ARIEL SOTELO TABÁG

Maangay ti general membership meeting ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia iti Katagalogan, inton Hulio 11, 2010 iti pagtaengan da Bannawag Literary Editor Juan Al. Asuncion iti Lot 20, Block 10, Franciso Homes III, San Jose Del Monte City, Bulacan iti panangsangaili dagiti editor ti Bannawag, kas impakaammo ni Judge Vivencio S. Baclig, presidente ti gunglo. Maigunamgunam ti yaatendar dagiti amin a kameng ti nasao a gunglo ta mapagpapatangan iti nasao a miting dagiti proyekto ken addang ti GMM para iti dua a tawen. Para iti dadduma pay a detalye, umawag iti 400-0089 wenno agteks iti 0918-7458792. (M.R.A. Cabie) (Bannawag, Hulio 5, 2010)

Linuktanen ti Komisyon sa Wikang Filipino ti salip iti Gawad Surian sa Sanaysay 2010 mainaig iti pannakarambak ti Buwan ng Wikang Pambansa. Addaan iti tema a “Sa Pangangalaga ng Wika at Kalikasan, Wagas na Pagmamahal Talagang Kailangan”, silulukat ti salip kadagiti amin a Filipino ken aggibus inton Agosto 6, 2010. Para iti kompleto a pagalagadan ken pormulario ti pannakisalip, sarungkaran ti website ti nasao a komision itoy a disso iti Internet: http://www.kwf.gov.ph. (Bannawag, Hulio 5, 2010)

Agdalan iti pammagbaga dagiti estudiante nga agporporma a jejemon. Segun iti Department of Education (DepEd), panggep ti nasao nga addang nga ipaganetget kadagiti agar-aruat a jejemon wenno jeproks a rumbeng a sumrekda iti eskuelaan a naurnos ti aruatenda ken makaay-ayo a kitaen. Naipakaamo a saanen nga ipapilit ti DepEd ti panagaruat iti uniporme tapno maay-ayo a sumrek iti pagadalan dagiti ubbing a di makabael a gumatang iti uniporme. Kinuna ketdi ni Education Secretary Mona Valisno nga agaruat dagiti estudiante kadagiti desente nga aruaten. Sakbayna, pinalagipan ti DepEd dagiti estudiante, ken uray dagiti titser, a liklikanda ti ag-text iti estilo a jejemon. Segun met laeng ken ni Sek. Valisno, nasken daytoy tapno masuruan dagiti estudiante iti umno nga spelling wenno pannakaisurat dagiti balikas. (Bannawag, Hulio 5, 2010)

Binallaagan ti Office of Consular Affairs ti Department of Foreign Affairs (DFA) ti publiko nga agannad kadagiti fixers a mangikari nga urnosenda a nadaras ti pasaporte ti aplikante kas sukat ti dakkel a gatad. Kinuna ti DFA a rebbengna a makiuman laeng kadagiti opisinada dagiti amin nga aplikante a mangala iti pasaporte tapno maikkan iti appoinment. Libre ti pannakaproseso ti pasaporte ket mabalin ti umawag iti telepono bilang (02) 737-1000 wenno sumrek iti www.epassport.com.ph. Segun iti DFA, maiparit kadagiti taoda ti mangidiaya iti serbisio mainaig iti pasaporte. Mainaig itoy, mabalakadan ti publiko a dida koma makaitransaksion kadagiti fixers wenno uray kadagiti opisina iti asideg ti DFA a mangididiaya iti serbisio mainaig iti pasaporte tapno saanda a mabiktima. Kadagiti aplikante a mayat a napartak a maproseso ti pasaporteda, maibalakad nga agdiretsoda laeng iti DFA-OCA Public Assistance personnel tapno maipaayanda iti tulong. Masapul laeng a mangipakitada kadagiti dokumento a ma...

Saan laeng a ti pagte-text dagiti estudiante iti estilo a Jejemon ti iparparit ti Dept. of Education (DepEd); uray pay ti panaglanglanga dagiti estudiante a Jejemon. Kinuna ni Education Secretary Mona Valisno a nupay saan nga inkapilitan ti panag-uniporme dagiti estudiante ta adda met dagiti estudiante a di makabael a gumatang iti uniporme, rumbeng laeng a sumrek koma dagiti estudiante iti pagadalan a nadalus ken disente ti aruatenda. Segun iti pagannurotan ti DepEd, saan pay a rumbeng a sumrek iti pagadalan dagiti lallaki nga estudiante nga atiddog ti buokda ken dagiti babbai a kasla di masagsagaysay ti buokda. (Bannawag, Hunio 28, 2010)

Intuding ti Commission on Elections (Comelec) ti panagpalista dagiti botante manipud iti Hulio 1 agingga iti 31 para iti eleksion iti barangay ken iti Sangguniang Kabataan. Maigunamgunam kadagiti agtawen iti 15 agingga iti 18 inton madanon ti Oktubre 25 daytoy a tawen ti panagparehistroda ken uray payen dagiti agtawenen iti 18 ken agpangato a saan a nakapagparehistro para iti napalabas nga eleksion lokal ken nasional. Nayeskediul a maangay ti eleksion iti barangay ken iti SK inton Oktubre 25 a pakapilian dagiti Punong Barangay ken Chairman ti SK ken dagiti Sangguniang Barangay.

Ibalballaag ti Financial Consumer Affairs Group (FCAG) ti Banko Sentral ng Pilipinas (BSP) ti panagan-annad dagiti umili kadagiti ilegal nga aramid nga awan ti sabali a rantana no di ti mangsaur kadagiti umili. Inlista ti FCAG ti sumagmamano a pagilasinan a mangballaag koma kadagiti umili tapno liklikanda ti “tumapog” kadagitoy nga aktibidad. 1. No naipakaammo kenka a nangabakka iti loteria wenno raffle a dimo met nakipartisiparan. 2. No maibaga kenka a masapul nga agtignayka a dagus; no saan, mapalusposam ti napintas a gundawaymo. 3. A napilika nga umawat iti libre a sagut wenno kapadana. 4. No maibaga kenka nga itedmo dagiti impormasion a personal a kas iti account-mo iti banko, credit card number, PIN ken password. 5. No numero ti selpon laeng ti naibaga a tumawagam. 6. No naitawag kenka a nadesgrasia ti maysa nga ipatpategmo iti biag ket masapul a mangpaaddaka iti kuarta.

Maisaysayangkat ita ti pannakaukkon dagiti daan a retrato maipanggep iti Ilocos Sur (buya, tattao, kdp.) a mangsakup iti panawen dagiti Kastila agingga iti panawen ti Martial Law. Addan dagiti naisalsalumina a retrato a naukkon manipud iti Ilocos Sur a mismo, iti Manila, Spain, Germany, Amsterdam, ken US. Mainaig itoy, makiddaw kadagiti amin a taga-Ilocos Sur, wenno kadagiti amin a mangbigbig iti Ilocos Sur a kas puonda, ti pannakipartisiparda iti nasao a proyekto babaen ti panangipatulodda iti high resolution scans dagiti ikutda a daan a retrato, naala man iti Ilocos Sur wenno iti ganggannaet a pagilian, kas koma kadagiti retrato dagiti Sakada. Ipatulod ti kopia dagiti ladawan (high resolution scan) ken ni Ms. Eliza Agabin, project coordinator itoy nga e-mail address: eagabin@yahoo.com agingga iti Hulio 15, 2010.

ti gayam lawwalawwa, kalpasan ti panagkanaigda, sapotan diay babai diay lalaki no saan a makataray. isu a no adda nalakayan a baro wenno bayog, mabalinmo nga ibaga: takrot! dimo kayat ti masapotan!"

ti gayam sunggo, faithful iti baketna iti agnanayon. isu a no kuna ti dungdungnguem a babai kenka: "kimmabagianka iti sunggo!" isungbatmo: "tenkio, lab. pudno met a sika laeng."

Apo, kaasiam kad' ta kaasiam; saan ta saan...

Mangrugi itoy a panagseserrek, mairamanan ti sex education iti basic curriculum ti pagilian. Impakaammo ni Department of Education (DepEd) Secretary Mona Valisno a maipadas a maisuro ti sex education wenno “Adolescent Reproductive Health” iti agarup 150 nga eskuelaan kalpasan ti pannakiumanda iti Simbaan Katoliko ken dadduma pay a maseknan. Kinuna ni Valisno nga ar-aramidenen ti nasao a departamento dagiti addang tapno maiwayat ti pannakailaok ti sex education iti basic education curriculum— agraman iti elementaria. “Ituloymi ti pannakayimplimentarna ta talaga a kasapulan dagiti estudiante malaksid a masayang laeng ti impuonan ti gobierno para iti edukasion no agtultuloy ti napartak nga idadakkel ti populasion,” kinuna daytoy. Kinuna pay ni Valisno nga agtultuloy ti innuman iti nagbaetan dagiti pannakabagi ti Simbaan ken ti DepEd tapno mabukel ti sangsangkamaysa a pangngeddeng. “Kayatmi a maawatanda ti kinapateg daytoy a topiko, ken no ania dagiti pagimbagan a maadal dagiti estudiante ...

Gapu iti umad-adu a bilang dagiti “jejemon” wenno dagiti tattao nga agipatpatulod iti mensahe iti text iti nabalbaliwan nga ispeling dagiti balikas, binilin ti Department of Education (DepEd) dagiti amin a titser a yunay-unayda kadagiti estudiante ti umno a panagaramid iti mensahe. Kiniddaw ti DepEd pay kadagiti nagannak ken dadduma pay a maseknan a lintegenda koma daytoy wagas ti komunikasion, nangruna kadagiti estudiante tapno maliklikan ti kamali iti gramatika. Kinuna ni Education Secretary Mona Valisno nga agbalawen ti DepEd iti dakes nga epekto daytoy naidumduma a panag-text. “Dawatenmi ngarud kadagiti amin a titser a ballaaganda dagiti estudianteda a sanayenda ti kabaelanda iti panagsurat ken pannakikomunikar iti Ingles no agteksda kadagiti gagayyem ken kameng ti pamiliada,” kinuna ni Valisno. Nabukel ti balikas a jejemon iti nagtipon a “jeje” manipud iti “hehe” a nakasuktan ti “h” iti “j” ken ti “mon” manipud iti cartoon character a Pokemon a kayatna a sawen burangen (monster). ...