unay a komprehensibo a libro iti panagsurat iti sarita iti Iluko, ti No...

Indauluan ni Sherma E. Benosa dagiti nangabak iti salip iti sarita iti Maikatlo a Premio Reynaldo A. Duque iti Literatura Ilokana . Impangabak ni Benosa, tubo iti Bambang, Nueva Vizcaya ken empleado ti NCCA Public Affairs Office, iti Umuna a Gunggona ti saritana a napauluan “Dagiti Assideg a Tugot”. Inyalat met da Mighty C. Rasing ken Jake F. Ilac ti maikadua ken maikatlo a gunggona, kas panagsaganadda. Tubo iti San Manuel, Isabela, youth coordinator ti Methodist Church ken frontman ti banda a Samtoy, pinangyalat ni Rasing iti maikadua a gunggona ti saritana a “Dagiti Doliar ni Ben”. Tubo iti Lasam, Cagayan ken maysa nga ahente iti negosio iti silaw ken bisti iti pagtaengan, pinangyalat met ni Ilac iti maikatlo a gunggona ti saritana a “Payong”. Dagiti naghurado: Hermie Beltran (pangulo), Cles B. Rambaud ken Juan Al. Asuncion. Mayawat dagiti premio a plake ken kuarta iti Seremonia ti Pammadayaw inton Nobiembre 14, 2010 iti Pagtaengan Duque, 68 Greenheights Avenue, Greenheights Village,...

Maangay ti regular a general membership meeting ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, inton Nob. 8, 9 AM iti panagsangaili da agkaingungot a Rey ken Tessie Duque iti Wheeler St., Tagaytay Royale Estates, Alfonso, Cavite, kas impakaammo ni Engr. Ansel D. Cargo, presidente ti gunglo. Mapagpapatangan iti nasao a miting dagiti nadumaduma a proyekto ti gunglo kas iti antolohia dagiti sarita, daniw ken salaysay a pagpaayan nga editor da Cargo, Martin Rochina, ken Honor Blanco Cabie. Kalpasan ti miting, maangay ti seremonia ti pammadayaw kadagiti nangabak iti salip iti sarita iti 2nd Premio Reynaldo A. Duque. Esponsoran ni Tessie Duque, proyekto ti membership committee ti GMM ti nasao a pasalip. Mairaman met iti programa ti maudi nga eliminasion ti poetry reading contest a ti final daytoy ti maysa kadagiti tampok ti pannakarambak ti maika-43 nga anibersario ti GMM inton Dis. 13, 2009 iti Child Jesus College. (Ma. Rose A. Cab...

Inyalat ni Mighty C. Rasing ti Umuna a Gunggona ti Salip iti Sarita ti Premio Reynaldo A. Duque babaen ti saritana a “Tiket”. Tubo iti San Manuel, Isabela ngem agnaed ita iti Quezon City, agpapaay ni Rasing a coordinator ti young people’s ministries ti Division on Ministries with Young People (DMYP) ti United Methodist Church. Inyalat met ni Jovito F. Amorin, tubo iti Sta. Maria, Ilocos Sur ken empleado ti PLDT iti Makati ti Maika-2 a Gunggona babaen ti saritana nga “Itta”, idinto a ni Jake F. Ilac, tubo ti Lasam, Cagayan ken maysa a freelance agent ken entrepreneur iti pagaramidan iti silaw iti Valenzuela City ti Maika-3 Gunggona babaen ti saritana a “Subeg”. Kas impakaammo ni Tessie Duque, esponsor ti pasalip, mayawat ti plake ken premio a kuarta iti Seremonia ti Pammadayaw a maangay iti Tagaytay Royale Estates, Alfonso, Cavite inton Nobiemre 8, 2009. Itoy a tawen, naluktan ti pasalip kadagiti kameng ti GUMIL Metro Manila ken GUMIL Candon ken kadagiti interesado nga agkameng kadagito...