ARIEL SOTELO TABÁG

NAMADPADASAN man daytoy Bangabanga iti panagaramid iti chapbook. Gapu ta medio narikut, e-chapbook pay laeng ti maidiayami kadagitoy a gundaway. Ikagumaanmi ketdi a maaddanto met laeng iti pisikal a kopia daytoy. Libre daytoy a chapbook nga idiaya ti Lawas Chapbooks iti pannakitinnulong ti Saniata Publications. Uray ti pisikal a kopiana-- no addanto man-- maidiayanto met laeng a libre. Saanmi ketdi a maipasingked no libre met laeng dagiti sumarsaruno a chapbook nga iruar ti Lawas Chapbooks. Apay gayam a Lawas Chapbooks? Manipud daytoy iti lawas ti maysa a kawayan wenno bulo kas pagarigan. Sangkabassit a paset. Pangramanan, no taraon koma. Kabayatanna, mabalin nga i-download ti Bangabanga  ditoy. .

Tallo aldaw sakbay ti maikatallopulo ket innem a kasangay ni Domingo Adviento aka Dadi Dom, kellaat a nagpukaw daytoy. Impapan ni Eliezer a putotna a mabalin a nagbagtit ket saanen nga ammo daytoy ti naturturongna. Makalawas kalpasanna, kellaat a nakimat ni Eliezer. Idi nalaingan, ammona metten ti agagas. Ania dagitoy a kinadatdatlag iti biag ti agama? PANANGSAPUL ITI PURAW A KABALIO Nobela ni ARIEL SOTELO TABAG Grantee, 2013 National Book Development Board Trust Fund Para iti Nobela nga Ilokano Impablaak ti Saniata Publications babaen ti Wadan Books PhP400.00 Para iti maipakauna nga order, ag-text iti 0995 782 2863 wenno ag-e-mail iti asseng(dot)tabag(at)gmail(dot)com.

KAPESSAT TI BAGIS Nobela ni ARIEL SOTELO TABAG Winner, 2013 NCCA Writers' Prize, Novel in Ilokano Karbengan iti Panagipablaak © 2016 ni Ariel Sotelo Tabag ken ti Saniata Publications ISBN (Print) : 978-971-9692-15-7 ISBN (E-book) : 978-971-9692-16-4 PANANGARAKUP ITI IPUS TI LAYAP KEN DADDUMA PAY A DANIW Koleksion dagiti daniiw ni ARIEL SOTELO TABAG Karbengan iti Panagipablaak © 2016 ti Saniata Publications ken ni Ariel Sotelo Tabag ISBN (Print) : 978-971-9692-02-7 ISBN (E-book) : 978-971-9692-03-4 DON CALIXTOFANO AT NATAKNENG A PANAGSALISAL DALAWANG DULA NI MENA PECSON CRISOLOGO Salin ni ARIEL S. TABAG Karapatang-sipi © 2014 ng orihinal na akda ni Mena Pecson Crisolog,  ng salin ni Ariel S. Tabag at Komisyon sa Wikang Filipino,  at ng introduksiyon nina Kriscell Largo Labor at Maria Christina Pangan ISBN 978-971-0197-36-1  AY, NI REBEREN! Nobela ni ARIEL S. TABAG...

KALPASAN ti innem a tawen, adda man metten nagam-udan iti Salip iti Sarita iti Ilokano iti Palanca. Inyalat ti ababa a sarita daytoy numo a napauluan iti "Dado" ti Maikatlo a Gunggona. Ti espesial iti daytoy a gundaway ket nakuyogdak iti awarding iti Septiembre 1 iti Manila Pen dagiti kameng ti pamiliak (kas iti panagsasaganad iti ladawan nga ala ti maysa a para palikud): ni Norielyn wenno Hani a baketko, ni Saniata a buridek, ken ni Anib nga inauna. Kadawyan iti awarding ti Palanca, maysa laeng ti bisita. Ni Anib ti opisial a bisitak. Napagnumuanmi nga aguray idiay ruar da Hani ken Saniata. Pagimbaganna ta indiaya dagiti para palikud ti awarding ti iseserrekda-- nupay saanda a nangan iti padaya ti Palanca. Ti adatna, awan unay ti alami a ladawan ta nasapa a nagsugel ni Anib idinto nga idi inyanta ni Saniata ti kamera bayat ti kaaddak iti entablado, saan met gayam a naka-on ti camera-- a naammuak idi impakitana kalpasan  a nakababaak. Ala, ok latta met ketdi. Ti...

Ti panagiwaras iti palso a damag ket panangibunannag iti kinamaag. No mamatika a maysaka a mannurat, masapul a maysaka a burayok ti kinapudno, kasta met a para lukais iti maysa a banag tapno agparang ti kinapudnona.

KET kas paset ti panangabaruanan, binaliwak ti naganna daytoy a blog. Nagbalinen nga ARIEL SOTELO TABÁG. Nupay kayatko a yadayo ti bagik iti pagdudupudopan dagiti tattao, saanko met a kayat ti aglemmeng wenno aglinged iti ania man wenno asino man. Ken manipud ita, kayatko koma a daytoy tallo a nagan ti mausaren a byline kadagiti aminen a sinuratko.

NABAYAG a saanak a nakaipaskil ditoy gapu ta kas iti kaaduan a tattao iti lubong, naengganio iti social media partikular iti Facebook. Okey met ngamin ta kas mannurat, mayasidegka kadagiti tattao a patiem nga agbasbasa kadagiti sinuratmo. Kadagiti kallabes ketdi, nagbalin ti Facebook a disso a nagdudupudopan dagiti peke a damag, pungtot ti tattao, ken no ania la ditan a shit ti awan maaramidna. Ket kas kadagiti kaaduan, naigungugong met daytoy numo kadagiti nadakamat a no ania la ditan. Kas maysa a mannurat, ad-adda a kayatko koma a sirigen ti lubong ket isurat ti adda a kapanunotan ket mangnamnama a no mabasa man ti sabali, maaddaan iti pakalawlawagan iti panunot ken rikna ket makaaramid iti naim-imbag a desision. Ket aramidek daytoy kas Ilokano, para kadagiti Ilokano, ken para metten iti sabsabali pay. Gapu iti 'kinaariwawan' ti social media, inkeddengko ti aglaylo iti nasao a 'disso', ket agsubliak iti 'kinaermitanio' nga ipaay ti panag-blogging. Tapno ...

ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999) ...

Panggep ti Saniata Prize ti agbalin a maysa kadagiti paratignay dagiti mannaniw nga Ilokano nga agparnuay kadagiti baro a langa ti daniw nga Ilokano kabayatan met ti panagbigbigda kadagiti kannawidan a porma ti daniw nga Ilokano. Narugian iti 2015, tinawen daytoy a pasalip. Maipaayan iti pammadayaw a Hall of Fame ti makayalat iti tallo nga Umuna a Gunggona. Dagiti Pagalagadan: 1. Maysa a daniw laeng ti idatag. Saan a makedngan ti tema, porma wenno kaatiddog ti isalip a daniw. 2. Masapul nga orihinal, di pay naipablaak, ken nakasurat iti lengguahe nga Ilokano wenno saan a naipatarus manipud iti sabali a lengguahe ti isalip a daniw. No matakuatan a nabalusingsing daytoy a pagannurotan, maibabawi ti gunggona ket maparitanto metten a makisalip ti autor iti ania man a pasalip ti Saniata Prize. 3. Deadline ti panangidatag: Marso 15, 2017. Ipatulod babaen ti e-mail ti pakisalip iti asseng.tabag@gmail.com iti subject a “3rd Saniata Prize” 4. Masapul nga agusar iti nagan iti plum...