Atty. Rafanan, pinasingkedanna ti kinatured, kinagaget ni Ilokano
Pinasingkedan ni Atty. Ferdinand T. Rafanan dagiti naimbag a kababalin dagiti Ilokano a padana a taga-Amianan.
"Addaan ti kinatured ken kinagaget ni Ilokano," kinuna ni Rafanan, Director IV ti Law Dept. ti Commission on Elections, iti pammaregta a bitlana kas kangrunaan a sangaili iti maika-44 nga anibersario ti GUMIL Metro Manila.
“Maibturna ti agtakder, uray agmaymaysa, no ammona nga adda kenkuana ti kinapudno ken prinsipio," innayonna iti pasken ti GMM idi Disiembre 12 iti Tea House, Ninoy Aquino Parks and Wildlife Center iti Quezon City.
Bininsabinsa ni Rafanan dagiti naimbag a galad ni Ilokano ken ni Ilokano a mannurat bayat panangtratarna iti tema ti anibersario: “Panangipateg iti Kina-Ilokano”.
Nadakamatna pay ti kunkuna dagiti dadduma a "kuripot" kano ni Ilokano, ngem sinalaknibanna dayta nga ugali a "nasaysayaaat dayta ngem 'tay gastador".
"Itultuloyyo ti kinamannuratyo," impaganetgetna kadagiti kameng ti GMM, maysa kadagiti kaaktibuan a tsapter ti GUMIL Filipinas.
"Kadagiti sursuratenyo— sarita, daniw, nobela ken dadduma pay— adda maibatiyo kadagiti sumarsaruno a kaputotan a pakasaritaan ken pakalaglagipan dagiti padatayo nga Ilokano," intuloyna.
Innayonna pay: "Maipalagip kaniak dagiti tallo nga aramiden tapno adda maibatim a pakalaglagipanda kenka:
"Umuna, masapul nga adda putotmo; maikadua, masapul agmulaka iti kayo; ken maikatlo, mangisuratka iti libro."
Inyam-ammo ni Jose Bragado, Presidente ti GMM idi 1988-1989, ni Rafanan, anak ti Santa Catalina, Ilocos Sur ken dati a kameng ti GUMIL Ilocos Sur.
Iti mensahe ti agdama a Presidente ti GMM, ni Judge Vivencio S. Baclig, i-Cabugao, Ilocos Sur, kinunana nga umisu unay ti tema ti anibersario ti gunglo.
"Ta di kadi kuna ni Apo Jose Rizal, 'asinno man a d mangipateg ti bukodna a pagsasao, nakarkaro pay ngem iti nalang-es nga ikan.'?"
Kinaritna pay dagiti taga-GMM nga inda taginayonen a pabaknangen ti Literatura Ilokana "babaen ti agtultuloy a panagsurattayo iti sarita, daniw, nobela ken salaysay."
Karaman iti okasion ti panangyalnag da Martin Rochina ken Honor Blanco Cabie, dua kadagiti editor (ni Ansel Cargo ti maikatlo), ti Batonlagip, antolohia dagiti sarita dagiti kameng ti GMM nga impablaak ti gunglo.
Agpapada a nag-Presidente iti GMM da Cabie, Rochina, ken Cargo. Naaramat iti akkub ti painting ni Juan S.P. Hidalgo Jr idinto a ni Ariel Tabag, sekretario ti gunglo, ti nangdisenio iti libro.
Nakaawat met iti President's Award dagiti kameng a nagab-abak kadagiti sabasabali a pasalip: Cles B. Rambaud, Reynaldo A. Duque, Ariel S. Tabag, Jovito Amorin, Sherma E. Benosa, Jake F. Ilac ken Mighty C. Rasing.
Naikkan pay iti Sertipiko ti Panagyaman dagiti esponsor dagiti pasalip a nakibinnuligan ti gunglo: Ma. Rose A. Cabie (Cabie PINILI [Premio Iti Naisurat Iti Literatura Ilokana]); Teresita R. Duque (Premio Duque); ken Nenita F. Baclig (Sabali Award for Iloco Literature).
Immawat met iti Sertipiko ti Panagyaman ti GUMIL Metro Guapo, ti choir ti gunglo, iti panangkumpas ni Honor Blanco Cabie, trombonista ken musical arranger, ken panangkompaniar iti rhythm guitar ni Ariel Tabag. (Ma. Rosa A. Cabie)
"Addaan ti kinatured ken kinagaget ni Ilokano," kinuna ni Rafanan, Director IV ti Law Dept. ti Commission on Elections, iti pammaregta a bitlana kas kangrunaan a sangaili iti maika-44 nga anibersario ti GUMIL Metro Manila.
“Maibturna ti agtakder, uray agmaymaysa, no ammona nga adda kenkuana ti kinapudno ken prinsipio," innayonna iti pasken ti GMM idi Disiembre 12 iti Tea House, Ninoy Aquino Parks and Wildlife Center iti Quezon City.
Bininsabinsa ni Rafanan dagiti naimbag a galad ni Ilokano ken ni Ilokano a mannurat bayat panangtratarna iti tema ti anibersario: “Panangipateg iti Kina-Ilokano”.
Nadakamatna pay ti kunkuna dagiti dadduma a "kuripot" kano ni Ilokano, ngem sinalaknibanna dayta nga ugali a "nasaysayaaat dayta ngem 'tay gastador".
"Itultuloyyo ti kinamannuratyo," impaganetgetna kadagiti kameng ti GMM, maysa kadagiti kaaktibuan a tsapter ti GUMIL Filipinas.
"Kadagiti sursuratenyo— sarita, daniw, nobela ken dadduma pay— adda maibatiyo kadagiti sumarsaruno a kaputotan a pakasaritaan ken pakalaglagipan dagiti padatayo nga Ilokano," intuloyna.
Innayonna pay: "Maipalagip kaniak dagiti tallo nga aramiden tapno adda maibatim a pakalaglagipanda kenka:
"Umuna, masapul nga adda putotmo; maikadua, masapul agmulaka iti kayo; ken maikatlo, mangisuratka iti libro."
Inyam-ammo ni Jose Bragado, Presidente ti GMM idi 1988-1989, ni Rafanan, anak ti Santa Catalina, Ilocos Sur ken dati a kameng ti GUMIL Ilocos Sur.
Iti mensahe ti agdama a Presidente ti GMM, ni Judge Vivencio S. Baclig, i-Cabugao, Ilocos Sur, kinunana nga umisu unay ti tema ti anibersario ti gunglo.
"Ta di kadi kuna ni Apo Jose Rizal, 'asinno man a d mangipateg ti bukodna a pagsasao, nakarkaro pay ngem iti nalang-es nga ikan.'?"
Kinaritna pay dagiti taga-GMM nga inda taginayonen a pabaknangen ti Literatura Ilokana "babaen ti agtultuloy a panagsurattayo iti sarita, daniw, nobela ken salaysay."
Karaman iti okasion ti panangyalnag da Martin Rochina ken Honor Blanco Cabie, dua kadagiti editor (ni Ansel Cargo ti maikatlo), ti Batonlagip, antolohia dagiti sarita dagiti kameng ti GMM nga impablaak ti gunglo.
Agpapada a nag-Presidente iti GMM da Cabie, Rochina, ken Cargo. Naaramat iti akkub ti painting ni Juan S.P. Hidalgo Jr idinto a ni Ariel Tabag, sekretario ti gunglo, ti nangdisenio iti libro.
Nakaawat met iti President's Award dagiti kameng a nagab-abak kadagiti sabasabali a pasalip: Cles B. Rambaud, Reynaldo A. Duque, Ariel S. Tabag, Jovito Amorin, Sherma E. Benosa, Jake F. Ilac ken Mighty C. Rasing.
Naikkan pay iti Sertipiko ti Panagyaman dagiti esponsor dagiti pasalip a nakibinnuligan ti gunglo: Ma. Rose A. Cabie (Cabie PINILI [Premio Iti Naisurat Iti Literatura Ilokana]); Teresita R. Duque (Premio Duque); ken Nenita F. Baclig (Sabali Award for Iloco Literature).
Immawat met iti Sertipiko ti Panagyaman ti GUMIL Metro Guapo, ti choir ti gunglo, iti panangkumpas ni Honor Blanco Cabie, trombonista ken musical arranger, ken panangkompaniar iti rhythm guitar ni Ariel Tabag. (Ma. Rosa A. Cabie)
Comments
Post a Comment