ARIEL SOTELO TABÁG

KARAPOTE (KAPORRITI) Sarita ni ARIEL SOTELO TABÁG   NAYANAKAK a suni. Wenno immun-una dagiti sakak a rimmuar ngem ti ulok idi ipasngaynak ni nanang. Dayta ti kuna da nanang ken Lilang Balling, ti baket a mangngilut ken lumulualo a nangpaltot kaniak. Isu kano nga adda bileg dagiti dakulapko. Aprosak laeng ti tengnged a naitdalan— daytay nasiitan iti karabukob—dagus a sumuroten ti siit iti maminsan laeng a panagtilmon.   Manmano kano ti kas kaniak. Isu a nagasatak kano—nga isu met ti panagkunak. Mapatangam la ketdi dagiti addangmo, awanen ti nagasgasat ngem sika, kinuna ngarud ti naam-ammok a lakay a mammalad naminsan a naipasiarak iti kabangibang nga ili. Adda ketdi daydi dinakamatna a nasuerte met a padak ngem diakon malagip.   Ngem mamatiak iti kinuna ti lakay. Siguradoak a kasingin dayta ti kinalaingko a mangngilut wenno mammullo. Adu ti kalugarak nga umanamong iti dayta.   Naminsan, awan pay sangapulok idi, naluspiko ni tatang bayat ti panagar-ar...

Karapote Antolohia Dagiti 13 A Nasuerte A Sarita ARIEL S. TABAG SANGKABASSIT NGA INTRO NASUERTE, kunak, kadagiti sarita a nairaman iti daytoy nga antolohia ta manmano met ti ababa a sarita nga Ilokano ti mailibro. No apay a 13, gapu ta mamatiak nga awan iti numero ti kinamalas. Manipud iti 2003 agingga iti 2010 a nasurat dagiti sarita a nairaman iti daytoy a libro nupay naipablaak iti 2011 ti “Ti Balay”. Iti ababa a pannao, nasurat dagitoy a sarita kabayatan ti umuna a dekada a panagsursuratko (naipablaak iti Bannawag ti umuna a saritak idi 2001) nga ibilangko met nga umuna nga addangko iti literatura. Kas naibagbagakon, kayatko la unay a mailibron dagitoy tapno maidalimanekkon, ken maibinglayko manen, ket marugiakon man metten ti maikadua a dekada wenno yaaddang. Sumagmamano kadagitoy ti nangabak kadagiti salip, ken naipablaaken kadagiti antolohia nga impablaak ti GUMIL Filipinas. Ngem nairamanda iti daytoy a libro gapu ta mamatiak, karamanda iti 13 a nasusuerte a sarit...

Rimmuaren iti imprenta ti sabali pay a libro dagiti sarita dagiti mannurat nga Ilokano nga itoy a gundaway, naipatarus dagitoy iti Filipino. Buklen ti nasao a libro, ti Samtoy, Dagiti Saritami Ditoy, Ang Aming Mga Kuwento , ti sangapulo ket tallo a sarita ken naipablaak babaen ti tulong (partial grant) ti National Commission for Culture and the Arts (NCCA). Impatarus ni Ariel S. Tabag, Showbiz ken Poetry Editor ti Bannawag, nairaman iti libro dagiti sarita dagiti agkabannuag a mannurat a pakairamanan da Juan Al. Asuncion (Literary Editor ti Bannawag), Arnold Pascual Jose, Aileen R. Rambaud, Joel B. Manuel, Daniel L. Nesperos, Noli S. Dumlao, Danilo B. Antalan, Roy V. Aragon, Sherma E. Benosa, Prodie Gar. Padios, Neyo E. Valdez, Mighty C. Rasing, ken ti nagipatarus. Nailungalong ti nasao a proyekto a kas pangipatawayan dagiti mannurat nga Ilokano iti sangkailian a Filipino kadagiti gapuananda. (Naipablaak iti Bannawag, Marso 5, 2012 a bilang.)

NATAPOS din sa wakas ang "Samtoy," ang proyektong pagsasalin sa Tagalog sa labintatlong maikling-kuwentong Ilokano ng mga labintatlong kabataang manunulat na Ilokano (ang depinisyon ko sa kabataan ay 50 anios, pababa). Narito ang maiksing intro ko sa naturang proyekto: Mula Sa Tagasalin BUKOD sa Saluyot, na hango sa isang gulay na madalas ulamin ng mga Ilokano, Samtoy ang isa pang tawag sa mga Ilokano. Sa katunayan, Samtoy din ang isa pang tawag sa mismong wika ng mga Ilokano, bukod sa Iloko, Iluko at Ilokano. Mula ito sa pinaghalong “saomi ditoy” na ang literal na kahulugan ay “salita namin dito.” Sa proyektong ito, ang Samtoy ay “dagiti saritami ditoy” o “ang mga kuwento namin dito.” Kagaya ng iba pang mga panitikan sa Filipinas, maliban sa Panitikang Tagalog/Filipino, mabibilang sa daliri ang mga naisasaling akda ng mga Ilokano sa Ingles man o sa Filipino, ang Pambansang Wika. At ipinagmamalaki namin na bukod sa mga nasusulat sa Tagalog, ang mga nagsasalita sa I...

Ti Mision ni Asiong Sarita ni ARIEL S. TABAG “Ammom, Asiong,” kinuna ti lalaki a nakaturong ti imatangna iti aglanglanga a laptop. “Adda dagiti naituding nga umayko sukonen ngem naliwayak!” DI napupuotan ni Asiong, pagam-ammuan la ta adda metten iti nakasipsipnget ken nakail-ilet a desdes— nagdadakkel a nagrerekket a puon ti balite ti adda iti agsumbangirna. Dina ammo ti laud ken daya. Pagam-ammuan ta maysa nga anniniwan ti nangibalikas iti “surotennak” a kunam la no naggapu iti tukot ti daga ket pagam-ammuan, kasla binungonen iti rinibu a kulalanti ti anniniwan. Dagus a nabatombalani ni Asiong a simmurot iti lalaki a kasla nabungon iti lawag iti ayatna a mangpanaw iti ayanna a kasipngetan. Ngem nakaparpartak met ti pannagna daytoy, nga uray impanna aminen a kabaelanna a mangkamat, dina latta magam-udan. Agingga nga in-inut a bimmasbassit a bimmasbassit ti lawag agingga a kunam la no timmayoken ken nagbalin laengen a kumiraykiray a bituen a mangsilsilnag iti dalanna. Sa in-inut...

WEN, ADDA PAY MAGATANG, APO! New, old, and rare Ilocano books for sale, written by Ilocano authors and published by GUMIL Filipinas and its chapters in Ilocos and Cagayan Valley regions, and in Hawaii. Pick your choice, apo: Asuncion, Juan Al., et al, eds. Nabalitokan a Tawid. (Anthology of Ilocano short stories.) Quezon City: GUMIL Filipinas, 2011. Foldcote. 198 pages. Tabag, Ariel S. Karapote. (Anthology of 13 Ilocano short stories.) Quezon City: GUMIL Filipinas and Norielyn C. Tabag, 2011. Hardbound, 156 pages. Duque, Reynaldo A. No Agsuratka iti Daniw. (How to Write Poetry). Parañaque: El Niño Publishing House, 2010. Foldcote, 290 pages. Benosa, Sherma E. Dagiti Babassit nga Alipugpog (And other Stories). Manila: NCCA and Ateneo Press, 2010. Asuncion, Juan Al., et al, eds. 29 a Napili a Sarita iti Iluko. (Anthology of 29 Ilocano short stories.) Quezon City: GUMIL Filipinas, 2010. Foldcote. 235 pages. Manuel, Joel B. and Ariel S. Tabag, eds. Kastoy nga Imbunu...

Saddam Sarita ni ARIEL S. TABAG Idi pay, ti palimed nga uk-ukopan ti tunggal maysa kadakuada, tumungtungraraw ti ipusna… i. NATAY kanon ni Saddam! Dayta ti dimteng kaniak a damag iti kaaddak idiay barangaymi iti dayta a Paskua 2006; nagawidak idi manipud iti Manila a pangisursuruak iti haiskul. Saan a ni Saddam Hussein a nadangkok a lider ti Iraq no di ketdi ni Buenaventura Palor, wenno Angkel Buen, daytoy a Saddam. Ta no idiay Namruangan, Sta. Maria, Cagayan a lugarmi a birngasenda uray ni Apo Jesucristo iti Papa Jesus, awan sabali nga ibilangda a Saddam no di ni Angkel Buen uray kasano ti kinalatakna idi iti lubong daytoy pudpudno a Saddam Hussein. Nakalalagip ti ipupusay ni Angkel Buen. Iti bisperas ti ipapatayna, nagmalmalem sa nagpatpatnag sa gistayan manen nagmalmalem a nagtoktokar ‘diay component-na— naikonekta met iti trumpa. Naimbag laeng ta nalpasen ti Paskua ket agsasamusam ti padaya isu a nagbalin a kasla soundtrack dagiti reunion, pabunar, ken pabuniag ti ka...