ARIEL SOTELO TABÁG

Indauluan ni Manuel P. Urbano (pimmusayen) nga ad-adda nga am-ammo iti nagan a Manuel Conde dagiti baro a pito a National Artist wenno “gameng ti pagilian iti tay-ak ti arte”, kas impakaammo ti Malakanyang itay Hulio 29. Mapadayawan ni Urbano, maibilang a maysa kadagiti kalaingan a direktor iti pelikula idi 1950s, kas “National Artist for Film and Broadcast Arts”. Maibilang kadagiti gapuananna ti klasiko a “Juan Tamad” series. Kadua ni Conde a maipaayan iti kangatuan a pammadayaw a mabalin nga ited ti gobierno ti Filipinas kadagiti adipen ti arte dagiti sumaganad: * Lazaro A. Francisco (pimmusayen), “National Artist for Literature”, naipaayanen iti Republic Cultural Heritage Award, ken nobelista iti Liwayway magazine, kabsat a magasin ti BANNAWAG, idi 1920s agingga idi 1960s; *Federico Aguilar Alcuaz, maysa a multi-media artist, “National Artist for Visual Arts, Painting, Sculpture and Mixed Media”; *Cecilia Guidote Alvarez, “National Artist for Theater”. Ni Alvarez ti pundador ti Phil...

No kinnantaanto pay met laeng, saan nga agpaabak ti Filipinas kas ipaneknek ti panangyalat ti tallo a Filipino children’s choir kadagiti kangrunaan a gunggona iti nadumaduma a kategoria iti 1st World Choir Championships a naangay iti South Korea itay nabiit. Inyalat ti Calasiao Children’s Chorus ti umuna a gunggona iti Folkloric category iti Korean International Open Choir Competition, ken gold medal iti Korean International Open Choir Competitionh. Inyalat met ti Mandaue Children’s Choir ti umuna a gunggona, Children’s Choir category, Grand Prix of Choral Music idinto a naipaay met ti gold prize iti Young Voices of the Adventist University of the Philippines ti gold prize, Children’s Choir category, 2nd Asia Choir Game; ken silver prize, Music of the Religious category, 2nd Asian Choir Game. Naipaayan dagiti tallo a choral group iti sag-$12,000 wenno agarup P580,000 iti panangabakda. Bannawag, Agosto 10, 2009.

Impakaammo ni Sekretario Jesli Lapus a pagannurotan itan iti Departamento ti Edukasion ti pannakausar ti nakayanakan a pagsasao a kas kangrunaan a lengguahe iti panagisuro manipud iti pre-school agingga iti di nababbaba ngem maikatlo a grado. Winaswas ti Dep-Ed Order No. 74, series of 2009, ti 35 anios a direktiba iti dua a lengguahe a panagisuro a naipaulog idi dekada 70 a nakaibilinan nga Ingles ken Filipino laeng dagiti lengguahe a pagisuro. Saan nga Ingles wenno Filipino ti umuna a lengguahe (L1) ti kaaduan a Filipino. Kinuna ni Lapus a panggep daytoy naisangsangayan a pagannurotan a maam-ammo kas mother tongue-based multilingual education (MLE) ti mangpadur-as iti edukasion ken mangitandudo iti Edukasion para iti Amin wenno Education for All (EFA). Inagapadna dagiti takuat kadagiti internasional ken lokal a panagsukisok, a kas nagbatayan itoy baro a pammilin ti DepEd: • Nalaklaka a makapidut dagiti agad-adal kadagiti reading skills no usarenda ti umuna a lengguahe (L1) ngem no ti ...

Makapagbiagen a natalinaay dagiti nataengan iti Ilocos Sur nga awan mangaywan a pamiliada iti pannakalukat ti Provincial Home for the Aged iti abay ti Magsingal District Hospital itoy nga ili idi Hulio 8. Makalaon iti 15 katao, sungbatan ti gobierno probinsial ti amin a kasapulan dagiti babbaket ken lallakay manipud iti pagtaengan, kawes, taraon, bitamina, agas ken mataraken dagitoy babaen dagiti nadutokan a nurses ken caregivers. No adda agsagubanit kadakuada, sidadaan met ti district hospital iti abay ti pasdek a mangakomodar kadakuada. Segun iti mangimaton iti Home for the Aged a ni Francis Dacanay, addan lima a nangidamo a matartaraken ditoy idinto a sumarsaruno pay ti dadduma a maiserrek ditoy. Karaman kadagiti naiserreken ditoy dagiti agassawa a Rufo Soberano, 85 ken Jovita Soberano, 75 (Pussuac, Sto. Domingo); Benedicto Guerrero, 72, ken Patricio Roldan, 85 agpada a baro (Nalasin, Sto. Domingo); ken Rolly Roque, 62 (Brgy. IV, Vigan City). Kinuna met ni Gov. DV Savellano a sagut ...

Maangay ti regular a miting ti GUMIL Metro Manila, ti gunglo dagiti mannurat iti Kamanilaan ken kabangibangna a probinsia, inton Agosto 9, 2009, 10 AM iti pagtaengan da Leo ken Dr. Zita Fagaragan iti Block 24, Lot 97, Talaba Alley, Phase 3D, Kaunlaran Village, Caloocan City, kas impakaammo ni Engr. Ansel D. Cargo, presidente ti gunglo. Mapagpapatangan iti nasao a miting dagiti nadumaduma nga aktibidad ken proyekto ti gunglo. Para iti dadduma pay nga impormasion umawag iti telepono, 527-8121 loc 345, wenno agteks iti selpon 0918-745-8792. (MAC) Bannawag, Hulio 3, 2009.

Impakaammo ti Malakanyang itay lawasna dagiti regular a piesta opisial, espesial nga aldaw nga awan serrek, ken espesial a piesta opisial iti 2010. Regular a piesta opisial: Enero 1, Aldaw ti Baro a Tawen; Abril 1, Huebes Santo; Abril 2, Biernes Santo; Abril 9, Aldaw ti Kinamaingel; Mayo 1, Aldaw dagiti Mangmangged; Hunio 14, Aldaw ti Panagwaywayas; Agosto 30, Aldaw dagiti Nailian a Bannuar; Nobiembre 29, Aldaw ni Andres Bonifacio; Disiembre 25, Aldaw ti Paskua; ken, Disiembre 30, Aldaw ni Jose Rizal. Espesial nga aldaw nga awan serrek: Agosto 23, Aldaw ni Ninoy Aquino; Nobiembre 1, Aldaw dagiti Amin Santo; Disiembre 24, nayon nga espesial nga aldaw nga awan serrek; ken, Disiembre 31, Maudi nga Aldaw ti Tawen. Espesial a piesta opisial kadagiti amin a pagadalan ti Pebrero 22 (Edsa Revolution Anniversary). Ti proklamasion a maideklara a piesta opisial ti Eid’l Fitr ken Eid’l Adha a paset ti kannawidan ti Islam a maramrambakan kas rehional a piesta opisial iti Autonomous Region in Muslim...

The Manila International Book Fair (MIBF), the biggest and longest-running book fair in the Philippines, turns 30 this year. The 30th Manila International Book Fair is set on Sept. 16-20, at the SMX Convention Center, Seashell Drive, Mall of Aisa Complex, Pasay City. For three decades now, MIBF has united local and foreign publishers, wholesalers, retailers, book lovers and collectors, librarians, authors and publishers’ representatives. Through economic ups and downs, it has also continuously contributed to the reading awareness of the Filipino by being the venue for book launches, dialogues with readers, and other book-related activities that reach out to a wide audience. Showcasing a huge number of books and learning materials are A-Z Direct Marketing, A Different Bookstore/Asian Books, Abe Wood Toys, Academic Book Sales, Adarna House, Adbox Book Distributors, Alexan Commercial, Anvil Publishing, Arc N Ciel/ Britannica, Asia/Pacific Circulation Exponents, Asiatype Distribution, Aten...