“Makadangran ti pestisidio iti tao, aglawlaw”
Maysa a sientista manipud iti Unibersidad ti Filipinas ti nangpatalged iti nabayagen a pattapatta a nupay mabalin a makapatay kadagiti peste ti pestisidio, mabalinna met a rugitan ti danum, pagsakiten dagiti dingo ken dagiti tattao. Kinuna ni Dr. Leonila Varca ti UP-Los Baños bayat ti 10th Science Council of Asia Conference nga inangay itay nabiit ti Dept. of Science and Technology-National Research Council of the Philippines (DoST-NRCP) a kadagiti napalpalabas a panagusar iti pestisidio, natakuatan ti pannakadadael ti nakaparsuaan, pannakakontaminar ti aglawlaw, ken pannakadangran dagiti organismo a saan met nga isu ti target ti pestisidio. Intedna a pagarigan ti natakuatan a pannakakontaminar idi 2008 iti malathion ti danum iti Lucban, Quezon ken ti kaadda ti profenofos iti maysa a waig, ti Saladsad Creek, iti Pagsanjan, Laguna. Gagangay a maus-usar ti malathion ken profenofos iti agrikultura ken iti panagpaksiat iti lamok. Innayon ni Dr. Varca a natakuatan pay nga adu a mannalon iti...