Naballigi ti GUMIL Night iti Mag:Net Cafe, Katipunan iti Siudad ti Quezon
Ni Maria Rosa A. Cabie
ITI umuna ken naisangsangayan a gundaway, nagtitipon dagiti mannurat nga Ilokano iti Mag:Net Cafe iti Katipunan Road iti daytoy a siudad iti nasurok a tallo nga oras a naawagan "Go GUMIL Night."
Ditoy nga imparangarang dagiti mannurat nga agsidsida't saluyot, pinakbet ken bagnet nga agnanaed itan iti kabisera nasional dagiti naintalugadingan a kannawidanda.
Mairaman ditoy ti dallot, kas harana a mapukpukawen kadagiti aw-away ti Ilokandia, maysa a sukog ti daniw dagiti i-amianan a masansan aramaten dagiti umuli -- mamanhikan, kuna dagiti Tagalog -- nga agar-arem tapno inna dawaten ti ima ti inna ipatpateg.
Dadduma, daydiay ama ti nobio ti agdallot, nga agarup pay inna isarukigkig ti panangidallotna iti rantada kadayta nga aldaw.
Masansan a mairugi daytoy a sukog iti "ay dumidinallot, dumidinallang..." ket dayta met laeng ti inna paggibusan.
Naitungpal daytoy kas paset ti linawas a panagtitipon dagiti mannurat kadagiti sabasabali a rehion, iti imbitasion ti agdama a Chairman ti Unyon ng Mga Manunulat sa Pilipinas, ni Dr. Vim Nadera, isu a mismo a nanglukat iti OMG, wenno aw-awaganda iti Open Mic Gig ti Mag:Net Cafe, tartarawidwidan ni Rock Drilon, maysa kadagiti naubing pay ngem mabigbigbigen a pintor ti pagilian.
Ditoy GUMIL Night, imparangarang dagiti mannurat ti talugadingda iti panagbasa iti daniw -- bukodda nga insurat wenno daniw dagiti dadduma -- kasta metten panagbasa iti daniw a nilemmes ti rock and roll a musika, ken panagiyayug iti kanta dagiti dadduma a tribu iti Abra kas iti ad-adda nga ammo dagiti taga baba a Salidum-ay.
Kalpasan ti pannakakansion ti "GUMIL Aweng" -- nagbalinen a regular a paset dagiti opisial a panagtataripnong ti GUMIL, kalpasan ti Presidential Decree idi 1993 ni GUMIL Filipinas President Reynaldo Duque -- iti panangiyuna ken panangkumpas ni Prof. Honor Blanco Cabie, naikkanen iti gundaway dagiti nagdallot ken nagbasa iti daniw.
Ni Benn Cabacungan, tubo ti Vintar, Ilocos Norte, ken kumpleto iti kawes kas maysa a taga probinsia -- kattukong wenno tabungaw kadagiti dadduma nga Ilokano ken nalabbaga a pantalon a nangatngato ti lislis ti lupot iti akinkanigid a sakana-- ti nagdallot.
Sinaruno daytoy ti panangited ni Judge Vivencio Baclig, Presidente ti GUMIL Metro Manila, iti mensahena ken "panagbitniw" -- iti bukodna a balikas "tulang talumpati" a nangsaraboanna kadagiti GUMILiano ken GUMILiana kadayta a rabii, maikanem nga isisingising ti kabus kadagiti bambantay ti siudad ti Marikina ken Antipolo.
Binasa met ni Aida Tiama, maysa a piksionista a tubo ti Asingan, Pangasinan, ti daniw maipanggep iti panagballasiw, daniw maipanggep iti panagbaliw ti biag ti maysa a tao.
Sinaruno ti panagsisinnublat a nagbasa iti maysa a daniw dagiti tallo a nangawag kadagiti grupoda a paset ti naub-ubing a kaputotan dagiti GUMILiano -- da Mighty Rasing, Youth Coordinator ti Methodist Church a taga Isabela, Sherma Benosa, managing editor ti Arts Awake ti National Commission for Culture and the Arts a taga-Nueva Vizcaya, ken Ariel Tabag, nangisandi ken Dexter Biz, ti agdama nga Entertainment Editor ti Bannawag.
Nagbasa met ni Dr. Zita Fagaragan iti maysa a daniw a mapattapatta a naisurat idi 1906. Nupay taga Bohol daytoy a maestra, maysa metten nga Ilokana ta naikamang ken Leonardo Fagaragan nga i-Pinili, Ilocos Norte, dandani linawas nga agpakpakatawa iti "Aggarakgaktayo" kolum iti Bannawag.
Ngem gapu ta "bitin"kano ti panagbasana -- agkurang kadagiti agsidsida't dinengndeng -- kinansionna ti maysa nga aweng a popular kadagiti i-Bisaya, 'tay "Usahay."
Binasa ni Rodie Taan, agdama a Direktor ti GUMIL Filipinas, ti daniw ni Cles Rambaud, agdama a Managing Editor ti Bannawag a maysa met a taga Pinili, maipanggep iti marunggay a maal-alaan.
Saan a nagpaudi ni Linda Bulong, taga Abra ken dati a kameng ti Bannawag ngem adda itan iti UP Press iti inna panangiyayug iti maysa a Salidum-ay a masansan a mangmangngeg dagiti adda iti baba wenno sakaanan dagiti bambantay.
Imparangarang met ni Jovito Amorin, taga Santa Maria, Ilocos Sur ngem agtartrabaho it PLDT Makati ti pagdidingan ti daniw a para radio, idinto nga impakita met ni Rudy Contillo, editor ti NarvacaNews, no kasano a dayawen ni mannaniw ti maysa nga aribai iti panangidaniwna iti daniw a pangorona daydi Dr. Godofredo Reyes, Laureado a Mannaniw ti Ilokandia inggana't ipupusayna idi 2009.
Nagbasa met ni Juan S.P. Hidalgo, Jr., bigbigbigen ti adu kas nalaing a piksionista manipud Rosales, Pangasinan, kadagiti daniw "Adan: Maysa A Daniw" ken "Ti Dapan Ti Init Addan Iti Daga."
Kadayta met laeng a rabii, sinagutan met ti Presidente ti GUMIL Filipinas, ni Elizabeth Raquel, ni Ric Agnes, taga GUMIL Oahu, iti daniw -- napauloan iti SALUDO -- a naisurat iti glossy a kartolina.
Ni Agnes, maysa mga inhinIero ken kolumnista ti Bannawag, ti nairekomenda ti GUMIL a para iti tinawen nga it-ited ti UMPIL a Gawad Pambansang Alagad ni Balagtas para iti piksion ken drama nga Iluko iti 2010.
Kinansion met ni Honor Blanco Cabie, lirisista ken trombonista a taga-Pinili, Ilocos Norte, ti bukodna a komposision iti Iluko, napauloan iti Maria Rosa, a naadaw iti ayug a Maria Elena nga insurat idi 1932 ni Lorenzo Barcelata.
Ditoy pay a nasaksian ti soft launching ti libro ni Cabie, ti RHYMES AND ROSES, ti maika-11 a librona a nakaukkonan dagiti sumagmamano a sonetona iti Ingles ken Iluko.
Rummuar daytoy a libro, iti panangipablaak ti Armiandy Publishers, kalpasan ti 77 nga aldaw nanipud kadayta a rabii, kinuna ti autor. Ti nangisurat iti Introduction ket ni Dr. Paul Blanco Zafaralla, maysa kadagiti mabigbigbig nga art critic ti pagilian.
Timmabuno met ti National Artist for Literature Virgilio Almario, dati a Chairman ti Unyon ng Mga Manunulat sa Pilipinas ken mangisursuro ita iti UP Diliman.
Simmangpet met manipud Los Banos, Laguna da Dr. Paul Blanco Zafaralla ken Dr. Macrina T. Zafaralla.
Maysa met koma kadagiti nagbasa iti daniw ti immun-una, ngem iti kaatiddog ti programa ken panaglabes ti naikuding nga oras dagiti taga GUMIL -- alas siete inggana't alas nuebe -- saandan a nauray pannakaawagna nga agbasa iti daniw.
Naiballaet iti GUMIL Night ti panangipakita dagiti nadumaduma pay a bisita -- ti Rockbato Band, ti Las Bungangeras, ti UP Speca, ken ni Jeff Pagaduan -- ti laingda.
Dandanin alas onse -- nakatangkayagen ti bulan iti siudad -- ti rabii idi agsisinan dagiti GUMILiano ken GUMILiana a nabati pay iti maikadua a kadsaaran ti Mag:Net Cafe a nakaangayan ti One Mic Gig ti GUMIL.#
Manipud ken ni Asseng: Nagpabuya met ti Samtoy, ti bandami ken Mighty, iti maysa a Danirak (wenno Daniw a Rock). Nalabit gapu ta natagari unay, nalipatan ni Manang Rose nga inraman.
ITI umuna ken naisangsangayan a gundaway, nagtitipon dagiti mannurat nga Ilokano iti Mag:Net Cafe iti Katipunan Road iti daytoy a siudad iti nasurok a tallo nga oras a naawagan "Go GUMIL Night."
Ditoy nga imparangarang dagiti mannurat nga agsidsida't saluyot, pinakbet ken bagnet nga agnanaed itan iti kabisera nasional dagiti naintalugadingan a kannawidanda.
Mairaman ditoy ti dallot, kas harana a mapukpukawen kadagiti aw-away ti Ilokandia, maysa a sukog ti daniw dagiti i-amianan a masansan aramaten dagiti umuli -- mamanhikan, kuna dagiti Tagalog -- nga agar-arem tapno inna dawaten ti ima ti inna ipatpateg.
Dadduma, daydiay ama ti nobio ti agdallot, nga agarup pay inna isarukigkig ti panangidallotna iti rantada kadayta nga aldaw.
Masansan a mairugi daytoy a sukog iti "ay dumidinallot, dumidinallang..." ket dayta met laeng ti inna paggibusan.
Naitungpal daytoy kas paset ti linawas a panagtitipon dagiti mannurat kadagiti sabasabali a rehion, iti imbitasion ti agdama a Chairman ti Unyon ng Mga Manunulat sa Pilipinas, ni Dr. Vim Nadera, isu a mismo a nanglukat iti OMG, wenno aw-awaganda iti Open Mic Gig ti Mag:Net Cafe, tartarawidwidan ni Rock Drilon, maysa kadagiti naubing pay ngem mabigbigbigen a pintor ti pagilian.
Ditoy GUMIL Night, imparangarang dagiti mannurat ti talugadingda iti panagbasa iti daniw -- bukodda nga insurat wenno daniw dagiti dadduma -- kasta metten panagbasa iti daniw a nilemmes ti rock and roll a musika, ken panagiyayug iti kanta dagiti dadduma a tribu iti Abra kas iti ad-adda nga ammo dagiti taga baba a Salidum-ay.
Kalpasan ti pannakakansion ti "GUMIL Aweng" -- nagbalinen a regular a paset dagiti opisial a panagtataripnong ti GUMIL, kalpasan ti Presidential Decree idi 1993 ni GUMIL Filipinas President Reynaldo Duque -- iti panangiyuna ken panangkumpas ni Prof. Honor Blanco Cabie, naikkanen iti gundaway dagiti nagdallot ken nagbasa iti daniw.
Ni Benn Cabacungan, tubo ti Vintar, Ilocos Norte, ken kumpleto iti kawes kas maysa a taga probinsia -- kattukong wenno tabungaw kadagiti dadduma nga Ilokano ken nalabbaga a pantalon a nangatngato ti lislis ti lupot iti akinkanigid a sakana-- ti nagdallot.
Sinaruno daytoy ti panangited ni Judge Vivencio Baclig, Presidente ti GUMIL Metro Manila, iti mensahena ken "panagbitniw" -- iti bukodna a balikas "tulang talumpati" a nangsaraboanna kadagiti GUMILiano ken GUMILiana kadayta a rabii, maikanem nga isisingising ti kabus kadagiti bambantay ti siudad ti Marikina ken Antipolo.
Binasa met ni Aida Tiama, maysa a piksionista a tubo ti Asingan, Pangasinan, ti daniw maipanggep iti panagballasiw, daniw maipanggep iti panagbaliw ti biag ti maysa a tao.
Sinaruno ti panagsisinnublat a nagbasa iti maysa a daniw dagiti tallo a nangawag kadagiti grupoda a paset ti naub-ubing a kaputotan dagiti GUMILiano -- da Mighty Rasing, Youth Coordinator ti Methodist Church a taga Isabela, Sherma Benosa, managing editor ti Arts Awake ti National Commission for Culture and the Arts a taga-Nueva Vizcaya, ken Ariel Tabag, nangisandi ken Dexter Biz, ti agdama nga Entertainment Editor ti Bannawag.
Nagbasa met ni Dr. Zita Fagaragan iti maysa a daniw a mapattapatta a naisurat idi 1906. Nupay taga Bohol daytoy a maestra, maysa metten nga Ilokana ta naikamang ken Leonardo Fagaragan nga i-Pinili, Ilocos Norte, dandani linawas nga agpakpakatawa iti "Aggarakgaktayo" kolum iti Bannawag.
Ngem gapu ta "bitin"kano ti panagbasana -- agkurang kadagiti agsidsida't dinengndeng -- kinansionna ti maysa nga aweng a popular kadagiti i-Bisaya, 'tay "Usahay."
Binasa ni Rodie Taan, agdama a Direktor ti GUMIL Filipinas, ti daniw ni Cles Rambaud, agdama a Managing Editor ti Bannawag a maysa met a taga Pinili, maipanggep iti marunggay a maal-alaan.
Saan a nagpaudi ni Linda Bulong, taga Abra ken dati a kameng ti Bannawag ngem adda itan iti UP Press iti inna panangiyayug iti maysa a Salidum-ay a masansan a mangmangngeg dagiti adda iti baba wenno sakaanan dagiti bambantay.
Imparangarang met ni Jovito Amorin, taga Santa Maria, Ilocos Sur ngem agtartrabaho it PLDT Makati ti pagdidingan ti daniw a para radio, idinto nga impakita met ni Rudy Contillo, editor ti NarvacaNews, no kasano a dayawen ni mannaniw ti maysa nga aribai iti panangidaniwna iti daniw a pangorona daydi Dr. Godofredo Reyes, Laureado a Mannaniw ti Ilokandia inggana't ipupusayna idi 2009.
Nagbasa met ni Juan S.P. Hidalgo, Jr., bigbigbigen ti adu kas nalaing a piksionista manipud Rosales, Pangasinan, kadagiti daniw "Adan: Maysa A Daniw" ken "Ti Dapan Ti Init Addan Iti Daga."
Kadayta met laeng a rabii, sinagutan met ti Presidente ti GUMIL Filipinas, ni Elizabeth Raquel, ni Ric Agnes, taga GUMIL Oahu, iti daniw -- napauloan iti SALUDO -- a naisurat iti glossy a kartolina.
Ni Agnes, maysa mga inhinIero ken kolumnista ti Bannawag, ti nairekomenda ti GUMIL a para iti tinawen nga it-ited ti UMPIL a Gawad Pambansang Alagad ni Balagtas para iti piksion ken drama nga Iluko iti 2010.
Kinansion met ni Honor Blanco Cabie, lirisista ken trombonista a taga-Pinili, Ilocos Norte, ti bukodna a komposision iti Iluko, napauloan iti Maria Rosa, a naadaw iti ayug a Maria Elena nga insurat idi 1932 ni Lorenzo Barcelata.
Ditoy pay a nasaksian ti soft launching ti libro ni Cabie, ti RHYMES AND ROSES, ti maika-11 a librona a nakaukkonan dagiti sumagmamano a sonetona iti Ingles ken Iluko.
Rummuar daytoy a libro, iti panangipablaak ti Armiandy Publishers, kalpasan ti 77 nga aldaw nanipud kadayta a rabii, kinuna ti autor. Ti nangisurat iti Introduction ket ni Dr. Paul Blanco Zafaralla, maysa kadagiti mabigbigbig nga art critic ti pagilian.
Timmabuno met ti National Artist for Literature Virgilio Almario, dati a Chairman ti Unyon ng Mga Manunulat sa Pilipinas ken mangisursuro ita iti UP Diliman.
Simmangpet met manipud Los Banos, Laguna da Dr. Paul Blanco Zafaralla ken Dr. Macrina T. Zafaralla.
Maysa met koma kadagiti nagbasa iti daniw ti immun-una, ngem iti kaatiddog ti programa ken panaglabes ti naikuding nga oras dagiti taga GUMIL -- alas siete inggana't alas nuebe -- saandan a nauray pannakaawagna nga agbasa iti daniw.
Naiballaet iti GUMIL Night ti panangipakita dagiti nadumaduma pay a bisita -- ti Rockbato Band, ti Las Bungangeras, ti UP Speca, ken ni Jeff Pagaduan -- ti laingda.
Dandanin alas onse -- nakatangkayagen ti bulan iti siudad -- ti rabii idi agsisinan dagiti GUMILiano ken GUMILiana a nabati pay iti maikadua a kadsaaran ti Mag:Net Cafe a nakaangayan ti One Mic Gig ti GUMIL.#
Manipud ken ni Asseng: Nagpabuya met ti Samtoy, ti bandami ken Mighty, iti maysa a Danirak (wenno Daniw a Rock). Nalabit gapu ta natagari unay, nalipatan ni Manang Rose nga inraman.
Comments
Post a Comment