DAGITI MANNURAT NGA ILOKANO (UPDATED JULY 20, 2022)
(Pangrugrugian
daytoy a listaan. Naadaw dagitoy a bionote manipud kadagiti proyekto a libro a
nakairamanan 'toy numo. Saan a limitado kadagiti kameng ti GF wenno TMI ken
dadduma pay a gunglo, ketdi, listaan koma daytoy dagiti amin a mannurat nga
Ilokano-- dagiti nagsursurat ken dagiti aktibo nga agsursurat, tapno adda
madadaan a pangadawan kadagiti bionote no kasapulan.
Saan ketdi a karaman iti daytoy a listaan dagiti Ilokano nga agsursurat laeng iti sabali a lengguahe [ket saan iti Ilokano]. Kadagiti saan a nairaman, wenno kadagiti kayatna a ma-update ti bionote-na, ag-e-mail-kayo laeng iti daytoy numo iti asseng(dot)tabag(at)gmail(dot)com. Dios ti agngina, apo.
Addada gayam diak pay inedit. Sublianakto no adda waya.)
Saan ketdi a karaman iti daytoy a listaan dagiti Ilokano nga agsursurat laeng iti sabali a lengguahe [ket saan iti Ilokano]. Kadagiti saan a nairaman, wenno kadagiti kayatna a ma-update ti bionote-na, ag-e-mail-kayo laeng iti daytoy numo iti asseng(dot)tabag(at)gmail(dot)com. Dios ti agngina, apo.
Addada gayam diak pay inedit. Sublianakto no adda waya.)
ABRIL P.
VARILLA. Tubo ti Simbaluca, Sta.
Teresita, Cagayan a nakaipasngayanna idi Abril 9, 1970. Nagnaed ti pamiliana
iti Minanga, Buguey, Cagayan. Nagturpos iti Bachelor of Theology iti Aparri
Bible Seminary ken nagadal pay iti Liberal Arts iti Lyceum of Aparri.
Nagtrabaho iti Philippine Mission of Churches of Christ of Northern Luzon, Inc.
Iti agdama, agnanaeddan iti bukodna a pamilia iti Canada .
AIDA
CAMPOS-TIAMA. Nangisursuro iti U.P. College Clark Air Base ken U.P. San Fernando (Pampanga), Supervising Administrative Officer ita iti
U.P. Archaeological Studies Program. Autor ken co-author kadagiti libro,
naipablaak dagiti sinuratna a daniw, sarita ken salaysay iti nadumaduma a
libro, magasin ken pagiwarnak iti Filipinas ken iti dadduma a pagilian. Autor
ti Panagbiahe, antolohia dagiti daniwna, nga impablaak ti NCCA ken Ateneo
Institute of Literary Arts babaen ti UBOD New Author Series idi 2010.
AILEEN R.
RAMBAUD. Tubo iti Puritac, Pinili, Ilocos Norte. Bugbugtong nga anak da
Benjamin ken Evelyn Rambaud. Balediktorian iti elementaria ken haiskul iti
Pinili, Ilocos Norte. Nagraduar iti kinamaestra iti MMSU College of Education
iti Siudad ti Laoag. Maysa kadagiti Ten Outstanding College of Education
Students iti panagturposna idi 1998. Agdama a Teacher III iti Don Mariano
Marcos Memorial School, Pinili District, Pinili, Ilocos Norte, pinullon a saritana
ti naipablaak iti Bannawag.
ALBERTO
UGALINO. Tubo iti Magsingal, Ilocos Sur. Agnaeddan ken ti asawana iti Hawaii . Akimpartuat kadagiti berso pormas nga “ 8-liner”, “duata”
ken “galleta”.
ALEX V.
YADAO. Tubo iti Libertad, Abulug, Cagayan, nagturpos iti sekundaria iti Libertad
National High
School
mangisaysayangkat
iti tinawen a pasalip iti panagsuratan iti Literatura Ilokano ken kadagiti
literary seminars ken workshops. Agnaed iti agdama iti New York City .
ALEXANDER
R. BARUT. Nayanak idi Abril 21,
1965 iti Vintar, Ilocos Norte. Nagadal iti Mariano Marcos State University
kadagiti sumaganad a kurso: Bachelor of Secondary Education, major in Physics
and minor in Math; Master of Arts in Education, major in Physics and minor in
Math; Doctor of Philosophy, major in Rural Development and with cognates in
Developmental Communication. Nangisuro iti Saint Nicholas Academy, Vintar,
Ilocos Norte; Ilocos Norte National High School, Laoag City; Northwestern
University, Laoag City; St. Mary’s Seminary, Laoag City; Mariano Marcos State
University, Batac, Ilocos Norte. Nagserbi a Provincial Statistician iti
National Statistics Office, Ilocos Norte. Iti agdama, mangisursuro iti Jefferson High School , Texas , USA
ALFREDO
G. PADIOS (Mayo 23, 1956- ).
Inunaan iti tallo nga agkakabsat nga annak daydi Dios-ti-aluadna nga Ignacio
Padios ti Tuyo, Sta. Teresita, Cagayan ken Leonila Garcia ti Dardarat, Cabugao,
Ilocos Sur. Nainspirar ken nakarit nga agsurat gapu iti buridek a kabsatna, ni Prodie.
Ti kabsatna ti nakatakuat nga adda inalatna a kas mannurat, ket babaen met
laeng ti tulong ken pammagbaga ti kabsatna, naipablaak dagiti dandaniw ken
saritana iti Bannawag, ken
iti Tawid Magazine.
Nagtrabaho iti Production Department ti Liwayway Publishing, Inc. kalpasan a
naglusulos kas electrician ti Meralco. Nayasawa ken ni Beverly Garcia ti Buyun,
Sta. Teresita, ken naaddaanda iti walo nga annak. Agnaed ita ti pamiliana nga
inulilana iti Cogeo, Antipolo City
AMADO I. YORO.
Nakipagbuangay ken opisial/mamagbaga kadagiti nadumaduma a gunglo-sibiko iti
Filipinas ken iti Hawaii a pagnaedanna iti aganayen nga uppat a pulo a tawen. Kasla
saangan ti dalikan ti biagna: komunidad, simbaan, literatura. Premiado a
mannurat, naisaad kenkuana ti Pedro Bucaneg Award ti GUMIL Filipinas (2002).
Markado a volunteer, naipaay kenkuana ti Thomas Jefferson Award (1987); Pride
of Waipahu (1988); ken Community Service Award ti Lions Club International.
ANSEL D.
CARGO. Naipasngay idi Enero 24, 1954 idiay Sipulo, Bacnotan, La Union kada Juan
C. Cargo, Sr. (pimmusayen) ken Francisca Dacanay. Nalpasna ti B.S. Civil
Engineering iti Adamson University Manila , nagtrabaho iti Concrete Aggregates Corporation iti 21 a
tawen kas I.T. Manager. Isu ti CEO ti Lechats Ventures Co. Adun ti
naipablaakna a sarita, daniw ken salaysay iti Bannawag ken Internet. Naipablaak
iti Bannawag ti nobelana a “Hotel De Amor”. Naparaburanda ken dati a Marilyn
Cueto iti dua a sagibo, da Felice Anne ken Nico Paolo.
ARIEL S. TABAG. Mannurat iti Ilokano ken Tagalog. Piksionista, mannaniw, editor, para patarus, ken musikero. Nakagun-oden kadagiti premio iti Palanca Awards, NCCA Writers’ Prize, KWF Awards, NBDB, ken dadduma pay a pasalip para kadagiti sinuratna nga ababa a sarita, nobela, ken daniw. Autor ti Karapote, antolohia dagiti ababa a saritana, ken Ay, Ni Reberen!, maysa a nobela. Impatarusna iti Filipino dagiti sarita nga Ilokano ket naipablaak kas libro, ti Samtoy; ken dua a sarsuela ni Mena Pecson Crisologo. Fellow para iti Daniw iti 41st UP National Writers Workshop (2002). Editor iti daniw ken showbiz iti Bannawag.
ARTEMIO
C. BAXA. Natenneb iti rigat iti Teppang, Bacarra, Ilocos Norte a
nakaipasngayanna. Umuna a Filipino a Hues iti Maui County University
of Hawaii System
AURELIO
S. AGCAOILI. Propesor titular iti Unibersidad ti Hawaii ken agdama a koordinador iti programa nga Ilokano iti
nasao met laeng nga unibersidad. Inringpasna ti doktorado iti Unibersidad ti Filipinas
iti babaen ti maysa a becapresidencial. Inringpasna pay ti masterado iti
pilosopia ken masterado iti panagmanehir, malaksid ti bachilier iti arte
klasikal ken bachilier iti pilosopia. Sakbay ti panagbayanggudawna iti
EstadosUnidos, nagpaay a kas manursuro iti pilosopia, literatura, panagmanehir,
ken adal kultural kadagiti nagduduma a kolehio ken unibersidad kas ti
Unibersidad ti Filipinas, Unibersidad ti Santo Tomas, Unibersidad ni San Paulo,
ken seminario mayor ken graduado a programa ti pilosopia ti Cristo nga Ari,
Kolehio ti San Beda, Kolehio ti Santa Escolastica, ken Kolehio ti Miriam.
Insuratna ti Dangadang,
maysa a sosio politikal a nobela maipapan iti Filipinas, a nakabigbiganna a
nobelista manipud iti Premio Centennial Literario ti Republika ti Filipinas.
Nabigbig ti nobelana a Wayawaya babaen ti Belmonte Grant.Agpapaay ita
a kas presentador ken produktor ti Talkback
with Dr. Agcaoili iti publiko
a television ti ‘Olelo iti Honolulu. Isu pay ti hepe ti editorial ti Observer, maysa a pagiwarnak iti
Hawaii . Iti agdama ket iringringpasna ti innem a tomo ti
diksionario nga Ilokano kas kadagiti sumaganad: Contemporary English-Ilokano
Dictionary, Kontemporaneo a Diksionario nga Ilokano-Ingles, Kontemporaneo a
Diksionario nga Ilokano-Ingles/Contemporary English-Ilokano, Komprehensivo a
Diksionario nga Ilokano, Ilokano-English-Tagalog Dictionary, ken Tesoro ti
Pagsasao nga Ilokano. Isu ti maysa kadagiti mabigbig a pundador ti tignayan
a Nakem Conferences, maysa nga internasional a komperensia dagiti mangmangged
kultural a mangitantandudo iti kultural a pluralismo a wagas ti edukasion ken
panagbiag.
BENJAMIN
P. PACRIS. Premiado a piksionista ken mannaniw. Agdama a chief information
officer ti PIA-Ilocos Sur. TV newscaster/host iti Iluko Heritage Channel ken
radio host iti DWRS iti Vigan City
BENNY
PONCE LOPEZ (Enero 3, 1944- ).
Premiado a mannurat a tubo ti Namayacan, Buguey, Cagayan.
CARMENCITA
IRONA RODRIGUEZ. Nayanak idi
Hunio 22, 1961, tubo iti Dubeng, Bidduang, Pamplona , Cagayan ngem agnaeden iti Centro ti nasao nga ili. Maikatlo iti uppat nga annak da Geminiano Irona
(pimmusayen) ken Francisca Yague-Irona (pimmusayen). Nangala iti BS Education
iti Baguio Colleges Foundation. Agdama nga Officer-in-Charge ti Philippine
Postal Corporation iti Pamplona . Nayasawa ken ni dati a Postmaster Jose M. Rodriguez.
Addaanda iti tallo nga annak, da Charles Joewell, Charlie Joey, ken Cheryll Joyce nga agpapada a
registered nurse ken addadan iti ballasiw-taaw. Nangrugi a
nagsurat iti Bannawag iti benneg ti “Ania ti Makunami”
idi 1980. Naipablaak ti umuna a saritana idi 1982. Nangabak iti Salip iti
Sarita nga intuyang ti Economy Tours and Travels, Inc. (ETTI) idi 1986.
Nangabak pay iti benneg ti daniw ti GUMIL Sinait-Dakilang Ugat Awards idi 1983.
Adun ti naipablaak a saritana iti Bannawag ken Liwayway.
CLARITO G. DE FRANCIA. Nagop-opisial iti GUMIL Filipinas, nakitinnagnawa met kadagiti immuna a nangibagnos tapno makaaddang ti TMI. Sigud a propesor iti
CLES B.
RAMBAUD. Editor ti Bannawag a nagkamenganna sipud pay idi 1978, naipaay
kenkuana ti Gawad Emmanuel Lacaba idi 1994 manipud iti NCCA. CCP grantee para
iti nobela ken sarita a para ubbing. Premiado a mannurat (GRAAFIL, Bannawag,
kdp.), editor ken designer kadagiti nadumaduma a libro nga impablaak ti GUMIL
Filipinas. Naawisen iti nadumaduma nga internasional a komperensia dagiti
mannurat, para patarus ken editor, kaudian idiay Shanghai , China
CORAZON
F. QUIAMAS. Tubo iti Laoag City Laoag City Hawaii . Maysa a mannaniw iti Bannawag. Agnaed ni Razi (birngasna)
iti Ewa Beach , Hawaii
CRISOSTOMO
M. ILUSTRE. Iti tawenna a nasurok a pitopulo, isu ti Operations Consultant ti
Century Broadcasting Network. Sakbayna, nagtrabaho idiay Laoag, Pangasinan, Baguio ken Manila kas Assistant Operations Director ti Bombo Radyo Philippines , ken PIO iti Pangasinan. Nupay adun dagiti saritana iti
Bannawag, ad-adda a radio ti nagsursuratanna— inrugina ti Ilokano a drama iti
radio iti DZJC-Laoag idi 1961. Nageditor ken nagkolumnista kadagiti nadumaduma
nga Ingles a pagiwarnak iti Dagupan, Baguio , Ilocos Sur, ken Ilocos Norte. Impaay kenkuana ti UMPIL ti
Pambansang Alagad ni Balagtas (2011) gapu iti naisangsangayan nga akemna iti
pannakaitandudo ti Drama nga Ilokano iti radio.
CRISPINA
B. BRAGADO. Naisaad kenkuana ti Leona Floretino Award (GUMIL Filipinas) ken
Gawad Pambansang Alagad Ni Balagtas (UMPIL). Agdama a Directress ti Child Jesus College Caloocan
City
DANIEL L.
NESPEROS. Premiado a mannaniw ken piksionista, nairaman ti saritana nga “Opas”
iti Ani 31 nga impablaak ti Cultural
Center Philippines . Fellow ti Daniw Iluko iti 26th UP National Writing
Workshop idi 1996. Patanor iti kataltalonan ti Bario San Lorenzo, San Nicolas,
Ilocos Norte. Kaingungotna ni sigud nga Imelda S. Queppet— addan maysa a
kurkuriroda, ni Ian Dane Anib. Pasado a tesorero ti GUMIL Filipinas
(2003-2007). Pagliwliwaanna ti agdisenio iti libro.
DANILO B.
ANTALAN. Premiado a mannurat iti sarita kadagiti nadumaduma a pasalip a
pakairamanan ti Palanca. Reporter iti DZTP Radio Tirad Pass Candon City
DARDANELIA
SALVADOR-DOMINCEL. Naipasngay idi
Enero 4, 1948. Dimmakkel iti Minanga, Buguey, Cagayan. Nagsekundaria iti Northeastern Academy New Jersey , USA ), Apollos (AB English), ken Abel (registered nurse).
Agnaed iti Macanaya, Aparri, Cagayan.
DERICK
MARCEL F. YABES. Premiado a mannaniw, inyalatna ti Umuna a Gunggona ti salip
iti daniw ti AVAIL idi 2010, ken maysa kadagiti kangrunaan a gunggona iti
on-the-spot poetry writing contest iti kombension ti GUMIL Filipinas idi Kalgaw
2011. Nairaman ti saritana a “Ti Lubong ni Linglingay” iti Segden, ti umuna nga antolohia
dagiti sarita dagiti mannurat iti Cagayan a nayalnag idi maika-44 a Komperensia
Nasional ti GUMIL Filipinas sadiay DMMMSU, Bacnotan, La Union. Adda metten
sumagmamano a naipablaakna a dandaniw iti Bannawag. Sertipikado nga elektroniko
ken nagturpos iti Cagayan State University
DEXTER B.
BIZ. Nayanak idiay Palagao, Sta. Teresita, Cagayan idi Marso 2, 1983. Nagturpos
iti BSECE iti University of Saint Louis-Tuguegarao City. Agtrabtrabaho kas
technical support engineer iti maysa a telecom supply company iti Makati.
Pasaray agawat kadagiti web ken multimedia design projects.
DEXTER M.
FABITO. Naipasngay iti kalapaw a nagdiding iti nalaga a bulong ti niog ken
nagatep iti labig a binangon da Larry Fabito, tubo iti Romblon a paggapgapuan
dagiti marmol, ken sigud a Conchita Marin (pimmusayen) ti Balingit, Pamplona,
Cagayan. Tallo ti liwliwada ken Romaly Victoria a kagudua ti pusona, da Zedrix John, Zandra Nicole ken
Zachary Drexler. Inleppasna ti BSIT iti Cagayan State University iti College
DIONISIO
“SONNY” E. ABRAJANO. Nayanak, dimmakkel ken nagadal iti elementaria ken hayskul
iti Paoay, Ilocos Norte. Nangala ti AB Pre-Law iti FEU ken PCRTP iti PLM. Iti
Pebrero 18, 1962 a bilang ti damo a pannakaipablaakna ti Bannawag. Nagpaay ken
agpapaay a kameng kadagitoy: Manila’s Finest Retirees Association; Philippine
National Police Retirees Association; Association of Chiefs of Police of the
Philippines; International Association of Chiefs of Police; GUMIL Metro Manila;
GUMIL Filipinas; ken National Press Club.
DIONISIO
S. BULONG. Naipasngay idiay Simbaluca, Sta. Teresita, Cagayan (dati a paset ti
Buguey) kada Vicente Q. Bulong ken Felipa A. Soliven idi Marso 10, 1940.
Nagturpos iti elementaria iti Buguey Elementary School Northeastern Academy San
Fernando , La Union.
Naipablaak ti umuna a saritana, ti “Umaykan, Gasat,” iti Bannawag idi 1962.
Inrugina ti AB Journalism iti University of Manila, immakar iti Lyceum of the
Philippines kalpasan ti dua a tawen ket tinurposna dita ti Bachelor of Science
in Journalism. Nagkameng iti Bannawag idi 1967 kas proofreader. Naital-o a news
section editor sa associate editor kalpasan ti lima a tawen. Naital-o nga
editor kalpasan manen ti lima a tawen. Nadutokan a chairman ti editorial board
dagiti uppat a magasin ti Liwayway Publishing, Inc. (Bannawag, Liwayway, Bisaya
ken Hiligaynon) sakbay a nagretiro idi Abril 2005. Pedro Bucaneg (GUMIL
Filipinas) ken Pambansang Alagad ni Balagtas (UMPIL) awardee, maysa kadagiti
teddek ti kontemporario a Literatura Ilokano a maisalumina ken am-ammo kas
nagputar kadagiti naidumduma a makaray-aw a nobela nga Ilokano a “Fighting
Pogi,” “Anderson,” Matayakon, Rosing,” “Kontra-Pelo,” “Brad Patrick,” “Flash
Mauricia,” “Daddy BC,” “Tisoy,” “El Guapito,” ken namaglatak kadagiti piksional
ken pudno a lugar a Lingasin ken Simbaluca iti Cagayan iti mapa ti Literatura.
Kaingungotna ni sigud nga Eden L. Cachola ti San Antonio, Narvacan, Ilocos Sur,
a padana met laeng a mannurat. Dua ti bungada, da Diodena (Doctor of Medicine)
ken Anna Eloisa (Bachelor of Laws).
DJUNA R.
ALCANTARA. Nageditor iti The
New Lions Bulletin, ti pagiwarnak ti Lions Clubs International, District
301-C, Philippines . Executive Director ti Sir Pelagio Alcantara Development
(SPADE) Foundation, nagturpos iti UP-Diliman idi 1981. Kas eskolar, intuloyna
ti nangala iti Master in Development Management, iti Asian Institute of
Management (AIM) iti Makati City
EDISON B. TOBIAS. Naipasngay iti Sta. Cruz, Sta. Ana, Cagayan. Agdama nga agtrabtrabaho iti opisina ti Municipal Public Information ti Santa Teresita, Cagayan. Idi 2013, inyalatna ti umuna a gunggona iti salip iti Sarita ti Mayor Carlito Pentecostes, Jr. Awards for Ilokano Literature. Nakaipablaaken iti sumagmamano a sarita iti Bannawag, ken iti Antolohia Dagiti Sarita nga Ilokano (Tagnawa Series 1 ti GUMIL Filipinas, 2016), iti Burayok (Antolohia dagiti napili a sarita dagiti mannurat iti Cagayan, 2019), ken iti Littugaw (Antolohia Dagiti Sarita nga Ilokanao GUMIL Filipinas Tagnawa Series 3, 2020 ). Inyalatna ti umuna a gunggona iti salip iti sarita nga Ilokano ti 69th Don Carlos Palanca Awards (2019). Iti laksid ti panagsursuratna, kas mammallot, pagaayatna ti agtaraken ken agpatanor kadagiti kabaruanan a manok a teksas nga ilablabanna iti rueda. Ni dati a Loida Palor Crisostomo Recheta ti asawana. Naaddaanda iti dua nga annak--da Hara Jane ken Gia Mae. Agnaedda iti pamiliana iti Masi, Santa Teresita, Cagayan.
EDUARDO ARELLANO PADAOAN. Nayanak idiay Lupao, Nueva Ecija. Dimmakkel iti Natividad, Pangasinan. Nagnaed iti Tayug, Pangasinan. Agnaed itan ti Toronto, Ontario, Canada. Inaunaan iti siam (9) nga agkakabsat. Sagibo dagiti mannalon a nagannak. Naipasagepsep kenkuana ti kinapateg ti adal wenno panageskuela. Ngarud inkagumaanna met a tinulongan dagiti kakabsatna tapno makagunodda met amin iti kurso. Lima ti tawenna idi simrek iti eskuela ket nagradruar ti kinamannursuro iti tawenna a sangapulo ket siam (19). Nangisuro a dagus ket nagretiro a nasapa a kas pangulo iti maysa kadagiti innem a pagdalan a nakaidestinuanna kalpasan ti 27 a tawen tapno agnaed iti lugar nga ayan itan ti pamiliana. Dagiti padpadasna ken paliiwna iti pannakaipulpulapolna kadagiti nagistay isu amin a kita ti kinatao iti nangnayon ti nasakdona nga adal a nangpatimbukel ti kinataona. Iti panagyanna kadagiti nasulinek a lugar naadalna dagiti kababalin, kannawidan ken kultura ti nakayanakanna a pagilian. Awan ti makuna a naisangsangayan a paglainganna ngem adda bassit ammona ti dadduma a linia ti panagbiag. Iti edukasion kas napasnek idi a mannursuro, iti agrikultura kas maysa nga aktibo nga anak ti mannalon, iti relihion wenno pammati kas Kristiano ken nagpangpangulo ti simbaan nga nakaikappenganna, iti negosio kas maysa a negosiante, iti teknolohia kas nakapagadal iti technology school a nagyananna, ken iti literatura kas mannurat a maysa naduktalanna a galadna. Naparaburanda ken katakunaynayna a Gloria Cabacungan iti tallo nga annak--dua lallaki ken maysa a babai.
ELISEO B.
CONTILLO. Kameng iti Bannawag iti 17 a tawen, nadutokan nga Editor-in-Chief ti
Narvacanews ken LGU consultant ti Narvacan, Ilocos Sur nga ilina. Public
relations consultant, biographer, pintor, translator, songwriter ken
insrumentalista, radio scriptwriter, ken premiado a dumadaniw ken mannurat iti
sarita. Autor ti Tan-ok ti Kailokuan, ti biograpia ni Dr. Godofredo S. Reyes.
Kameng iti National Press Club ken FAMAS, ken direktor iti GUMIL Filipinas,
naipaay kenkuana ti Outstanding Narvacaneo Award in Journalism (1997).
ELIZABETH
M. RAQUEL. Umuna a babai a nagpresidente iti GUMIL Ilocos Norte ken GUMIL
Filipinas, insaad ti GF kenkuana ti 2009 Leona Florentino Award. Agdama a
Public Schools District Supervisor iti Currimao District, Currimao, Ilocos
Norte. Eskolar ti UNESCO-JAPAN idiay Indonesia idi l997 ket inadalna ti
Literacy Education. Autor ti tallo a libro: Pagbasaan: Nonformal Education Para
Kadagiti Levels II & III; PINILI: The Chosen Town; ken Literacy
Education. Isu ti pannakabagi ti Northern Luzon iti Literary Committee iti
NCCA.
ELMER
LOPEZ. Naipasngay, dimmakkel iti komunidad dagiti agtaltalon iti San Lorenzo ,
San Nicolas, Ilocos Norte. Nairugina ti Electrical Engineering. Nalpasna ti
kina-Electronic Technician ken Computer Hardware Technology. Nagtrabaho a kas
computer technician agingga nga inkeddengna nga ipamaysa ti agtalon. Agsursurat iti daniw ken salaysay
kadagiti rehional a pagiwarnak iti Kailokuan. Napadasannan ti nangabak iti
sarita ken daniw. Maysa kadagiti editor ken mangilaylay-out iti TALDIAP
(Timpuyog dagiti Agessem iti Literatura Dagiti Ilokano A Pintek), ti newsletter
ti grupo dagiti agsursurat iti radio iti Siudad ti Laoag. Ni Precious
Linglingay ti kakaisuna pay laeng a bungada ken sigud a Rica Joyce Balanay ti
Claveria, Cagayan.
ELPIDIO
A. UNABIA. Tubo ti Namayacan,
Buguey, Cagayan. Kas mannurat, adu a sarita, pati nobela, ti naipablaakna iti Bannawag.
ESTELA BISQUERA-GUERRERO. Premiado a piksionista, mabigbig a reyna iti humorous a piksion iti Ilokano. Nakaipablaaken iti tallo nga ababa a nobela ken agduapulo a sarita iti Bannawag a kaaduan kadagitoy ti makapakatawa ken satiriko. Agdama nga auditor ti GUMIL Filipinas. Tubo iti Manaoag, Pangasinan, agnaedda ken lakayna ken dua nga annakda iti Itogon, Benguet.
FEDERICO TANGONAN ILAC, JR. Premiado a piksionista. Tubo iti Pacis, Sinait, Ilocos Sur, nalpasna ti nursing itiSta. Teresita General Hospital School of Nursing Manila Central University Philippines , sa staff nurse iti Quezon Institute. 2nd Lt iti AFP, Nursing
Corps (res). Nagtrabaho a nurse iti Kuwait Ministry of Public Health. Emergency
nurse ita iti Trinitas Regional Medical Center Elizabeth , NJ
FEDERICO TANGONAN ILAC, JR. Premiado a piksionista. Tubo iti Pacis, Sinait, Ilocos Sur, nalpasna ti nursing iti
FERNANDO
B. SANCHEZ. Premiado a mannurat iti sarita ken salaysay, mannaniw, nobelista,
naipaayen kenkuana ti Pedro Bucaneg Award (2006) manipud iti GUMIL Filipinas
ken Pambansang Alagad ni Balagtas (2012) manipud iti UMPIL. Nagturpos iti BSEED
(MLQU, Manila) ken addaan iti MA (Luna Colleges, Tayug) ken Doctoral (PSU,
Urdaneta City), isu ti Public Schools District Supervisor ti San Nicolas
District I, Research Director ken Professor ti Graduate Studies (Luna
Colleges), Bise-Presidente ti GUMIL Filipinas ken Church Elder ti San Nicolas
Seventh-Day Adventist Church. Tubo iti Cacabugaoan, San Nicolas, Pangasinan.
FRANCISCO
V. DELA CRUZ. Naipasngay iti
Naguilian, Lallo, Cagayan idi Septiembre 17, 1942. Nagkolehio iti Cagayan Valley Agricultural College Santiago City Australia idi 1988 tapno leppasenna ti Special Course iti Rural
Planning and Development. Nagpaay kas Chief Agrarian Reform Program Officer ti Department
of Agrarian Reform Provincial Office iti Cagayan. Agpapaay pay a broadcaster
iti DWPE, Radyo ng Bayan iti Siudad ti Tuguegarao manipud idi 1989 agingga iti
agdama. Nangrugi nga agsurat iti Bannawag idi 1967 babaen ti saritana a “Panaglibas.” Kapadesna nga agsurat iti sarita
ken salaysay idi 1970 agingga iti 1992. Nagdirektor iti GUMIL Filipinas idi
1991-1993.
FRANCISCO
T. PONCE. Premiado a mannurat, naisaad kenkuana ti Pedro Bucaneg Award (2008)
manipud iti GUMIL Filipinas. Autor ti dua a libro: Bin-i ti Biag, nakatiponan
dagiti dua nga ababa a nobela, ken dagiti sarita ken daniwna; Sabong ti Biag, nobela a
naiserye iti Bannawag. Tubo iti Napo , Magsingal, Ilocos Sur, inkallaysana ni dati nga Aurora S.
Cacdac ti Naguilian, La Union— tallo ti bungada, da Daisy, Francisco, Jr., ken
Catheryn; liman ti appoda. Agnaedda nga agassawa iti Ewa Beach , Hawaii
FRED A.
QUIBOL. Nayanak ken dimmakkel idiay Puro, Caoayan, Ilocos Sur. Da Catalino
Quibol ken Simeona Ambida, agpada a pimmusayen ,dagiti dadakkelna. Nagturpos
iti inhenieria sibil iti FEATI University Hawaii idi 1985. Iti agdama, agtrabaho iti Naval Facilities
Engineering Command iti Pearl Harbor, Hawaii a kas Navy Technical
Representative. Ni Cherry Sawit ti kaingungotna. Addaanda iti dua nga anak, da
Floris ken Princesa.
FREDDIE
G. LAZARO. Mannurat iti Ingles, Tagalog ken Ilokano, agpapaay iti Philippine
Information Agency (PIA)-Ilocos Sur sipud pay 2000. Premiado nga agiwarwarnak,
inyalatna ti dua a pammadayaw nga inesponsoran ti Philip Morris Brightleaf
Journalism Awards iti nagsaruno a tawen (2007 ken 2008). Tubo iti Burgos, Ilocos
Sur, maysa kadagiti Fr. Jose Burgos Awardees (2008) ken adu a pammadayaw
manipud kadagiti nadumaduma nga ahensia ken organisasion iti probinsiana.
Agdama a Manager ti PIA-Ilocos Norte.
FREDDIE
PA. MASULI. Agdama a mangisursuro (Assistant Professor III) ken administrador
(Dean, College of Information
Technology Cagayan State University
GREGORIO
M. EVANGELISTA. Tubo ti Sto.
Niño, Cagayan. Premiado a mannurat. Maysa a mannalon ken lider iti kooperatiba
dagiti mannalon.
HERACLES
LORD BERNARDO A. CABIE. Kameng ti GUMIL Metro Manila, dati a bokalista ti
Kizzum Band ken 4Play Band iti Metro Manila. Kompositor ken lirisista iti
nadumaduma a klase ti kanta— rap, ballad, slow rock ken reggae. Nangab-abak iti
elocution contest ken debate idi agad-adal iti San Beda College, Mendiola.
Agdama a Field Researcher ti Cabie Cabie Book Authors and Associates.
Kaingungot ni dati a Maria Louisa Santos; ama da Maria Natalie, Mikhail Bernard
VIII ken Mirko Sean Alexander.
HONOR
BLANCO CABIE. Am-ammo ni Honor
Blanco Cabie, naideklara nga Ari Dagiti Sumasarabitniw ti Ilokandia idi 2008,
kas agsursurat iti bitla dagiti addaan akem iti gobierno nasional ken sektor
pribado. Premiado nga orador, debatista, sumasalaysay ken kumakansion,
agsursurat daytoy a trombonista iti lirika ken nota dagiti putputarenna a
samiweng. Dati a coach ti San Beda College of Arts and Sciences Debating Team,
nangabak idi nakasangona ti SBC Law Debating Team idi 1992, ken Coach ti Far
Eastern University Oratorical and Debate Club, nangyawid iti Annual Devesa Cup
idiay De La Salle University ken iti Bedan Grail idiay San Beda College agpada
idi 1996. Outstanding Alumnus ti San Beda idi 1992 ken ti Asian Institute of
Journalism and Communication idi 2000. Napili nga Ulirang Ama idi 2002.
IMELDA DUQUE TOLEDO. Naipasngay iti Ramon, Isabela idi Nobiembre 8, 1965. Nagturpos iti Bachelor of Arts iti Isabela State University, Echague Isabela Main Campus idi 1986. Tinurposna met ti Bachelor of Science in Education iti Isabela Colleges ken nakapasa iti Teachers Board Exam (PBET) idi 1995. Nagpaay a mannursuro idi 1995 agingga iti 2004 iti sekundaria iti Pinoma National High School iti Cauayan, Isabela. Nag-caregiver iti Israel idi 2004 agingga iti 2007. Bimmallasiw iti Canada idi 2007 a kas caregiver agingga iti tawen 2010. Nagpaay a kosinera iti maysa a pagtagilakuan idi 2010 agingga iti 2015; iti 2014-2015, nagpaay a kosinera iti maysa kadagiti mabigbigbig ken kalatakan a buffet restaurant iti Calgary, Alberta, Canada, ti Grey Eagle Buffet Restaurant. Manipud 2016 agingga iti agdama, agpapaay a kas quality control iti organic produce SPUD. Autor ti Sinamar (2013) ken Iliw iti Ili (2016) ken maysa kadagiti autor iti Parnaso sa Kubo (2013). Nakaipablaak metten iti salaysay iti Bannawag.
JAIME G. RARAS. Premiado a mannurat. Autor iti dua a libro, ti Basikaw ken Ti Bangbanglo ni Dangaw ken Dadduma Pay a Sarita a Para Ubbing, nga agpada a rimmuar idi 2007. Assistant Professor IV ken agdama a Director for Academic Affairs ken concurrent Planning Officer iti North Luzon Philippines State College (dati a UNP Candon campus). Nayanak iti San Vicente, Ilocos Sur ngem agnaeden iti Candon City. Duan ti annakda ken dati a Luz Anglo, da Paul James ken Jaime Rino II.
JAIME G. RARAS. Premiado a mannurat. Autor iti dua a libro, ti Basikaw ken Ti Bangbanglo ni Dangaw ken Dadduma Pay a Sarita a Para Ubbing, nga agpada a rimmuar idi 2007. Assistant Professor IV ken agdama a Director for Academic Affairs ken concurrent Planning Officer iti North Luzon Philippines State College (dati a UNP Candon campus). Nayanak iti San Vicente, Ilocos Sur ngem agnaeden iti Candon City. Duan ti annakda ken dati a Luz Anglo, da Paul James ken Jaime Rino II.
JAKE F.
ILAC. Tubo iti Brgy IBJ, Lasam, Cagayan ngem agindegen ken ti pamiliana iti
Valenzuela City nga isu met laeng ti pagobraanna a kas maysa a Sales and
Marketing Director iti pagaramidan ti silaw. Addaanda iti maysa a bunga ken ni
dati a Divina Bulaqui, tubo iti Gattaran, Cagayan. Kameng iti GUMIL Metro
Manila ken mannurat iti Bannawag.
Nakaawat metten iti pammadayaw manipud iti KWF, Premio Duque ken AMMAFLA.
JEFFERSON
A. APOLONIO. Tubo iti Cabaroan Daya, Vigan City ngem dimmakkel iti San Rafael,
San Esteban, Ilocos Sur. Pito a daniwna ti nairaman iti Batonsileng (1992), ken maysa kadagiti editor ti Sagibo (1994). Malaksid iti panagsurat,
pagaayatna ti agay-ayam iti ahedres. Nagtrabaho iti Motor Vehicle
Administration iti estado ti Maryland sa iti Montgomery County Public Library
iti isu met laeng nga estado. Kaingungotna ni dati a Mary Jane R. Oandasan ket
ni Janerson Benedict ti kakaisuna a bungada.
JENNIFER
A. TAGAVILLA. Naiyanak ni
Jennifer A. Tagavilla iti Siudad ti Batac, Ilocos Norte. Inauna iti uppat nga
annak da Romeo C. Tagavilla ken ni sigud nga Everlina Aribuabo. Madama a
lepleppasenna ti kurso a Bachelor in Elementary Education iti Divine Word
College of Laoag. Nagtrabaho nga Administrave Aide III ken Peer Educator iti
DepEd, Division Office of Batac City idi 2010-2011. Agdama a Provincial
Correspondent iti Around Ilocandia Channel iti Vigan, Ilocos Sur ken
sagpaminsan agparang a kas TV co-host iti programa iti bigat nga “Antokoy In Da
Haus.” Nakaipablaaken iti sumagmamano a daniw iti Bannawag.
JIMMY C.
VIVIT. Tubo ti Palagao, Sta.
Teresita, Cagayan, ngem naikamang idiay Newagac, Gattaran, Cagayan. Rinugianna
ti Inhiniera Sibil kas iskolar ti simbaan iti Lyceum of Aparri, ngem dina
naileppas ta siniluan ni Jacky Cabildo ti pusona. Agnaedda a sangafamilia a
Newagac. Kas humorist, adu a saritana ti naipablaak iti Bannawag a pakasaritaan ti favoritona a
karakter, ni Mr. Balbalatong.
JOBERT MA. PACNIS. Immuna a nasirayanna ti lawag iti Brgy. Ammubuan, Ballesteros, Cagayan. Inauna iti dua a bunga da Roberto G. Pacnis ken dati a Josephine F. Matias. Nalpasna ti inhinieria ngem kinaykayatna ti nagbalin a mannursuro kalpasan a nakaala iti unit-na iti Edukasion. Iti agdama, adipen ti tisa iti Aparri West National High School, Brgy. Bulala Norte, Aparri, Cagayan. Inruar ti Bannawag ti umuna a saritana, Daklis, idi Nobiembre 24, 1997. Kas mannurat, nakaipablaaken kadagiti daniw, sarita ken salaysay iti Bannawag. Nangab-abak metten iti pasalip iti panagsuratan kas iti RFAAFIL, Pacioles, AMMAFLA, Patrons, Sta. Rfaella, Pavilla Doble Daniw Contest, SABALI, ALVIYA, Curtistext ken DionaText (Filipino). Ti SINURSURAN ti kolumna iti Tawid News Magasin (a ma-access iti http://tawidnewsmag.com/) a nakabase it siudad ti Vigan. Nakaipablaak payen iti daniw iti Liwayway ken HomeLife Magazine. Nairaman dagiti sinuratna kadagiti libro nga Alimpatok, Segden, Bullalayaw, In Time Passing, There are Things (antolohia dagiti daniw dagiti 100 a mannaniw ti HomeLife nga inedit ni Leoncio P. Deriada, ken Daniw69. Ni dati a Judith Molina Simon ti Brgy. Zitanga, Ballesteros, Cagayan, ti kapunganna. Naparaburanda iti tallo a bunga, da Jethro, Jiemil Anne ken Jaybert; agnanaedda ita iti Ammubuan.
JOEL L.
BAGASOL Naipasngay iti Dacal,
Sanchez Mira, Cagayan idi Disiembre 2, 1972 kada Isidro Bagasol, Sr. ken
Remedios L. Bagasol. Maysa a lider-estudiante, tinurposna ti B.S. Industrial
Education major in Technology and Home Economics iti Mariano Marcos State
University-Institute of Technology iti Laoag City
JOEL B.
MANUEL. Mannarita, mannalaysay,
mannaniw, nobelista ken mangiruprupir iti kultura, agak-akem ni Joel B. Manuel
a kas prinsipal iti Banna National High
School
JOHMAR R.
ALVAREZ. Tubo iti Mabuttal East, Ballesteros, Cagayan. Anak da Ernesto U.
Alvarez ken dati a Rosalina A. Rosario. Nayasawa ken ni sigud a Jhonna Belle A.
Clemente ti Masaya Sur, San Agustin, Isabela. Nalpasna ti Automotive Mechanic
iti NMYC (TESDA itan), Tuguegarao City Technical
School Aparri West National
High School
JONATHAN
B. TORRICER. Naiyanak iti napanglaw a pamilia, idi Agosto 13, 1976, maikadua
iti uppat nga annak da Aurelio Torricer, Sr. a maysa a mannalon (pimmusayen) ti
Allacapan, Cagayan (tubo ti Sto. Domingo, Ilocos Sur) ken dati a Carmelita
Braceros a tindera iti ikan iti Allacapan a taga-Camalaniugan, Cagayan (tubo ti
Cabugao, Ilocos Sur). Nagsursurat iti research, case study ken artikulo para
iti asignatura tapno laeng makalpas iti panagadalna. Nagpaay a kas a reporter
ti prensa iti Laoag City bayat ti panagbasana. Dati a kameng ti College Editors
Guild of the Philippines (Region I ken National), miembro iti The Review a magazine ti nagadalanna a
kolehio a nangileppasanna iti kina-nurse. Sakbayna, nangala iti AB Political
Science iti Cagayan College Tuguegarao (University of Cagayan Valley itan).
Kasimpungalanna ni sigud nga Annavic Jamorabon ti Burgos, Ilocos Norte.
Naaddaanda iti maysa a bunga, ni John Andrei. Agnaedda iti Hawaii. Adun a
daniwna ti naipablaak iti Bannawag.
JOSE A.
BRAGADO. Maysa kadagiti kaaduan iti nasurat a nobela iti Ilokano, naipaayen
kenkuana ti Pedro Bucaneg Award manipud iti GUMIL Filipinas ken ti Gawad
Pambasang Alagad Ni Balagtas manipud iti iti UMPIL (1996); CCP Grantee iti
Iluko epic (1982), Iluko Short Story (1988) ken Iluko drama (1990); presidente
ti GUMIL Filipinas (1989-1991) ken 1999-2003. Nagretiro a Literary Editor ti
Bannawag idi Hunio 30, 1997 tapno maipaysana ti takemna a kas presidente ti
Child Jesus College iti Caloocan City. Tubo ti Tabucolan, Santa, Ilocos Sur.
JOSEPHINA
V. HERREMA. Naiyanak idi Mayo 19, 1974 idiay Calasiao, Pangasinan ngem
dimmakkel idiay Burgos, Ilocos Sur. Nagturpos iti kolehio kas maysa a
secretarial associates iti NCBA, Sampaloc, Manila. Nagtrabaho kas maysa a
private secretary iti CEPZA, Cavite City, sa nagabroad kalpasan ti nasurok a
makatawen. Nakiasawa iti maysa a Hollander wenno Dutch ket naparaburanda iti
dua nga annak a babbai. Iti agdama, agtrabtrabaho iti maysa a restauran iti
Holland wenno Netherlands. Nagiray ken nasursurona ti agdaniw babaen ti naynay
a panagpaspasiarna iti Internet a nakaam-ammuanna kadagiti mannurat nga
Ilokano.
JOVITO F.
AMORIN. Anak ti Santa Maria, Ilocos Sur ngem agnaedda itan ken ti pamiliana sadiay United Kingdom. Naikamang iti Tayum, Abra ken ni sigud a Natividad Alagao Elvena ket adda maysa a bungada, ni Jonathan Angelo. Nabayag a nagserserbi iti PLDT. Kas mannurat, nangab-abak metten kadagiti nadumaduma a pasalip iti panagsurat iti sarita ket kangrunaan kadagitoy ti "Quo Vadis Domine" a nangabak iti Umuna a Gunggona iti Pasalip iti Ababa a Sarita nga inesponsoran ti Economy Tours and Travels, Inc idi 1984, kasta metten ti "Inaw" nga insalipna iti Komisyon sa Wikang Filipino ken ti "Kabbalay" iti umuna a pasalip ti Reynaldo A. Duque Short Story Contest ken dadduma pay. Maysa a nobelista, nakailibron kadagiti nobelana a pakairamanan ti Bonete ti Kaibaan, Bunton ken Ermitanio iti Bantay Sabangan. Maisagsaganan ti maikatlo a libro ti Bonete (trilogy) a napauluan iti Dua A Lubong. Madama nga ipablaak ti Ariwanas ti nobelana a napauluan iti "Ti Kampanero" a maysa a nobela idi panawen dagiti Kastila.
JUAN AL.
ASUNCION. Editor iti Literatura iti Bannawag, kameng ti FAMAS, miembro ti
National Press Club, ken maysa kadagiti nakipagpundar iti Tabunay Builders Club
(TBC) iti Tabunay, Sarrat, Ilocos Norte ti puonna. Nobelista iti komiks,
mannaniw, mannurat iti sarita, bukanegan ken drama iti entablado a kaauan ti
naiparang iti panagpiesta ti Sta. Rosa, Tabunay ken iti mismo nga ili ti
Sarrat. Editor ken bookd designer dagiti nadumaduma a libro nga impablaak ti
GUMIL Filipinas.
JUAN S.P.
HIDALGO, JR. Mabigbigbig a maysa kadagiti nangbuangay iti GUMIL Filipinas ken
iti U.P. Sunday Group. Gistayanna naapput ti National Artist award idi 2001.
Nobelista, mannaniw, mannurat iti sarita, pintor, agipatpatarus, sipiritual
healer, impaayanen iti pammadayaw dagiti sumaganad: CCP, UP Vanguard, Inc.,
GUMIL Filipinas, UMPIL, ken LGU ti Rosales, Pangasinan nga ilina. National
Fellow for Ilocano Literature iti UP Creative Writing Center idi 2000-2001.
JUNLEY L.
LAZAGA. Tubo iti Tagudin, Ilocos Sur, mangisursuro iti College of Arts and
Communication ti University of the Philippines Baguio. Maysa kadagiti Fellow
iti umuna a Cordillera Creative Writing Workshop a naangay iti Siudad ti Baguio
idi Abril 2007, kalpasan a magun-odna iti isu met laeng a bulan ti Bachelor of
Arts iti U.P. Baguio a nakalpasanna met laeng ti Master of Arts in Language and
Literature. Maysa pay kadagiti Delegado iti umuna a Taboan: Philippine
International Writers Conference (2010). Nakipagbangon iti Cordillera Young
Writers, Inc. a nakabase iti Siudad ti Baguio, mannurat ti salaysay ken daniw
iti Iloko, Filipino ken Ingles, agipatpatarus, ken naipaayan ti U.P. Baguio
Golden Jubilee Award (2011) para kadagiti gapuananna a daniw. Ni Iñigo Daniw ti
bungada ken ni kaingungotna a Janine Kaye C. Toca iti Donsol, Sorsogon.
JULIO V.
BELMES. Naipasngay idi Hulio 31,1967 iti daydi Lucas Queza. Belmes iti Linasin,
Bangued, Abra ken sigud a Catalina Biscarra Viejo iti Malabbaga, La Paz, Abra.
Lisensiado nga Arkitekto ken OFW, nagtrabahon iti Saudi Arabia, Singapore,
Dubai, ken Libya. Nangrugi ti essemna nga agsurat gapu iti maysa a babai ket
amin a balligi ken pannakapaayna iti biag, gapu met laeng iti babai. Iti
agdama, manamnama a mabirokannan ti pannakapnek ken talinaay iti sidong ti
maudi a babai iti biagna.
LEILANIE
G. ADRIANO. Tubo iti San Antonio, Pudtol, Apayao. Nagturpos iti Bachelor of
Science in Development Communication iti MMSU, Batac, Ilocos Norte ken agdama a
Senior Reporter ti Ilocos Times ken Correspondent iti nadumaduma a pagwarnakan
kas iti Yahoo Philippines, VERA Files, Women’s Feature Service, UCANEWS kdpy.
Inkakaubinganna ti nagbasbasa ti Bannawag a nakaipablaakan metten dagiti
dadduma a salaysayna. Idi ubing pay, kakibkibinna ti transistor radio-da a
pagdenggan kadagiti drama, bukanegan ken daniw a maibasa iti tangatang.
Malaksid iti kinaduekna nga agsursursor kadagiti nadumaduma a disso a dina pay
nabaddekan, maayatan la unay ta nasurotna met laengen ti desdes dagiti padana a
mannurat nga Ilokano tapno maibunubon dagiti balikas iti Kurditan Samtoy.
LEONARDO
S. FAGARAGAN. Dati a kameng iti PC Ranger a naidestino iti pagbabakalan kas
idiay Zamboanga del Norte, Jolo, Sulu ken Bongao, Tawi-Tawi idi 1974 agingga
iti l977 a kabara ti insurhensia. Naidestino kalpasanna iti III PC Zone, Cebu
City sa iti Camp Crame, Quezon City a nagretiruanna a kas SPO2. Direktor iti
GUMIL Filipinas, nangab-abaken kadagiti pasalip iti panagsuratan (AMMAFLA,
AVAIL). Tubo iti Valbuena, Pinili, Ilocos Norte.
LINDA T.
LINGBAOAN. Patneng nga Itneg ngem agsursurat, aged-edit ken agipatpatarus iti
Ilokano, Ingles ken Filipino. Psychology ti tinurposna ngem ginuyod ti umuna
nga ayatna: ti panagsurat ken panagbasa. Agsursurat iti daniw, sarita, ken
salaysay ken nakasurat metten iti maysa a nobela a naipablaak iti Bannawag.
Panagadal iti kultura popular aglalo iti pannakayaplikar daytoy iti biag dagiti
agtutubo ken ti relasion daytoy iti literatura ti ad-adda a pagirayanna iti
agdama. Agpapaay ita nga editor iti University of the Philippines Press.
LORENZO G. TABIN. Tubong Cabugao, Ilocos Sur subalit nakatira na ngayon sa Utah, USA. Nagtapos ng journalism sa Manuel L. Quezon University, at master sa Panitikan sa Unibersidad ng Pilipinas. Nalathala ang kaniyang 15 nobela at 62 maikling kuwento sa iba’t ibang magasin tulad ng Bannawag, Rimat, TMI Journal, Asia Philippines Leader, at mga antolohiyang Ingles sa Amerika. Nakapaglathala na ng mga aklat gaya ng Pakpakawan, Berde! at 21 a Sarita (Ano Ka, Sinusuwerte? at 21 na Kuwento) at ang bilingual na Woven Strands of Roses/Naabel a Linabag ti Rosas (2014). Nanalo sa mga patimpalak pampanitikan gaya ng Palanca, ETTI, GRAAFIL, RFAAFIL at tumanggap na ng pagkilala mulang GUMIL Filipinas, ang Pedro Bucaneg award. Naging pangulo ng GUMIL Metro Manila. Tagasalin at tagapagpaliwanag sa mga artikulo at libro ng Ang Simbahan ni Jesucristo ng mga Santo sa mga Huling Araw.
MANCIELITO S. TACADENA. Graduado iti AB English/Masscomm iti UNP, Vigan City. Administrative Assistant II iti Provincial Planning and Development Office iti kapitolio ti Ilocos Sur, ken Program Director ken host iti programa iti agsapa a “Morning with Antokoy” iti Around Ilocandia Channel (AIC). Nakaipablaaken iti sumagmamano a sarita, salaysay ken damdamag iti Bannawag ken nadumaduma a warnakan iti Ilocos Sur. Agnaed iti Namruangan, Cabugao, Ilocos Sur. Baro pay.
MANCIELITO S. TACADENA. Graduado iti AB English/Masscomm iti UNP, Vigan City. Administrative Assistant II iti Provincial Planning and Development Office iti kapitolio ti Ilocos Sur, ken Program Director ken host iti programa iti agsapa a “Morning with Antokoy” iti Around Ilocandia Channel (AIC). Nakaipablaaken iti sumagmamano a sarita, salaysay ken damdamag iti Bannawag ken nadumaduma a warnakan iti Ilocos Sur. Agnaed iti Namruangan, Cabugao, Ilocos Sur. Baro pay.
MANUEL D.
BENOSA, SR. Tubo iti Abinganan, Bambang, Nueva Vizcaya. Fulltime a mannalon,
nangrugi a nagsurat idi dekada sitenta. Nakaipablaaken kadagiti sarita ken
salaysay iti Bannawag, kasta met nga impablaak ti Hidalgo Creative Services ti
nobelitana nga “Ogie and Sher” (1996). Uppat ti bungada ken ni sigud a Sherly
M. Espino, da Sherma, Manuel Jr., Sherwin, ken Lucky Ryan. Adda metten dua nga
appokona, da Pau-Pau (Lucky Ryan Jr.) ken Man-Man (Manuel III).
MARIA
ROSA A. CABIE. Agdama a direktor ti GUMIL Filipinas. Dati a faculty adviser ti The New Floridian ti Florida Institute a
nangisuruanna ken nagpaayanna a guidance counselor. Nagisuro pay iti Espiritu
Santo Parochial High School iti Manila ken iti Dominican College Elem. Dept. ti
San Juan, Metro Manila. Anak da dati a Zenaida B. Alegre ken Feliciano M.
Atencio a nag-Mayor iti Moncada, Tarlac. Editor ti Dawa, pagiwarnak dagiti
i-Pinili iti Metro Manila. Nangabak metten kadagiti salip iti daniw (COVVLA,
AVAIL).
MARICHEL
E. SUGUITAN. Maysa nga OFW iti Hong Kong ni Marichel Eugenio Suguitan. Tubo iti
Solano, Nueva Vizcaya. Kameng ken opisial ti sumagmamano nga organisasion.
Naayat nga agbasa iti libro ken dandaniw. Pagpalpallailanganna met ti agdengngeg
kadagiti uray ania a klase ti musika, saan ketdi unay kadagiti love songs.
Mannakigayyem. Bisitaen laeng iti facebook.com/marichelmorna.
MARK
ANTHONY T. GANOTICE. Nayanak iti Manila idi Hulio 3, 1986 ngem dimmakel iti
Sanchez Mira, Cagayan. Da Montano ken Rosabella Ganotice dagiti dadakkelna—
maikanem iti pito nga agkakabsat. Da Antawn Luis ken Eunice ti bunga da ken
Janice Orillaza a taga-Bicol. Freelance. Kameng iti GUMIL Metro Manila, ken Umuna a Gunggona iti salip iti sarita iti AMMAFLA (2010).
MARTIN
FELICIANO T. ROCHINA. Nayanak iti Sta. Monica, Magsingal, Ilocos Sur ken
maikalima kadagiti annak dagidi Andres Rochina ken Leonora Taay. Dua ti annakda
ken ni dati a Teresita Viernes iti Nambaran, Sto. Domingo, Ilocos Sur. Kaaduan
kadagiti sinursuratna a sarita, daniw ken nobela ti rimmuar iti Bannawag.
Sumagmamano metten ti inabakna a pammadayaw iti panagsuratan iti sarita, daniw
ken nobela. Pasado a presidente ti GUMIL Metro Manila, ken pasado a
sekretario-heneral ti GUMIL Filipinas.
MELITON
GAL. BRILLANTES. Premiado a
mannurat, Pedro Bucaneg awardee; kas maysa kadagiti teddek ti kontemporario a
Literatura Iloko, malaglagipto kadagiti naidumduma a sarita ken novelana a
namsek iti local color ti Tanap ken pagbibiagan dagiti di malipatan a karakter
nga Ilokano, Ibanag ken Aeta iti away, karayan ken kabambantayan ti Cagayan.
Tubo ti Santa, Ilocos Sur ngem nagnaed ken ti familiana iti Sta. Teresita ken
Aparri, Cagayan. Inrugina ti Fine Arts iti University of the Philippines,
Diliman, Quezon City. Pimmusay idi Marso 20, 2004.
MIGHTY C.
RASING. Rakista. Mannaniw. Piksionista. Kaingungot ni Charina Trinidad-Rasing.
Agdama a youth worker, blogger, ken part-time businessman. Mabasa dagiti
gapuanan ken dadduma pay a pakakumikomanna iti http://mightyrasing.com.
NARGLON
C. UTANES. Naipasngay idi Marso 11, 1987 kada Narciso Alonzo Utanes iti Centro,
Buguey, Cagayan, ken sigud a Gloria Jove Calubong iti Piggatan, Alcala,
Cagayan. Kaingungotna ni sigud a Shelie nie Asuncion Villalon. Panagaramid iti
halowblaks ken pasaray panagmason-karpentero ti panggedanna. Pagaayatna ti
mapan agsirpat ken agkammel iti kaggo kadagiti dappat ti Karayan Buguey no
kasta nga awan pagobraanna.
NELSON G.
DALIGCON. Mannurat iti Iloko ken
Filipino, nangrugi a makaipablaak iti sinuratna idi agtawen iti 16. Malaksid
iti Bannawag, naipablaak
dagiti sinuratna a sarita, daniw ken salaysay kadagiti sumagmamano a nasional a
publikasion a kas iti Filmag ken Homelife, kadagiti web publications a kas
iti The Makata ken e-Manila Poetry, ken kadagiti
lokal a pagiwarnak iti Amianan. Nairaman met ti sumagmamano a sinuratna
kadagiti antolohia a kas iti SAGIBO,
Antolohia ti Sarita dagiti Agtutubo a Mannurat nga Ilokano; ken iti In Time Passing, There Are Things.
Nangab-abak metten kadagiti pasalip ti panagsuratan. Nagig-iggem iti programa
ti radio, gasut a daniw ken Bukanegan a pang-radio ti naputarna. Lima la a
tawen a tinurposna ti elementaria ken haiskul babaen ti promosion, nagadal iti
kolehio iti Cagayan State University ken St. Paul University. Bunga da Aurelio
Macadangdang Daligcon (pimmusayen) ti Abariongan Ruar, Sto Niño ken sigud a
Susana Temporal Guimmayen ti Cabaritan East, Ballesteros, agpada nga iti
Cagayan. Agnaed itan iti Tuguegarao City.
NEYO
MARIO E. VALDEZ. In-house editor ti Rex Bookstore, Inc. iti Quezon City,
contributor kadagiti educational journals, ken freelance editor ken evaluator
ken sumagmamano a publishing houses. Inleppasna ti abogasia iti PUP College of
Law. Nangabaken kadagiti pasalip iti panagsuratan ken inruarna ti libro a Maysa a Panawen iti Sirok ti
Kalunatsi, antolohia dagiti
sarita. Tubo iti Nanguneg East, Narvacan, Ilocos Sur.
NOLI S.
DUMLAO. Tubo iti Paoay, Ilocos Norte, resident writer iti Radyo Balintataw ti
MBC-DZRH Radio— nangabak iti Best Drama Program ken Best Culture and Arts
Program iti 17th Annual KBP Golden Dove Awards (2008) nga intuyang ti KBP.
Mannurat iti Bannawag. Nagbalin a kameng ti Rimat (nagserran). Sumagmamano
kadagiti saritana ti nangabak kadagiti pasalip kas iti Palanca. Katakunaynayna
iti biag ti kailianna a ni Zenaida Galinato.
NORBERTO
D. BUMANGLAG, JR. Tubo iti San Nicolas, Ilocos Norte, agnaeden iti Las Vegas,
Nevada. Retirado iti United States Air Force, imatmatonanna iti agdama ti
bukodna a negosio. Apagturposna iti Lyceum of the Philippines idi rinugianna ti
nagsurat iti drama iti estasion ti radio iti Laoag ken Nangalisan. Nagsursurat
iti sarita iti Bannawag aginga iti 1979.
Nailibay ti plumana iti ipapanna iti America; kalpasan ti tallopulo a tawen,
nakariing ti plumana ket sumagmamano a tawen a maysa kadagiti kaaktibuan a
mannurat nga Ilokano iti agdama.
PRODIE
GAR. PADIOS. Tubo iti Simpatuyo,
Sta. Teresita, Cagayan. Lineppasna ti Liberal Arts ken rinugianna ti BSE iti
Lyceum of Aparri. Premiado a sumasarita ken dumadaniw ken dramaturgo,
nangab-abak kadagiti pasalip ti GRAAFIL, Kokua Lima Hawaii No, ETTI, GETSMAIL,
COVLAA, KWF, kdpy. Nangabak iti grant para iti drama iti Iloko iti Cultural
Center of the Philippines. Nangabak pay dagiti daniwna a Tagalog iti Talaang
Ginto. Nobelista iti prosa ken komiks, novelana ti Rissik ti Essem, ken ti dagiti
nalatak a novela iti komiks a Gudmirtid ken Anak ti Kapre, nga agpapada a
naipablaak iti Bannawag a nagpaayanna a kas Literary
Editor. Iti agdama, agpapaay a kas Circulation Carrier Supervisor ken kas umuna
ken kakaisuna a Filipino a writer/blogger ti Red
Deer Advocate, aginaldaw a
pagiwarnak iti Central Alberta, Canada. Mabasa ti Filipino Connections a blogna iti reddeeradvocate.com.
Kas Licensed ken Certified Reflexologist (nagadal iti Canada), imatonanna ti
bukodna a klinika, ti Padios’ Reflexology, Wellness and Massage Clinic, iti Red
Deer, Alberta, Canada a pagnaedanda a sangafamilia. Kaingungotna ni sigud a Nirvana
Lansangan ket addaanda iti dua a bunga, da Bianca ken Odie.
QUEZON EVANGELISTA JAVIER. Buridek iti tallo nga annak da Florendo Agcaoili Javier ken
Elena Evangeline Lumabao-Javier iti Baresbes, Dingras, Ilocos Norte. Nagturpos iti BS in
Agriculture, major in Horticulture iti Mariano Marcos State University, Batac City, Ilocos Norte idi
2011. Nalpasna ti MS in Agronomy iti Don Mariano Marcos Memorial State University-North La
Union Campus, Bacnotan, La Union idi 2017. Empleado iti Department of Agriculture-Regional
Field Office I, City of San Fernando, La Union. Nakaipablaak metten kadagiti sinuratna iti
Bannawag ken iti dadduma pay a rehional a pagbasaan. Premiado a piksionista.
RAQUELITO B. CENAL. Naipasngay iti Balingit, Pamplona, Cagayan idi Agosto 10, 1982 kada Antonio M. Cenal ken sigud a Raquel A. Belmonte. Inauna iti dua nga adienna, da Francis ken Rose Ann. Inleppasna ti Bachelor in Secondary Education, major in Mathematics iti Cagayan State University-Sanchez Mira Campus. Iti agdama, maysa a maestro ti Mathematics iti Claveria Rural and Vocational School. Addan dandaniw ken saritana a naipablaak iti Bannawag. Naiyasawa ken ni sigud a Charmaine Lei Daquigan ti Centro 6, Claveria, Cagayan. Addaandan iti maysa a bunga, ni Leiraq Clarisse.
Elena Evangeline Lumabao-Javier iti Baresbes, Dingras, Ilocos Norte. Nagturpos iti BS in
Agriculture, major in Horticulture iti Mariano Marcos State University, Batac City, Ilocos Norte idi
2011. Nalpasna ti MS in Agronomy iti Don Mariano Marcos Memorial State University-North La
Union Campus, Bacnotan, La Union idi 2017. Empleado iti Department of Agriculture-Regional
Field Office I, City of San Fernando, La Union. Nakaipablaak metten kadagiti sinuratna iti
Bannawag ken iti dadduma pay a rehional a pagbasaan. Premiado a piksionista.
RAQUELITO B. CENAL. Naipasngay iti Balingit, Pamplona, Cagayan idi Agosto 10, 1982 kada Antonio M. Cenal ken sigud a Raquel A. Belmonte. Inauna iti dua nga adienna, da Francis ken Rose Ann. Inleppasna ti Bachelor in Secondary Education, major in Mathematics iti Cagayan State University-Sanchez Mira Campus. Iti agdama, maysa a maestro ti Mathematics iti Claveria Rural and Vocational School. Addan dandaniw ken saritana a naipablaak iti Bannawag. Naiyasawa ken ni sigud a Charmaine Lei Daquigan ti Centro 6, Claveria, Cagayan. Addaandan iti maysa a bunga, ni Leiraq Clarisse.
RENATO A.
PAAT ( Julio 4, 1941-Junio 14,
1996). Mannurat, edukador, ken ofisial ti ili nga anak ti Lasam, Cagayan. Maysa
a premiado a mannurat, nagpaay a principal iti pagadalan ken nagserbi kas
konsehal iti ilina.
REYNALD
F. ANTONIO. Naipasngay idi Agosto
1, 1970 iti Marede, Sta. Ana, Cagayan. Isu ti founder/sponsor ti Reynald F.
Antonio Awards for Iloko Literature (RFAAFIL) ken mangimaton iti
www.rfaafil.com, ti kaunaan a website ni Ilokano iti Salip iti Sarita ken Daniw
iti Internet. Nagturpos a cum laude iti BSBA-Accounting iti University of the
East iti Recto, Manila ken nairuarna ti examen iti kinakontador idi 1992.
Kaingungotna ni sigud a Tess T. Viduya ti La Union, sigud a mutia ti GUMIL
Metro Manila ken 1st Runner Up a Mrs. GUMIL Filipinas. Tallon ti saringitda, da
Aldrey, Adrian, ken Jathan.
REYNALDO
E. ANDRES. Nayanak sadiay Aparri, Cagayan kada Serapio C. Andres ti Abulug (pimmusayen) ken Lazara Evilla ti Faire (Sto. Niño itan). Nagtrabaho iti nasurok a 35 a tawen iti Mariano Mariano Marcos State University (MMSU) in Batac City, Ilocos Norte. Nasapa a nagretiro kas Administrative Officer V idi Disiembre 31, 2020. Agpapaay ita iti benneg ti Applied Communication iti Department of Agriculture – Nueva Vizcaya Experiment Station iti ili ti Bagabag, Nueva Vizcaya. Bayat ti kaaddana iti MMSU, nagpapaay kas Information Officer ti Ilocos Agriculture, Aquatic, and Resources Research and Development Consortium (ILAARRDEC). Mannurat iti Bannawag ken Agriculture Magazine ti Manila Bulletin. Nag-correspondent iti People’s Journal, People’s Tonight, ken Manila Times; ken contributor ti Philippine Daily Inquirer, Philippine Star, Manila Bulletin, Malaya, Agriculture Magazine, Greenfields Magazine, The Filipino Entrepreneur, ken iti agarup 20 a regional newspapers iti sapasap a pagilian. Sumagmamano kadagiti sinuratna nga Ilokano ti nairaman kadagiti antolohia a libro dagiti nadumaduma a GUMIL provincial chapters.
Manipud 1990 agingga iti 1996, nagkolumnista iti The Ilocos Times (Laoag City), Ilocos Herald, ken Norluzonian Courier (agpada a pagiwarnak ti La Union). Idi 1992 aginggat' 1998, nagpaay nga stringer ti Philippines News Agency, DephNews Philippines, kend PAJ News Service para iti northern Luzon. Nagpapaay a pesidente ti GUMIL - Ilocos Norte (1987 - 1993), Direktor ti GUMIL Filipinas (1990-1993), Business manager ti GF (1999-2001), ken PRO ti GF (2001-2003). Kameng pay ti Philippine Agricultural Journalists, Inc., Philippine Foundation of Rural Broadcasters (PFRB), Ilocos Norte-Laoag City Media Corp, ken Ilocos Norte Governor Press Corp. Idi 1991, innala ti University of Hawaii (UH) tapno agserbi nga editor ken translator iti English-Ilocano Dictionary a proyektona ditoy Pilipinas babaen ken ni Prop. Precy Espiritu nga isu idi ti nangimaton iti UH Ilocano Language Program.
Idi 2001, nangabak iti maikadua a gunggona iti Professional Media Award nga impaay ti DOST ken Philippine Council for Agriculture, Forestry, and Resources Research and Development (PCARRD). Sa itay idi 2013, inyalatnan ti umuna a gunggona iti isu met laeng a pasalip. Idi 2014, pinadayawan ti MMSU babaen iti Presidential Award in Science Journalism gapu kadagiti adun a salaysay a sinuratna maipapan kadagiti kabaruanan a teknolohia iti panagtalon a sinukisok ti Unibersidad. Idi 2019, binigbig ti Ilocos Times kas Most Outstanding Ilocano iti Ilocos Norte iti tay-ak ti Agricultural Journalism. Nairamanen ti naganna iti directory dagiti Ilocano writers iti Filipinas ken iti abroad.
REYNALDO
A. DUQUE. Immawaten iti nasurok a sangasut a pammadayaw kadagiti salip iti
panagsuratan iti daniw, sarita, nobela, drama, iti Ilokano ken Filipino kas iti
Palanca, KWF, ken dadduma pay. Nakaawat metten kadagiti pammadayaw gapu
kadagiti kontribusionna iti Literatura dagiti Ilokano ken iti Pagilian kas iti
Pedro Bucaneg Award manipud iti GUMIL Filipinas, Gawad Pambansang Alagad ni
Balagatas manipud iti UMPIL. Tubo iti Candon, Ilocos Sur.
RICARTE
A. AGNES. Premiado a mannurat iti sarita, nobelista, kolumnista iti
Bannawag, naisaad kenkuana ti Pedro Bucaneg Award (2002) manipud iti GUMIL
Filipinas, ti kangatuan a pammadayaw nga ipapaay ti nasao a gunglo kadagiti
mannurat nga Ilokano. Kameng kadagiti nadumaduma a gunglo iti Hawaii, adviser
ti GUMIL Oahu ken maysa kadagiti nakipagbangon iti nasao a chapter ti GF. Maysa
nga inhiniero, nagpaay kadagiti nadumaduma nga ahensia ti gobierno iti
Filipinas sakbay a nagnaed iti Hawaii. Tubo iti Sarrat, Ilocos Norte.
RIDEL T. CABULISAN. Maysa a mannalon a tubo iti Masisit, Sanchez Mira, Cagayan. Buridek iti uppat nga agkakabsat nga anak da Fedelino Cabulisan iti Masisit, Sanchez Mira, Cagayan ken daydi Dios-ti-aluadna a Teresita Tabian iti Nagattatan, Pamplona, Cagayan. Nainspirar nga agsurat gapu kadagiti Mangngaggos. Fellow ti Pasnaan 5. Nangabak iti pasalip ti Imbiit a sarita iti 2nd Premio Asseng ken ababa a sarita 16th AMMAFLA. Nakaipablaaken ti sarita, salaysay ken sumagmamano a daniw ken alana a ladawan iti Bannawag.
ROGELIO A. AQUINO (Setiembre 15, 1946- ). Naipasngay iti Tucalana, Lallo, Cagayan. Premiado a mannurat. Adu a sarita, salaysay, ken novela ti naipablaakna iti Bannawag.
ROGELIO A. AQUINO (Setiembre 15, 1946- ). Naipasngay iti Tucalana, Lallo, Cagayan. Premiado a mannurat. Adu a sarita, salaysay, ken novela ti naipablaakna iti Bannawag.
ROLAND
PE. URATA. Maikapito kadagiti
sangapulo nga annak daydi Silvestre Urata ken sigud a Felicidad dela Peña.
Naipasngay idi Setiembre 8, 1951. Maysa kadagiti nangbangon ken panuli ti GUMIL
Cagayan, a pakairamanan dagiti kakabsatna a da Antonio ken Arthur. Adu a
seminar-workshop ti inorganisarda a nakamulian dagiti nalalaing itan a mannurat
iti Cagayan. Nagleklektiur ken naghurado kadagiti pasalip iti panagsurat iti salaysay
ken sarita. Napili pay a direktor ti GUMIL Filipinas idi 1987. Nagserbi iti
naunday a panawen iti Department of Public Works and Highways. Pimmusay idi
Agosto 17, 2001. Inulilana da Vicky nga asawana ken ti dua a barona, da Junjun
ken Raymond.
ROLANDO
A. SEGURO, JR. Naiyanak idiay
Minanga Sur, Lasam, Cagayan ngem dimmakel idiay Allacapan, Cagayan. Nalpasna ti
Bachelor of Science in Acountancy idiay Cagayan Colleges Tuguegarao (University
of Cagayan Valley itan) ken agdama nga Acting Microfinance Supervisor iti Rural
Bank of Gattaran-Allacapan Branch. Duan ti annakda ken dati a Levie Ramos ti
Bulo, Allacapan, Cagayan, da Angelica Faith ken Leigh Louis.
RONNIE E. AGUINALDO. Naipasngay idi Nobiembre 25, 1990 iti Minabel, Puro Camiguin, Calayan, Cagayan. Inauna iti innem a saringit da Rudy Paleracio Aguinaldo ti Villa, Santa Teresita, Cagayan ken sigud a Veronica Dalo Estorba ti Minabel. Nagturpos iti elementaria iti Minabel Elementarey School ken iti haiskul iti St. Francis Academy iti Santa Teresita. Inleppasna ti Electronics-NCII iti Aparri School of Arts and Trade. Inyenrolna ti BS Education iti Cagayan State University-Gonzaga Campus. Kas mannaniw, aktibo saan la a kas agsursurat no di pati kas mannaniw iti radio. Nagpaay a kas co-host ti Uged ken Aweng ti Pluma (UKAP) a programa iti DWTS community radio ti Santa Teresita a pakaibasbasaan dagiti daniw nga Ilokano. Adun ti daniw ken saritana a naipablaak iti Bannawag. Premiado a mannurat, inyalatna ti Maika-3 a Gunggona iti salip ti sarita ti AMMAFLA 2008-2009, ken ti Umuna a Gunggona iti salip iti daniw a para ubbing ti GUMIL Ilocos Norte idi 2011. Nagpaay pay a presidente ti GUMIL Santa Teresita.
ROSALIE
A. BARNACHEA. Tubo iti Caliguian,
Burgos, Isabela, naipasngay idi Marso 21, 1983 kada Rodrigo Garcia Barnachea
iti Balintocatoc, Santiago, Isabela (Agoo, La Union ti puonda) ken sigud a Fely
Peralta Albano ti Caliguian (naiyanak sadiay Pinili, Ilocos Norte). Nagbasa iti
BS Industrial Education iti Isabela State University. Nagtrabaho iti nadumaduma
nga establisimiento ti komersio iti Santiago City, Alabang, ken Laoag City
sakbay a nagobra idiay Dubai, UAE. Iti agdama, agob-obra kas OFW iti Hong Kong,
a pangiraprapinanna nga agputar iti dandaniw ken sarita. Addan sumagmamano a
daniwna a naipablaak iti Bannawag.
ROSITO D.
PIMENTERO. Limtuad ken nagsulbod
iti Centro, Buguey, Cagayan. Nagelementaria iti Buguey Central School ken
naghaiskul iti Northeastern Academy iti ilina. Nangala iti Bachelor of Science
in Animal Husbandry iti Araneta University. Naipablaak dagiti sinuratna iti The Aggie a magasin ti nasao nga
universidad. Imbes a dagiti dinguen ti bakunaan ken ineksionanna, dagiti ketdi
tao kas Rural Sanitary Inspector ti Department of Health, RHU, Lasam, Cagayan
(1975-1988) a nagkatrabahuanda ken sigud a Marilou Pajarillo Ramones a nagbalin
a kasimpungalanna. Nagpresidente iti GUMIL Lasam. Namindua met a nag-External
Vice President ti GUMIL Cagayan. Sinuratna iti Bannawag dagiti maipapan iti insurhensia
iti Cagayan idi dekada 80s. Nagpa-America idi 1988. Maysan a U.S. citizen ken
agnaeden iti Hawaii Grande. Premiado a mannurat iti Hawaii.
ROY V. ARAGON. Naipasngay ken dimmakkel iti Mabasa, Dupax del Norte, Nueva Vizcaya. Fiksionista, mannaniw, translator, book editor/designer, ken a book collector ken bookworm. Managluto pay ken mannida iti pinakbet, dinengdeng, kappukan, pinapaitan ken dadduma pay, a namkuatanna nga agbalin met a food blogger (kitaen ti Pinakbet Republic, pinakbetrepublic.blogspot.com, ken ti Ilokano Food page iti Facebook, facebook.com/ilokanofoods). Agsursurat a kangrunaan iti Ilokano, ken no dadduma, iti Tagalog (Filipino). Nakaipablaaken iti Bannawag, Liwayway, ken dadduma pay a pablaakan a printed, digital ken web-based. Nairaman ti sumagmamano a sarita ken daniwna kadagiti antolohia nga impablaak ti GUMIL Filipinas. Sumalsali met sagpaminsan kadagiti salip iti panagsuratan ket nagab-abak metten iti GRAAFIL, Palanca, Talaang Ginto, kdpy. Fellow iti Ilokano Fiction iti 26th U.P. Writers Workshop idi 1996; iti Ilokano Poetry iti 9th Lamiraw Literary Workshop idi 2012; ken delegate/panelist iti 2011 Taboan Writers Festival . Inruarna idi 2000 ti umuna nga Ilokano e-book, ti Napili ken Saan a Napili a Dandaniw ken Dadduma Pay a Riknakem, a nakaurnongan ti 40 a dandaniwna, nga imparangkapna kas libre a ma-download iti website-na. Inruarna iti 2015 ti librona a BAGI: dandaniw a nakatiponan dagiti napili a daniwna. Isagsagana ti umuna a libro dagiti ababa a saritana ken ti maikadua a koleksion ti dandaniwna.
ROWENA G.
RUIZ. Naipasngay idi Disiembre 4,
1980 idiay Quirino, Ilocos Sur. Umuna a bunga da Anselmo Ruiz ken Francisca
Galangey. Nagturpos iti Midwifery iti University of Northern Philippines –
Candon City. Nagtrabaho a social worker iti maysa a non-government organization
iti Siudad ti San Fernando iti La Union. Maysa itan nga OFW iti Hong Kong. Iti
nasao a lugar, masansan nga aghurado kadagiti pasalip iti pageant manipud panangabakna
idi 2009. Kameng iti Grupo Dagiti Mannurat nga Ilokano iti Hong Kong.
Pagaayatna nangruna no awan ob-obraenna ti agbasa kadagiti nadumaduma a libro
ken ti agsurat iti daniw.
RUDY RAM.
RUMBAOA. Maikadua iti uppat nga
annak da Adelindes ken Dios-ti-aluadna nga Emeterio iti Laoag City, nagtrabaho
a newswriter iti maysa a radio station iti nasao a siudad sakbay a nagpa-Hawaii
idi 2000. Malaksid iti daniw ken ababa a sarita, agparpartuat met iti kankanta
nga Ilokano— pagirayan nga agpapada nga ibisbislinna iti trabahona iti maysa a
longterm nursing care facility iti Kahului, Maui. Autor ti “Di Nakapappapati,
Ngem Pudno” a kolum iti Fil-Am
Observer, lokal a pagiwarnak dagiti Filipino iti Hawaii. Ni dati a Monica
J. Montano ti kaingungotna, ket adda maysa nga anakda, ni Sofia Monique.
SHERMA E.
BENOSA. Freelance writer ken editor ti nadumaduma a magasin. Autor ti Dagiti Babassit nga Alipugpog,
antolohia dagiti sarita, kas paset ti UBOD New Author Series ti NCCA idi 2010.
Lepleppasenna ti masteralna iti UP Diliman a nagturposanna iti kolehio, a
nakatuon ti panagadalna iti Lengguahe dagiti Ilokano. Tubo iti Bambang, Nueva
Vizcaya.
VIC P.
PACURSA. Tubo ti Lasam, Cagayan.
Premiado a mannurat iti sarita, daniw ken salaysay. Sinuratna ti nai-Bannawag a salaysay maipapan iti padasna
kas OFW iti Middle East a nagam-udan ti umuna a Gubat iti Gulpo, idi rinaut ti
Iraq ti Kuwait.
VICENTE
P. PALCONG. Tubo iti San Ildefonso, Ilocos Sur, nagturpos a Cum Laude iti B.S.
in Industrial Education. Nalpasna ti Master of Arts in Industrial Education,
nangisuro iti eskuela publika ken iti EARIST iti Manila. Eksperto iti
Technical-Vocational Education and Training, nadumaduma a pagilian ti
naadakanna gapu iti trabahona iti International Labour Organization ken United
Nations. Adun dagiti sarita, salaysay ken daniwna ti naipablaak iti Bannawag.
Kaingungotna ni sigud a Victoria Castro ket tallo ti bungada.
VILMER V.
VILORIA. Malaksid iti kinapolitikona, am-ammo kas agiwarwarnak ken
agirakrakurak iti radio.Mannurat iti salaysay ken mannaniw. Agdama a
Bise-Presidente iti GUMIL Filipinas ken mamagbaga iti GUMIL Cagayan. Consultant
iti Mangngaggos Club wenno maibilang a Grandmaster Mangngaggo. Pagaayatna ti
agkanta ken agisagana iti masida nangruna iti kilawen.
VIVENCIO
S. BACLIG. Tubo iti Cabugao, Ilocos Sur, nangala iti Associate in Arts iti UP
Diliman, ken nagturpos iti abogasia iti MLQU School of Law. Maibilang kadagiti
nadumaduma a nagpaayanna: hepe ti Provincial Fiscal’s Office (Ilocos Sur); hepe
ti City Prosecutor’s Office (Olongapo); chief of staff ni Undersecretary of
Justice Silvestre H. Bello III. Agdama a presiding judge iti RTC, Branch 77, Quezon City ; propesor iti MLQU School of Law ken iti Philippine
Christian University College of Law. Kalpasan ti panagretirona nga ukom iti
Regional Trial Court iti Quezon
City , nagsubli a
nagsurat (kolumnista iti Bannawag) a kunana nga umuna nga ayatna. Agdama a
presidente ti GUMIL Metro Manila ken GUMIL Filipinas.
Comments
Post a Comment