PREMIO ASSENG
1st PREMIO ASSENG
Salip iti Kurtistext (saan a Curtistext, kas immunan a naipakaammo; sori na, tao lang :p )
Gapu
ta saan a nangabak dagiti mangngaggo iti salip iti dionatext malaksid iti
panag-finalist ni Jobert M. Pacnis iti naminsan, piman, napanunotko ti
agpasalip met tapno bareng mangabakda ditoyen. Ngem siempre, saan a pasigurado
nga isuda ti mangabak. Ta adu met ti nalalaing ngem isuda a saan a mangngaggo— dagitay
managtirem ngay.
Apay
a 1st? Wen, a, ta addanto pay sumarsaruno a salip a mabalin a
saanton a kurtistext.
Dagiti Pagannurotan;
1.
Silulukat ti salip kadagiti amin nga Ilokano nga addaan selpon ta mai-text
laeng ti pakisalip— isu ngarud a kurtistext. Naiwayat met daytoy a salip ta saan
a makasurat ni Asseng iti kapkapnekanna a kurtis.
2.
Agingga iti dua laeng ti mabalin nga isalip ti tunggal kumukurtis ta narigaten
no ag-hang ‘toy nawapo a selpon ni Asseng. Mabalin nga ag-finalist ti dua a
kurtis ti maysa a kumukurtis ta dina met pakabasolan ti kinasiglatna.
3.
Daniw a kurtis ti pagsasalipan, wenno ti porma ti daniw a pinartuat ni Asseng.
Erotika ti daniw ket buklen ti uppat a linia a dagiti silaba addaan iti bilang
a 6, 9, 7, 2 kas panagsasaganadda. Makaammo ti kumukurtis no adda wenno awan
rima ti kurtis. Eksampol;
Derosas
a sabong
Rinabawan
ti kulibangbang
Nagpallapallayogda—
Anian!
4.
Mai-text dagiti kurtis iti (0918) 682 6330. Mapakuyogan iti nagan ken adres ti
autor, masapul a maawat dagiti pakisalip iti di naladladaw ngem alas singko ti Biernes
iti lawas ti salip. Tunggal lawas iti bulan ti Nobiembre, pilien ni Asseng nga
agpaay a hurado (awan pagbayadna iti honorarium dagiti hurado) ti maysa a
mangabak kas Kumukurtis iti Lawas nga umawat iti load a P50. Adda met uppat a
konsolasion wenno finalist iti tunggal lawas nga umawat met iti 20 a load. Dagiti
winner iti tunggal lawas (bale uppatda), aglalabanda nga isu ti pakapilian ti
Kumukurtis iti Tawen (siempre, ita a tawen la daytoy a salip), nga umawat iti
200 a load tapno mabalin a yenrol iti unli nangruna no SmartBro (kennana, adda pay endorsement). No met taga-abroad ti mangabak, mangpili iti benepisiariona ditoy Filipinas (ammok pay no nangina ti mang-load kadagiti adda iti abrod).
Nalaka unay ti premio? Uhu, ket awan pay met makukuarta ni Asseng. Napia la a pagraragsakan. Di ketdin?Tapno laeng mapraktis ti panagiparang kadagiti napatak a panagiladawan (imagery) wenno pangngarig (metaphor), dua a kangrunaan nga elemento iti panagdaniw, a mangtignay iti rikna (erotiko).
Nalaka unay ti premio? Uhu, ket awan pay met makukuarta ni Asseng. Napia la a pagraragsakan. Di ketdin?Tapno laeng mapraktis ti panagiparang kadagiti napatak a panagiladawan (imagery) wenno pangngarig (metaphor), dua a kangrunaan nga elemento iti panagdaniw, a mangtignay iti rikna (erotiko).
5.
Adda, siempre, sertipiko ti pammadayaw (soft copy) dagiti mapili a Kumukurtis
iti Lawas ken Kumukurtis iti Tawen.
6.
Ti mangserioso iti daytoy a salip, siempre, isu ti maaddaan iti gundaway a
maawagan iti Kumukurtis iti Tawen.
7.
Maiwayat ti salip kadagiti sumaganad a petsa ti Nobiembre: 5-9; 12-16; 19-23;
26-30. Awanen ti seremonia ti pammadayaw ta mai-load (ti premio a load) ken
maye-mail ti sertipiko ti pammadayaw (soft copy).
8.
No adda agdamdamag iti pagannurotan, ibagayo a katikenna ti
pakarsoniasseng.blogspot.com. Tenkioberibig!
Comments
Post a Comment