ARIEL SOTELO TABÁG

OMG! Members andofficers of GUMIL Filipinas, the country's biggest Ilocano Writers'Association with chapters overseas, are the featured artists in theAugust edition of the Open Mic Gig (OMG!), a monthly literaryperformance, at the Rock Drilon's Magnet Gallery in Katipunan, QuezonCity. Performing live on August 30, 7:00 PM onwards, areveteran writers Juan S.P. Hidalgo, Jr., Dr. Paul Blanco Zafaralla, Ric Agnes, Prof. Honor Blanco Cabie, Linda Bulong, Aida C. Tiama, Jovito F.Amorin, Benn Cabacungan, Leo S. Fagaragan, Noli S. Dumlao and Rudy Contillo. They will be joined by younger writers including Ariel S.Tabag and Sherma E. Benosa, both officers of GUMIL Filipinas, Mighty C.Rasing, Dexter Biz, and Jake Ilac. Hidalgo is a recipient ofGawad CCP for Literature, while Agnes is this year's recipient ofUMPIL's Gawad Balagtas for Ilocano fiction and drama. Thegroup will perform various poetry forms in Ilocano, including dallot,pangorona a daniw (coronation poetry), daniw a...

Kas pannakipaset ti Bannawag iti pannakaitandudo ti pannakaparang-ay ti aglawlaw ken pannakatagiben ti kultural a tawid dagiti Ilokano, inyalnag ti magasin itay nabiit ti panagmula ti “Kayo ti Tawid ni Ilokano” wenno “Ilocano Heritage Tree” kadagiti historikal a lugar, arubayan ti pagadalan ken public parks. Kangrunaan a panggep ti pannakaimula dagiti heritage trees ti pannakaitan-ok dagiti naisangsangayan a saguday ni Ilokano a mangmangted iti kaipapanan iti nangayed a panagbiagna: ti kinagagetna, ti kinasalimetmetna, ti kinaandurna, ken ti aglaplapusanan nga ayat ken kabaelanna a mangsaranget kadagiti karit iti biag tapno matubay ti kinatalged ken panagrang-ay ti kaamaanna ken ti lugar a pagnanaedanna. Mamati ti Bannawag a naindaklan dagitoy a kababalin ni Ilokano a nangitunda kenkuana tapno raemen ken paregtaenna dagiti kadaraanna ken dagiti sabsabali pay a puli iti nagduduma a paset ti lubong a nagdaldaliasatanna. Maimula dagiti palakay babaen ti tulong dagiti pagadalan ken dadduma...

Maangay ti maikanem a board meeting ti GUMIL Filipinas, ti gunglo dagiti mannurat nga Ilokano iti Filipinas ken abrod, itoy Agosto 29, 2010 iti panangsangaili da pasado a GF President Dionisio S. Bulong ken agdama a Tesorera Eden Bulong iti pagtaenganda iti 14 Ayungin St., Cadaing Village, Talipapa, Novaliches, Quezon City, kas impakaammo ni GF President Elizabeth Madarang-Raquel. Maawis met ti idadar-ay dagiti chapter president dagiti nadumaduma a sanga ti GUMIL. Para iti ad-adu pay nga impormasion ken detalye iti miting, makiuman iti sekretario-heneral ti GF iti selpon 0918-7458792 wenno ag-e-mail iti: ariel.tabag@gmail.com. (Sherma E. Benosa) (Naipablaak iti Bannawag, Agosto 23, 2010 a bilang.)

Binallaagan ti Embahada ti Filipinas iti Bangkok, Thailand dagiti Filipino a dida koma makipagayam babaen ti Internet ta us-usaren daytoy dagiti internasional a sindikato iti droga tapno makaalada kadagiti agipuslit kadagiti epektosda iti sabali a pagilian. Inruar ti Embahada ti ballaag kalpasan a maaresto ti maysa a 32-anios a Pinay iti Bangkok International Airport kalpasan a matiliwan iti 4.16 kilo a cocaine a naipalaon iti bagahena. Tiniliw ti Thai Narcotics Suppression Bureau ((NSB) ti nasao a Filipina, a di innaganan ti DFA, gapu iti maatap a panangipuslitna iti nasao a droga. Inako ti Pinay a naggapu pay iti Lima, Peru, nga indiayaan ti sindikato iti $4,000 tapno itulodna ti droga iti di am-ammo a tao iti Vietnam idi Agosto 2. Pannusa a patay wenno bitay ti kaibatogan ti inaramidna. Iti panagamiris ni Philippine Ambassador to Thailand Linglingay Lacanlale, maysa kadagiti modus ti sindikato ti mangbiktima kadagiti Filipina babaen ti pannakipagayamda iti chat room agingga a matnag...

Impakaammo ti Commission on Higher Education (CHEd) a mabalin nga aramidenda a mandatory wenno inkapilitan ti Reserved Officers Training Corps (ROTC) kadagiti state university ken college (SUC) ken kadagiti local university ken college (LUC). Kuna ni CHEd Executive Director Julito Vitriolo a mabalin a maipatungpal ti singasing ni Defense Secretary Voltaire Gazmin nga obligaren dagiti estudiante iti kolehio nga agdalan iti ROTC ta patpatarayen met ti gobierno dagiti SUC ken LUC. “Mabalin nga inkapilitan ti ROTC traning kadagiti SUC ken LUC ta patpatarayen met ti nasional ken lokal a government units,” kinuna ni Vitriolo. Naammuan nga adda 110 SUC ken 77 LUC iti pagilian. Nupay kasta, innayon ni Vitrolio a, “Masapul nga adda pagpilian dagiti estudiante no ania ti kayatda, no military training wenno ti agdama a programa a National Service Training Program wenno NSTP.” Napinget ketdi ti panangkontra dagiti estudiante iti ROTC. Insingasing ni Gazmin ti pannakaisubli ti ROTC tapno mamuli kad...

Manipud iti Agosto 16 agingga iti Setiembre 30, agawat ti National Police Commission (Napolcom) iti aplikasion dagiti agpanggep nga agbalin a polis. Impakaammo ni Napolcom Vice Chairman Atty. Eduardo Escueta nga agawat iti aplikasion dagiti regional offices ti nasao a komision iti sibubukel a pagilian para iti maiwayat a nationwide entrance exam a maangay inton Oktubre 24. Para kadagiti agpanggep nga agpolis, masapul a personal nga agidatag iti aplikasion, masapul nga addaan iti bachelor’s degree, agtawen iti di nasursurok ngem 30 anios, ken di napampandek ngem 1.62 metro para kadagiti lallaki idinto a 1.57 metro kadagiti babbai. Kuna ni Escueta a maigiddan iti entrance exam ti promotional exam kadagiti kameng ti Philippine National Police (PNP). (Naipablaak iti Bannawag, Agosto 23, 2010 a bilang.)

“We say NO.” Daytoy ti napinget a panangsupring ti Alliance of Concerned Teachers (ACT) iti panggep ti Department of Education (DepEd) a mapagbalin a 12 a tawen ti basic education. Kuna ni ACT Secretary General France Castro a saan a solusion iti nababa a kalidad ti edukasion iti pagilian ti panangnayon iti dua a tawen iti panagadal. “Saan a ti bilang ti tawen ti ayan dagiti parikut iti edukasion iti pagilian, no di ket manipud iti linaonna ken iti kababalinna a kas kolonial, peudal, mangimameg ken kasla tagilako a mangkanunong ken mangitandudo iti kababalin nga agtamed iti ganggannaet ken duogan a sistema ti ekonomia iti Filipinas,” kinuna ni Castro. Kinuna pay ni Castro a nayon met a dadagsen kadagiti nagannak ken dagiti mismo nga estudiante ti nayon a tawen a panagadal. Awan duaduana a nayon a dadagsen ti 12-tawen nga edukasion kadagiti pamilia a Filipino a maibilang kadagiti nakukurapay ken nayon a dadagsen kadagiti titser ta umadu ti trabahoda idinto nga agtalinaed a nababa ti sue...