PAU WOWOW!
ITAY nabiit, bayat ti panagur-urayko iti dyip a mapan somewhere else, adda dagitay nagididiaya iti lakoda kadagiti drayber dagiti agsardeng a dyip iti kanto ti Tandang Sora. Na-curious-nak iti pingetda dagitoy sumagtatallo a nakauniporme iti amarilio. Impagarupko pay ketdi a tattao ni Pnoy ket gapu ta umadanin ti umuna a SONA-na, amangan kunak no adda dagiti iwarasda a bambanag a mangay-ayo kadagiti umili. Gayam, agilaklakoda iti kombinasion ti Pau Liniment ken Energo . Naammuak daytoy kalpasan a naasitgak ti aglaklako a mapan manen mangala iti lakona iti panakkelen nga styrofoam. Bale 20 pisos ti kombinasion nga ipatok nga ad-adda nga iprompromotda ti Energo gapu ta nairamraman metten daytoy iti Red Bull ken Lipovitan sipud naglatak ti Cobra Energy Drink. Iti ababa a pannao, ilakoda ti Energo iti beinte ket adda libre a Pau. Ad-adda ketdi a naawis ti imatangko iti Pau ta nalagipko a dagus ni Cesar Montano a dati nga endorser ti Pau a maysa a menthol a pagsapsapo tapno maalay-a...