Baro a libro
Nanayonan manen ti linaon ti agamang ti Literatura Ilokana iti pannakayalnag ti kaudian a libro nga impablaak ti GUMIL Filipinas bayat ti Maika-41 a Kombension Nasional ti gunglo a naangay idi Abril 11-12 iti Our Lady of the Angels Seminary, Quezon City. Ti libro a nayalnag: ti Sabong ti Biag , 340 a panid, a sinurat ni 2008 Pedro Bucaneg Awardee Francisco T. Ponce. Maysa a nobela ni ayat daytoy ken immuna a naipablaak iti BANNAWAG iti isu met laeng a paulo manipud iti bilangna a Hulio 18, 2005 agingga iti Abril 3, 2006. Kas paset ti pannakayalna ti libro, nayawat dagiti umuna a kopia ti libro kas donasion iti sumagmamano a libraria iti Kailokuan a pakairamanan dagiti sumaganad: Mariano Marcos Elem. School, Batac; Piddig Municipal Library; Pinili Municipal Library; Pulangi Elem. School, Bacarra; U.P. Archaeological Studies Program Library; San Nicolas West Central School; Caribquib National High School Library; UNP-Candon Library; Parangopong Elem. School, Batac; Nagsaag Info Center, S...