ARIEL SOTELO TABÁG

Asinoka Koma? (Dispensarennak, Pablo Neruda) Kunam la no asinoka A nagbirbiragsot ditoy kaunggan Ti natalinaay a pusok Ket impaturaymo nga immalsa Dagiti ur-uratko agingga a nalmes Dagitoy bitek— agsungsung-ab Kunam la no asinoka a kalalaingan A nangtikaw iti naulimek a panunot Ket addaka uray kadagiti tagainep A maibislibislin kadagiti maris ken ayamuom Dagiti sabsabong ti rosas ken lirio A kunam la no kapadadaka a di manglaylay Nalabit ipagarupmo nga adda pay iti agongko Ti ayamuom a kimmayetket kaniak Manipud pannakasagidko iti atiddog, Pangulkuloten a buokmo. Nagriroka Ta binay-akon nga intayab ti abagat Ket naitanemen iti tukot daytoy lubong. Nalabit ipagarupmo a mangmangngegko pay Dayta timekmo nga agarup alun-onen payen Dagiti dalluyon a nangipaanudam Kadagiti inkurkur-itko a pammadayaw Iti kinasam-it ken kinailailo dagiti balikasmo. Saan! Bassit-usitdan nga arasaas, Nga arimpadek kadagiti kaltaang ti rabii. Makitkitak kadi pay ti rupam kadagiti u

inimbitarandak da manong baldovino ab. valdez nga aglektiur maipanggep iti panagsurat iti daniw. hulio 23, ading, kinunana. esponsoran kano ti silaw (sanggir dagiti ilokano nga awardee-writers, inc.), ti grupo a namunganay manipud iti tinawen a pasalipna nga avail. gapu ta karamanak metten kadagiti napadayawan itoy a pasalip, kamengak itoy a grupo. dinamagko no asino dagiti agdengngeg. ta no dagiti bangolan koma a mannurat, agrasonak koman. ta iti hulio 22, kasangay 'tay inaunaan a putotko ket inkeddengmi nga agkasangay laengen iti pagtaenganmi gapu iti rason a diakon dakamaten ngem mainaig iti madi nga inaramid dagiti mangimatmaton iti eskuelaanda. maikadua, umuna unay a miting ti board ti gumil filipinas iti hulio 24. okey met laeng koma nga aglanganak ta maysaak met laengen a direktor. ngem kaunaan met ket masansan a mapagpapatangan dagiti mangimaton iti komite. yassign-dak ketdi iti komite a diak kursonada, dakesen. maikadua, parambak iti maika-75 a kasangay ni apo juan sp

no pagibasarak ti innem laeng a tawenmo iti kinalaingko a mangisursuro nalabit mabalinko nga ibaga nga epektibo ti wagasko ta makitkitak kenka dagiti pagbutbutngak a galadko a diak met intaramente a paglikudan wenno ilunod ta gapu kadagitoy makitak met dagiti naiimbag a tallugading daytoy amam. maaliawak laeng ta no apay nga immun-una a nasursurom dagiti wagas ti panagyebkas iti panagpungtot wenno panagbagtit ngem dagiti im-impek a maipatawid met koma kenka kas iti panagipateg panangilala kinaandur kinaanus kinapakumbaba kinatalinaay ngem no isapatak, balong, a manipud ita a panagkanaganam kabaelak nga ibukbok amin a panawen sakbay ti panagpitom tapno matagikuam dagiti amin a naiimbag kaniak ipariknak kenka ti kinamirmiraut ken kinagagangay a naglasatan daytoy amam. kabayatanna, arakupenka iti nairut tapno mariknam ti bitek daytoy barukong ket mangngegam ti ipukpukkawna a nasudi a naganmo nga anib miguel hulio 22, 2011 12:22 am

bukodko a disenio

di pay nadeppaag ti pudot wenno makasinit pay laeng dagiti landok wenno semento uray naslepdan iti danum ti bombero, addan dagiti tulong kas iti noodles ken luplupot manipud kadagiti network ti telebision a bayat ti panagbuybuya itay wenno idi dagiti nauraman, inkankannawag dagiti reporter ti panagdawatda iti donasion. aglilinnetlet dagiti agkakatawa, agsasangit, agpupukkaw a nauraman ket aglalaok ti langsi dagiti nauram a tao, gamigam, lupot, karton, kayo ken no ania ditan a retaso ti siudad. adda metten dagiti nakaalan iti retaso iti ballasiw, wenno iti kanto wenno iti igid ti nalangsi a karayan ket rugianna manen ti mangipatakder iti sabali nga abong a naganannanto iti balay. idinto nga iti maysa a nalamiis a kuarto, ikamkamakam ti arkitekto ti plano ti maysa a condominium bayat ti panangpattapattana no mano a kahon ti serbesa ti ipaalana manipud iti tseke a pinirmaan ti boss-na nga insik a kalanglanga ti tseke nga inaramat ti presidente idi panawen ti ba

nararamdaman ang hapdi ng isang sugat, isinadya man o hindi, kapag nasa estado ka na ng pag-iisip o paghahangad na ito ay mapagaling. kaya't nakatuon ang lahat ng gagawin o pamamaraan para mapadali ang paggaling nito nang sa gayon, makababalik ito sa dati niyang kagalingan (kahit mananatili ang peklat na madalas nga ay maganda itong alaala na nalagpasan mo ang sugat na iyon) at magagawa na ng bahagi ng katawan na nasugatan ang kanyang tungkulin. samantala, nagiging mas mahapdi ang sugat, mas mahapdi pa sa pisikal na hapdi, na kahit nagkakalangib na, binubudburan ito ng asin at ang tanging hangad ay manumbalik kung di man manatili ang hapdi. hulyo 21, 2011

ni mang cles (rambaud): "saanka a lalaki no makiapaka iti babai." "kaykayatak ti agmula kadagiti masetas. ta no dadduma, nasaysayaatda pay a kapatpatang ngem iti asawa. ti la dakesna no bigla a sumungbatda." hulio 21, 2011

itay iti maysa a diario a mabalin a gapu iti panangsipsiput wenno panangtiktiktik ti fbi ti namunganayan iti panagbagtit ni hemingway agingga a pinaltoganna ti bagina. diak magustuan dayta a pattapatta. ti imasna, paneknekan ti maysa a nasinged a gayyemna. isu nga agrukbabnak ken ni kurt cobain. napnek iti biagna. ginibusannan. panagkunak, dandaniak metten mapnek iti biagko. hulio 21, 2011

a datayo laeng ti mangipalpalay iti saem iti bukodtayo a nakem, nakayanakan ngarud ti mangipalay iti saem?

isu a mamatiak nga awan koma ti karbengam a mangipaay kadagiti amin a kasasaeman a balikas kaniak. masansan a saludsodek iti bagik a kastoy kadin ti kinadakesko a parsua tapno sagabaek dagitoy? diak ammo no pudno a kinalupoy ken kinaawan-lategna ti agarapaap iti biag a simple ken mapnek iti no ania ti adda. mamatiak a no agmulaka iti gura, gura ti apitem. agbabawiak no apay a binay-ak a nagtubo ti gura kaniak. maregreg dagiti luak gapu iti daytoy a napasamak kaniak. ita, kayatko nga agsampaga koma manen ti ayat ken talinaay iti barukongko. sapay koma ta mabirokak ti disso a matungpal daytoy. hulio 21, 2011

ket kasla lati. iti kanito a nakalupkopanna ti bagi, in-inut-- iti nadagem ken naintarumpingayan a wagas-- tagikuaenna ket agbalin a paset ti kinalatina amin a piskel, dara, puso, utek, bitek, lagip, kararua... hulio 20, 2011

...daytay pebolit ni Tanud RVA a mannaniw a taga-Persia. Ket daytoy man ti magustuak a bersona (nga impaskil ni rva iti fb ti Inglesna) nga impataruskon iti Ilokano: Linukotna ti butengna ket nagsampaga a rosas a nasadia Nakaan-annad a tinapayana iti dakulapna Innala daytoy kenkuana sa imbistina iti buokna Prominente ditoy ti aweng nga "a". Kaduana ti aweng nga "an", ad-adda a daytoy nga aweng ti maitutop kadagiti dandaniw a maibalikas iti entablado, wenno daniw a para tapat wenno para korona. Itoy a gundaway, iti maikatlo a linia, makitam ti limitasion ti pagsasaotayo ta iti Ingles kunana: "She took it from him and put it in her hair". Inusarko ti "daytoy" para iti "she" idinto a daydiay "him" para iti "kenkuana". Ti adatna, daydiay "imbistina iti buokna", para met iti "she", isu a gistayan ninayonak iti "daytoy" ngem agbalin met koman a kastoy "Innala daytoy kenkuana sa

adda dagiti mabati a mangar-arnas kadagiti gabat a mabalin a pagsungrod ket mapartuat ti temtem a paginuduan dagiti sabsabali pay a nabati a lamlam-eken ken nagtalinaed a maal-aliaw iti dimteng nga allawig; mapabiag dagiti pimmusay a dalikan ket mailuto dagiti mabalin a maar-arnas kas iti ubog ti natuang a niog, wenno dalag a di nakasubli iti alog; maaramid dagiti bangko a pagtugawan dagiti di pay mayat a mangukas iti tapayana tapno nanamnam-ay a mangtugtugpa no apay a dumteng ti didigra iti lubong a ti mabukelna a sungbat nabayagen a napanunot dagiti immun-unan a sinangbayan ti parikut ken nalabit narurungsot pay a pannakaburibor ngem iti ipaay ti Nakaparsuaan. adda dagiti napigpigsa a nabiag a mangbagkat kadagiti bangkay ket kasla nambaan wenno gabat laeng a pagaabayenda ket imbes a maldaangda iti nakapimpiman a nakapay-an matdada kadagiti nalamiis a basar kadagiti nalamiis a rabii nga umap-apal iti maysa a natalinaay a panaginana ngem iti mangsungsun

Ayat, kasla tantan-awak ti nakalitlitnaw nga ubbog ket iti lansad daytoy, agtultuloy nga agpussuak ti nadarisay a danum nga awanan sabali a panggep no di mangep-ep iti amin a pagayusanna a namaga, mangpunno iti amin a kawaw, mangpalangto iti amin nga agkalikagum nga agsantak ken agsampaga; Kasla palpalabsak ti Nasantoan a Libro ket patiek a maysaak a propeta ta makitak dagiti pagilasinan ti yaay ti Mannubbot, ken maysaak met laeng nga arban a sumsumga iti pammatalged ti Isasangbay ti maysa a mangibagnos. Ket iti kanito a diak mapetpetan ti pangalkalapkapak a siak, pasetnak kadagiti parmatam, mariknak nga addaak iti maysa a naulimek a terminal, mangkaskastigo iti bagik gapu iti naladaw nga idadatengko ket diak masinunuo no pangrugiak a guyoden ti panawen tapno dumteng manen ti sabali a tren wenno sabali a posibilidad tapno magteng ti pagturongan, ta madanaganak a sika nga adda iti ungto daytoy a panagdaliasat matektekan ket agturongen iti disso a diak pulos mas

paikut-ikot ang mga gamu-gamo sa ilaw ng walong poste na gabi-gabi namang nasisindihan at hindi ko matantiya kung kailan ang katapusan sapagkat wala akong kapangyarihang pundihin o patayin ang kuneksyon ng kuryente hindi kagaya ng lampara o ng kandila na maaaring mamatay sa sandaling magpatiwakal kahit isang gamu-gamo o sa oras na maubos ang gas o maagnas ang kandila natatantiya ko lamang kung kailan ako paririto at aalis at magpabalik-balik ang aking paningin sa walong poste na gabi-gabing nasisindihan darating man ako o hindi, o kahit sa gabing umuulan at nagkubli ang mga gamu-gamo sa mga bitak nitong naglalakihang pader Hulyo 12, 2011 "Enigma Without End" ni Salvador Dali.

“SI T-bone lang ang may problema,” kinuna ti formator-mi idi impakaammona ti resulta ti medical examination-mi a kandidato iti nobisiado iti Order of Friars Minor. Siak daydiay T-bone. Pinanaganandak iti kasta gapu ta nakaruruar ngamin dagiti tulangko— agdudusol, agtutunnal. Iti ababa a pannao, sobra ti kinakuttongko. Sa pay bassit. Okey koma latta kaniak no pinanagandak iti ‘piit’. Ay ket naklaatak iti kuna ti formatormi. Agasem ket dosekami sa siak laeng ti addaan parikut iti salun-at? Nupay diak ilibak, nalaka a mabambannogak ken nakarikrikut a puzzle kaniak ti diak pulos ilulukmeg. Ngarud, napasingkedanen dagiti buteng iti kaunggak nga adda a talaga parikutko iti salun-at. Ket immappayaw dagiti lagip ti kinaubingko. Daydi near-death experience-ko idi agtawenak iti tallo-lima. Daydi panagbagbagkat ni nanangko kaniak a mapan ageskuela ta diak makapagna. Daydi diak panagsuot iti shorts gapu ta kasla burrarawit dagiti gurongko. Daydi pannakaabakko iti gabbo gapu ta nagkurangak it

itoy maikasangapulo a tawen daytoy maikadua a biag.

Solitario Sarita ni ARIEL S. TABAG BIMMANGON ni Ace. Agwengwengweng dagiti lapayagna. Kasla mangmangngegna pay laeng ti ariangga dagiti gitara ken tambor ti Shotgun Blues a bandana a nagtokar iti 70’s Bistro iti Project 2, Quezon City ken dagiti palakpak ken paswit dagiti nagbuya. Minatmatanna ti dekutson a kama a nagiddaan ni Lucille a baketna ken dagiti annakda a da Awit nga agtawen iti lima ken Mutya nga agtawen iti uppat. Dinan sininga ida itay parbangon nga isasangpetna. Nagyaplag lattan iti bed sheet iti sakaanan ti kama. Ita, awandan. Ken uray siguro ti katuganganna a babai, ken ti katulonganda. Winagwagna ti ulona ket kunam la no mapung-il ti tengngedna iti kinadagsenna. Maulaw a saan. Inamuyna ti panguloten a buokna. Nakitana iti desarming nga alarm clock— a dina nangngeg ti panagkiriringna— a liningdan manen ti panguloten a buokna ti lapayagna, ken rumaberen a barbas ken imingna ket umarngi manen ti langana iti paboritona a kumakanta a ni Kurt Cobain ti Nirvana. A

Karapote (wenno kaporriti iti dadduma nga ili iti Ilocos Norte ken kapote iti Cagayan) ti awag iti kulapot ti kayyanak a maladaga. Pammati dagiti apong nga Ilokano a no nagkarapote ti maysa a maladaga, nasuerte daytoy. Iti Tagalog, awaganda iti May-supot. Kasla saan a napintas iti panagdengngeg. No siak ti isuda, mabalinda nga usaren ti karapote wenno kaporriti. Exotic ti awengna. Iti met Ingles, kas kuna ni Atanud Joel B. Manuel, birth sac kano. Uhu, nadangro. Amang a nabangbanglo daytoy karapote. Kaaw-aweng ti suerte. Inusarkon iti maysa a saritak daytoy iti isu met laeng a paulo, ken nairaman iti "Nabalitokan a Tawid", ti antolohia dagiti sarita nga impablaak ti GUMIL Filipinas, ken kangrunaan a sarita iti umuna unay a librok a pinauluak iti, uhm, Karapote. Adtoy ti paset nga ibagbagak: Maasiannak a saan ken ni Manong Angelo. No ammona la koma a nayanakak a suni. Diakon pininggit ti barahak— ta ania pay ti pangabak ti barahana? Imbaslatko: Dos a Paria! Naaba

Pakaammo ti MB Treasury Dept. Maipanggep iti Bayad Dagiti Sinurat Maipakaammo kadagiti amin a mannurat iti Bannawag (malaksid kadagiti contributor iti “Ti Makunami”, “Tao, Lugar, Pasamak”, “Txtm8”, “Ammuem Pay Dagitoy” dagiti padigo iti "TIPS") a mabalin a masingir dagiti bayad ti sinurat babaen itoy tallo a wagas: Umuna, personal nga umay alaen iti Treasury Dept., 3rd Floor, Manila Bulletin Bldg. (sapulen ni Ms. Alice Aldana, Assistant Treasurer). Mangitugot iti I.D. card. Palagip: sakbay ti panagsingir, tawagan nga umuna ti nasao nga opisina iti (02) 527-8121 local 209. Kadagiti laeng met aldaw ti Martes ken Biernes ti panagsingir. Maikadua, mangbaon iti mangsingir iti sinurat. Nasken nga ikkan iti surat-pammalubos (letter of authorization) ti tao a baonen. Manen, tawagan nga umuna ti opisina ni Ms. Aldana. Maikatlo, patulodan iti surat-pammalubos ni Ms. Flordemay C. Ugsimar, Treasury Staff, tapno kolektaenna ti bayad ti sinuratmo. Iturong ti surat ken ni Ms. Alic

KINAPUDNONA, addan rinugiak. Ngem diak pay la ibagbaga ta dagiti laeng adda iti asidegko ti klientek ken saan a nasken nga Ilokano. Inton agsanga daytoy a negosio, isunto ti panangestoriak. Ken estoriaekto metten no kasano a dimmakkelak a nasanay iti panaglakolako kadagiti babassit a produkto manipud iti ice candy, bibingka, sagad, sandia, utong, irik, ukis ti kayo, ken dadduma pay. Ania ngarud ti planona daytoy a post? Kayatko laeng nga ikannawag ti linuktak a blog maipanggep iti panagnegosio a binuniagak iti Go Negosio! Bisitaenyo man met sagpaminsan. Inlanadko sadiay no apay a linuktak daydoay a blog. Dios ti agngina. :-)

pinaltogakon ni hayden kho ngem saan met nga asseng ni quark isu a ti laeng maaramidanna, ikannawagna a dina kayat ni hayden kho para iti patpatgenna nga ina ta no paltoganna mabalud la ketdi-- uray no nabayag ti bista ta nabaknang met ni vicki belo a nanangna-- sayang met ti biagna a nalaing a direktor ken adipen ti arte ket mamansaan laeng iti kas ken ni hayden a nagpuonanna ti kinaguapona a makakuarta babaen ti panangbabaina ken ni vicki belo ken makayala iti adu nga agkakalatak a babbai a di agduadua a kuartaanna laeng ida ta adda la ngaruden kuartana ngem gapu ta patpatgen ni quark ni nanangna, baybay-anna lattan ni hayden ket piman ta mapan pay agpasanaang iti sabali a pagilian-- pagrasonna laeng ti panagadalna iti panagaramid iti pelikula agasem met daytoy a lubong a dagiti awan serserbina a tattao apektaranda a kanayon ti biag dagiti nasisirib ken nasisingpet a tattao Hulio 9, 2011. Saan a daniw dayta. Maysa a bitla.

Okey lang naman 'yung babai sa babai. Nakaka-asiwa lang kung parehong mahaba ang buhok. Masagwa.

Ugaw = anito nga agitalaw iti bagas. Isu a naugaw, kunatayo, no kasla napartak a maibus ti bagas. Hm, makatawenen a naugaw 'toy pagbagasak, agpapan pay 'toy pitaka. Makitak la dayta nga ugaw, uray nakalugan iti porsche wenno bmw, palsiitak 'diay ludingasna. Hulio 8, 2011

apay a nagsarakta ket nakitak iti isemmo dagiti amin a naiimbag a bambanag ditoy lubong, nangngegak iti timekmo dagiti mataginayon a samiweng, namatmatak iti alintatao dagiti matam ti linglingay a tinagtagainepko iti naunday a tiempo? bitogennak dagitoy a saludsod ta kayarigak ti mangkaskastigo wenno agduadua iti Bileg ti Mannakabalin a nangkibin ken mangkibkibin iti tunggal maysa tapno agtugmok iti naisangrat a gundaway ken tiempo ket kalpasan nga agballatek ti panagduaduak kadagiti amin a bambanag iti aglawlawko, agtungpal dagiti amin a panagduadua, pammabalaw, panagkastigo iti bukodko a pannakaitao ken kinatao ta nalabit agbibiag ken mamatpatiak iti pinarpartuatko laeng a realidad ken gasat ta apay nga awanka iti disso a ninamnamak nga ayanmo? Hulio 7, 2011 4:07 PM binulodko ti ladawan

Ulan. Ania ti Tagalog ti arbis? Ambon. Ania ti Tagalog ti arimukamok? Anggi Ania ti Tagalog ti bayakabak? Malakas na ulan? Ania ti Tagalog ti littugaw? Malakas na biglaang ulan? Kadagiti Ilokano a di pamiliar iti littugaw, isu daytoy 'tay tudo a pagam-ammuan ket umayen-- agung-ungor, umas-asuk, mangalibungabong iti tapok-- gagangay nga iti aldaw wenno mumalmalem. Masansan nga usarek daytoy a balikas kadagiti daniw ken saritak-- kinapudnona, paulo ti sarita ken daniwko (a Tagalog a nangisakibot iti gistayan kutit iti Collantes)-- ta adda pay dagiti pada nga Ilokano a di makaammo itoy. Nalabit, gapu ta iti Cagayan wenno iti Tanap laeng a masansan nga adda littugaw. Inus-usar met daydi Apo Meliton Gal. Brillantes ken kinapudnona adda met saritana a napauluan "Littogaw". Wen, "o" ti inusar ni Apo Meliton. Kaniak a biang, "u" gapu ta nadam-eg no baliksem ti littogaw uray no puro danum daytoy a balikas ta kadatayo nga Ilokano, medio nad

iti nagsulian dagiti kalsada a muralla ken recoletos a nakaipatakderan ti pakdaar a daytoy a disso sigud a naisaad ti simbaan ken ti kamposanto ket itan, nakaipasdekan ti kompania a mangipabpablaak kadagiti babasaen a nakailanadan dagiti napasamak, mapaspasamak ken riniwriw a posibilidad daytoy a lubong nagtugawak minatmatak ti panagakar-akar ti burik a kulibangbang kadagiti nalabanag a nalabaga a sabong ti bougainvillea bayat ti panangrikriknak ti agsasaruno a pannakasegged ken pannakarunot ti diak mabilang a sigarilio ta ninanamko ti salemsem ken ingel a nagalinsaed ken nangdanon kadagiti padana nga ingel iti kaunggak agingga a diakon masinunuo no kasano ti tumakder wenno magna a sierto ti pagturongak ta ti kulibangbang agtultuloy ti panagakar-akarna kadagiti namamaris a sabsabong iti agar-aragaag nga imatangko Hulio 6, 2011 1:33pm binulodko ti ladawan

iti kaltaang ti rabii nga impagarupko a yawat ti bulan ti nalamiis a dakulapna tapno mapaneknekan nga adda nabara nga anges nga ik-ikutak nagtakderak iti sango ti pader idi pagam-ammuan ta manipud iti diak ammo a direksion, pettat a nagparang ti nangisit a kulibangbang a nagbangabanga iti kuppokuppok ket nalabit impaypayakpakna ti balligina ta nakaduktal iti parsua a nakawkawaw ngem isuna— isu a tumatayab nga uray iti parbangon nagdaldaliasat tapno laeng mapaneknekanna nga adda nakapimpiman iti langalang iti dayta a kanito ket umanayen dayta nga anag ti kaaddana iti lubong (ta di kadi ti kulibangbang ket naikari iti maysa a hardin a namaris ti aglawlaw gapu kadagiti nalalawag a siray ti init?) isu a pettat met laeng a nagpukaw wenno nagturong nalabit iti disso a diak impagarup a papananna ket napalusposan ti imatangko dina ammo, maysaak a managpartuat ket ti impagarupna a nangisit a pader a sangsanguek maysa a sarming a pangmatmatmatak iti pakabukla

:: nagur-urayak agsampaga nga ayat nakutoranak binulodko ti ladawan

ania ngata kadagitoy ti nalalaing nga ag-haiku? jack en poy sa laengen. sa pula o sa puti? billit wenno tao? ngem no maitakalak a kasla mutit, tagikuaek ida nga agpadpada, hoho.

nagan ti rosas (pamakpakawanan ni umberto eco) 1. sabong, sampaga linglingay, sudi, imnas: sika ta sika simngayen ayamuom naipunganay sabong nga agnanayon inappupoka sampaga, bulong, siit siak ti nagdara dara, lua, ken linnaaw datonko’t daga masetas dinto mawaw amin nga ayamuom amin a maris sika nga agnanayon kunada: sampagita lirio, orkidia. kunak: rosasto latta hulio 5, 2011 2. anasaas ti baybay im-imdenganka iti sirok salaysay duduogan a dungon saksit' agrusing langto iti parbangon maris ti rosas waknitanna ti angep laminat' imnas rosas ti saleng agmaris, agsampaga ili agdayyeng ay, nagungarak iti saklulom, sabong, maidasayak sangatukel linnaaw pagrusingenna rurog, sanga a mawaw kigaw a mula bay-am a sappuyotek ay, agsampaga lulua ti abril iti daga a matnag bin-i agrusing nakarkarmaak sabong nga apagukrad i'ta pusaksak kulibangbang immagep iti sampaga ungkay nagarigenggen

Hulio 4, 2011

ADDA kanon iti Top 40 a kabaknangan iti Filipinas daytay akinkukua iti Mang Inasal. Diakon kinita ti naganna wenno no mano ti kuartana ket baka masulisogak a mangkidnap for ransom. Basta ti ammok, kas kuna dagiti kakaduak a padak nga agkatkatay iti apal, mapan a 30-34 laeng ti edadna. Kayatna a sawen, kadasarak. Idinto a siak, marigatanak pay a mapan mangan iti Mang Inasal uray maminsan la ti makabulan. Ala, narigat met a talaga no siak ti maikompara kenkuana ta saan met a pagbaknangan dagitoy hiligko. Mapanta laengen ken ni Manny Pacquiao. Kasadarak ni Manny (feeling close). Agpadakami a 1978 a nayanak wenno agedad 33 itoy a tawen (siak inton Agosto, isuna inton Disiembre). Manon a tawen a makipinpinnarpar iti rupa ni Manny ken maibilang nga isunan ti rupa ti boksing iti sumagmamano a tawen. Mapmapanen a 30 milion a doliar ti ganganarenna iti tunggal labanna (agtipon ditan ti tangdanna ken bingayna iti pay-per-view; awan ketdi ti pustana). Sa adu metten dagiti negosiona iti Filip