ARIEL SOTELO TABÁG

1 st PREMIO ASSENG Salip iti Kurtistext (saan a Curtistext, kas immunan a naipakaammo; sori na, tao lang :p ) Gapu ta saan a nangabak dagiti mangngaggo iti salip iti dionatext malaksid iti panag-finalist ni Jobert M. Pacnis iti naminsan, piman, napanunotko ti agpasalip met tapno bareng mangabakda ditoyen. Ngem siempre, saan a pasigurado nga isuda ti mangabak. Ta adu met ti nalalaing ngem isuda a saan a mangngaggo— dagitay managtirem ngay. Apay a 1 st ? Wen, a, ta addanto pay sumarsaruno a salip a mabalin a saanton a kurtistext. Dagiti Pagannurotan; 1. Silulukat ti salip kadagiti amin nga Ilokano nga addaan selpon ta mai-text laeng ti pakisalip— isu ngarud a kurtistext. Naiwayat met daytoy a salip ta saan a makasurat ni Asseng iti kapkapnekanna a kurtis. 2. Agingga iti dua laeng ti mabalin nga isalip ti tunggal kumukurtis ta narigaten no ag-hang ‘toy nawapo a selpon ni Asseng. Mabalin nga ag-finalist ti dua a kurtis ti maysa a kumukurtis ta dina met pakabasolan ...

Sika ket kamia iti dakulapko iti agnanayon, kinunak kenka Ngem perperrengek ti dalipato daytoy nalam-ek a sardam A kas man nagtagilangaka dita kalpasan a nauram dagiti ladawan Ti kinaubingta— naisangrat iti panagrupsa ti lagip nangruna No kas iti kanser a mangkibkibkib iti lasag, suknorenna ti puso, Ti utek ket diak mabalabala no kasano nga agepak ti linnaaw A kaasping dagiti luam. Ngem apay met a no sutilen ti angin ti temtem, Lemmesennak ti salemsem a nangdilpat kadagiti labus a dapan A nagdaliasat, nangrukod iti nailet ngem nakalanglangto a lubongta? Sinurotta ti lawag ti kabus kadagiti urit ti sampedro; imbatokta Ti dudukot ti kalgaw iti ray-aw ti dan-aw; binilangta iti dakulap Ti tunggal maysa ti kari ken namnama dagiti bunubon; impabulodta Iti bambanti dagiti katkatawa a mangbugtak iti kinasulpeng Dagiti billit-tuleng; binordaanta ti aglawlaw kadagiti arapaap; Inkitikitta kadagiti kayo, bit-ang, tambak, law-ang ti patempategta. Saanta a bannatiran wenno tukl...

Ket wen, nakapagmodelo metten ni tatangko, ni Tatang Artemio Tactac Tabag. Ket iti pay met pagmamahalna piman a Bannawag. Wen, pagmamahal kunak ta manipud pay idi 1984, awanen ti labasna a gumatang ni tatangko iti Bannawag. Uray no awan makukuartami idi, adda latta Bannawag a gatangen ni nanang ta no awan, ma-outside de kulambo isuna, hehehe. Kas pangarigan, iti naminsan, gimmatang laeng ni nanang iti asukar (awanen ti kape ta mabalin met ti mangpakset iti bagas), bugguong, ken Bannawag. Kasta ti panangipateg ni tatang iti Bannawag. Nalabit, maysa daytoy kadagiti motibasionko iti panagsuratko, ken nagangayanna, ti panagarapaapko nga agbalin a kameng ti Bannawag. Pudno, ad-adu a porsiento ti para ken ni tatangko ti kaaddak iti tay-ak ti Literatura Ilokana, kas panagyamanko met kenkuana iti panagtubayna kaniak kas maysa a tao. Siempre, dakkel a yamanko no ibagak a daytoy para ken ni tatang (ti panagsuratsuratko), ket isu met gayam ti kayatko nga aramiden iti daytoy a biag. ...

CONCEPT AND GUIDELINES With Samtoy Books as publisher, the project will meet the following objectives: a) Amplify the voice of the Ilocano youth. b) Celebrate the joy in writing. 1. Writers must be Ilokanos 25 years old and below (at the time of publication, February 2, 2013), residing in Ilocos Norte. So long as their permanent address is in Ilocos Norte, those working or studying outside the province may also contribute. Ilocos Norte natives who have lived overseas for not more than five years may also contribute. 2. The personal essays will revolve on the life and times of the Ilokano youth. All topics are welcome, so long as they reflect: 1) the Ilocano and 2) the youth in our time. The essays do not have to explicitly tackle Ilocano culture and lifestyle. Ilokanoness and youthfulness must be reflected without doing hard sell. 3. Length of contributions must be between 800 and 1500 words. 4. Essays may be in English, Filipino, or Ilokano. Ideally, 70% of the essays i...

Maisagsaganan ti Diretso Manipud iti Puso: Antolohia Dagiti Daniw ni Ayat Dagiti Ilokano. Ipablaak daytoy ti Diretso Manipud iti Puso Facebook Group ken Saniata Publications.  Agpaay nga editor da Ariel S. Tabag, Corazon F. Quiamas ken Roy V. Aragon. Pagalagadan iti Panagidatag:  1. Uray mano ti daniw nga idatag (di pay naipablaak wenno naipablaaken iti magasin, wenno dadduma pay a babasaen, wenno naipaskilen iti Internet). No naipablaak wenno naipaskilen, masapul nga adda notasion iti baba ti sinurat mainaig iti detalye ti pannakaipablaak daytoy. No naipaskilen iti blog ti Diretso Manipud iti Puso, ti autor ti mangadaw iti daytoy ket idatagna met laeng kadagiti editor. Segun ketdi iti pangngeddeng dagiti editor dagiti mairaman a daniw. Karbengan dagiti editor ti di mangipablaak kadagiti maidatag a daniw a di makapatar iti pagrukodanda.  2. Daniw ni ayat ti idatag. No daniw ni ayat, kunatayo, isu daytay romantiko, ken/wenno karnal wenno seksual a panag...