ARIEL SOTELO TABÁG

  Daytoy ti maikadua a chapbook daytoy numo ket kas iti immuna ( Bangabanga) , iburayko daytoy a libre.  I-download laeng ngarud ditoy: PANANGPABUS-OY ITI DAGA KEN DADDUMA PAY A DANIW NI ARIEL SOTELO TABAG   Dios ti agngina ket sapay koma ta adda sangkabassit maagsawyo kadagitoy a daniw.

  Ni ARIEL SOTELO TABAG | “Daytoy Dilatayo” iti Oktubre 16-31, 2021 a bilang ti Bannawag Ladawan ti marunggi wenno marunggay manipud iti pinakbetrepublic.blogspot.com  ITI maysa a programa iti radio iti Tuguegarao, Cagayan bayat ti kampania iti eleksion nasional idi 2001, iti diakon malagip a nangrugian ti patangan, nasdaaw daydi nag-Senador Juan Flavier (nga adda met ammona iti Ilokano gapu iti panaghayskulna iti Siudad ti Baguio) idi imbaga ni nag-Senador Juan Ponce Enrile nga iti Cagayan, marunggi ti awag iti marunggay, idinto a burburti ti awag iti burburtia. (Agpada dagitoy a kandidato iti Senado iti daydi a tiempo; nangabak ni Flavier idinto a naregreg ni Enrile.) Husto ni nag-Senador Enrile a tubo ti Caroan, Gonzaga, Cagayan a dua laeng a barangay ti baet daytoy iti barangaymi a Villa, Santa Teresita, Cagayan. Awan ti sientipiko a pagbasaran ngem patien daytoy numo a gapu daytoy iti pannakailaok dagiti Ilokano kadagiti patneng iti Cagayan, partikular dagiti Iban...

Iti maikapito a pasalip ti Saniata Prize, inyalat ni Rene Boy E. Abiva ti Umuna a Gunggona iti Salip iti Daniw idinto a ni Prodie Gar. Padios ti nangyalat iti Umuna a Gunggona iti Salip iti Ababa a Sarita. Agnaed iti Cabanatuan, Nueva Ecija ken autor ti sumagmamano a libro iti Filipino, pinangyalat ni Abiva ti koleksion dagiti daniwna a “Depu, Lima nga Orasion ti Batbat Kontra Batibat ti Kagimongan”. Umawat daytoy iti PhP2,500.00 ken Sertipiko. Inyalat met ni Johmar R. Alvarez ti Maikadua a Gunggona babaen ti koleksion dagiti daniwna a “Ti Maudi a SONA Dagiti Kari Ken Ti Maudi A Kananakem ti Ili”. Umawat daytoy iti PhP2,000.00 ken Sertipiko. Ni Prodie Gar. Padios met ti nangyalat iti Maikatlo a Gunggona babaen ti koleksion dagiti daniwna a “Timpuak Ti Bantay Ket Rinaut Ken Intabonna Ti Kapanagan... ken Dadduma Pay a Dandaniw ti Giteb-Ritmo ti Nakaparsuaan”. Umawat daytoy iti PhP1,500.00 ken Sertipiko. Iti biang ti salip iti ababa a sarita, napauluan iti “Kigaw” ti ababa a sarit...

1: Arubuob Ammok daytoy karkarna a musika a dina sursuroten ti ania man a linteg wenno notasion, maysa a sala nga awanan tignay, simponia nga awanan paset. Umay a nakalitlitnaw kadagiti saniata ti kaltaang, kadagiti kayo nga agir-irair iti puyupoy, iti lawag ti bulan a naabbongan kadagiti dalluyon. Aggalgalangogong iti lapayag iti kanito nga agsabat dagiti ramayta, sa ti koro dagiti barisawsaw a bituen, aggiddato nga agkansion. Kumeddel a bisin, linia iti himno dagiti billit, alimunumon iti maysa a lallay. Umal-allangogan kadagiti dayyeng ti taaw a maitoktokar no nepnep, nasulit a pinartuat ti Kompositor dagiti kansion ti tudo. Agar-arasaas sagpaminsan iti lengguahe a nabangonak, nakakaskasdaaw a salamangka, napukpukaw idi nagsarday ti kinaubing, nga indulinko iti lengleng ti lagip.   Kepkepkepak ditoy barukongko, daytoy saringit ti maysa a kansion, a diak inmula tapno diak labsingen daytoy nasantuan a daga. Ditoy, agkansionak kad...

Sukatsukatek ti tunggal limdo Nga umarisabay Ti kada murkat: sandi ti ling-et Kada maipaw-it nga iliw Kadarato a damdamagek iti agsagni Umar-aripapa no daytoy kadi Ti naikudi Kiwarkiwarek tunggal sumipnget Uray ti bannawag ti sinamar umalipunget Agagneb payen ti banga Ti lanuti a mangakloaklo Kadagiti pinarnuayta a dalipato Ngem kaarigta gayam ti kulintaba Adayo unay ti mangmatimati a pangngadua No apay a dita maserregan Ketdi, sagatsagatenta ti naapgad Ti amil-amilenta a pannakaigadgad No apay ngamin; isu ngata ti naisagad A gasat Ngem mamatiak a duayyaenta a mulien Uray agsupadi ti panangimutektek No ania ti nagdumaanta   Isu ti pagsinsinanta    Uray kayuskosem nga imurdongan Nga ayan ti diro ti uyokan Isu ti patiem a pagkatungpalan Dagiti arapaap nga awanan nagan Ammok, dungngo,   iti kaunggam Limoglimogem met ti limdo Agaddayo ti maipasidong a karayo Ngem ammom kadi ? Tungal murkat Naynay a suknasuknal...

  i. masiudotak a kanayon nga agdardaras no apay ketdi a naimbento ti panagdardaras kamkamakamek a kankanayon ti oras kankanayon a mangkimkimkim iti kepkepko nga anus. no kuan mikismikisek daytoy mangliwengliweng nga abut ti siudad, kas man agnanayon a sikukursong kas kadagiti sakak: intartarayanna ti tarindanum ken tambak wenno dagiti kinelleng a nakairaepan ti kinakurapay ken saning-ik. diak latta maalaw ti riknak no apay a makilinlinnetletak iti siudad a nakaigayunggayongan ti diak maalut-ot a sakak pasaray agkupit ti sentidok iti kakakamakam kadagiti agsasala nga alikudog dagiti kasla lungon a lugan.   tayabek koma ti pagobraak no agbalinak a billubillo ngem masarakak ti bagik iti dung-aw ti di maung-ungpot a pila ti naynay a madadael nga mrt— malagipko ti adu pay a pila ti pagutangan, pagbuniagan, pagbayadan ken pagtayaan lotto. no koma adda paglakuan kadagiti masaysayang nga oras no kastoy a diak maabotan ti kamkamakamek nga oras d...

Mailukip latta dagiti kortina ti gukayab ti kutimermer Ket di magawidan ti makipinnerreng iti raya ti init Nga impasngay ti nakakayang a langit: gumteb—aggiteb Ti pitik ti biag iti saklot ti nagdalungdong iti nakasinsin-aw A lamiis: isikial dagiti ramay dagiti dakulap iti sep-ang Ti punganay: ket masdaawda iti agpitpitik a sangapirit A bara ti bukel ti kaimudingan— kadagiti murdong-tarumamis Dagiti rimmurog a sanga a nalettay iti panawen ti ruros, Mapursing dagiti kristal a sabong nga inwarakiwak ti law-ang Ket in-inut nga agdissoda iti lukong ti dakulap ti umang-anges a daga.             Agkarayam ti ramay ti raya...                         Tunawenna ti kimmalukop a sipnget— Ket aggilap ti isem ti malukaisan              ...