Anasaas iti Karayan: Tinignayna ti panangipateg iti kultura
Maysa a pabuya kultural nga imparang ti gobierno probinsial ti Cagayan babaen ti Cagayan Museum and Historical Research iti Tuguegarao City a pangrambak iti Pebrero a kas Nailian a Bulan ti Arte ti nangtignay iti rikna dagiti nagbuya tapno itandudoda ti arte ken kultura iti Tanap ti Cagayan.
Napauluan iti “Anasaas iti Karayan (Ripples in the River)”, naiparang iti pabuya ti sangauyon a daniw, dallot, samiweng ken sala a tagipatgen dagiti Ilokano.
Buklen dagiti nagpabuya dagiti mannaniw, kumakanta, mannala, ken concert artist manipud iti Kailokuan ken Tanap ti Cagayan.
Kaaduan kadagiti naggapu iti ruar ti Cagayan ti kameng ti GUMIL Filipinas, gunglo dagiti mannurat nga Ilokano iti pagilian ken ballasiw-taaw nga indauluan ti presidentena a ni Elizabeth M. Raquel, ken ti Daniw ken Basi, maysa a tignay a mangitandudo iti Ilocano performing art a buklen ti Tres Tarappait, Samtoy Band ken dadduma pay a mannurat.
Dinar-ayan dagiti nailian ken lokal nga opisial iti gobierno, ken dagiti tumultulong iti kultura ken arte ti nasao a programa. Kalpasan ti pabuya, kaaduan kadagiti nakipagpaset ti nangituding iti planoda nga ipabuya met ti umarngi a pabuya kadagiti convocation dagiti pagadalan, piesta ken dadduma pay a pasken, ken uray iti panagtataripnong dagiti kaamaan tapno ad-adda pay a mapasantak dagiti nasao a kannawidan.
Paset ti nadakamat a pasken iti makabulan nga aktibidad iti Pebrero 2011 kas 20th Philippine International Arts Festival tapno maitampok ti panggep ti Nailian a Bulan ti Arte a panangitandudo iti Kultura ken Arte ti Filipinas partikular ti pannakapabileg ti kinamanagpartuat ken kinasariwawek ti panagpampanunot dagiti Filipino.
Ti pasken ket inlungalong ni Prof. Jim P. Domingo, maysa a mabigbigbig a histo-cultural researcher, ken inyimplimentar ti LGU ti Cagayan babaen ken ni Museum Curator Primitiva C. Talla, ken da Lorie D. Malbog, Emma C. Gammad, Paul D. Agustin, Rosemarie B. Gutierrez ken dadduma pay a cultural worker iti probinsia. (Edna A. Lacerona)
Napauluan iti “Anasaas iti Karayan (Ripples in the River)”, naiparang iti pabuya ti sangauyon a daniw, dallot, samiweng ken sala a tagipatgen dagiti Ilokano.
Buklen dagiti nagpabuya dagiti mannaniw, kumakanta, mannala, ken concert artist manipud iti Kailokuan ken Tanap ti Cagayan.
Kaaduan kadagiti naggapu iti ruar ti Cagayan ti kameng ti GUMIL Filipinas, gunglo dagiti mannurat nga Ilokano iti pagilian ken ballasiw-taaw nga indauluan ti presidentena a ni Elizabeth M. Raquel, ken ti Daniw ken Basi, maysa a tignay a mangitandudo iti Ilocano performing art a buklen ti Tres Tarappait, Samtoy Band ken dadduma pay a mannurat.
Dinar-ayan dagiti nailian ken lokal nga opisial iti gobierno, ken dagiti tumultulong iti kultura ken arte ti nasao a programa. Kalpasan ti pabuya, kaaduan kadagiti nakipagpaset ti nangituding iti planoda nga ipabuya met ti umarngi a pabuya kadagiti convocation dagiti pagadalan, piesta ken dadduma pay a pasken, ken uray iti panagtataripnong dagiti kaamaan tapno ad-adda pay a mapasantak dagiti nasao a kannawidan.
Paset ti nadakamat a pasken iti makabulan nga aktibidad iti Pebrero 2011 kas 20th Philippine International Arts Festival tapno maitampok ti panggep ti Nailian a Bulan ti Arte a panangitandudo iti Kultura ken Arte ti Filipinas partikular ti pannakapabileg ti kinamanagpartuat ken kinasariwawek ti panagpampanunot dagiti Filipino.
Ti pasken ket inlungalong ni Prof. Jim P. Domingo, maysa a mabigbigbig a histo-cultural researcher, ken inyimplimentar ti LGU ti Cagayan babaen ken ni Museum Curator Primitiva C. Talla, ken da Lorie D. Malbog, Emma C. Gammad, Paul D. Agustin, Rosemarie B. Gutierrez ken dadduma pay a cultural worker iti probinsia. (Edna A. Lacerona)
Comments
Post a Comment