Posts

Showing posts from September, 2012

Kasano ti Agsurat iti Daniw nga Ilokano?

Image
GAGANGAY a no karitan ni Ilokano ti agsurat, pagsursuruanna ti daniw. Nalabit, gapu ta ababa ket iti maysa laeng a tugawan, adda masuratna a “daniw”. Ti imasna, ad-adda a maisuratna laeng dagiti daniw a namunganay iti oral a tradision ti literatura kas iti daniw para radio, bukanegan, daniw a pangorona, wenno daniw ni ayat. Iti ababa a pannao, ti masuratna a daniw ket daytay nakusel a para pablaak gapu ta ti adda iti likudan ti ulona, daydiay oral a pannakaibalikas wenno pannakaipabuya ti daniw, a maminsan laeng a pannakaibalikasna, naawatanen ti kayatna a maidanon a mensahe. Apay a kasta? Gapu daytoy iti panagkurang ti material a mabasa maipanggep iti daniw— malaksid iti linawas a dandaniw a maipablaak iti Bannawag. Iti ababa a pannao, saan a maipasungalngal nga umuna ni agsursuro nga agdaniw kadagiti teorteoria iti panagdaniw ken dagiti nadumaduma a kita ti daniw, malaksid iti naadalna iti hayskul wenno kolehio nga itoy a gundaway, nalabit, nalipatannan. (Sabali ti kaso ditoy

Abagat

Image
Aprosan ti abagat daytoy rupak— Dagiti dakulapna, naangrag, nakersang, napudot, Ket mariknak nga isu met laeng daytoy ti pimmusayen: Nalamiis dayta rupam, apok, nalamiis Dagita matam, nalamiis dayta lapayagmo. Awan ti masirpatko a ridaw nga aglukat No di atep dagiti kabalbalayan— agduduma A maris, rumimatrimat a maris Ket magungtobanak iti tengnga ti nalamiis A Septiembre, Oktubre, Nobiembre, Disiembre A ti panagmaymaysa, panawen ti lam-ek. Nasaksiak ti ilulutuad iti ngiwat dagiti agkakaarruba Dagiti numero dagiti natagtagainep a padaya Dagiti diputado, alkalde, hepe, padi, obispo. Saan nga agpapada dagiti pannarita Ngem napagtutulagan a numero ti kinasaliwanwan. Maysan nga arte ti panagpekpekkel iti kawitan Iti agsapa nga apagsipasip bayat ti panagar-arapaap Dagiti lallaki iti nabun-as a lamisaan. Rumtab dagiti pasdek kadagiti kuppokuppo Dagiti uong ket dagiti arkitekto ti siudad Agbalinda a madaydayaw a diosen ti arte. Iti

Hipster ni Asseng?

Image
NABAYAG met a sapsapulak ti kinasiasinok-- iti agdama-- kadagiti napalabas a bulan. Maysaak kadi a rocker? Mannaniw? Gagangay nga umili? Agingga a medio nabayag nga inam-amirisko daytoy nga artikulo manipud iti  http://psupopculture.wordpress.com Hipsters- A Sub And Counter Culture Posted on   October 30, 2011   by   psupopj By: McKenzie In modern culture today, hipsters are considered a subculture within the greater part of society. There are certain ideologies associated with the term “hipster” and specific assumptions of what a hipster might look like, dress like, act like, and more. You could say the term “hipster” gives rise to various stereotypes of a class of people divided from the ordinary culture. Quite often, subcultures are created for those who don’t fit in or feel they don’t acquire a sense of belonging in typical mainstream culture; these individuals discover they want to embrace their differences, which then forms the “hipster” subculture consisting of pe

ILOCANO BOOKS FOR SALE

Image
29 A NAPILI A SARITA ITI ILUKO Antolohia Dagiti Sarita nga Ilokano Inedit da Juan Al. Asuncion, Efren A. Inocencio ken Ariel S. Tabag Paperback c2010 P250.00 ALIMPATOK Antolohia Dagiti Erotiko a Daniw nga Ilokano Inedit da Roy V. Aragon, Mighty C. Rasing ken Ariel S. Tabag Paperback c2012 P200.00 ALINTATAO (limited stocks) Antolohia Dagiti Sarita nga Ilokano Inedit ni Reynaldo A. Duque Paperback  c1981 P150.00 ANARAAR (limited stocks) Antolohia Dagiti Sarita nga Ilokano Inedit da Cles Rambaud, Neyo Mario E. Valdez, Eliseo B. Contillo, Juan Al. Asuncion, Arnold Pascual Jose Paperback c2000 P150.00 BATONLAGIP Antolohia Dagiti Sarita nga Ilokano Inedit da Ansel D. Cargo, Honor Blanco Cabie, Feliciano Martin T. Rochina Paperback c2010 P180.00 BITUEN TI ROSALES KEN DADDUMA PAY A SARITA (limited stocks) Antolohia Dagiti Sarita nga Ilo

Kastan

Image
Kaano kadi nga agammusayak manen? Makapamuriot met ti masansan nga agkukot Kadagiti nalalam-ek a banga ken pariok. No adda maidaw-as, idiayam kadi ti pilay A monoblock? Wenno ti agranranitrit a katre? Punasam kadi pay ti basar a tinulawan Ti dara a nagbitin iti panti ken palda, Ken pitak iti daydi parbangon a naslepka, Nangkamkamat iti anges, nagsangsangit? Sagadem kadi dagiti bettak ti sarming Ken ti dapo ti pinuoram a ladawan? Nangngegmo kadi ti ballaag ti sirena Wenno awan ti bibiangmo iti ambulansia Ken iti lugan a mangbombomba iti uram Iti eskuater, ken iti barukong dagiti aktibista? Nasaksiam kadi idi lamuten ti pangamaen Iti kaariping a kuarta ti balon a dinardaraan Ken puto ti balasitang a sinursuruam Nga agbilang iti bituen ken rimat iti dara Iti tunggal eskinita nga agturong iti kalsada A dinaliasat dagiti natan-ok ken bannuar? Kalikagumam kadi ti panangabungot kenka ti sipnget— Di masigurado nga iti panangipagarupko, kasla sakit A masukisokto

Maipanggep iti Free Verse ken Musika iti Daniw

In-text ni Apo Noli S. Dumlao aka Tanud El Balo (para kaniak): "Uray gayam free verse, adda form-na." Wen, a, kinunak met. Ti kangrunaan ngamin a rason no apay nga adda metro ken rima dagiti daniw ket tapno maibagnos ti mannaniw a mamagkaysa iti wenno kadagiti pangngarig ken imahe. Idi nag-free verse dagiti mannaniw, isu daytoy ti tiempo a kabaelandan ti agdaniw nga uray no awan ti rima kada metro, maipakitada ti nagkaysa a pangngarig ken imahe; saan a naglalaok dagiti ukis iti nagukisan. Nalabit daytoy ti kamali dagiti mannaniw nga Ilokano a naayat iti free verse a nangipagarup a no free verse, uray no aglalaoken dagiti imahen kada pangngarig. Maysa pay a rason no apay nga adda metro ken rima ket isu ti musika ti daniw. Isu nga adda dagitoy metro ken rima ket tapno maibagnos met laeng ti mannaniw nga agdaniw nga addaan musika. Ngarud, idi inkeddeng dagiti mannaniw nga agdaniw iti free verse, kabaelandan nga ikkan iti samiweng ti daniwda uray no saanda nga agpaibagn

Kulibangbang, Kulibangbang

Daniw a Para Ubbing ni ARIEL S. TABAG Itlog, itlog a nagririmmuok Iti bayyabas, sua ken santol Nakapurpurawda, nakasapsapot No alaek, marugitan ‘toy ulok Budobudo, budobudo a nagkukyut Di asitgan, makasamrid uray muldot Kadagiti sangsanga, agdangandangan Maib-ibus bulong nga inda pagnaan Balay-igges a nagbibitin Ipallapallayog ti angin Di suksukiten, di bukbukitkitan Ta ni igges, aglulupoy a rummuar Kulibangbang, kulibangbang Likawlikawenna ti arubayan Nagdudumat’ maris dagiti payakna Dagiti sabsabong, agkanna (Karaman iti Bullalayaw, antolohia dagiti daniw a para ubbing, a sinurat dagiti mannaniw iti Cagayan. Manamnama a mayalnag itoy Disiembre 2012. Agpareserbakayon, gagayyem.)

Palanca 2012

Image
KABLAAW kada Danilo B. Antalan, Fernando B. Sanchez, ken Sherma E. Benosa a nangabak iti salip iti sarita iti Ilokano iti Palanca 2012. Inawatda ti pammadayaw itay Setiembre 1 iti Manila Pen. Maikapaten nga umuna a gunggona para ken ni Kompad Danny. Maysa laengen ket mainayonton iti Hall of Fame ti Palanca a pakairamanan ni Manong Reynaldo A. Duque (a nairanrana a kailian ni Kompad Danny idiay Candon City). Daytoy met ti umuna a gundaway a makayalat iti Palanca ni Manong Nanding. Apagisu met a makalawas laeng kalpasan nga inawatna ti Gawad Pambansang Alagad ni Balagatas manipud iti UMPIL para iti Ilokano Fiction. Maikadua a gundaway met ni Gyem Sherma-- immuna ti First Prize-na idi 2010. Kabayatanna, nakitak iti ladawan ni Manong Hermie Beltran iti Facebook a dagitoy ti nagpaay a hurado itoy a tawen para iti Ilokano: Herminio S. Beltran, Jr kas pangulo idinto ta kameng da Dr. Priscilla S. Macansantos ken Dr. Adelaida F. Lucero. Adtoy man ti kompleto a listaan dagiti nangaba