Maipanggep iti Free Verse ken Musika iti Daniw
In-text ni Apo Noli S. Dumlao aka Tanud El Balo (para kaniak): "Uray gayam free verse, adda form-na."
Wen, a, kinunak met. Ti kangrunaan ngamin a rason no apay nga adda metro ken rima dagiti daniw ket tapno maibagnos ti mannaniw a mamagkaysa iti wenno kadagiti pangngarig ken imahe.
Idi nag-free verse dagiti mannaniw, isu daytoy ti tiempo a kabaelandan ti agdaniw nga uray no awan ti rima kada metro, maipakitada ti nagkaysa a pangngarig ken imahe; saan a naglalaok dagiti ukis iti nagukisan.
Nalabit daytoy ti kamali dagiti mannaniw nga Ilokano a naayat iti free verse a nangipagarup a no free verse, uray no aglalaoken dagiti imahen kada pangngarig.
Maysa pay a rason no apay nga adda metro ken rima ket isu ti musika ti daniw. Isu nga adda dagitoy metro ken rima ket tapno maibagnos met laeng ti mannaniw nga agdaniw nga addaan musika.
Ngarud, idi inkeddeng dagiti mannaniw nga agdaniw iti free verse, kabaelandan nga ikkan iti samiweng ti daniwda uray no saanda nga agpaibagnos iti kannawidan a panagmetro ken panagrima.
Daytoy musika ti diak pay unay makitkita kadagiti daniw nga Ilokano. Nalaka a madlawmo daytoy no maibasa dagiti daniw a free verse (no agbasa ti mannaniw a saan a kas iti panagbasa iti radio).
(Saan a kas kadagiti daniw iti Ingles nga uray no Filipino ti mangibasa, adda daytay kabukbukodanna a musika; addaan iti kabukbukodan a bengngat.)
Apay? Gapu nalabit ta nakaangkla pay laeng dagiti Ilokano iti background a "Faithful Love" a masansan nga usarenda kadagiti panagibasada iti daniw iti radio.
Ngarud, masapul nga ikagumaan koma ni mannaniw nga Ilokano a ti daniwna, uray no free verse, nagkaysa dagiti pangngarig ken imahen, ken addaan musika.
Ket iti biang dagiti agibasbasa, masapul a sapulenda ti kabukbukodan a musika ti lengguahe nga Ilokano a panagkunak, mayannatup unay iti "pudpudno" a daniw Ilokano.
Wen, a, kinunak met. Ti kangrunaan ngamin a rason no apay nga adda metro ken rima dagiti daniw ket tapno maibagnos ti mannaniw a mamagkaysa iti wenno kadagiti pangngarig ken imahe.
Idi nag-free verse dagiti mannaniw, isu daytoy ti tiempo a kabaelandan ti agdaniw nga uray no awan ti rima kada metro, maipakitada ti nagkaysa a pangngarig ken imahe; saan a naglalaok dagiti ukis iti nagukisan.
Nalabit daytoy ti kamali dagiti mannaniw nga Ilokano a naayat iti free verse a nangipagarup a no free verse, uray no aglalaoken dagiti imahen kada pangngarig.
Maysa pay a rason no apay nga adda metro ken rima ket isu ti musika ti daniw. Isu nga adda dagitoy metro ken rima ket tapno maibagnos met laeng ti mannaniw nga agdaniw nga addaan musika.
Ngarud, idi inkeddeng dagiti mannaniw nga agdaniw iti free verse, kabaelandan nga ikkan iti samiweng ti daniwda uray no saanda nga agpaibagnos iti kannawidan a panagmetro ken panagrima.
Daytoy musika ti diak pay unay makitkita kadagiti daniw nga Ilokano. Nalaka a madlawmo daytoy no maibasa dagiti daniw a free verse (no agbasa ti mannaniw a saan a kas iti panagbasa iti radio).
(Saan a kas kadagiti daniw iti Ingles nga uray no Filipino ti mangibasa, adda daytay kabukbukodanna a musika; addaan iti kabukbukodan a bengngat.)
Apay? Gapu nalabit ta nakaangkla pay laeng dagiti Ilokano iti background a "Faithful Love" a masansan nga usarenda kadagiti panagibasada iti daniw iti radio.
Ngarud, masapul nga ikagumaan koma ni mannaniw nga Ilokano a ti daniwna, uray no free verse, nagkaysa dagiti pangngarig ken imahen, ken addaan musika.
Ket iti biang dagiti agibasbasa, masapul a sapulenda ti kabukbukodan a musika ti lengguahe nga Ilokano a panagkunak, mayannatup unay iti "pudpudno" a daniw Ilokano.
Comments
Post a Comment