Nakayanakan a pagsasao, itandudo
Intandudo ti Departamento ti Edukasion (DepEd) ti Mother Tongue-Based Multilingual Education wenno MTB-MLE a kas pannakikammaysa ti departamento iti pannakarambak ti International Mother Language Day idi Pebrero 21, 2011. Babaen ti DepEd Memorandum No. 19, series of 2011, sinuportaran ti ahensia ti United Nations Educational, Scientific and Cultural Organization (UNESCO) a mangitantandudo iti panagusar iti nakayanakan a pagsasao iti panagisuro.