ARIEL SOTELO TABÁG

1. Esponsoran daytoy ni Maria Rosa A. Cabie, kaingungot ni Honor Blanco Cabie, premiado a sumasalaysay ken mannaniw, agiwarwarnak, orador ken debatista, ken propesor pay iti Literatura ken Kinaagiwarwarnak iti Metro Manila, ken dagiti annakda. Naluktan daytoy a salip iti panagsurat iti Daniw a Para Kadagiti Ubbing para kadagiti amin a mannurat iti Iluko ditoy Filipinas ken iti ballasiw-taaw. 2. Buklen ti pakisalip ti maysa a set ti lima a daniw a tunggal daniw, saan a nababbaba ngem 24 a linia. Naimakinilia wenno naikompiuter iti doble espasio iti 8 1/2 x 11 a papel a coupon bond. Maysa laeng a set ti dandaniw ti mabalin nga isalip ti tunggal mannurat. 3. Masapul a ti parbo a nagan ti maikabil iti manuskrito a pakisalip. No ipatulod babaen ti email: dua nga MS Word document files ti idatag. Umuna, ti set dagiti daniw a pakisalip. Maikadua, ti parbo ken pudno a nagan ken pakasaritaan ti biag ti autor. No ipatulod babaen ti koreo: uppat a kopia ti idatag ken pakuyogan ti entry iti narikp...

Rugian dagiti agkabannuag a mannurat nga Ilokano ti agpabuya iti babaen ti proyektoda a “ Daniw ken Basi” itoy Nobiembre 9 (sumaruno inton Disiembre 14) manipud iti alas 7 agingga iti alas 9 iti rabii iti Conspiracy Garden Café iti Visayas Avenue, Quezon City. Panggep ti nasao a proyekto nga itandudo ti Literatura Ilokana nangruna iti daniw ken ti pannakaibasa daytoy malaksid pay a maiparang dagiti nadumaduma a porma ti daniw Iluko a kas iti dallot, pangorona a daniw, bukanegan, duata, danirak, daniw para ubbing, daniw iti parparaangan ken dadduma pay. Kadagiti dadduma pay a mannaniw iti Iluko nga interesado a mangsuporta iti gannuat babaen ti panagibasada met iti daniw iti babaen ti nasao a gannuat, agsurat iti ariel.tabag@gmail.com. (Mighty C. Rasing)

Kalpasan dagiti sarita a nangtaming iti pamilia, panagsakripisio, kinatan-ok ti maysa a pagsapulan, panaggayyem, ayat, tao ken ayup; tao kontra nakaparsuaan, ken sarita a pantasia, ti panagsurat iti makapakatawa a sarita (humorous story) ti mapagsasalipan ita iti Maika-9 a Tawen ti Reynald F. Antonio Awards for Iluko Literature (RFAAFIL). Dagiti pagannurotan: 1. Silulukat ti salip kadagiti amin a mannurat iti Iluko. Aggibus ti salip iti Enero 31, 2011. 2. Agatiddog ti sarita iti 10-25 a panid.Maimakinilia wenno maikompiuter iti doble espasio iti regular bond paper size. Maysa laeng a sarita ti isalip ti kada mannurat. 3. Ti parbo a nagan ti maaramat iti manuskrito a pakisalip. No ipatulod babaen ti e-mail: dua a MSWord document files ti isubmitir. Umuna, ti sarita a pakisalip. Maikadua, ti parbo ken pudno a nagan ken ti pakasaritaan ti biag ti autor. No ipatulod babaen ti koreo: uppat a kopia ti isubmitir ken pakuyogan ti entry iti narikpan a sobre a naglaon iti paulo ti sarita, parbo ...

Maangay ti maikapito a regular a board meeting ti GUMIL Filipinas (GF), ti gunglo dagiti mannurat nga Ilokano iti sangalubongan, iti Pug-os Beach, Cabugao, Ilocos Sur inton Nobiembre 7, 2010, babaen ti panagsangaili ni Judge Vivencio S. Baclig, kas impakaammo ni GF Pres. Elizabeth Madarang Raquel. Mapagpapatangan dagiti sumaganad: pannakaangay ti Maika-43 a Kombension Nasional ti gunglo, ken ti pannakaituloy ti Balay ti GUMIL. Para iti ad-adu pay nga impormasion mainaig iti miting ken iti GUMIL Filipinas, bisitaen ti gumilfilipinas.com a website ti gunglo ken/wenno ag-email iti gumil.filipinas@gmail.com. (Sherma E. Benosa)

ITI nagsanggiranna nga adigi ti pasdek a nanglinong iti bangketa, nasiputan ni Ambong ti panangibarag ti kataebna nga ubing ti apaggudua a donut. Nalabit panggep ti ubing nga isiut iti derosas a plastik a dram a namarkaan iti puraw nga MMDA ngem naitira daytoy iti bakrang ti pagbasuraan. Nagkallatik iti iking ti bangketa nga agar-arimasa iti nangisit ken nalanit a naglaok a danum, grasa, tupra, isbo. Sinayagna. Sangaagpa laengen ti kaadayona iti donut idi magaw-is daytoy. Ni Tura! Dagus nga indiretso ni Tura ti donut kadagiti napuskol ken nalitem a bibig daytoy. Nalitem met laeng ti kulot a buok, kudil, kamiseta ken siorpantna gapu iti naglalaok nga asuk, tapok, grasa ken no ania ditan a narugit a banag nga ipugpug-aw ti siudad. Nagatras ni Ambong idi maisarang ti kanawan a gemgem ni Tura. Nabakbaked daytoy kulot a barito ken nataytaya iti agarup dua a pulgada. Nagmusiig ni Ambong a nangkudkod iti teltelna. Nariknana ti pannakalukot ti babassit a banag. Kinammetna ti teltelna sa impuna...

No adda naipablaakmo a sinuratmo iti Bannawag manipud idi Mayo 2005 agingga iti agdama nga isyu, adda la ketdi agas ti bannog, a kas itay kunada. Ngamin, mabayadan amin a sinurat a maipablaak iti Bannawag malaksid kadagiti rummuar kadagitoy a seksion: “Ti Makunami”, “Tao, Lugar, Pasamak”, “Txtm8”, ken “Ammuem Pay Dagitoy” nga agserserbi a para serbisio publiko. Ania ti aramidem tapno maalam ti bayadmo? Sakbayna, ipakaammomi a nakasaganan ti bayad ti sinuratmo 15 nga aldaw kalpasan nga agtapos ti bulan a rimmuaran ti sinuratmo. Pagarigan rimmuar ti sinuratmo iti ania man a bilang ti Bannawag iti Oktubre 2010, maalamto ti bayad ti sinuratmo mangrugi iti Nobiembre 15, 2010. Ti rummuar iti ania man a bilang ti Bannawag iti Nobiembre 2010, maalam ti bayadna mangrugi iti Disiembre 15, 2010. Ita, kasano a maalam ti bayad ti sinuratmo? Agpilika iti maysa kadagitoy tallo a wagas: Umuna, mabalin a personal nga umaymo alaen iti Accounting Dept., 3rd Floor, Manila Bulletin Bldg. (sapulen ni Ms. Al...

Dua a karakter ti madama putputotek: da Aggay ken Riting. Ni Aggay ti kangrunaan a karakter iti baro a nobela a komiks a napauluan "Aggay, ti Maingel ti Cagay-an". Nai-set daytoy iti tiempo sakbay dagiti Kastila. Iti pattapattak, agtaray iti 20-30 a chapters. Tallo a panid tunggal chapter. Iladawan ni Louie D. Celerio. No idi ket binaybay-ak dagiti illustrators (Rico Rival ken +Joemari Mongcal) a mangdiskarte lattan iti drowing ti "Mangmangkik in Da City" ket adu ti diak nagustuan a drowingda, ita ket yaramidak iti frames ni Manong Louie tapno rummuar dagiti pampanunotek nga eksena. Kasta metten a maiturongko ti kayatko koma met nga inobasion ti komiks iti Bannawag uray iti panag-frame laeng. Idinto a ni Riting, isu met ti kangrunaan a bida iti sarita a manamnama a maipablaak itoy Nobiembre wenno Disiembre. Dayta.

(Dagiti dandaniw a naipaskil iti daan a blogko iti 2004 ti kayatko a sawen. Sapay koma ta saan a maibilang a panag-recycle daytoy ar-aramidek-- ur-urnosek laeng dagiti naipaskilko ta kayatkon a panawan ti daan a blogko ket daytoy koman ti pagbayagak. Ken, manen, panagamiris metten iti bukodko a panagdur-as kas mannurat-- ta mabalin a nadurdur-as dagiti immun-una a nasurat ngem ita ta tumaeng met dataon; ket nasayaat laeng no adda met la pagturturongan iti panagsuratsurat. Agsasabali met ti panagnotariok kadagiti daniw-- adda dagiti no kaanoda a nasurat; adda met dagiti no kaanoda a naipablaak. Ket dagitoy man dagiti dandaniw:) Libut Ilibut manen dagiti tumengmi dagiti saem iti abaga nga impabaklay dagiti rapas ken buli nga ima. Manon a siglo nga inaradomi dagiti kinelleng a nagapitanmi iti sangol iti balsaenmi manen a kaban nga insikog ti bullalayaw dagiti malem a rinakemmi dagiti ramaymi tapno masagneban iti nalabaga ti aglulusiaw a dawa? Ay, itugkelmi latta dagiti kandela a batonlagi...

Mayalnag ti No Agsuratka Iti Daniw , libro maipapan iti panagsurat iti daniw, a sinurat ni Reynaldo A. Duque, iti naigagara a pasken para iti daytoy iti 68 Greenheights Avenue, Greenheights Subdivision, Sucat, Parañaque City inton Nobiembre 14, 2010. Maigiddan met iti pannakalnag ti libro ti pannakapadayaw dagiti nangabak iti Maika-3 a Premio Reynaldo A. Duque. Komprehensibo ti linaon ti libro. Kas pangarigan, paset ti libro ti umno a panagaramat iti lengguahe, ababa a pakasaritaan ti Literatura Ilokana ken dandani bin-ig a daniw iti Iluko dagiti naaramat a reperensia, manipud ken ni Bucaneg agingga kadagiti kontemporario a mannaniw nga Ilokano. Nasurok a sangapulo a tawen nga insagana ni Duque daytoy a libro. Daytoy ti umuna a kangrunaan a libro maipapan iti panagsurat iti daniw iti lengguahe nga Iluko iti pakasaritaan ti kurditan ni Saluyot. No maipalagip, ni Duque met laeng ti nangiruar iti best-seller ken umuna unay a komprehensibo a libro iti panagsurat iti sarita iti Iluko, ti No...

Manipud itoy Oktubre 18, 2010 a bilang ti Bannawag, marugianen a maipablaak dagiti sarita iti Iluko a nangabak iti salip iti sarita iti Palanca 2010. Luktan daytoy ti "Apo Bannual! Apo Bannual" ni Joel B. Manuel iti Banna, Ilocos Norte a nangabak iti Maikatlo a Gunggona. Sumaruno ti "Voice Tape" ni Ariel S.Tabag iti Sta. Teresita, Cagayan a nangabak iti Maikadua a Gunggona. Ken ti "Dagiti Arapaap ni Angelo" a sarita ni Sherma E. Benosa iti Bambang, Nueva Vizcaya a nangabak iti Umuna Gunggona. Padaananyo!

(Ti sumaganad ket karaman iti bukbuklenmi ken Mighty C. Rasing a koleksion wenno album dagiti Danirak wenno Daniw a Rock-- kakaduami dagiti mangbukel iti banda a Samtoy. Natokar ti rock version daytoy iti Mag:Net Cafe idi Agosto 30, 2010, sa ti acoustic-na iti Conspiracy Garden Cafe idi Setiembre 12, 2010. Nasurat daytoy kas satiriko a komentario kadagiti agdama a mapaspasamak iti Ilokandia, kangrunaan iti Cagayan a probinsiak. Iti sabali a bangir, ammomi, iti nagan dagiti kabandak iti Samtoy, a bassit man daytoy a wagas ngem sapay koma ta makatulong iti pannakaitandudo ti Kultura, Musika, Daniw ken Literatura dagiti Ilokano.) One for the Road Music: Dick, Melvin, Ariel, Mighty Words: Ariel Verse 1 One for the road manen, gagayyem Uray nagtugtugawtayo nagmalmalem Agsangpet latta sinaksako a sien Katas ng huweteng, anak ng huweteng Mabalin amin Alright, men! CHORUS PART: One for the road! Ta pinapaitan, itakalmon Ta black label, itagaymon Ania pay ngarud? One for the road One… for… the…...

(Gapu iti yaakarko iti abong, in-inutek metten a yakar dagiti pempenko iti daan a kalapawko, ti asseng.blogspot.com, ket yunak met laeng dagiti immun-una agingga iti kaudian a paskilko sadiay. Dagiti laeng ketdi sinuratko ti yakarko, ken sumagmamano nga artikulo wenno sinurat a patiek a napateg para iti bukodko a "pagimbagan" ken/wenno iti pannakaitandudo pay ti Literatura ken Kultura nga Ilokano. Paset met daytoy ti panangrepasok/panangrukodko iti bagik no maikariak met laeng nga agbalin a mannurat ken kadagiti responsibilidad a naipabaklay kaniak gapu iti panangarakupko iti dayta a pammati-- a maysaak a mannurat nga Ilokano para iti Kurditan Ilokano. Siak ngamin ti tao a di unay agbatay segun iti panagkita ti sabali kaniak-- nupay napalalo a panangapresiarko kadagiti mangaramid itoy, pabaringring man wenno pabalagbag, no la ket ammok met a pampanunotenda ti pagimbagak a saan ket a ti pannakaidalebko-- ngem iti bukodko a panangamiris iti kabaelan ken anagko itoy a biag. Ti s...