Ti Saniata ni Madam Susan Roces
WEN, adda metten Saniata wenno Dragon Fruit ni Madam Susan Roces. Idi nagkameng daytoy iti Manila Bulletin, sinagutan ni Apo Zac Sarian a maysa a Magsaysay awardee ken kolumnista iti Bannawag iti patubo a dragon fruit. Immulana daytoy ket kadagitoy, agbungbungan. Kas pammaneknek, pinatulodanna ni Manong Zac iti bunga ti mulana nga adda nailukon a surat, ken sumagmamano a ladawan kas iti adda iti baba: Malaksid a naipablaak iti Manila Bulletin, naipaskil pay daytoy nga estoria iti website ni Manong Zac kasta met a rimmuar iti kolum ni Ricky Lo . Apay a dakdakamatek daytoy? Ket wen, a, ta naramananmi met ti/dagiti nasao a dragon fruit-- dakami a kameng ti Editorial ti Bannawag, Liwayway, Bisaya ken Hiligaynon. Pammaneknek ti ladawanmi iti baba (siak daydiay adda iti baba, tengnga): Ket daytoy man ti closeup nga ala ti rinamananmi a saniata ni Madam Susan Roces: (Pammadayaw ti http://www.agrizaccess.com dagiti amin a ladawa...