2 a Daniw ken ni Anib Miguel, umuna a saringit

hani, asseng ken anib

’MAYKAN, ANIB...

’maykan, anib, dika agbatbati
kadagitoy batibat agdama a panawen
sika ti saning-i, rupanget ken isem
da ama ken inam
no balabalaenda ti masakbayam,
no bitbitenda dagiti mabitibit
iti sangadakulapan nga aldaw
bareng maikitikitda kenka
tinagilangada a dida natun-oy
guyugoy napugsat nga unnoy
itag-aydanto ti kalis a sika
agependanto ti libro a sika
agbakabakada nga ikarayam
dagiti teggedenda a garakgakmo
bareng nalinlinakto ti baybaymo
inton agluniten ta lulonam
a mangsallukob iti nataltalna a lubong
maturogka latta nupay riniing
da ama ken inam ti parbangon.
’maykan, anib, dika agbatbati…

NOLI S. DUMLAO
Paoay, Ilocos Norte


BANGONEK TI PEDESTALMO
(ken ni anib miguel)

Urnongek dagiti bun-as ti kalgaw a naipempen
iti sagumbi ti kalapaw ken dagiti apgad
ti atab a naidaknir iti kadaratan ket pagtipkelek
ida kadagiti abagak a nangibuat iti dagsen
ti lubong: ditoy a sumaek dagiti ling-et ken lua
ken panawen a katukad ti pedestal nga ipatawidko
kenka. Dimo libian a kas iti panagdawatmo
iti mamador ti arapaapko; ammok nga ipennekto
ti awitko ti amin a dagsenna tapno umagep
dagiti tumengko iti daga. Ibagak manen kenka,
dimo tagibassiten dagiti naridam a barukong
ken dakulapko, nailimogkon ti kabirtudan
nga an-anib ti paria iti gatas ni inam sakbay
a nagtugmok ti linnaaw ken daga. Dinak kagura
iti panangpampagko iti bigao, (kas met iti dengngep
ti moonlight sonata ni beethoven wenno
dungdungnguenkanto nga umukuok iti nakemmo
ket ilallayda kenka ti pudno a maris ti pammateg)
ta mariing ti panunotmo tapno ibuksilanna
ti adu a nagdumaan ti panagpampag ken panagtaep.

Ay, isemamto la ketdi ti agsapa nga agtakderka
ket gaw-atemon ti balbag ti langit kas iti paludipmo
iti anghel a kasigudmo bayat ti panagregreg
dagiti lua ni inam iti barukongko: kas kaniak,
pinanesanna ti panagtakder ti presidente iti dagumpo
dagiti bangkay ti republika ken naganmi. Namnamaek
a nabatokmonton dagitoy a lua, nasumarmonton
dagiti ling-et ket naitalekmon iti angin kas sandi
ti isagutmo nga anges iti lubong. Ammom kadi
a nalpaag ti apuy iti kaunggak a pinasgedan
dagiti gil-ayab ti kalkalsada idi idateng ti pul-oy
ti dayyeng ti panaginatmo?

Ala ket dumanonka iti laem ti dungngomi ken inam
tapno mapagdasigmo dagiti pammateg ti dawa ken asin.

A.S. TABAG
081105

Comments

  1. Ka IddoAugust 16, 2005 at 6:46 PM

    hmmn...naguguapo met ngem sika, 'seng! inton damom a pukisan, isapitmonto kadagiti libro ti dandaniw, sarsarita ken nobnobela ta mannuratto met! bareng no makabasanton datao iti pers prays, anak, seken prays, ama! hehehe! garuden!

    ReplyDelete
  2. rvaAugust 16, 2005 at 7:32 PM

    congrats manen, asseng!

    'ton ano kad' a buniagantay' iti asin ken pagsaritaantay' ti lidok?

    bareng maikari met datao nga atanudyo ken dungngom...

    ReplyDelete
  3. Ariel S. TabagAugust 19, 2005 at 9:19 PM

    mang jim: bareng a no dina ipamaysa a sursuruen ti alae. ala, ket ragsakko la unay a no an-anawaekto ti panangugmokna kadagiti ilokano a babasaen ditoy balay.

    mang rva: apay ketdin a haan manong, pakaidayawanna. bareng no itoy a disiembre. pakaammuankayto.

    asseng

    ReplyDelete
  4. abrilAugust 23, 2005 at 9:41 PM

    ne, nakamaysaka metten, ariel! kongrats, mariknamon ti naiduma a rikna ti maysa nga ama, kanayonmo nga ibakasion idiay cagayan tapno saanto nga "alae" no di ket patnengto nga ilokano.

    ReplyDelete
  5. Ariel S. TabagAugust 27, 2005 at 1:05 AM

    wen, kaka abril, dumakkelto la ketdi nga ilokano, iti panunot ken aramid.

    apong ariel, barbareng matakuatannanto dagiti kinapudno ken umno a natakuatan ken di pay natakuatan.

    thanks kadakayo.

    asseng

    ReplyDelete

Post a Comment

Popular posts from this blog

VOICE TAPE

Image
VOICE TAPE   Kuwento ni ARIEL SOTELO TABÁG (Updated Version) Photo credit:  ask.metafilter.com NITONG pinakahuling bakasyon ko sa bayan kong Santa Teresita sa Cagayan, nanariwa ang alaala ko labingwalong taon na ang nakararaan—iyong taon na may nangyari kay Tito Ato, ang kapatid ni Nanay na sumunod sa kaniya.   Noong hinahanap namin ni Nanay ang mga sertipiko ng mga awards ko sa elementarya at hayskul para magamit ko bilang pampakapal ng credentials ko bilang titser sa Maynila, may ‘ibang bagay’ pa kaming nahanap.   Sabi ni Nanay, inilagay niya ang mga sertipiko sa lumang envelope bag na may markang LA na napanalunan niya sa pagkaskas ng balat ng nasabing brand ng sigarilyo. Nang mahanap at mabuksan namin ang bag, wala ang mga sertipiko.   Iyon   pala, nakarolyo at nakasilid ito   sa isa sa apat na piraso ng buho na pinaglagyan ni Nanay ng aming birth certificate . (Tatlo lang kaming magkakapatid at hindi na sila sumagad sa...
Adda pay nayonna

ARIEL SOTELO TABAG

Image
ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999) ...
Adda pay nayonna

KARAPOTE (UDPATED)

KARAPOTE (KAPORRITI) Sarita ni ARIEL SOTELO TABÁG   NAYANAKAK a suni. Wenno immun-una dagiti sakak a rimmuar ngem ti ulok idi ipasngaynak ni nanang. Dayta ti kuna da nanang ken Lilang Balling, ti baket a mangngilut ken lumulualo a nangpaltot kaniak. Isu kano nga adda bileg dagiti dakulapko. Aprosak laeng ti tengnged a naitdalan— daytay nasiitan iti karabukob—dagus a sumuroten ti siit iti maminsan laeng a panagtilmon.   Manmano kano ti kas kaniak. Isu a nagasatak kano—nga isu met ti panagkunak. Mapatangam la ketdi dagiti addangmo, awanen ti nagasgasat ngem sika, kinuna ngarud ti naam-ammok a lakay a mammalad naminsan a naipasiarak iti kabangibang nga ili. Adda ketdi daydi dinakamatna a nasuerte met a padak ngem diakon malagip.   Ngem mamatiak iti kinuna ti lakay. Siguradoak a kasingin dayta ti kinalaingko a mangngilut wenno mammullo. Adu ti kalugarak nga umanamong iti dayta.   Naminsan, awan pay sangapulok idi, naluspiko ni tatang bayat ti panagar-ar...
Adda pay nayonna