ARIEL SOTELO TABÁG

gapu ta maysaak laeng a tapok iti suelas ti sapatosmo a mabati no kasta nga agpagpagka iti ruangan sakbay a sumrek iti katedral dagiti didiosen abril 27

DANIWKA kadi? Ngamin nagrigatka a maawatan. Pudno a narigat a maawatan ti daniw ta mamatiak nga isu daytoy ti kangatuan a porma ti arte. Ti daniw, addaan iti ritmo ken kumpas ken addaan samiweng dagiti balikas. No addaan ngarud iti samiweng ken kumpas, addaan met ngarud daytoy iti sala— wenno ti panangkumpas ti asino man a mangi-perform wenno mangibasa itoy. Ti daniw, maysa a painting wenno ladawan ket dagiti balikas ti inusarmo a pinagpinta wenno pinangkamera. Ti daniw maysa a kitikit ta addaan met ti arte ti pisikal a langa ti naisurat a daniw. Maysa a pammaneknek a nangato a kita ti arte ti daniw daytoy: Kabaelan  ti maysa a lima ti tawenna nga ubing ti agbalin a nalaing a pianista, ti agbalin a nalaing a mannala, ti agbalin a nalaing a pintor, ngem karkardayo a makasangal dayta iti maysa a napintas a daniw. Maysa pay, no ti pintor ket ipintana ti padas wenno pamanunotan iti kambas babaen ti pintura, ti mannaniw ket ipintana met ti padas wenno pamanunotanna babaen “laeng” ti

PALAGIP: Daytoy a daniw ket naisangrat a Danirock-- Blues Rock met ti background-na. Napasamak daytoy idi agtawenak iti nasurok a lima Kuna ti mangngugit: Boting, modtoy ta palletongmo ala Apay, lilong, kunak a masmasdaaw ngem immasidegak Salsuitenta dardaras dumakkel ken saankanto a bakla Saan met a dimmakkel ngem dimmakkelak a saan a bakla Ken diak nalipatan daydi a padas ta naimas met tsokininana No butbuto ti patangan, nagsutil daytoy ulitegko a maysa Pinanagananna iti Buto ‘tay Marlex apaman a nagtawen dua Isu nga indakdakkelna ta Buto a naganna piman ta ikatkatawa met ni amana Idinto nagbalinen a “marlex” ti awagmi iti dayta a mabagbagi Isu a no lumabas dagiti babbalasang ket sutilem ida nga ipakitam ni marlex Kunada kenka nga iyiriag: Bastos! Dika pay la makimat, turpi! Adda maysa a lakay a mannurat a nakahilhilig a kumaggo Agtawenen iti otsenta ngem naglalapsat dagiti umaklili apo Adda nagdamag naminsan no kasano kano a maparagsakna pay ida

apay nga ad-adda a mabati iti kaunggan dagiti napait a lagip idinto a dagiti nasam-it a lagip, kaslada laeng ladawan a malaksid no mingmingam iti mabayag, isu laeng ti pannakaabbukay manen dayta a naimnas a lagip kas iti pannakalagipmo iti sam-it ti dulsi a labus? gapu ta dagiti nasam-it a padas, kaslada laeng pannakarikna iti aplaw ti salemsem ti amian, wenno ti imnas ti pussuak-- matignay ti rikna, mangibati iti apagbiit a lamiis a mangbungon iti bagi ket kalpasanna, kasla met laeng danum nga agawaaw iti isisirnaat ti init. idinto a dagiti napait a padas, kaslada nakapapait a pildoras a matomar-- agwaras iti ngiwat, karabukob, iti amin a lalaem kangrunaan ti puso a mangiwaras met kadagiti amin nga urat ti dara tapno agwaras iti intero a bagi ket kabaelanda ti mangipatakder iti agnanayon a pagtaengan iti kaunggan ti isip ken rikna ken kararua.

Agdardara ita ti tangatang Bayat ti panangagek ti alutiit Iti kimraang a daga Agrarangetda met iti likudanta, dunggo, Isuda a mamati a ti balligi, Magun-od iti dara a maiparakupok Idinto a ti dangadangta Kas kalawa ti taaw a panagsinnallawasiw Ket iti maysa a pagteng ti biagta Addata,nagkitata iti nagkurusan A naitalimudok la ketdin ti amin A nalabaga a raya ti init Idinto a maregregreg dagiti bulong Ti kumpitis, salamagi, algarruba, dungon Wen, maregregreg dagiti apagukrad A sampaga ti sampagita, rosas, lirio Lamolamo dagiti dapanta A situtured a nangasak iti kapanagan Nga agpadata a mangsungsungka Iti kalawa ken karaberna Situtured dagitoy dakulapko A nangranget iti tarumamis ti baimbain Situtured ti bukotmo A nangimameg iti tarumamis ti barsanga Ket nagtibnok dagiti darata A naigamer iti linnaaw ti kannag Tapno dengngependa ti agkiamkiam A bara ti daga Inton agturongtan iti agduma a dalan, Matdaak a mangpidpidut Kadagiti naregreg a sampag

This song is an original composition-- I penned the lyrics and I collaborated with Dick Francisco for the melody. It was performed by our band Muzart (now disbanded) on April 2004 in Badoc, Ilocos Norte for the Rimat Magazine's event. It is now being lined-up for the 4-track EP album by Samtoy (composed by old Muzart members plus Mighty Rasing who helps in guitar and vocal chores) and, if God and financial resources forbid, will be out late this year. It is a pop-rock song, I supposed. A contribution to the not yet discovered or acknowledged Ilocano music genre-- rock and roll. It is a fusion of rock and popular tune just to encourage the old Ilocano generation to lend an ear to the new Ilocano youthful, vibrant and energetic sound/music. I am super excited with the project to the extent that I recorded this super-rough acoustic version, shot with my Nokia 97 mobile phone, just to scratch this itchy excitement. Please bear with my rock-and-rolling kids-- Anib Miguel and Sania