http://pakarsoniasseng.blogspot.com
dito muna ako titira: http://pakarsoniasseng.blogspot.com
Posts
Maikadua a Sultada
(Palagip: Kasla kitikit daytoy a naipatakder iti arubayan ti pakarsok-- di pay nalpas ket no kua, adda dagiti paetak wenno palinisek a pasetna.) I. KALEPLEPPASKO laeng a nasurat ti saritak a “Karapote” a manamnama a maipablaak iti Bannawag iti bilangna nga Agosto 9, 2010. Daytoy ti maikadua a sarita a nasuratko iti awagak iti “Maikadua a Sultada” nga itay laeng, pampanunotek a “Maikadua a Kuduag” para iti Second Wind a kunada iti Ingles-- “Maikadua a Sirmata” pay koma tapno naserserioso. (No ania ti umuna a sarita sakbay ti “Karapote”, ibagak iti naituding a tiempo.) No sumarek, apaglabes a sangapulo a tawen manipud idi maipablaak iti umuna a saritak iti Bannawag, ti “Ti Sagut ni Makidiapet” a naipablaak iti Pebrero, 2010. Nakallalagip ti umuna a saritak ta isu la ngarud ti damo a nangusat iti daldaliasatek a dana ti Literatura Ilokana, nupay addan naipablaakko sakbayna a dua a daniw. Gagangay ti umuna, dina unay ammo ti ar-aramidenna, kas itay damona ti makikaidda koma wenno damona ti...
2009 NCCA WRITERS’ PRIZE AWARDEES
2009 NCCA WRITERS’ PRIZE AWARDEES. Da Managing Editor ti Bannawag Cles B. Rambaud (maikadua iti kanigid) ken Rosy May M. Bayuga (maikadua iti kanawan) iti pannakaipaay kadakuada ti 2009 National Commission for Culture and the Arts (NCCA) Writers’ Prize iti benneg ti daniw iti Iluko ken nobela iti Filipino, kas panagsaganadda, iti pammadayaw a seremonia a naangay iti NCCA, Intramuros, Manila itay nabiit. Iti 2009, naluktan ti Writers’ Prize iti lima a lengguahe ngem dagiti laeng entries iti lengguahe nga Iluko ken Filipino ti nakapilian dagiti nangabak. Pinangabak ni Rambaud ti koleksion dagiti daniwna a panggepna a suraten, ti “Tagisam-itek Pay Laeng ti Tagapulot”; ti met nobela a “Sa Amin, Sa Dagatdagatang Apoy” ken ni Bayuga, a tubo iti Sinait, Ilocos Sur ti apongna a lakay. Maipaayan da Rambaud ken Bayuga iti sag-P250,000.00 a financial grant iti panangileppasda iti proyektoda. Kaduada iti ladawan da (agpakanawan): Ricardo de Ungria, pangulo ti Sub-commission on the Arts ti NCCA, Na...
Iti aplaya ti karayan iti Lal-lo, Cagayan: 6 a ganggannaet, nakemmeg iti panagminas iti blacksand
Nakemmeg ti innem a Chinese national a natiliwan nga agal-ala iti blacksand iti aplaya ti karayan iti Lal-lo, Cagayan. Innaganan ni Senior Supt. Moro Aplasca dagiti natiliw a da Lim Chen Hu, Lim Ding Mu, Lim Chan Ping, Lim Chan Bing, Lim Gwen Bi, ken Fu Ga Rong nga agpapada nga empleado ti Sanyo Philippines Mining Trade Inc., a mangiwaywayat met iti panagminas iti Filipinas. Nupay adda naipakita a pasaporte ken visa dagiti ganggannaet, awan met ti maipakitada a dokumento a mangipaneknek a legal ti panagminasda. Segun kadagiti agindeg, rabii no agminas dagiti ganggannaet ket ikargada iti maysa a lugan a para taaw dagiti makolektada. Narigatan met a nagpalutpot dagiti polis ta di ammo dagiti natiliw ti agsao iti Ingles. Nupay kasta, nakasuanen dagitoy iti panaglabsing iti RA 7942 (Philippine Mining Act), idinto a sirsiripen dagiti polis dagiti Filipino a kakumplot dagiti nainaganan nga Insik tapno maidarumda met. Naipablaak iti Bannawag, Agosto 9, 2010 a bilang.
Baro a petsa ti panagpalista iti eleksion iti barangay, SK
Binaliwan ti Commission on Elections (Comelec) ti petsa ti panagparehistro dagiti botante para iti eleksion iti barangay ken Sangguniang Kabataan (SK) a nayeskediul a maangay inton Oktubre 25. Segun iti nasao nga ahensia, iti Agosto 4-10 ti rehistrasion para iti eleksion iti barangay ken SK nga immunan a naiwaragawag a maangay iti daytoy nga Agosto 1 agingga iti 10. Manamnama nga amin a napukaw ti naganna iti listaan dagiti botante iti eleksion idi Mayo ti agparehistro tapno makabutosda iti eleksion iti barangay, kas kinuna ni Comelec Commissioner Gregorio Larrazabal. Impalagip ti Comelec a nasken a personal nga agparang ti agpalista a botante kadagiti election officers tapno ibagana ti naganna ken ti eksakto nga adresna. Nasken laeng a mangitugot ti agpalista iti pammaneknek iti kinaasino a kas koma iti agdama nga office, postal, student, senior citizen, SSS/GSIS, ken Integrated Bar of the Philippines identification cards. Mabalin pay nga ipakita ti NBI clearance, driver’s lisence, pa...
Mabalintayo ti ageksport iti organiko a “fancy rice”
Iti umuna a gundaway kalpasan ti adu a tawen,mabalintayto manen ti aglako iti bagas kadagiti ganggannaet a pagilian, kas kinuna ni Dept. of Agriculture Secretary Proceso J. Alcala itay lawasna. Dagiti “fancy rice” a mapatanor babaen ti organiko a wagas ti pampanunoten ni Alcala a yeksport ti Filipinas ta kas kunana, mabalin a mapatanor dagitoy kadagiti lugar a gagangay a di pagbiagan dagiti dadduma a kita ti pagay. Mairaman kadagiti “fancy rice” dagiti natibo a bagas a pakaibilangan dagiti nangisit ti tinukelna, lumabaga, wenno maris-daga (brown) a gagangay a maap-apit kadagiti lugar nga agkurkurang iti danum. Naipablaak iti Bannawag, Agosto 9, 2010 a bilang.
Nangngegyon ti 'Sika'?
Manipud iti artikulo-kolum ni Apo Noli S. Dumlao a maipablaak iti Bannawag, Agosto 9, 2010: NANGNGEGYON ti “Sika”? Daytoy ti Ilocano adaptation ti “Ikaw” a partuat ni Louie Ocampo. Maipatpatangatangen kadagiti radio iti Amianan. Ni Jonathan Badon, nalatak a pop opera singer ti nangkanta. Segun kadagiti maidandanon kadakami, magustuanda ti areglona. Pang- world class, kunkunada. Adda man ngaruden maipagpannakkeltayo nga Ilokano. * * * No kayatyo a mangngeg ti nasao a kanta, gumatangkayon iti Sika nga album ni Jonathan. Magatang daytoy iti CCP Shop iti Cultural Center of the Philippines. No saan, padaananyo kadagiti sanga ti National Bookstore iti Vigan ken Tuguegarao. Malaksid iti “Sika”, adda pay sabsabali a kanta a linaon ti album ni Jonathan. Adaptation ken orihinal nga Ilokano a kankanta dagitoy. Napipintasda. Padasenyo ti gumatang... # ---- Ala, ngarud, gumatangtayon, apo. Ket kas pammaneknek, denggenyo ditoy ti kanta ni Jonathan: http://www.youtube.com/watch?v=bEmwG2xXXgM