ARIEL SOTELO TABÁG

Kablaaw ken ni Prof. Ferdinand N. Cortez ti Tuguegarao, Cagayan a naputongan kas Kumukurtis iti Lawas iti maikapat ken maudi a lawas ti 1st Premio Asseng, Salip iti Kurtis, babaen ti kurtisna a: Addan ‘ta bulalo Apagsipnget a naisaang Kita’mto ‘ta tulangna— Pata! Napili ti kurtisna manipud kadagiti sikret a bilang ti kurtis a naisalip iti alas otso iti agsapa ti Nobiembre 26 agingga iti alas singko iti malem ti Nobiembre 30, 2012. Imbes nga uppat, tallo laeng ketdi ti napili a finalist: Adda dua a giwang Napalawlawan ‘ti guraman Nagallon, nagtupada— Anian! (Ferdinand C. Cortez) Ta kulogkulogek Botelion numero agingga A rummuar kapkapnekak: Bingo! (Jobert M. Pacnis) Adda man nalabsak Nagdinnungpar a nalalapsat; Simgiab! Immarayatak— Nalpas! (Derick Marcel F. Yabes) Umawat ti Kumukurtis iti Lawas iti Php50.00 a load ken sertipiko ken no adda gasgasatna, adda nayonna inton gibus ti bulan ti salip (aglalaban dagiti mapili nga up...

Kablaaw ken ni Jobert M. Pacnis ti Ballesteros, Cagayan a naputongan kas umuna a Kumukurtis iti Lawas para iti insalipna a kurtis iti 1st Premio Asseng, Salip iti Kurtis: Immabut tarukoy Idi nagsabuag ti dalluyon; Rimmuar idi nagbettak Atab. Napili ti kurtisna manipud kadagiti sikret a bilang ti kurtis a naisalip iti alas otso iti agsapa ti Nobiembre 5 agingga iti alas singko iti malem ti Nobiembre 9, 2012. Dagiti dadduma pay a finalist: Igat nga agsuksok Kadagiti giwang agbirok Sumelsel a sumelsel Simrek! (Ferdinand C. Cortez) Dinilpadilpatam Intugkelmot’ murdong ti dilam Sumilsileng a kalbo Naglua. (Chito Bordey) Nailet a lalat Ta maibaina ‘diay buneng Induron a kellaat Kaplak! (Ferdinand C. Cortez) Igusudgusodko Daytoy al-o kadayta alsong Agingga a malubian Saba. (Jobert M. Pacnis) Umawat ti Kumukurtis iti Lawas iti Php50.00 a load ken sertipiko ken no adda gasgasatna, adda nayonna inton gibus ti bulan ti salip idinto a dagiti uppat a finalist...

1 st PREMIO ASSENG Salip iti Kurtistext (saan a Curtistext, kas immunan a naipakaammo; sori na, tao lang :p ) Gapu ta saan a nangabak dagiti mangngaggo iti salip iti dionatext malaksid iti panag-finalist ni Jobert M. Pacnis iti naminsan, piman, napanunotko ti agpasalip met tapno bareng mangabakda ditoyen. Ngem siempre, saan a pasigurado nga isuda ti mangabak. Ta adu met ti nalalaing ngem isuda a saan a mangngaggo— dagitay managtirem ngay. Apay a 1 st ? Wen, a, ta addanto pay sumarsaruno a salip a mabalin a saanton a kurtistext. Dagiti Pagannurotan; 1. Silulukat ti salip kadagiti amin nga Ilokano nga addaan selpon ta mai-text laeng ti pakisalip— isu ngarud a kurtistext. Naiwayat met daytoy a salip ta saan a makasurat ni Asseng iti kapkapnekanna a kurtis. 2. Agingga iti dua laeng ti mabalin nga isalip ti tunggal kumukurtis ta narigaten no ag-hang ‘toy nawapo a selpon ni Asseng. Mabalin nga ag-finalist ti dua a kurtis ti maysa a kumukurtis ta dina met pakabasolan ...