PANANGARAKUP ITI IPUS TI LAYAP
PANANGARAKUP ITI IPUS TI LAYAP KEN DADDUMA PAY A DANIW Ni Ariel S. Tabag Buklen ti sumurok-kumurang a 120 a daniw, manamnama a mayalnag iti kabiitan a panawen.
Posts
Bassit Ngem Nasagitsit
Sangkabassit laengen ti kurangna: 5 nga imbiit, 2 a jokes, 3 a sarsarita (anecdote/creative nonfiction) Agrukod daytoy iti 5"x7", laonenna ti 34 nga abbaba a sinurat. Apay a 34 a saan ket a 33? Gapu ta nasantuan a numero ti 33 ket diak kayat a tulawan :P malaksid nga itoy a tawen, agtawenakon iti 34. Malaksid iti "Ninoy," manamnama a puro orihinal (rimmuarda laeng iti blog-ko ken iti notes-ko iti FB) ti laonen daytoy a libro. Agsasanggala dagiti tema, agsusupadi ti estilo ti pannakasuratda. Ti common denominator-da laeng, agpapadada nga abbaba. Wenno babassit ken, sapay koma ta, nasagitsit.
BASSIT NGEM NASAGITSIT
so far, addaakon iti mapattapatta a dua nga apagkatlo ti pannakasurat dagiti materiales. innalak nga editor ni kaka juan al. asuncion ta pagam-ammuan ket nariknak nga awan ti mangtimtimon kaniak iti panangsursuratko kadagiti laonen daytoy a libro. gapu kenkuana-- karaman ti sumagmamano a pagayam iti facebook a kas kada jonathan torricer ken derick marcel yabes-- inkeddengko nga addaan daytoy iti uppat a benneg a kas kadagiti sumaganad: IMBIIT (short fiction) SARSARITA (creative non-fiction a nabuniaganen iti ilokano iti sarilaysay) JOKES (awan pay ti mapanunotko a nasayaat a pangawag) NO KOLUMNISTAAK KOMA (dagiti abbaba a salaysay) targetko koma nga iruar daytoy iti maika-34 a kasangayko itoy agosto 16, 2012. ngem amangan no diak matungpal gapu kadagiti sumaganad a rason: 1. adu ti sabsabali a pakakumikoman a libro 2. amangan no saanto pay nga umanay dagiti materiales 3. panagkurang ti pirak (kangrunaan a makagapu) ket tapno matignayko ti bagik a manglaban k...