NO SUMAKLANGAK ITI NAGSULIAN TI ARSOBISPO KEN SORIANO AVENUE, MANILA

(Iti report ti Manila Police District-Homicide Section, agalas 7:30 ti agsapa idi matakuatanda ti fetus a nabungon iti lupot iti pagbasuraan iti nagsulian ti Arsobispo ken Soriano Ave. iti Intramuros, Maynila. Pilipino Star Ngayon, Marso 20, 2006, p. 6.)

Iti panangibuatko iti kinabkaban a rugit ken murkat ti siudad,
lumumlom iti abagak ti sabidong a naregreg manipud iti alipuspos
dagiti obispo, heneral ken sekretario. Mariknak: awanan gaway
dagiti lasagko a mangtubngar iti bileg ti sabidong nga agnunog
iti kaunggan ken panunotko a kas iti kinadursok dagiti katkatawada
manipud iti pammigat iti nakamarmaris a balay a kas man sudario
ti panagtaklayko kadagiti kanto ken panagparintumengko iti tunggal poste
a mangarnas kadagiti plastik, selopin, lata ken papel a dinildilan ti agballa
a tao ken aso. Bay-ak nga agkarayam dagiti igges bareng sumaklangda
iti barukongko ket masaksianda ti kinapiman ti kaunggak a runrunoten
ti tunggal panangab-abi ti pannangan.

Agingga ken kas ita, diak maibuksilan no ania a gatad ti imbuntokda
iti init tapno kanayon nga ipaayna ti awan kaaspingna a saem
iti pingping, teltel ken takiagko sa ipigketna ti kagatelan a tikkab
iti sibubukel a bagik: Saguday kadi ti tapok a malimog iti ling-etko
tapno kaaliado ti kullapit a kudil a mangsalaknib kadagiti tulang
manipud iti aglatlati a bayakabak ti siudad?

Iti maudi a poste a pagpasagan dagiti tumengko iti kaasi
dagiti murkat ken rugit, namnamaekon nga isagutda manen
ti maulit-ulit a buya a maikari laeng iti kas kaniak nga agbasbasura:
makiinnangatak kadagiti kuton ken bao sakbay a mapirpirsayda
ti sagut nga imbelleng dagiti tao kas rekisito ti iseserrekda
iti pammigat iti nakamarmaris a balay.

Comments

  1. Ariel S. TabagMay 23, 2006 at 2:48 AM

    wen, kaka, hehe. ninayonak pay ti dandaniw a tagalog, barbareng pudno a daniwda, a.

    ReplyDelete

Post a Comment

Popular posts from this blog

VOICE TAPE

Image
VOICE TAPE   Kuwento ni ARIEL SOTELO TABÁG (Updated Version) Photo credit:  ask.metafilter.com NITONG pinakahuling bakasyon ko sa bayan kong Santa Teresita sa Cagayan, nanariwa ang alaala ko labingwalong taon na ang nakararaan—iyong taon na may nangyari kay Tito Ato, ang kapatid ni Nanay na sumunod sa kaniya.   Noong hinahanap namin ni Nanay ang mga sertipiko ng mga awards ko sa elementarya at hayskul para magamit ko bilang pampakapal ng credentials ko bilang titser sa Maynila, may ‘ibang bagay’ pa kaming nahanap.   Sabi ni Nanay, inilagay niya ang mga sertipiko sa lumang envelope bag na may markang LA na napanalunan niya sa pagkaskas ng balat ng nasabing brand ng sigarilyo. Nang mahanap at mabuksan namin ang bag, wala ang mga sertipiko.   Iyon   pala, nakarolyo at nakasilid ito   sa isa sa apat na piraso ng buho na pinaglagyan ni Nanay ng aming birth certificate . (Tatlo lang kaming magkakapatid at hindi na sila sumagad sa...
Adda pay nayonna

ARIEL SOTELO TABAG

Image
ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999) ...
Adda pay nayonna

KARAPOTE (UDPATED)

KARAPOTE (KAPORRITI) Sarita ni ARIEL SOTELO TABÁG   NAYANAKAK a suni. Wenno immun-una dagiti sakak a rimmuar ngem ti ulok idi ipasngaynak ni nanang. Dayta ti kuna da nanang ken Lilang Balling, ti baket a mangngilut ken lumulualo a nangpaltot kaniak. Isu kano nga adda bileg dagiti dakulapko. Aprosak laeng ti tengnged a naitdalan— daytay nasiitan iti karabukob—dagus a sumuroten ti siit iti maminsan laeng a panagtilmon.   Manmano kano ti kas kaniak. Isu a nagasatak kano—nga isu met ti panagkunak. Mapatangam la ketdi dagiti addangmo, awanen ti nagasgasat ngem sika, kinuna ngarud ti naam-ammok a lakay a mammalad naminsan a naipasiarak iti kabangibang nga ili. Adda ketdi daydi dinakamatna a nasuerte met a padak ngem diakon malagip.   Ngem mamatiak iti kinuna ti lakay. Siguradoak a kasingin dayta ti kinalaingko a mangngilut wenno mammullo. Adu ti kalugarak nga umanamong iti dayta.   Naminsan, awan pay sangapulok idi, naluspiko ni tatang bayat ti panagar-ar...
Adda pay nayonna