ARIEL SOTELO TABÁG

Nalabit kaluklukatna laeng.Ta bayat ti pannakasursurat daytoy, 74 pay laeng ti nanglukat, segun iti impanna a Pageviews. Ngem sigurado a reprep ti mapan kadagiti sumaruno nga aldaw. Nasayaat daytoy inaramid ni Apo Vhen. Ta malaksid iti iluko.com , addan sabali ken mas personal a pangbuyaan kenkuana dagiti riniwriw nga agrukbab kenkuana. Ala, man, kakailian. Buyaenyo man ni Apo Vhen Bautista, ti maibilang a Prinsipe ti Samiweng Ilokano, ditoy BLOG-na ket suportarantayo ti amin a gannuatna para iti samiwengtayo nga Ilokano ket tapno matignaytayo met a mangirusat kadagiti sabsabali pay a gannuat para iti musika, kultura, literatura ken lengguahetayo.

NATUNGPALEN ti arapaap ti dua kadagiti paboritotayo a kumakanta iti Amianan, da Vhen Bautista nga am-ammo a kas "Prince of Ilocano Songs" ken Melo Santiago a nalatak met iti awagna a "The Mellow Songtress", nga agtipon iti maymaysa nga album— ti "Nalayog nga Arapaap" a nairuar iti merkado itay nabiit. Nangrugi ti career da Vhen ken Melo kas kumakanta idi 1990 iti programa ti DWLW Radyo Budyong a "Bukros a Bukangkang". Manipud dita, nagbalinda nga aktibo a recording artists— ken concert artists, ket adun ti nagpabpabuyaanda iti nadumaduma a paset ti Ilocos Region ken iti ballasiw-taaw. Maysa kadagiti kaudian a nagkonsiertuan ni Melo idiay Hong Kong babaen ti awis dagiti nadumaduma nga organisasion dagiti Filipino sadiay. Kaduana sadiay a nag-perform da Noraline Domingo ken Grace Saddam, ken dadduma pay a nalatak a kumakanta iti Ilokandia. Iti biang ni Vhen (a nabayag metten nga adda iti Estados Unidos), adu latta dagiti organisasion dagiti Filipin...