ARIEL SOTELO TABÁG

NABALLIGI A TESDA-GLU SEMINAR. Siraragsak a nagraragup dagiti timmabuno iti kalkalpas a seminar iti panagsurat iti sarita a naangay iti TESDA Region I iti San Fernando City, La Union itay Mayo 23. Insayangkat daytoy ti TESDA Region I nga idauluan ni Regional Director Washington Agustin (akinlikud, tengnga) ken ti GUMIL La Union nga idaluan ni Djuna Alcantara (likud, maikapat iti kanawan). Ditoy a nagpaay a lektiurer da Ariel S. Tabag ti BANNAWAG (adda iti kanawan ni Dir. Agustin) ken Manuel S. Diaz, presidente ti GUMIL Pangasinan (kaabay ni Dir. Agustin iti kanigidna). Dimmar-ay met ni Dr. Ed Angco (sango, maikadua iti kanigid), presidente ti GUMIL Ilocos Sur. Mainaig ti seminar iti kaluklukat a Maika-3 a Salip iti Sarita ti TESDA para kadagiti estudiante iti kolehio ken haiskul. Timmabuno met dagiti taga-DZNL ken Bombo Radyo agraman dagiti opisial ti GLU a kas kada Ed Almodovar, bise presidente; Annie Agtarap, sekretaria; Milagros Renon, Abe Lazaga, Henry Tangalin, Leonor Corpuz, ag...

Maisayangkat ti maysa a seminar iti panagsurat iti Iluko idiay Bacarra National Comprehensive National High School (BCNHS) inton Hulio 3, 2009 manipud alas otso iti bigat agingga iti alas singko iti malem babaen ti panagbinnulig ti GUMIL Ilocos Norte ken GUMIL Filipinas ken iti pangawis ni Mr. Joel Lopez, OIC Principal iti nasao a pagadalan ken Education Supervisor I iti Values Education (I.N.). Manamnama nga atendaran dagiti mannursuro, estudiante ken agdadamo a mannurat, mataming iti seminar ti Iluko Grammar, panagsurat iti daniw, damdamag, salaysay, ababa a sarita ken Fillers (Pagpullat/Pagpunno). Aglektiurto da Ariel S. Tabag ti Bannawag ken Sekretario-Heneral ti GF (Grammar); Joel B. Manuel (Daniw); Leilani Adriano (Damdamag), Aileen Rambaud (Salaysay); Efren Inocencio (Ababa a Sarita) ken Elizabeth M. Raquel (Fillers). Agpaay met a naisangsangayan nga agsarita ni Dr. Cecilia Pacis-Aribuabo, CESO IV, Schools Division Superintendent (IN). Segun ken ni Mr. Lopez, rebbengna a mayadal...

Adda maisagsagana a libre a seminar-workshop iti panagsurat iti ababa a sarita para kadagiti estudiante a mannurat nga agpanggep a makisalip iti Maika-3 a TESDA Iluko Short Story Writing Contest. Maangay ti libre a seminar inton Mayo 23, 2009, 1:30 P.M.-5:00 P.M. iti TESDA Regional Conference Room, Siudad ti San Fernando, La Union. Esponsoran daytoy ti TESDA Region I ken iti pannakitinnulong ti GUMIL La Union. Kuna ni TESDA Region I Director Washington M. Agustin, a maysa kadagiti dua a naawis a manglektiur ni Ariel S. Tabag ti BANNAWAG a mangtamingto iti topiko maipapan iti manuscript preparation. Naawis met a kas kaduananto a manglektiur ni premiado a mannurat iti BANNAWAG Manuel S. Diaz a mangtratarto no kasano ti mangbukel iti maysa nga ababa a sarita. Manamnama nga aggapunto dagiti tumabuno nga estudiante manipud kadagiti nadumaduma a kolehio, unibersidad, ken dagiti TESDA-administered schools iti Rehion I. Maigunamgunam kadagitoy a mangitugotdanto iti sinuratda nga storyline mai...